[᭒᭐ 20 B]
᭒᭐
ᬲᬫ᭄ᬧᬶᬗᬦᬾᬧᬤᬶᬓᬸᬦᬶᬂ᭞ᬧᬫᬦ᭄ᬤᬗᬦ᭄ᬲᬫᬶᬳᬶᬦ᭄ᬤᬄ᭞ᬫᬦᬫ᭄ᬩᭂᬳᬸᬮᬗᬸᬦ᭄᭞ᬲ᭄ᬭᬾᬬᭀᬓᬦ᭄ᬢᭀᬬᬭᬶᬂᬢᬸᬓᬤ᭄᭞ᬓᬶᬂᬦᬶᬥᬸᬗᬦ᭄᭞ᬢᭂᬫ᭄ᬩᬂᬳᬶᬧᬗᬗᭀᬦ᭄ᬲᬫ᭄ᬧᬶ᭞ᬫᬗᬶᬩᬸᬃᬫᬦᬳᬾᬭᬸᬦ᭄ᬢᬕ᭄᭟ᬗᬸ᭠
ᬤ᭄ᬬᬂᬓᬦ᭄ᬢᭀᬲ᭄ᬧᬶᬦᬄᬓᬮᬶᬄᬯᬳᬶ᭞ᬭᬱᬲᬗ᭄ᬓᬦ᭄᭞ᬦᬧᬶᬧᬜᬓᬶᬢ᭄ᬜ᭞ᬫᬢᬓᭀᬦ᭄ᬤᬍᬫ᭄ᬳᬢᬶᬦᬾ᭞ᬭᬜ᭄ᬚᬶᬗᬂᬢᬗᬦ᭄ᬭᬶᬂᬲᬓᬸ᭞ᬤᬤᬶᬫ᭄ᬭᬱᬫᬦᭂᬫ᭄ᬧᬸᬄᬢᬸᬮᬶᬲ᭄᭞ᬢᬗ᭄ᬓᬳᬾᬤᬤᬶᬭᬸᬦ᭄ᬢᬕ᭄᭞ᬳᬾ
ᬮᬶᬂᬚ᭄ᬭᭀᬦᬶᬂᬓᬬᬸᬦ᭄᭞ᬭᬶᬂᬲᬦᬾᬗᬶᬭᬶᬫᬂᬲᬸᬭᬢ᭄᭞ᬢ᭄ᬯᬄᬳᬗ᭄ᬕ᭄ᬭᬾᬡᬶᬫᬗ᭄ᬓᬶᬦ᭄ᬲᬶᬦᬄᬦᬾᬜᬓᬶᬢᬶᬦ᭄᭞ᬩᭀᬬᬩᬶᬗᬸᬂᬩᭀᬬᬏᬤᬦ᭄᭟ᬲᬓᬶᬢ᭄ᬘᬶᬦ᭄ᬢᬦᬵᬗ᭄ᬳᬶᬂᬫᬶᬭᬶᬩ᭄ᬩᭂᬘᬶᬓ᭄᭞ᬬᬾᬦᬶᬂᬓᭂᬦ᭞ᬓᭀ
ᬩᭂᬢ᭄ᬫᬗᬶᬘᬮᬂ᭞ᬤᬾᬦᬶᬂᬜᬸᬲᬸᬧ᭄ᬤᬶᬳᬢᬶᬦᬾ᭞ᬲᬤᬸᬓᬾᬫᬗᬭᬶᬢ᭄ᬧᬦ᭄ᬢᬸᬦ᭄᭞ᬳᬶᬭᬶᬓᬲᬗ᭄ᬓ᭠ᬮᬶᬄᬓᭂᬦᬶ᭞ᬧᬦᬄᬳ᭄ᬬᬂᬲ᭄ᬫᬵᬭᬫᬫ᭄ᬭᬢ᭄᭞ᬚᭀᬤᭀᬜᬫ᭄ᬩᬸᬂᬳᬶᬤᬸᬧ᭄᭞ᬕᬦ᭄ᬢᭀᬲᬾᬫᬦᭂᬫᬸᬪᬕ᭄ᬬ᭞ᬲᬵ
[᭒᭑ 21 A]
ᬫ᭄ᬧᬸᬦ᭄ᬢᭂᬭᬂ᭞ᬫᬕᬫ᭄ᬩᬃᬤᬶᬚ᭄ᬭᭀᬦᬶᬗ᭄ᬳᬢᬶ᭞ᬭᬶᬂᬤᬸᬦᬶᬬᬮᬦ᭄ᬭᬶᬂᬳᬳᬶᬭᬵᬢ᭄᭟ᬭᬶᬂᬦᬸᬚᬸᬦᬾᬫᬦᭂᬕᬓ᭄ᬧᬤᬶᬤᬶ᭞ᬓᬲᭂᬧᬶᬬᬦ᭄᭞ᬗᬢᬶᬳᬢᬶᬲᬜ᭄ᬚ᭞ᬫᬤᬓ᭄ᬧᬗ᭄ᬕᬶᬄᬤᬶᬓᬬᭂᬳᬾ᭞ᬦᬵᬗ᭄ᬳᬶᬂᬲᬵᬫ᭄ᬧᬸᬦᬾ
ᬧᬗ᭄ᬕᬸᬄ᭞ᬩᬶᬩᬶᬳᬾᬳᭂᬗ᭄ᬕᬂᬢᬓᬸᬢ᭄ᬫᬫᬸᬜᬶ᭞ᬕᬸᬕᬸᬧᬾᬫᬗᬯᬶᬦᬂ᭞ᬲᬫᬶᬧᬥᬗᬸᬦ᭄ᬢᬸᬓ᭄᭞ᬳᬗ᭄ᬕ᭄ᬭᬾᬡᬶᬬᬘᬭᬶᬢᬬᬂ᭞ᬗ᭄ᬕᬯᬾᬲᬸᬭᬢ᭄᭞ᬓᬶᬭᬶᬫᬂᬭᬶᬂᬤᬬᬸᬭᬹᬓ᭄ᬫᬶ᭞ᬤᬾᬦᬶᬂᬩᬋᬂᬳᬲᭂᬓᭀᬮᬄ᭚᭜᭚ᬧᬸ᭠
ᬧᬸᬄᬕᬶᬦᬤ᭚᭜᭚ᬲᬤᬸᬓᬾᬫᬓᬵᬃᬬ᭄ᬬᬲᬸᬭᬢ᭄᭞ᬮᬗᬶᬢᬧ᭄ᬥᬕᬮᬂᬲᬫᬶ᭞ᬢᬶᬢᬶᬬᬂᬦᭂᬕᬓ᭄ᬧᭂᬤᬶᬤᬶᬬᬦ᭄᭞ᬳᬚᬶᬓᬭᬶᬗᬭᬶᬢ᭄ᬧᬦ᭄ᬢᬸᬦ᭄᭞ᬤᬤᬶᬳᬶᬗᭂᬢ᭄ᬢᭂᬓᬾᬦ᭄ᬳᬶᬤ᭞ᬫᬍᬤ᭄ᬕᬢᬶ᭞ᬫᬫᬦᬄᬮᬸ᭠
ᬯᬲ᭄ᬓᬓᭀᬣ᭟ᬓᬧᬗ᭄ᬕᬶᬄᬢᭂᬓᬾᬦᬂᬳᬶᬤ᭞ᬦᬵᬗ᭄ᬕᬶᬂᬯᬓ᭄ᬢᬸᬦᬾᬦ᭄ᬢᭂᬦ᭄ᬧᭀᬮᬶᬄ᭞ᬲᬤ᭄ᬬᬧᬘᬂᬫᬗᬢᬹᬭᬂ᭞ᬳᬦᬓ᭄ᬢᬸᬯᬄᬫᬗ᭄ᬓᬶᬦ᭄ᬭᬯᬸᬄ᭞ᬯᬢᬭᬳᬶᬧᬶᬢᬸᬩᬸᬮᬦ᭄᭞ᬭᬯᬸᬄᬫ᭄ᬭᬶᬓᬶ᭞ᬳᬦᬓ᭄ᬢ᭄ᬭᬸᬡᬲᬓᬶᬂᬲᬲᬓ᭄᭟
Kaca:Bali-lontar-geguritan-anggreni-300ppi.pdf/21
Kaca puniki sampun kauji-wacén
