[᭑᭕ 15 B]
᭑᭕
ᬫᬸᬦ᭄᭞ᬭᬶᬂᬲᬵᬫ᭄ᬧᬸᬦᬾᬮᬫᬶᬧᬶᬲᬦ᭄᭞ᬮᬾᬤᬗᬾᬬᬲᬬᬦ᭄ᬳᬶᬭᬶᬤ᭄᭞ᬗ᭄ᬓᬾᬦ᭄ᬗᬯᬦᬂ᭞ᬤᬾᬦᬶᬂᬓᬬᬸᬦᬾᬓᬘ᭄ᬮᬸᬯᬕ᭄᭟ᬢᬺᬱ᭄ᬡᬦ᭄ᬜᬫᬳᬤᭀᬄᬧᬶᬲᬦ᭄᭞ᬓᬾᬢᭀᬭᬱᬓᬧᬶᬦᭂᬳᬶᬦ᭄᭞ᬫᬶᬦᬩ᭄ᬭᬱ
ᬢᬦ᭄ᬧᬓᬥᬂ᭞ᬳᬯᬶᬦᬦ᭄ᬲᭂᬲᬳᬶᬳᬾᬮᬶᬂ᭞ᬫᬶᬦᬩ᭄ᬢᬦ᭄ᬓᬳᬗ᭄ᬓᭂᬦᬶᬦ᭄᭞ᬢᭂᬋᬄᬯᬭᬶᬲ᭄ᬲᬓᬾᬂ᭠ᬤᬸᬫᬸᬦ᭄᭞ᬢᬍᬃᬲᬭᬸᬲᬭᬸᬯᬂ᭞ᬓᬵᬮᬦᬶᬂᬭᬾᬧᭀᬢ᭄ᬭᬶᬂᬘᬭᬶᬓ᭄᭞ᬳᬲᬶᬂᬗᬸᬪᬸᬄ᭞ᬤᬦᬾᬢ᭄ᬯᬭᬢᬳᬾ᭠
ᬦ᭄ᬢᬶᬯᬮ᭄᭟ᬫᬸᬮᬤᬦᬾᬢᬺᬳᬶᬂᬧ᭄ᬭᬚ᭄ᬜᬦ᭄᭞ᬩᬩᬯᭀᬲᬾᬤᬩ᭄ᬤᬩ᭄ᬗᬢᬶᬄ᭞ᬢᬹᬃᬓᬲᬸᬩ᭄ᬫᬕᬕᬫ᭄ᬩᬭᬦ᭄᭞ᬫᬓᬶᬥᬸᬂᬮᬦ᭄ᬫᬓᬓᬯᬶᬦ᭄᭞ᬧᬶᬦᬄᬲᬵᬫ᭄ᬧᬸᬦ᭄ᬦᭂᬫ᭄ᬰᬰᬶᬄ᭞ᬭᬶᬂᬤᬸᬤᬤᬦᬾᬫᬮᬸᬗ᭄ᬕᬸᬄ᭞ᬦᬾᬫ
ᬗ᭄ᬓᬶᬦ᭄ᬭᬫᬾᬭᬶᬂᬩᬜ᭄ᬚᬃ᭞ᬢ᭄ᬭᬸᬡᬤᭂᬳᬓᬸᬫ᭄ᬧᬸᬮ᭄ᬲᬫᬶ᭞ᬕ᭄ᬭᬤᬕ᭄ᬕ᭄ᬭᬸᬤᬸᬕ᭄᭞ᬦᬵᬗ᭄ᬳᬶᬂᬲᭂᬩᭂᬗᭂᬫᭂᬮᬾᬦᬦ᭄᭟ᬓᬤᬶᬓᬧᬸᬓᬧᬸᬓᬫ᭄ᬩᬂ᭞ᬭᬕᬦᬾᬢ᭄ᬯᬄᬓᬧᬶᬦᭂᬳᬶᬦ᭄᭞ᬤᬶᬲᬲᬓ᭄ᬢᬦ᭄ᬯᬾᬦ᭄ᬢᭂᬦ᭄ᬜᬫ᭞ᬳᬸᬮᬳᬂᬗᬸ
[᭑᭖ 16 A]
ᬗ᭄ᬲᬶᬓᬩᬮᬶ᭞ᬫᬶᬦᬩᬧᬘᬂᬓᬍᬕᬦᬶᬦ᭄᭞ᬓᬢ᭄ᬭᬶᬫᬓᬤᬶᬫᬘᬸᬘᬸ᭞ᬦᬵᬗ᭄ᬳᬶᬂᬲᬫᬶᬧᬥᬲᬫᬃ᭞ᬳᬯᬦᬦ᭄ᬤᬦᬾᬦᬾᬫᬗ᭄ᬓᬶᬦ᭄᭞ᬯᭂᬢᬸᬇᬩᬸᬓ᭄᭞ᬫᬾᬫᬾᬢᭂᬕᭂᬄᬓᬳᬾᬮᬶᬗᬂ᭟ᬫᬭᬯᬢ᭄ᬭᬯᬢ᭄ᬤᬶᬫᬦᬄ
ᬋᬡ᭄ᬥᬩᬜ᭄ᬚᬸᬭᬾᬓᬳᬓ᭄ᬱᬶ᭞ᬓᬮᬶᬄᬳᭀᬫ᭄ᬩᬓ᭄ᬭᬶᬂᬅᬫ᭄ᬧᭂᬦᬦ᭄᭞ᬓᬬᬸᬦᬾᬕᭂᬮᬶᬲ᭄ᬓᭂᬫ᭄ᬩᬮᬶ᭞᭠ᬫᬗ᭄ᬤᬕᭂᬮᬶᬲ᭄ᬓᬧᬗ᭄ᬕᬶᬄ᭞ᬭᬶᬂᬫᬾᬢᭂᬕᭂᬄᬓᬤᬶᬤᬸᬫᬸᬦ᭄᭞ᬲᬧᬸᬦᬶᬓᬓᬳᬾᬮᬶᬗᬂ᭞ᬫᬶᬦᬩ᭄ᬓᬬᬸᬦ᭄ᬲᬂᬳ᭄ᬬᬂᬯᬶᬥᬶ᭞
ᬫᬶᬦᬩ᭄ᬤᬸᬭᬸᬂ᭞ᬇᬤᬗᬶᬘ᭄ᬙᬾᬦᬶᬦ᭄ᬫᬢᬸᬮᬓ᭄᭟ᬫᬗ᭄ᬓᬶᬦ᭄ᬩᬮᬾᬃᬦᬾᬫᬦᬸᬫ᭄ᬧᬂ᭞ᬯᬾᬦ᭄ᬢᭂᬦ᭄ᬳᬸᬫᬄᬳᬤᬢ᭄ᬩᬮᬶ᭞ᬫᬓᭀᬭᬶᬩᬵᬦ᭄ᬩᬢᬸᬢᬩᬲ᭄᭞ᬩᬮᬾᬕᭂᬥᬾᬫᬹᬓᬶᬃᬲᬫᬶ᭞ᬕᬸᬦᬸᬂᬭᬱᬫᬜᬦ᭄ᬤᬶᬂ᭞ᬚᬶᬦᬄᬗᬓᭂ᭠
ᬫ᭄ᬩᬃᬲᬶᬓᬯᬸᬄ᭞ᬦᬢᬃᬚ᭄ᬭᭀᬮᬶᬗ᭄ᬕᬄᬧᬶᬲᬦ᭄᭞ᬳᬗ᭄ᬕᭀᬜᭂᬫᬸᬄᬜᭂᬫᬸᬄᬧᬤᬶ᭞ᬳᬤᬢ᭄ᬫᬮᬸ᭞ᬧᬸᬦᬶᬓᬦᬾᬓᬫᬗ᭄ᬕᬶᬳᬂ᭟ᬳᭀᬓᬲᬦᬾᬩᬚᬂ᭞ᬲᬫᬶᬦᬾᬦ᭄ᬢᭂᬦ᭄ᬓᬳᬶᬘ᭄ᬙᬾᬦᬶᬦ᭄᭞ᬧᬘᬂᬫᬲᬸᬓ᭄ᬫᬲᬓᭀᬮᬄ᭞
Kaca:Bali-lontar-geguritan-anggreni-300ppi.pdf/16
Kaca puniki sampun kauji-wacén
