[᭒᭙ 29 B]
᭒᭙
ᬦ᭄ᬢᭂᬦ᭄ᬭᬶᬂᬓᬬᬸᬦ᭄᭞ᬢᬭᬶᬫᬚᬳᬢᬹᬃᬢᬶᬢᬶᬬᬂ᭞ᬗᬶᬭᬶᬂᬢᬶᬢᬶᬬᬂᬲᬋᬂᬳᬤᬶ᭞ᬦᭂᬫ᭄ᬧᬸᬄᬳᬶ᭠ᬤᬸᬧ᭄᭞ᬫᬓᬫᬸᬮᬦ᭄ᬳᬦ᭄ᬢᬸᬓ᭄ᬘᬶᬦ᭄ᬢ᭟ᬬᬦ᭄ᬳᬤᬶᬲᬵᬫ᭄ᬧᬶᬦ᭄ᬜᬶᬳ᭄ᬦᬬᬂ᭞ᬦᬸᬤᬸᬓ᭄ᬢᬶᬢᬶᬬᬂᬚᬦ᭄ᬫᬫᬶᬲ᭄ᬓᬶᬦ᭄᭞ᬢᬶ᭠
ᬢᬶᬬᬂᬦᬾᬦ᭄ᬢᭂᬦ᭄ᬧᬸᬭᬸᬦ᭄ᬢᬸᬮᬓ᭄᭞ᬲᬧᬗᬸᬥᬸᬄᬢᬶᬢᬶᬬᬂᬗᬶᬭᬶᬂ᭞ᬦᬵᬗ᭄ᬳᬶᬂᬬᬦ᭄ᬯᬦ᭄ᬢᬄᬳᬤᬶᬫᬸᬮᬢᬦ᭄ᬫᬦ᭄ᬢᬸᬓ᭄ᬭᬶᬂᬓᬬᬸᬦ᭄᭞ᬦᬾᬦ᭄ᬢᭂᬦ᭄ᬲᭂᬦᭂᬂᬭᬶᬂᬢᬶᬢᬶᬬᬂ᭞ᬧᬱ᭄ᬝᬶᬬᬂᬭᬶᬂᬢᬶᬢᬶᬬᬂᬫᬗ᭄ᬓᬶᬦ᭄᭞ᬲᬵᬫ᭄ᬧᬸ
ᬦ᭄ᬓᬶᬫᬸᬤ᭄᭞ᬭᬸᬫᬲᬢᬂᬗᬚᬓ᭄ᬜᬫ᭟ᬳᬗ᭄ᬕ᭄ᬭᬾᬡᬶᬳᬢᬹᬭᬾᬩᬦ᭄ᬩᬦ᭄᭞ᬩᭀᬬᬲᬧᬸᬦᬶᬓ᭠ᬩᭂᬮᬶ᭞ᬩᭀᬬᬕᭂᬤᭂᬕ᭄ᬫᬦᬄᬢᬶᬢᬶᬬᬂ᭞ᬤ᭄ᬯᬦᬶᬂᬢᬶᬢᬶᬬᬂᬲᬵᬫ᭄ᬧᬸᬦ᭄ᬳᬸᬦᬶᬂ᭞ᬫᬸᬮᬩᭂᬮᬶᬲ᭄ᬯᬾᬘ᭄ᬙᬩᬸᬤ᭄ᬥᬶ᭞ᬓᬦ᭄ᬢᬶ᭠
ᬦ᭄ᬢᬶᬢᬶᬬᬗᬾᬓᬮᬗ᭄ᬓᬸᬂ᭞ᬳᬾᬮᬶᬂᬭᬶᬂᬩᭂᬮᬶᬗᬭᬕ᭞ᬦᬵᬗ᭄ᬳᬶᬂᬩᭂᬮᬶᬲᬧᬸᬦᬶᬓᬶ᭞ᬢᬶᬢᬶᬬᬂᬢᬓᬸᬢ᭄᭞ᬧᬘᬂᬓᬮᬶᬧᬸᬢ᭄ᬩᬜ᭄ᬘᬶᬦ᭄ᬢ᭟ᬳᬓᬾᬳᬦᬓᬾᬫᬦᬯᬂ᭞ᬫᬗᬸᬩᭂᬃᬓᬤᬶᬫᬮᬳᬶᬩ᭄᭞ᬫᬗ᭄ᬭᬜ᭄ᬚᬶᬂᬢᭂᬗ᭠
[᭓᭐ 30 A]
ᬳᬶᬳᬮᬲ᭄᭞ᬕᭂᬮᬶᬲᬂᬭᬭᬶᬲ᭄ᬩᬸᬭᬸᬯᬶᬦ᭄᭞ᬲᬬᬦ᭄ᬚᭀᬄᬬᬫᬮᬳᬶᬩ᭄᭞ᬓᬶᬥᬗᬾᬲᬸᬫᬗ᭄ᬓᬶᬦ᭄ᬓᭂᬧᬸᬂ᭞ᬧᬸᬧᬸᬢ᭄ᬧᬮᬶᬂᬢᭂᬗᬄᬳᬮᬲ᭄᭞ᬢᭂᬗᬄᬳᬮᬦ᭄ᬲᬦᬾᬲᬺᬩᬶ᭞ᬫᬦᬄᬫᬦ᭄ᬢᬸᬓ᭄᭞ᬦᬵᬗ᭄ᬳᬶᬂᬦᬾᬦ᭄ᬢᭂᬦ᭄ᬧᭀ᭠
ᬮᬶᬄᬚᬮᬦ᭄᭟ᬚᭂᬭᬶᬳᬾᬧᬘᬂᬓᬩᬦ᭄ᬥ᭞ᬳᬦ᭄ᬢᬸᬓ᭄ᬤᭂᬫᭂᬦᬾᬉᬮᬸᬭᬶᬦ᭄᭞ᬤᬾᬦᬶᬂᬢᬶᬢᬶᬬᬂᬓᬦ᭄ᬢᬸ᭠ᬦ᭄ᬩᬚᬦ᭄᭞ᬫᬳᬸᬫᬄᬭᬶᬂᬤᬸᬲᬸᬦ᭄ᬯ᭄ᬬᬓ᭄ᬢᬶ᭞ᬇᬩᬸᬦ᭄ᬢᬶᬢᬶᬬᬂᬦᬾᬦ᭄ᬢᭂᬦ᭄ᬓᬭᬶ᭞ᬰᬮᬶᬄᬫᬶᬲ᭄ᬓᬶᬦ᭄ᬫᬶᬯᬄᬉᬩᬸᬄᬢᬹᬭᬶᬦᬾᬦ᭄ᬢᭂ
ᬦ᭄ᬫᬤᬸᬯᬾᬜᬫ᭞ᬦᬵᬗ᭄ᬳᬶᬂᬧᭂᬃᬘ᭄ᬘᬬᬭᬶᬗ᭄ᬳᬢᬶ᭞ᬲᬓᬾᬂᬢᬸᬳᬸ᭞ᬓᬬᬸᬦ᭄ᬩᭂᬮᬶᬦᬾᬦᬶᬃᬫ᭄ᬫᬮ᭟ᬯᬦ᭄ᬢᬄᬲᬧᬸᬦᬶᬓᬧᬶᬲᬦ᭄᭞ᬢᬢᬸᬚᭀᬦ᭄ᬫᬦᬳᬾᬫᬗ᭄ᬓᬶᬦ᭄᭞ᬤᬾᬦᬶᬂᬧᭂᬃᬘ᭄ᬘᬬᬭᬶᬂᬫᬦᬄ᭞ᬦᬾᬦᬵᬢᭂᬦ᭄ᬯᬾᬦ᭄ᬢᭂᬦ᭄ᬫᬦᬄ᭠
ᬤᬺᬗ᭄ᬕᬶ᭞ᬲᬰᬶᬫᬦᬳᬾᬰᬸᬘᬶ᭞ᬭᬶᬂᬲᬫᬶᬢᬶᬫ᭄ᬧᬮ᭄ᬫᬕᬸᬩᬸᬕ᭄᭞ᬮᬦᬂᬳᬃᬣᬭᬭᬶᬲ᭄ᬦᬶᬫ᭄ᬩᬮ᭄᭞ᬬᬜ᭄ᬚᬢᬶᬓᬬᬸᬦᬾᬰᬸᬘᬶ᭞ᬫᬤᬓ᭄ᬳᬲᬸᬂ᭞ᬲᬂᬳ᭄ᬬᬂᬯᬶᬥᬷᬳᬶᬤᬲ᭄ᬯᬾᬘ᭄ᬙ᭟ᬲᭂᬫ᭄ᬩᬳᬾᬲᬵᬫ᭄ᬧᬸᬦ᭄ᬗᭂᬗ᭄ᬲᬧᬂ᭞ᬓᬵᬮᬮᬾᬤᬂ
Kaca:Bali-lontar-geguritan-anggreni-300ppi.pdf/30
Kaca puniki sampun kauji-wacén
