[᭑᭙ 19 B]
᭑᭙
ᬳᬮᬫᬾᬮᬸᬳᬸᬂ᭞ᬳᬶᬗᭂᬢ᭄ᬳᬚᬶᬲᬤᬸᬓᬾᬭᬶᬳᬶᬦ᭄᭞ᬤᬸᬕᬲ᭄ᬳᬚᬶᬦᬸᬢ᭄ᬭᬸᬡ᭞ᬧᬶᬧᬶᬲ᭄ᬗᭂᬮᬄᬮᬶᬬᬸ᭞ᬓᭂᬦᭂᬄᬳᬚᬶᬲᬳᬶᬍᬕ᭞ᬲᬶᬂᬳᬶᬢᬸᬗᬂ᭞ᬫᬶᬭᬶᬩ᭄ᬢᬸᬲᬶᬂᬧᬘᬂᬫᬗ᭄ᬕᬶᬄ᭞ᬧᬓᭀᬩᭂᬢ᭄ᬫᬶᬯᬄᬲᬗ᭄ᬲᬭ᭟ᬩ᭄ᬯᬶ᭠
ᬦ᭄ᬳᬚᬳᬦ᭄ᬧᬘᬂᬢᭂᬓᬫᬳᬶᬳᬤᬶᬦ᭄ᬮᬦᬂ᭞ᬫᬗᬩᬬᬂᬯᬾᬤ᭞ᬓᬮᬶᬄᬗᬩᬳᬚᭂᬗᬦᬾ᭞ᬓᬜ᭄ᬘᬶᬢ᭄ᬦᬾᬫᬗ᭄ᬓᬶᬦ᭄ᬭᬯᬸᬄ᭞ᬫᬦᬸᬯᬸᬢ᭄ᬧᬸᬦ᭄ᬤᬸᬓᬦ᭄ᬭᬶᬂᬘᬭᬶᬓ᭄᭞ᬳᬦᬓ᭄ᬳᬶᬲ᭄ᬢ᭄ᬭᬶᬫᭂᬂᬧᭂᬂᬩᬚᬂ᭞ᬳᬶᬭᬶᬗᬦ᭄ᬤᬶᬧᬸᬗ᭄ᬓᬸᬃ᭞ᬕᬸᬲ᭄ᬢᬶᬮ
ᬦᬂᬳᬃᬣᬓᬕ᭄ᬬᬢ᭄᭞ᬯᬳᬸᬜᬶᬗᬓ᭄᭞ᬳᬶᬕᬸᬲ᭄ᬢᬶᬳᬬᬸᬳᬗ᭄ᬕ᭄ᬭᬾᬡᬶ᭞ᬭᬯᬸᬄᬫᬜᬸᬳᬸᬦ᭄ᬧᬦᬭᬓ᭄᭟ᬕᬸᬲ᭄ᬢᬶᬳᬬᬸᬳᬗ᭄ᬕ᭄ᬭᬾᬡᬶᬫᬗᬓ᭄ᬱᬶᬮᬦᬂᬳᬃᬣ᭞ᬓᬬᬸᬦᬾᬗᬭᬸᬦ᭄ᬢᬕ᭄᭞ᬲᭂᬫᬸᬩᬭᬓ᭄ᬧ᭄ᬭᬭᬳᬶᬦᬾ᭞ᬮ
ᬦᬂᬳᬃᬣᬫᬲᬶᬄᬧᬢᬸᬄ᭞ᬳᬚᬶᬦᬾᬗᬦ᭄ᬤᬶᬓᬳᬭᬶᬲ᭄᭞ᬦᬄᬦᬾᬬᬲᬸᬩᬢᭂᬓ᭞ᬤᬶᬳᬾᬲ᭄᭠ᬳᬾᬫ᭄ᬧᬾᬫᬲᬸᬓ᭄᭞ᬚᬦᬶᬬᬲᬸᬩᬓᬮᬸᬯᬃ᭞ᬉᬮᬶᬲᬓᭀᬮᬄ᭞ᬳᬗ᭄ᬕ᭄ᬭᬾᬡᬶᬳᬤᬦᬶᬦ᭄ᬳᬚᬶ᭞ᬮᬦᬂᬳᬃᬣᬭᬭᬶ
[᭒᭐ 20 A]
ᬲ᭄ᬗᬸᬘᬧ᭄᭟ᬳᬶᬗ᭄ᬕᬶᬄᬳᬚᬶᬧᬗ᭄ᬕᬶᬳᬶᬦ᭄ᬢᬶᬢᬶᬬᬂᬳᬶᬩᬶᬲᭂᬥᭂᬓ᭄ᬳᬸᬚᬦ᭄᭞ᬭᬶᬂᬜ᭄ᬚᬸᬂᬧᬥᬂᬢᬸᬗ᭄ᬕᬮ᭄᭞ᬲᬓᬶᬂᬲᬶᬡ᭄ᬥᬸᬓᭂᬫ᭄ᬩᬮᬶᬦᬾ᭞ᬳᬗ᭄ᬕ᭄ᬭᬾᬡᬶᬭᬭᬶᬲ᭄ᬫᬵᬢᬹᬃ᭞ᬲ᭄ᬮᬗᬶᬦ᭄ᬢᬶᬢᬶᬬᬂᬧᬚᭂᬂᬦᬾᬳᬶᬩᬶ᭞ᬗ᭄ᬭᬕᬫᬦ᭄ᬢᬸᬓ᭄ᬩᬲᬄ᭞
ᬓᬦ᭄ᬢᭀᬲ᭄ᬮᬶᬗ᭄ᬲᬶᬃᬮᬸᬘᬸᬢ᭄᭞ᬳᬗ᭄ᬕ᭄ᬭᬾᬡᬶᬭᬭᬶᬲ᭄ᬗ᭄ᬮᬦ᭄ᬢᬸᬭᬂ᭞ᬲᬓᬶᬂᬗᬯᬶᬢ᭄᭞ᬓᬦ᭄ᬢᭀᬲ᭄ᬧᬗᬸᬲ᭠ᬦᬦ᭄ᬲᬫᬶ᭞ᬳᬚᬶᬦᬾᬭᬭᬶᬲ᭄ᬳᬗᬸᬘᬧ᭄᭟ᬧᬮᬶᬂᬫᭂᬮᬄᬓᭂᬦᭂᬄᬮᬦᬗᬾᬚᬢᬶᬗᬚᬓ᭄ᬜᬫ᭞ᬧᬥᬩᬋᬂᬭᬶ
ᬗᬦ᭄᭞ᬬᬤᬶᬦ᭄ᬲᬂᬦ᭄ᬭᬶᬫᬪᬸᬤ᭄ᬥᬶᬦᬾ᭞ᬢᭀᬧᬧᬶᬦᭂᬄᬧᬶᬦᭂᬳᬕᬸᬂ᭞ᬦᬾᬫᬗ᭄ᬓᬶᬦ᭄ᬕᭂᬮᬶᬲᬦ᭄ᬮᬶᬗ᭄ᬲᬶᬃ᭞ᬳᬚᬶᬦᬾᬗ᭄ᬭᬭᬶᬲ᭄ᬩᬸᬤᬮ᭄᭞ᬳᬗ᭄ᬕ᭄ᬭᬾᬡᬶᬫᬦᬸᬢᬸᬕ᭄᭞ᬤᬶᬦᬸᬚᬸᬦᬾᬫᬩᭂᬮᬲᬦ᭄᭞ᬮᬦᬂᬳᬃᬣ᭞ᬳᬗ᭄ᬕ᭄ᬭᬾᬡᬶ
ᬦᬾᬓᬥᬶᬗᬓᬶᬦ᭄᭞ᬓᬶᬢᬮ᭄ᬩᬶᬩᬶᬳᬾᬫᬗᬸᬘᬧ᭄᭟ᬯᬸᬲ᭄ᬧᬸᬦᬶᬓᬯᬳᬸᬤᬦᬾᬫᬸᬮᬶᬄ᭞ᬲᬵᬫ᭄ᬧᬸᬦ᭄ᬲᬯᬢ᭄᭞ᬓᬭᬶᬓᬘᬶᬗᬓᬦ᭄᭞ᬲᬂᬢᬶᬕᬵᬮᭀᬦ᭄ᬧᬫᬃᬕᬶᬦᬾ᭞ᬫᬦᬸᬳᬸᬢ᭄ᬧᬸᬦ᭄ᬤᬸᬓᬦ᭄ᬫᬦ᭄ᬢᬸᬓ᭄᭞ᬭᬶᬂ
Kaca:Bali-lontar-geguritan-anggreni-300ppi.pdf/20
Kaca puniki sampun kauji-wacén
