[᭑᭖ 16 B]
᭑᭖
ᬭᬭᬶᬲ᭄ᬓᬧᬸᬂᬭᬸᬕ᭄ᬦᬾᬫᬗ᭄ᬓᬶᬦ᭄᭞ᬜᬗ᭄ᬓᬶᬮ᭄ᬩᬸᬓᬸᬳᬩᭂᬲᬶᬓ᭄᭞ᬫᬧᬬᬲ᭄ᬫᬓᬫ᭄ᬩᭂᬦ᭄ᬳᬮᬸᬲ᭄᭞ᬫᬗ᭄ᬭᬜ᭄ᬚᬶᬂᬬᬭᬶᬂᬲᭂᬮᬢ᭄᭞ᬳᬶᬕᬸᬲ᭄ᬢᬶᬳᬬᬸᬳᬗ᭄ᬕ᭄ᬭᬾᬡᬶ᭞ᬫᬸᬮᬓᬲᬸᬩ᭄᭞ᬲᬭᬶᬦ᭄ᬤᬳᬦᬾᬭᬶᬂᬤᬸᬤ᭟ᬲᬓᬶᬂᬦᬶᬭᬳᬦ᭄ᬢᬸᬓ᭄ᬢᬶ
ᬢᬶᬬᬂ᭞ᬗᬯᬶᬢᬶᬦ᭄ᬫᬗ᭄ᬤᬫᬧᬗ᭄ᬕᬶᬄ᭞ᬭᬶᬂᬳᬶᬕᬸᬲ᭄ᬢᬶᬮᬦᬂᬳᬃᬣ᭞ᬦᬧᬶᬲᬤᬸᬓᬾᬭᬶᬂᬘᬭᬶᬓ᭄᭞ᬓᬮᬶᬄᬭᬶᬂᬧᬸᬘᬸᬓ᭄ᬲᬭᬶ᭞ᬬᬤᬶᬦ᭄ᬢᬭᬶᬂᬩᬸᬓᬶᬢ᭄ᬧᬶᬦ᭄ᬢᬸ᭞ᬫᬶᬯᬄᬭᬶᬂᬢᬸᬓᬤ᭄ᬲᬗ᭄ᬲᬂ᭞ᬓᬮᬶᬄᬲᬤᬸᬓ᭄ᬤᬦᬾᬫᬜᬶ᭞ᬫᬶᬯᬄ
ᬗᭂᬜ᭄ᬚᬸᬢ᭄᭞ᬲᬸᬫᬶᬦᬾᬭᬶᬂᬉᬫᬤᬾᬰ᭟ᬳᬦ᭄ᬥᬸᬲ᭄ᬕᭂᬥᬾᬫᬮᬶᬕᭂᬤᬦ᭄᭞ᬕᬸᬦᬸᬂᬳᬕᬸᬂᬳᬲᬳᬶᬦ᭄᭞ᬦᬧᬶᬲᬤᬸᬓ᭄ᬫᬮᬜ᭄ᬘᬭᬦ᭄᭞ᬓᬓᬮᬗᬜᬃᬫᬮᬮᬶ᭞ᬭᬶᬂᬦᬸᬚᬸᬓᬚᭂᬂᬉᬫᬦᬶᬲ᭄᭞ᬓᬧᭂᬢᬸᬂᬫᬩᬜᬸ
ᬦ᭄ᬧᬶᬦᬭᬸᬄ᭞ᬗᬭᬭᬶᬲ᭄ᬓᬢᭀᬬᬳᭂᬥᬄ᭞ᬲᬓᬶᬂᬗ᭄ᬓᬾᬦ᭄ᬢᬶᬢᬶᬬᬂᬗᬯᬶᬢᬶᬦ᭄᭞ᬦᬾᬗᬯᬦᬂ᭞ᬤ᭠ᬦᬾᬩᭂᬘᬶᬓ᭄ᬫᬓᭂᬦᬮᬦ᭄᭟ᬩᬚᬂᬩᬚᬗᬾᬭᬶᬂᬤᬸᬤ᭞ᬲᬫᬶᬧᬥᬧᬓᬸᬭᬶᬫᬶᬓ᭄᭞ᬳᬤᬫᬲᬶᬄᬳᬦᬾᬢᬺᬱ᭄ᬡ᭞ᬢ᭄ᬯ
[᭑᭗ 17 A]
ᬭᬳᬲᬮ᭄ᬳᬸᬮᬶᬩᬮᬶ᭞ᬯᬃᬡ᭄ᬦᬩᬕᬸᬲ᭄ᬧᬹᬦ᭄ᬤᬳᬢᬶ᭞ᬩᬸᬤ᭄ᬥᬶᬧᬓᭂᬃᬣᬶᬦᬾᬮᬸᬳᬸᬂ᭞ᬭᬯᭀᬲᬾᬍᬫ᭄ᬩᬸᬢ᭄ᬫᬍᬜᬤ᭄᭞ᬲᬶᬂᬲᬵᬮᬳᬂᬳᬤᬸᬂᬲᬫᬶ᭞ᬮᬶᬦ᭄ᬢᬂᬲᬬᬂ᭞ᬓᭀᬘᬧ᭄ᬤᬦᬾᬲᬓᬶᬂᬲᬲᬓ᭄᭟ᬧᬗᬯᬶᬢ᭄ᬳ᭠
ᬢᬸᬭᬂᬢᬶᬢᬶᬬᬂ᭞ᬳᬶᬕᬸᬲ᭄ᬢᬶᬳᬬᬸᬳᬗ᭄ᬕ᭄ᬭᬾᬡᬶ᭞ᬫᬢᭂᬫᬸᬭᬶᬂᬮᬦᬂᬳᬃᬣ᭞ᬭᬶᬲᭂᬥᭂᬓᬶᬂᬳᬸᬚᬦ᭄ᬳᬗᬶ᭠ᬦ᭄᭞ᬢᬢᬸᬚᭀᬦᬾᬧᬘᬂᬫᬸᬮᬶᬄ᭞ᬢᬦ᭄ᬫᬳᬵᬲᬩᭂᬳᬾᬭᬯᬸᬄ᭞ᬭᬶᬂᬳᭂᬜ᭄ᬚᬸᬂᬧᬘᬂᬢᬸᬗ᭄ᬕᬮ᭄᭞ᬳᬗ᭄ᬕ᭄ᬭᬾᬡᬶᬗ
ᬦ᭄ᬤᬶᬓᬫᬦᬶᬲ᭄᭞ᬭᬶᬂᬧᬧᬹᬓᬦ᭄᭞ᬤᬾᬦᬶᬂᬢᬦ᭄ᬫᬓ᭄ᬢᬳᬸᬗ᭄ᬓᬸᬮᬦ᭄᭟ᬯᬾᬦ᭄ᬢᭂᬦ᭄ᬧᭀᬦ᭄ᬤᭀᬓ᭄ᬕᭂᬦᬄᬤ᭠ᬕᬂ᭞ᬳᬶᬭᬶᬓᬤᬦᬾᬫᬮᬶᬗ᭄ᬕᬶᬄ᭞ᬓᬧᬶᬦᭂᬳᬶᬦ᭄ᬕᭂᬮᬶᬲ᭄ᬢᭂᬭᬂ᭞ᬳᬸᬚᬦᬾᬫᬍᬲᬂᬫᬮᬶᬄ᭞ᬧᬸᬦᬄᬧᬶᬦᬄᬲᬵᬫ᭄ᬧᬸᬦ᭄ᬢᭂᬤᬸᬄ
ᬕᬢᬶ᭞ᬮᬦᬂᬳᬃᬣᬲᬕᬾᬢ᭄ᬭᬯᬸᬄ᭞ᬦᬵᬗ᭄ᬳᬶᬂᬓᬬᬸᬦᬾᬗᬢᬸᬕ᭄ᬢᬸᬕ᭄᭞ᬤᭀᬦᬶᬂᬤᬦᬾᬲᬵᬫ᭄ᬧᬸᬦ᭄ᬢᬸ᭠ᬤᬶᬂ᭞ᬦᬵᬗ᭄ᬳᬶᬂᬤᬸᬭᬸᬂ᭞ᬤᬦᬾᬦᬳᭂᬦ᭄ᬫᬓᭂᬦᬮᬦ᭄᭟ᬮᬦᬂᬳᬃᬣᬫᬵᬢᬹᬃᬩᬦ᭄ᬩᬦ᭄᭞ᬬᬦ᭄ᬓᬬᬸᬦ᭄ᬢᬶᬢᬶᬬᬂᬗᬢᬹᬭᬶᬦ᭄
Kaca:Bali-lontar-geguritan-anggreni-300ppi.pdf/17
Kaca puniki sampun kauji-wacén
