[᭒᭕ 25 B]
᭒᭕
ᬳᬚᭂᬕ᭄ᬫᬗᬋᬧᬾ᭞ᬓᭂᬲᬶᬭᬶᬦ᭄ᬳᬗᬶᬦ᭄ᬲᬗ᭄ᬲᬬ᭞ᬲᬶᬭᬢᬫᬗ᭄ᬓᬶᬦ᭄ᬲᭂᬫᭂᬗᬦ᭄᭞ᬮᬦᬂᬳᬃᬣᬓᬭᬶᬢᬓᬸᬢ᭄᭞ᬧᬘᬂᬫᬢᭂᬫᬸᬤᬶᬚᬮᬦ᭄᭟ᬬᬦ᭄ᬤᬦᬾᬲᭂᬥᭂᬓ᭄ᬭᬶᬂᬫᬃᬕ᭄ᬕᬶ᭞ᬧᬫᬃᬕ᭄ᬕᬶᬦᬾᬕᬕᭂᬮᬶᬲᬦ᭄᭞ᬚᭂ
ᬭᬶᬄᬫᬢᭂᬫᬸᬫᬸᬯᬦᬾ᭞ᬓᬤᬶᬜᭂᬮ᭄ᬲᭂᬮ᭄ᬗᬶᬭᬶᬫ᭄ᬲᬸᬭᬢ᭄᭞ᬧᬦᬄᬮᬗ᭄ᬓᬸᬂᬧᬶᬢᬸᬂᬤᬶᬦᬵ᭞ᬢᬦ᭄ᬯᬾᬦ᭄ᬢᭂᬦ᭄ᬩᬍᬲᬦ᭄ᬭᬯᬸᬄ᭞ᬧᭂᬮᬸᬳᬾᬧᭂᬲᬸᬤᬕᬶᬤᬢ᭄᭟ᬳᬗ᭄ᬕ᭄ᬭᬾᬡᬶᬫᬭᬯᬢ᭄ᬲᬳᬶ᭞ᬓᬦ᭄ᬢᭀᬲ᭄ᬓᭂᬘᬸᬤ᭄ᬩᬵᬦ᭄ᬫ
ᬕᬤᬂ᭞ᬗᬢᬸᬕ᭄ᬢᬕ᭄ᬲᬳᬶᬢᬗ᭄ᬓᬳᬾ᭞ᬘᬭᬶᬢᬫᬗ᭄ᬓᬶᬦ᭄ᬤᬶᬚᬮᬦ᭄᭞ᬚᬗ᭄ᬕᭂᬮ᭄ᬢᬶᬦ᭄ᬤᬓᬾᬫᬓᭂᬲ᭄ᬬᬩ᭄᭞ᬥᬸᬳᬸᬭᬾᬳᬸᬦ᭄ᬢᬸᬓᬂᬢᬸᬯᬸᬦ᭄᭞ᬤᬾᬦᬶᬂᬳᬗ᭄ᬕ᭄ᬭᬾᬡᬶᬬᬢᭂᬓ᭟ᬩᭂᬮᬶᬮᬦᬂᬗᬸᬤᬕᭂᬲᬶᬢ᭄᭞ᬧᬶᬢᬸᬂ᭠
ᬤᬶᬦᬵᬢ᭄ᬯᬭᬗᭂᬦᬄ᭞ᬬᬦᬶᬂᬗᭂᬦᬄᬤᬶᬫᬃᬕ᭄ᬕᬶᬦᬾ᭞ᬩᭂᬮᬶᬕᭂᬮᬶᬲ᭄ᬫᬳᬮᬶᬗᬦ᭄᭞ᬮᬦᬂᬳᬃᬣᬭᬭᬶᬲ᭄ᬦᬶᬫ᭄ᬩᬮ᭄᭞ᬩᬩᬯᭀᬲᬾᬓᬤᬶᬕᬸᬕᬸᬧ᭄᭞ᬍᬓ᭄ᬧᬶᬲᬦ᭄ᬢᬶᬢᬶᬬᬂᬫᬧᬧᬲ᭄᭟ᬳᬗ᭄ᬕ᭄ᬭᬾᬡᬶᬭᬭᬶᬲ᭄ᬜᬳᬸᬭᬶᬦ᭄᭞
[᭒᭖ 26 A]
ᬦᬾᬦ᭄ᬢᭂᬦ᭄ᬧᬵᬢᬹᬢ᭄ᬩᭂᬮᬶᬳᬾᬭᬂ᭞ᬫᬳᬶᬦᬩ᭄ᬳᬦ᭄ᬢᬸᬓ᭄ᬲᬸᬭᬢᬾ᭞ᬲᬸᬭᬢ᭄ᬩᭂᬮᬶᬮᬗ᭄ᬓᬸᬂᬳᬶᬦ᭄ᬥᬄ᭞ᬗᬯᭂᬢ᭄ᬯᬂᬫᬦᬄᬯᭂᬮᬲ᭄᭞ᬤᬕᬶᬂᬲᬸᬭᬢ᭄ᬗᭂᬢᬸᬲ᭄ᬓᬬᬸᬦ᭄᭞ᬗᬯᬾᬲᭂᬥᬶᬄᬓᬩ᭄ᬬᬸᬧᬭᬦ᭄᭟ᬢᬶᬢᬶᬬᬂᬢᬫ᭄ᬩᭂ
ᬢ᭄ᬦᬾᬦ᭄ᬢᭂᬦ᭄ᬲᬳᬶᬄ᭞ᬧᬘᬂᬗ᭄ᬯᬍᬲ᭄ᬳᬦ᭄ᬢᬸᬓ᭄ᬲᬸᬭᬢ᭄᭞ᬮᬦᬂᬳᬃᬣᬧᬲᬳᬸᬭᬾ᭞ᬢᬶᬢᬶᬬᬂᬦᬾᬦ᭄ᬢᭂᬦ᭄ᬦᬸᬦᬲ᭄ᬩᬮᬲᬦ᭄᭞ᬓᬾᬯᬦ᭄ᬢᭂᬦ᭄ᬧᬶᬦᬸᬦᬲ᭄ᬢᬶᬢᬶᬬᬂ᭞ᬲᬵᬫ᭄ᬧᬸᬦᬂᬗᭂᬮᬶᬤᬂᬧᬬᬸᬂ᭞ᬭᬶᬂᬲᬂᬚᬕᬫᬲᬬᬸᬩᬦ᭄᭟ᬧᬶ
ᬢᭂᬓᭂᬢᬾᬲᬋᬂᬓᬮᬶᬄ᭞ᬲᬓᬶᬂᬲᬸᬯᬾᬲᬫᬶᬜᬯᬂ᭞ᬫᬗ᭄ᬓᬶᬦ᭄ᬲᬶᬤ᭄ᬥᬧᬢᭂᬫᬸᬦᬾ᭞ᬲᬂᬓᬮᬶᬄᬲᬫᬶᬕᬸᬕᬸᬧᬦ᭄᭞ᬲᬫᬶᬫᬧᬧᬲ᭄ᬫᬘᬶᬗᬓ᭄᭞ᬧᬧᬶᬦᭂᬳᬾᬘᬸᬮᬸᬓ᭄ᬤᬶᬓᬬᬸᬦ᭄᭞ᬓᬶᬮᬸᬗᬂᬮᬶᬥᬄᬳᬓᬶᬢᬮ᭄᭟᭠
᭚᭜᭚ᬧᬸᬧᬸᬄᬲᬶᬦᭀᬫ᭄᭚᭜᭚ᬤᬾᬦᬶᬂᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬲᬶᬦᬄ᭞ᬲᬸᬭᬢᬾᬓᬢ᭄ᬭᬶᬫᬩᭂᬘᬶᬓ᭄᭞ᬳᬶᬘᬮ᭄ᬓᬬᬸᬦᬾᬲᬗ᭄ᬲᬬ᭞ᬩᭀᬬᬓᬤᬶᬩᬢᬸᬓᬮᬶ᭞ᬉᬮᬸᬂᬓᬧᬗ᭄ᬓᬸᬗᬾᬳᬶᬮᬶᬤ᭄᭞ᬧᬶᬗ᭄ᬓᬮᬶᬄᬧᭀ
Kaca:Bali-lontar-geguritan-anggreni-300ppi.pdf/26
Kaca puniki sampun kauji-wacén
