[᭒᭗ 27 B]
᭒᭗
ᬤᭂᬓᬶᬮ᭄᭞ᬬᬦᬶᬂᬳᬤᬶᬤᬓᬶᬂᬢᬸᬳᬸ᭞ᬫᬤᬲᬃᬓᬬᬸᬦᬾᬲ᭄ᬯᬾᬘ᭄ᬙ᭞ᬓᬮᬶᬄᬧᬕᭂᬄᬗᬫᭂᬮ᭄ᬚ᭠ᬜ᭄ᬚᬶ᭞ᬳᬶᬲ᭄ᬢ᭄ᬭᬶᬳᬬᬸ᭞ᬗᬫᬗ᭄ᬕᭂᬳᬂᬧᬢᬶᬩ᭄ᬭᬢ᭟ᬬᬦᬶᬂᬳᬤᬶᬢᬦ᭄ᬫᭂᬃᬮᬸᬳᬂ᭞ᬯᬃᬡ᭄ᬦᬩᬕᬸᬲ᭄ᬓᬮᬶᬄᬲᬸᬕᬶᬄ᭞ᬬᬦᬶᬂ
ᬳᬤᬶᬯᬦ᭄ᬢᬄᬲ᭄ᬯᬾᬘ᭄ᬙ᭞ᬉᬭᬶᬧ᭄ᬢᬶᬢᬶᬬᬂᬓᬵᬢᬹᬃᬲᬫᬶ᭞ᬓᬮᬶᬄᬬᬦ᭄ᬦᬾᬦ᭄ᬢᭂᬦ᭄ᬳᬚ᭄ᬭᬶᬄ᭞ᬦᬦ᭄ᬤᬗᬶᬦ᭄ᬪᬬ᭠ᬮᬦ᭄ᬮᬘᬸᬃ᭞ᬳᬤᬶᬧᬘᬂᬫᬗᭂᬦᬶᬬᬂ᭞ᬓᬯᬦ᭄ᬳᬶᬥᬸᬧ᭄ᬲᬢ᭄ᬬᬚᬜ᭄ᬚᬶ᭞ᬲᬹᬫᬸᬃᬳᬶᬤᬸᬧ᭄᭞ᬭᬶᬂᬤᬸᬦᬶᬬᬫᬶᬯᬄᬳᬳᬶᬭᬵ
ᬢ᭄᭟ᬩᭀᬬᬚᬫᬫᬶᬜᬦ᭄ᬢᭀᬬ᭞ᬳᬢᬹᬃᬢᬶᬢᬶᬬᬗᬾᬧᬸᬦᬶᬓᬶ᭞ᬲᬓᬾᬂᬚᬢᬶᬧᬧᭀᬮᭀᬲᬦ᭄᭞ᬳᬤᬶᬫᬗ᭄ᬤᬗᬶᬭᬶᬫ᭄ᬲᬸᬭᬢ᭄᭞ᬦᬶᬓᬘᬶᬭᬶᬦ᭄ᬓᬭᬶᬳᬾᬮᬶᬂ᭞ᬫᬾᬮᬦᬶᬦ᭄ᬢᬶᬢᬶᬬᬂᬳᬶᬉᬩᬸᬄ᭞ᬲᬵᬫ᭄ᬧᬸᬦᬂᬳᬤᬶ
ᬲᬗ᭄ᬲᬬ᭞ᬬᬤᬶᬦ᭄ᬯᬾᬦ᭄ᬢᭂᬦ᭄ᬳᬦᬓ᭄ᬳᬸᬦᬶᬂ᭞ᬫᬸᬮᬧᬵᬢᬹᬢ᭄᭞ᬩᭀᬬᬫᬫᬸᬭᬸᬕ᭄ᬮᬭᬗᬦ᭄᭟ᬲᬧᬸᬦᬶᬓᬤᬕᬶᬂᬲᬸᬭᬢ᭄᭞ᬲᬵᬫ᭄ᬧᬸᬦ᭄ᬲᬫᬶᬓᬩᬯᭀᬲᬶᬦ᭄᭞ᬢᬦ᭄ᬫᭂᬳᬯᬾᬦ᭄ᬢᭂᬦ᭄ᬩᬮᬲᬦ᭄᭞ᬳᬦᬓ᭄ᬳᬮᬶᬢ᭄ᬓᬢᬶᬢᬶᬧᬶ
[᭒᭘ 28 A]
ᬦ᭄᭞ᬮᬦᬂᬳᬃᬣᬫᬦᬫ᭄ᬧᬶ᭞ᬗᬢᬸᬕ᭄ᬢᬕ᭄ᬢᬗ᭄ᬓᬳᬾᬯᭂᬢᬸ᭞ᬭᬭᬶᬲ᭄ᬲᬸᬭᬢᬾᬓᬩᬸᬓᬓ᭄᭞ᬭᬯᬸᬳᬾᬲᬓᬾᬂᬳᬗ᭄ᬕ᭄ᬭᬾᬡᬶ᭞ᬤᬕᬶᬂᬳᬶᬧᬸᬦ᭄᭞ᬩᭂᬮᬶᬮᬦᬂᬳᬫ᭄ᬧᬸᬭᬬᬂ᭟ᬲᬸᬭᬢ᭄ᬩᭂᬮᬶᬦᬾᬭᬶᬂᬢᬶᬢᬶᬬᬂ᭞᭠
ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬫᬫᬯᭀᬲᬶᬦ᭄᭞ᬩᭀᬬᬢᬶᬢᬶᬬᬂᬫᬜᬫ᭄ᬧᬶᬗᬂ᭞ᬓᬤᬶᬦᬾᬫᬸᬗ᭄ᬕᬄᬭᬶᬂᬢᬸᬮᬶᬲ᭄᭞ᬳᬢᬹᬃᬢᬶᬢᬶᬬᬂᬯᬦ᭄ᬢᬄᬓᬶᬤᬶᬓ᭄᭞ᬭᬶᬂᬲᬸᬭᬢᬾᬲᬵᬫ᭄ᬧᬸᬦ᭄ᬫᬸᬗ᭄ᬕᬄ᭞ᬬᬦ᭄ᬩᭂᬮᬶᬦᬾᬦ᭄ᬢᭂᬦ᭄ᬳᬸᬮᬗᬦ᭄᭞᭠
ᬢᬶᬢᬶᬬᬂᬫᬫᬦᬄᬓᬧᬗ᭄ᬕᬶᬄ᭞ᬕᭂᬦᬄᬲᬸᬯᬸᬂ᭞ᬳᬶᬭᬶᬓᬭᬶᬂᬩᬸᬓᬶᬢ᭄ᬓᭂᬮᬩ᭄᭟ᬕᬸᬲ᭄ᬢᬶᬮᬦᬂᬳᬃᬣᬓᭀᬘᬧ᭄᭞ᬲᬵᬫ᭄ᬧᬸᬦ᭄ᬤᬦᬾᬕᭂᬮᬶᬲ᭄ᬗᬦ᭄ᬢᬶ᭞ᬳᬶᬭᬶᬓᬭᬶᬂᬩᬸᬓᬶᬢ᭄ᬓᭂᬮᬩ᭄᭞ᬧᬫᬃᬕ᭄ᬕᬶᬦᬾᬭᬗ᭄ᬓᬸᬂᬜᬶᬮᬶᬩ᭄᭞
ᬳᬚᬳᬦ᭄ᬲᬕᬾᬢ᭄ᬧ᭄ᬭᬵᬧ᭄ᬢᬶ᭞ᬳᬗ᭄ᬕ᭄ᬭᬾᬡᬶᬫᬦᬸᬢᬸᬕ᭄ᬭᬯᬸᬄ᭞ᬢᬍᬃᬤᬦᬾᬫᬳᬶᬭᬶᬗᬦ᭄᭞ᬯ᭠ᬬᬦ᭄ᬧᬸᬢᬸᬓᬧᬭᬩᬶᬦ᭄᭞ᬲᬳᬫᬵᬢᬹᬃ᭞ᬲᬸᬯᬾᬩᭂᬮᬶᬫᬗᬦ᭄ᬢᭀᬲᬂ᭟ᬮᬦᬂᬳᬃᬣᬭᬭᬶᬲ᭄ᬦᬶᬫ᭄ᬩᬮ᭄᭞ᬬ᭠
Kaca:Bali-lontar-geguritan-anggreni-300ppi.pdf/28
Kaca puniki sampun kauji-wacén
