[᭑᭘ 18 B]
᭑᭘
ᬩ᭄᭞ᬧᭂᬃᬢᬸᬓᬗᬦ᭄ᬢᬹᬃᬩᬳᬷᬓ᭄ᬩᬸᬤ᭄ᬥᬶ᭞ᬳᬸᬚᬦᬾᬫᬗ᭄ᬕᬯᬾᬩᬲᬄ᭞ᬦᬵᬗ᭄ᬳᬶᬂᬗ᭄ᬕᬯᬾᬳᬬᬸ᭞ᬤᬸᬫᬤᬓ᭄ᬢᬶᬢᬶᬬᬂᬧᬸᬗ᭄ᬓᬸᬭᬦ᭄᭞ᬩᬶᬮᬶᬄᬲᬶᬤ᭄ᬥ᭞ᬦ᭄ᬯᬍᬲᬂᬧᬜ᭄ᬯᬾᬘ᭄ᬙᬦ᭄ᬩᭂᬮᬶ᭞ᬲᬧᬸᬦᬶᬓᬤᬕᬶᬂᬲᬸᬭᬢ᭄᭟ᬯᬸᬲ᭄ᬫ
ᬫᬘᬲᬸᬭᬢᬾᬓᬓᬦ᭄ᬢᭀᬗᬶᬦ᭄ᬓᬬᬸᬦ᭄ᬩᬶᬂᬩᬂ᭞ᬤᬸᬭᬸᬂᬓᬧᬶᬦᭂᬳᬶᬦ᭄᭞ᬫᬦᬧ᭄ᬲᬶᬃᬤᬕᬶᬂᬲᬸᬭᬢᬾ᭞ᬤᬕᬶᬂᬲᬸᬭᬢ᭄ᬲᬓᬶᬂᬢᬸᬮᬸᬲ᭄᭞ᬍᬗ᭄ᬓᬭᬦᬾᬓᬮᬗ᭄ᬓᬸᬂᬫᬦᬶᬲ᭄᭞ᬦᬵᬗ᭄ᬳᬶᬂᬓᬾᬧᬧᭀᬮᭀᬲ᭠
ᬦ᭄᭞ᬭᬭᬶᬲ᭄ᬤᬦᬾᬧᭂᬲᬸ᭞ᬫᬶᬦᬩ᭄ᬯᬾᬦ᭄ᬢᭂᬦ᭄ᬤᬯᬸᬄᬢᬶᬕ᭞ᬲᬸᬯᬸᬂᬧᬶᬲᬦ᭄᭞ᬫᬲᬦ᭄ᬭᬫᬾᬧᬘᬭᬶᬂᬘᬭᬶᬓ᭄᭞ᬮᬗᬶᬢᬾᬕᬮᬂᬗ᭄ᬮᬸᬦ᭄ᬢᬂ᭟ᬦᬧᬶᬧᭀᬮᬶᬄᬳᬸᬚᬦᬦ᭄ᬳᬶᬩᬶ᭞ᬩᬍᬲ᭄ᬧᬶᬲᬦ᭄᭞ᬕᬸᬦᬸᬂᬳᬕᬸᬂ
ᬢᬶᬗ᭄ᬕᬃ᭞ᬮᬗᬸᬢᭂᬫ᭄ᬩᬂᬧᬗᬗᭀᬦᬾ᭞ᬢᬸᬓᬤ᭄ᬲᬂᬲᬗᬾᬫᬸᬂᬫᬸᬂ᭞ᬫᬶᬦᬩ᭄ᬓᬤᬶᬳᬦᬓ᭄ᬫᬕᭂᬦ᭄ᬥᬶᬂ᭞ᬓᬦ᭄ᬢᭂᬜ᭄ᬘᬭᬶᬓᬾᬚᬶᬫ᭄ᬩᬃ᭟ᬳᬓᬄᬲᬫᬶᬗᬫ᭄ᬧᬸᬂ᭞ᬧᬸᬦᬶᬓᬦᬾᬫᬗᬯᬶᬦᬂ᭞ᬩᬶᬮᬂᬲᬳᬶᬄ᭞ᬓᬳᭀ᭠
[᭑᭙19 A]
ᬚᬵᬕ᭄ᬓᬸᬩᬸᬦᬾᬲᬧᬶ᭞ᬳᬶᬭᬶᬓᬤᬦᬾᬫᬕᭂᬦᬄ᭟ᬩᭂᬗᭀᬂᬗᬯᬲ᭄ᬩᬸᬓᬶᬢ᭄ᬧᬸᬘᬓ᭄ᬲᬭᬶᬲᬦᬾᬫᬧᬲ᭄᭞ᬲᬕᬭᬦᬾᬚᬶᬫ᭄ᬩᬃ᭞ᬫᬗᬶᬮᬶᬲ᭄ᬩᬸᬓᬶᬢ᭄ᬧᬶᬦ᭄ᬢᬸᬦᬾ᭞ᬲᬕᬾᬢ᭄ᬲᬵᬫ᭄ᬧᬸᬦ᭄ᬭᬯᬸᬄ᭞ᬤᬶᬘᬭᬶᬢ᭠
ᬓᬦᬾᬫᬶᬲᬶᬲ᭄ᬧᬤᬶ᭞ᬯᬾᬦ᭄ᬢᭂᬦ᭄ᬳᬦᬓ᭄ᬲᬵᬫ᭄ᬧᬸᬦ᭄ᬢᬸᬯ᭞ᬓᬭᬶᬗᬫ᭄ᬧᬸᬂᬧᬦ᭄ᬢᬸᬦ᭄᭞ᬫᬶᬦᬩ᭄ᬤᬦᬾᬲᬵ᭠ᬫ᭄ᬧᬸᬦ᭄ᬯᬶᬓᬦ᭄᭞ᬢᬹᬃᬫᬜᬧ᭞ᬢᭂᬓᭂᬤ᭄ᬫᬲᬶᬄᬮᬦᬂᬫᬭᬶᬓᬶ᭞ᬩᬶᬱᬓᬾᬮᬦᬂᬓᬲᬯᬄ᭟ᬫᬶᬥᭂᬧ᭄ᬢᬍᬃᬢᬶᬢᬶᬬᬂ
ᬫᬦᬸᬮᬸᬗᬶᬦ᭄ᬗᬸᬤᬗᬭᬕ᭞ᬗᬫ᭄ᬧᬸᬂᬧᬦ᭄ᬢᬸᬦ᭄ᬮᬶᬗ᭄ᬕᬄ᭞ᬕᬸᬲ᭄ᬢᬶᬓᭂᬢᬸᬢ᭄ᬧᬲᬯᬸᬭᬾ᭞ᬳᬶᬢᬸᬦᬶᬬ᭠ᬦ᭄ᬮᬶᬬᬸᬫᬢᬸᬮᬂ᭞ᬢ᭄ᬭᬸᬡᬢ᭄ᬭᬸᬡᬦᬾᬫᬦᬸᬮᬸᬗᬶᬦ᭄᭞ᬚᬦᬶᬲᬸᬩᬧᬥᬩᬸᬤᬮ᭄᭞ᬤᬾᬦᬶᬂᬦᬦ᭄ᬤᭂᬲᬸᬯᬸᬤ᭄᭞ᬮ
ᬫᬸᬦ᭄ᬲᬸᬩᬤᬤᬶᬢᬸᬯ᭞ᬘᬭᬳᬚᬶ᭞ᬪᬬᬦᬾᬳᭂᬦ᭄ᬤᬸᬓᬘᬭᬶᬓ᭄᭞ᬉᬮᬶᬤᬶᬚᬦᬲᬶᬦᬾᬢᭂᬓ᭟ᬫᭂᬮᬄᬧᭂᬲᬦ᭄ᬤᬶᬦᬦᬾᬚᬦᬶᬮᬗᬶᬢ᭄ᬕᬮᬂ᭞ᬕᬸᬦᬸᬂᬳᬕᬸᬂᬥᬫ᭄ᬧ᭄ᬮᬄ᭞ᬗᭂᬦᬄᬫᬍᬧᬸᬥ᭄ᬳᬦ᭄ᬤᬸᬲ᭄ᬦᬾ᭞ᬳᬶᬦ᭄ᬤᬄ
Kaca:Bali-lontar-geguritan-anggreni-300ppi.pdf/19
Kaca puniki sampun kauji-wacén
