[᭒᭖ 26 B]
᭒᭖
ᬮᬶᬄᬧᬗᬚᬸᬫ᭄᭞ᬳᬭᬧᬦ᭄ᬫᬦᭂᬫᬸᬲᬤ᭄ᬬ᭞ᬗᭂᬮᬶᬲᬂᬫᬦ᭄ᬢᬸᬓ᭄ᬦᬾᬫᬗ᭄ᬓᬶᬦ᭄᭞ᬲᬫ᭄ᬩᬶᬮ᭄ᬓᭂᬜᬸᬂ᭞ᬓᭂ᭠ᬜᬶᬃᬧᬦᬲ᭄ᬓᬳᬸᬚᬦᬦ᭄᭟ᬭᬱᬬᬂᬲᬸᬫᬗ᭄ᬓᬶᬦ᭄ᬲᬯᬂ᭞ᬮᬯᬸᬢ᭄ᬦᬸᬗᬤᬄᬓᬮᬗᬶᬢ᭄᭞ᬲᬕᬾᬢ᭄ᬗᭂᬦᬄᬘᬭᬶᬓ᭄ᬢᬶ
ᬫ᭄ᬩᬃ᭞ᬗᭂᬦᬄᬩᬸᬓᬶᬢ᭄ᬧᬸᬘᬓ᭄ᬲᬭᬶ᭞ᬕᬸᬦᬸᬂᬳᬕᬸᬂᬫᬗᬶᬮᬶᬲ᭄᭞ᬳᬦ᭄ᬤᬾᬬᬂᬳᭂᬫᬲ᭄ᬫᬲᭂᬧᬸᬄ᭞ᬢᬸ᭠ᬓᬤ᭄ᬲᬗ᭄ᬲᬗᬾᬢᬶᬗ᭄ᬕᬃ᭞ᬓᬬᬸᬦ᭄ᬳᬚᬸᬫ᭄ᬫᬗᬾᬥᬦᬶᬦ᭄᭞ᬭᬱᬉᬦ᭄ᬢᬸᬂ᭞ᬲᬸᬓᬢ᭄ᬢᬶᬢᬶᬬᬂᬤᬤᭀᬲ᭄ᬚᬦ᭄ᬫ᭟ᬧᬸᬦᬶ᭠
ᬓᬬᬦᬶᬂᬲᬫᬾᬦᬂ᭞ᬫᬶᬦᬩ᭄ᬧᬩᬸᬕ᭄ᬭᬳᬦ᭄ᬯᬶᬥᬷ᭞ᬓᬲᬸᬯᬾᬦ᭄ᬫᬦᬦ᭄ᬥᬂᬮᬭ᭞ᬳᬯᬦᬦ᭄ᬩᬶᬮᬂᬓᬧᬗ᭄ᬕᬶᬄ᭞ᬭᬱᬲᬤ᭄ᬬᬓᬢᬸᬭᬶᬦ᭄᭞ᬧᬗ᭄ᬤᬲᬫᬶᬧᬥᬢᬳᬸ᭞ᬳᬦ᭄ᬢᬸᬓ᭄ᬮᬾᬤᬗᬾᬢᬦ᭄ᬲᬫ᭞ᬬᬦ᭄ᬓᬧᬗ᭄ᬕᬶᬄᬳᬦᬓ᭄ᬳ᭠
ᬮᬶᬢ᭄᭞ᬤᬦᬾᬳᬲᬸᬂ᭞ᬫᬥᬦᬬᬂᬳᬦ᭄ᬢᬸᬓ᭄ᬚᬶᬦᬄ᭟ᬤᬾᬦᬶᬂᬯᬳᬸᬗ᭄ᬭᬱᬬᬂ᭞ᬍᬕᬦᬾᬗᭂᬩᭂᬓᬶᬦ᭄ᬕᬸᬫᬶ᭞ᬭᬭᬶᬲ᭄ᬤᬦᬾᬗᬯᬾᬲᬸᬭᬢ᭄᭞ᬤᬕᬶᬂᬲᬸᬭᬢ᭄ᬲᬧᬸᬦᬶᬓᬶ᭞ᬅᬤᬶᬳᬬᬸᬳᬗ᭄ᬕ᭄ᬭᬾᬡᬶ᭞ᬬᬤᬶᬦ᭄ᬲᬵᬫ᭄ᬧᬸᬦ᭄ᬳ
[᭒᭗ 27 A]
ᬤᬶᬧᬗ᭄ᬕᬸᬄ᭞ᬢᬗ᭄ᬓᬳᬾᬓᬭᬶᬗᬢᬸᬕ᭄ᬢᬕ᭄᭞ᬢᭂᬕ᭄ᬢᭂᬕᬂᬲᬸᬫᬗ᭄ᬓᬶᬦ᭄ᬧᬮᬶᬂ᭞ᬭᬱᬲᬸᬯᬸᬂ᭞ᬳᬢᬶᬦ᭄ᬢᬶ᭠ᬢᬶᬬᬗᬾᬦᬭᬯᬂ᭟ᬮᬦ᭄ᬢᬭᬦ᭄ᬫᬦᬳᬾᬍᬕ᭞ᬦᬶᬗᭂᬄᬧᬗᬦ᭄ᬤᬶᬓᬦ᭄ᬳᬤᬶ᭞ᬲᬶᬦᬄᬳᬤᬶᬓᬧᬶᬢᬺᬱ᭄ᬡ᭞ᬓᬮᬶᬄ
ᬓᬬᬸᬦ᭄ᬗᬮᬶᬗ᭄ᬕᬶᬳᬶᬦ᭄᭞ᬳᬤᬶᬜᬫ᭄ᬩᬸᬗᬂᬫᬮᬶᬄ᭞ᬢᬮᬶᬳᬭᬧᬦᬾᬧᬸᬢᬸᬲ᭄᭞ᬦᬾᬫᬗ᭄ᬓᬶᬦ᭄ᬢᬶᬢᬶ᭠ᬬᬂᬦᭂᬭᬗᬂ᭞ᬫᬗ᭄ᬤᬲᬵᬫ᭄ᬧᬸᬦ᭄ᬓᬤᬶᬳᬤᬶ᭞ᬩᬾᬜ᭄ᬚᬂᬧᬸᬗ᭄ᬓᬸᬃ᭞ᬫᬗ᭄ᬤᬲᬵᬫ᭄ᬧᬸᬦ᭄ᬫᬲᭂᬮ᭄ᬲᭂᬮᬦ᭄᭟ᬬᬦ᭄ᬯᬦ᭄ᬢᬄᬳᬤᬶ᭠
ᬫᬸᬯᬢᬂ᭞ᬯᬃᬡ᭄ᬦᬩᬕᬸᬲ᭄ᬓᬮᬶᬄᬲᬸᬕᬶᬄ᭞ᬤᬾᬦᬶᬂᬳᬤᬶᬲᬵᬫ᭄ᬧᬸᬦ᭄ᬜᬶᬗᬓ᭄᭞ᬭᬹᬧᬦ᭄ᬢᬶᬢᬶᬬᬂᬓᬤᬶᬫᬗ᭄ᬓᬶᬦ᭄᭞ᬮᬸᬤᬶᬦ᭄ᬩᭀᬘᭀᬓ᭄ᬢᬸᬭᬶᬂᬫᬶᬲ᭄ᬓᬶᬦ᭄᭞ᬬᬦ᭄ᬳᬦᬹᬢᬂᬓᬸᬭᬂᬳᬤᬸᬂ᭞ᬬᬦᬶᬂᬲᬵᬫ᭄ᬧᬸᬜ᭄ᬚᬢᬸᬓᬃᬫ᭄ᬫ᭞ᬢᬶᬢᬶᬬᬂᬫ᭠
ᬢᭂᬫᬸᬭᬶᬂᬳᬤᬶ᭞ᬲᬶᬦᬄᬳᬾᬭᬂ᭞ᬳᬤᬶᬫᬦᭂᬲᭂᬓ᭄ᬭᬶᬂᬢᬶᬢᬶᬬᬂ᭟ᬜᬦ᭄ᬤᬶᬗᬂᬳᭂᬫᬲ᭄ᬭᬶᬂᬮᭀᬕᬫ᭄᭞ᬤᬾᬦᬶᬂᬳᬤᬶᬓᬲᬸᬩ᭄ᬘᬦ᭄ᬢᬶᬓ᭄᭞ᬩᭂᬦᬂᬲᬸᬢᬺᬉᬧᬫᬶᬬᬂ᭞ᬦᬾᬗᬯᬶᬦᬂᬢᬶᬢᬶᬬᬂᬳᬶᬭᬶ᭞ᬳᬾᬮᬶᬂᬭᬶᬂᬕᭀᬩᬦᬾ
Kaca:Bali-lontar-geguritan-anggreni-300ppi.pdf/27
Kaca puniki sampun kauji-wacén
