[᭑᭗ 17 B]
᭞ᬧᬚᭂᬂᬢᬶᬢᬶᬬᬂᬦᬶᬓᬶᬩᬓ᭄ᬢ᭞ᬭᬭᬶᬲᬂᬳᬬᬸᬫᬫᬃᬕ᭄ᬕᬶ᭞ᬫᬗ᭄ᬤᬢᬦ᭄ᬕᭂᬮᬶᬲ᭄ᬯᭂᬗ᭄᭞ᬳᬚᬶᬩᬶᬬᬂᬲᬶᬦᬄᬩᭂᬦ᭄ᬥᬸ᭞ᬳᬗ᭄ᬕ᭄ᬭᬾᬡᬶᬭᬭᬶᬲ᭄ᬳᬗᬸᬘᬧ᭄᭞ᬬᬦ᭄ᬧᬤᬾᬢᬶᬢᬶᬬᬂᬗᬮᬳᬶᬦ᭄᭞ᬩᭂᬮᬶᬮᬦᬂ᭞ᬦᬧᬶ᭠
ᬓᬾᬚᬕᬧᬬᬸᬗᬂ᭟ᬕᬸᬲ᭄ᬢᬶᬮᬦᬂᬳᬃᬣᬦᬶᬫ᭄ᬩᬮ᭄᭞ᬲᬵᬫ᭄ᬧᬸᬦᬂᬩᬗᭂᬢ᭄ᬫᬶᬦᭂᬳᬶᬦ᭄᭞ᬢᬶᬢᬶᬬᬂᬫ᭄ᬯᬦᬶᬕᬫ᭄ᬧᬂᬧᭂᬲᬦ᭄᭞ᬬᬤᬶᬦ᭄ᬯᭂᬗᬶᬢᬶᬢᬶᬬᬂᬫᬸᬮᬶᬄ᭞ᬕ᭄ᬮᬶᬲᬂᬳᬤᬶᬫᬫᬃᬕ᭄ᬕᬶ᭞ᬳᬗ᭄ᬕ᭄ᬭᬾᬡᬶᬫᬫᬃᬕᬶᬫᬦ᭄ᬢᬸᬓ᭄᭞ᬓᭂ
ᬜᭂᬫᬾᬩᬸᬮᬦ᭄ᬓᬳᬶᬮᬂ᭞ᬮᬦᬂᬳᬃᬣᬓᬢᬶᬗ᭄ᬕᬮᬶᬦ᭄᭞ᬮᬦᬂᬳᬃᬣ᭞ᬲᬫ᭄ᬩᬶᬮ᭄ᬗᬦ᭄ᬢᭀᬲ᭄ᬫᬗ᭄ᬤᬢᭂᬭᬂ᭟ᬓᬬᬸᬦ᭄ᬫᬗᬸᬫ᭄ᬩᬭᬲᬯᬢ᭄᭞ᬲᬕᬾᬢ᭄ᬤᬶᬲᬲᬓ᭄ᬤᬶᬩᬮᬶ᭞ᬳᬗ᭄ᬕ᭄ᬭᬾᬡᬶᬩᬗᭂᬢ᭄ᬓᬾᬮᬶᬗᬂ᭞ᬤᬾᬦᬶᬂᬓ
ᬲᬗ᭄ᬳᬬᬸᬍᬯᬶᬄ᭞ᬢ᭄ᬭᬸᬡᬦᬾᬮᬶᬬᬸᬦᭂᬫᭂᬦᬶᬦ᭄᭞ᬲᬫᬶᬧᬥᬤᭂᬫᭂᬦ᭄ᬳᬚᬸᬫ᭄᭞ᬓᭂᬜᭂᬫ᭄ᬫᬦᬶᬲ᭄ᬫᬕᭀᬮᬾᬭᬦ᭄᭞ᬲᭀᬮᬄᬗᬍᬕᬦᬶᬦ᭄ᬳᬢᬶ᭞ᬫᬢᬩᬮᬸᬢ᭄᭞ᬧᭂᬦᬸᬄᬳᬦ᭄ᬢᬸᬓ᭄ᬓᬰᬸᬘᬶᬬᬦ᭄᭟ᬢᬶᬢᬶᬬᬂ
[᭑᭘ 18 A]
ᬫᬗ᭄ᬓᬶᬦ᭄ᬗ᭄ᬭᬱᬲᬤ᭄ᬬᬂ᭞ᬤ᭄ᬯᬦᬶᬂᬲᬵᬫ᭄ᬧᬸᬦ᭄ᬓᭂᬦᬮ᭄ᬩᭂᬘᬶᬓ᭄᭞ᬳᬸᬚᬦᬾᬲᬕᬾᬢᬦ᭄ᬢᭂᬭᬂ᭞ᬕᭂᬮᬶᬲ᭄ᬫᬦ᭄ᬢᬸᬓ᭄ᬤᬦᬾᬫᬗ᭄ᬓᬶᬦ᭄᭞ᬭᬭᬶᬲ᭄ᬲᬶᬋᬧ᭄ᬭᬶᬂᬮᭀᬚᬶ᭞ᬳᬶᬧᬶᬬᬦᬾᬮᬸᬳᬸᬂᬮᬸᬳᬸᬂ᭞ᬭᬶᬂᬲᬵᬫ᭄ᬧᬸᬦᬾᬧᬲᭂᬫᭂᬗᬦ᭄᭞
ᬫᬗ᭄ᬭᬭᬶᬲ᭄ᬤᬦᬾᬫᬢᬗ᭄ᬳᬶ᭞ᬲᬕᬾᬢ᭄ᬭᬯᬸᬄ᭞ᬳᬦᬓ᭄ᬳᬮᬶᬢ᭄ᬫᬓ᭄ᬢᬲᬸᬭᬵᬢ᭄᭟᭚᭜᭚ᬧᬸᬧᬸᬄᬥᬂᬥᬂ᭚᭜᭚ᬲᬸᬭᬢ᭄ᬢᬶᬢᬶᬬᬂᬲᬓᬶᬂᬳᬗ᭄ᬕ᭄ᬭᬾᬡᬶᬭᬗ᭄ᬓᬸᬂᬲᬶᬗ᭄ᬓᬢ᭄᭞ᬢᬶᬢᬶᬬᬂᬫᬗᬾᬦ᭄ᬓᬾᬦᬂ᭞ᬳᬦᬓ᭄ᬳᬮᬶ
ᬢ᭄ᬫᬓ᭄ᬢᬲᬸᬭᬢᬾ᭞ᬢᬶᬢᬶᬬᬂᬜᬹᬓ᭄ᬱᬬᬂᬮᬗ᭄ᬓᬸᬂ᭞ᬮᬾᬤᬂᬓᬬᬸᬦ᭄ᬩᭂᬮᬶᬦᬾᬫᬗ᭄ᬓᬶᬦ᭄᭞ᬢᬢ᭄ᬓᬮᬢᬶᬢᬶᬬᬂᬳᬸᬚᬦᬦ᭄᭞ᬦᬾᬦ᭄ᬢᭂᬦ᭄ᬫᬓ᭄ᬢᬧᬬᬸᬂ᭞ᬩᭂᬮᬶᬲᬓᬶᬂᬢᬸᬮᬸᬲ᭄ᬧᬶᬲᬦ᭄᭞ᬦᬸᬮᬸᬂᬢᬶᬢᬶᬬᬂ᭞ᬩᭂᬮᬶ᭠
ᬲ᭄ᬯᬾᬘ᭄ᬙᬫᬗᭀᬮᬲᬶᬦ᭄᭞ᬤᬾᬦᬶᬂᬩᭂᬮᬶᬤᬸᬭᬸᬂᬓᭂᬦᬮ᭄᭟ᬓᬧᬶᬂᬓᬮᬶᬄᬲᬥ᭄ᬬᬦ᭄ᬢᬶᬢᬶᬬᬂᬫᬗ᭄ᬓᬶᬦ᭄ᬧᭀᬮᬶᬄᬓᭂᬦᬮ᭄᭞ᬫᬶᬯᬄᬫᬩᬯᭀᬲᬦ᭄᭞ᬭᬶᬂᬳᬚᭂᬂᬭᬕᬦ᭄ᬩᭂᬮᬶᬦᬾ᭞ᬲᬦᬾᬓᬯᬱ᭄ᬝᬭᬓᬲᬸ
