[᭒᭑ 21 B]
᭒᭑
ᬫᬶᬦᬩ᭄ᬤᬬᬸᬲᬵᬫ᭄ᬧᬸᬦ᭄ᬯᬓᬦ᭄᭞ᬮᬦᬂᬳᬃᬣᬓᬧᬲᬶᬳᬶᬦ᭄᭞ᬫᬲᬦ᭄ᬤᬶᬂᬭᬶᬂᬳᬸᬫᬄᬢᬶᬢᬶᬬᬂ᭞ᬲᭀᬮᬄᬤᬦᬾᬮᬶᬦ᭄ᬢᬂᬳᬮᬸᬲ᭄᭞ᬯᭂᬢᬸᬫᬦᬄᬢᬶᬢᬶᬬᬂᬢᬺᬱ᭄ᬡ᭞ᬢᬶᬢᬶᬬᬂᬳᬾᬮᬶᬂ᭞ᬤᬦᬾᬉᬩᬸᬄᬫᬭᬕ
ᬦ᭄᭟ᬦᬵᬗᬶᬂᬢᬶᬢᬶᬬᬂᬲᬸᬫ᭄ᬩᬄ᭞ᬦᬾᬦ᭄ᬢᭂᬦ᭄ᬢᬶᬢᬶᬬᬂᬲᬮᬶᬂᬧᬭᬶᬤ᭄᭞ᬧᬸᬦᬶᬓᬦᬾᬫᬗᬯᭀᬦᬂ᭞ᬧᭂᬃᬕᬳᬸᬮᬦ᭄ᬓᬤᬶᬓᬶᬓᬸᬓ᭄᭞ᬢᬶᬢᬶᬬᬂᬩᬗᭂᬢ᭄ᬓᬧᬶᬢᬺᬱ᭄ᬡ᭞ᬫᬗᭂᬢᭀᬳᬶᬦ᭄᭞ᬦᬲᬶᬩ᭄ᬤᬦᬾᬲᬧᬸᬦᬶᬓ᭟
ᬦᬵᬗ᭄ᬳᬶᬂᬳᬫᬸᬂᬩᬢᭂᬓ᭄ᬢᬺᬱ᭄ᬡᬵ᭞ᬲᬶᬬᭀᬲ᭄ᬦᬶᬓᬦᬾᬦ᭄ᬢᭂᬦ᭄ᬫᬮᬶᬄ᭞ᬤᬾᬦᬶᬂᬳᭂᬮᬸᬄᬓᬤᬶᬢᬶᬢᬶᬬᬂ᭞ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬧᬵᬢᬹᬢ᭄ᬳᬶᬧᬸᬦ᭄᭞ᬭᬶᬂᬳᬤᬢ᭄ᬫ᭄ᬯᬂᬧᭂᬃᬕᬳᬸᬮᬦ᭄᭞ᬪᬶᬦᬲᬫᬶ᭞ᬧᬸᬧᬸᬢ᭄ᬓᬵᬗᭂᬦ᭄ᬳᬦ᭄ᬢᬸᬓ᭄ᬫᬦᬄ᭟ᬭᬾᬦ᭄ᬥᬦ᭄ᬤ
ᬬᬸᬦᬾᬳᬶᬧᬶᬤᬦ᭄᭞ᬤᬸᬭᬸᬂᬧᬸᬧᬸᬢ᭄ᬫᬓᬲᬫᬶ᭞ᬭᬾᬄᬢᬶᬢᬶᬬᬂᬫᬦᬳᬾᬩᬶᬫ᭄ᬩᬂ᭞ᬫᬶᬦᬩ᭄ᬲᬸᬯᬾᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬦᬧᬶᬚᬸᬯᬋᬜ᭄ᬘᬦᬬᬂ᭞ᬬᬤᬶᬦ᭄ᬧᬱ᭄ᬝᬶ᭞ᬫᬶᬥᭂᬧ᭄ᬢᭂᬮᬸᬂᬢᭂᬗᬄᬚᬮᬦ᭄᭟ᬩᬶᬮᬂᬯᬳᬶᬫᬲᭂᬮ᭄ᬲᭂᬮᬦ᭄᭞
[᭒᭒ 22 A]
ᬳᬾᬮᬶᬂᬭᬶᬂᬢᬶᬫ᭄ᬧᬮ᭄ᬲᬫᬶ᭞ᬓᬮᬶᬄᬳᬾᬮᬶᬂᬭᬶᬂᬧᬸᬗ᭄ᬓᬸᬭᬦ᭄᭞ᬫᬃᬕ᭄ᬕᬶᬦᬾᬧᭂᬢᭂᬂᬢᭂᬃᬢᬸᬢᬸᬧ᭄᭞᭠ᬬᬦ᭄ᬯᬦ᭄ᬢᬄᬳᬶᬭᬢᬸᬮᬾᬤᬂ᭞ᬗᬭᬯᬸᬳᬶᬦ᭄᭞ᬓᬤᬸᬤᬭᬶᬂᬳᬸᬫᬄᬢᬶᬢᬶᬬᬂ᭟ᬲᬧᬸᬦᬶᬓᬤᬕᬶᬂᬲᬸᬭᬢ᭄᭞᭠
ᬫᬗᬯᬾᬦᬂᬳᬶᬲᬶᬦ᭄ᬳᬢᬶ᭞ᬓᬮᬶᬦ᭄ᬢᬂᬓᬵᬗᭂᬦ᭄ᬫᬜᬶᬗᬓ᭄᭞ᬮᬦᬂᬳᬃᬣᬲᬦᬾᬉᬩᬸᬄ᭞ᬕᬸᬫᬶᬦᬾᬳᭂᬚᭀᬄᬤᬶᬲᬲᬓ᭄᭞ᬬᬦ᭄ᬤᬶᬩᬮᬶ᭞ᬢ᭄ᬯᬭᬗᭂᬮᬄᬧᬜᬫᬳᬦ᭄᭟ᬲᬬᬦ᭄ᬘᬘᬶᬗᬓᬾᬲᬸᬭᬫ᭄᭞ᬘᬶᬭᬶ
ᬢᬗ᭄ᬕᬸᬗᬦ᭄ᬤᬶᬳᬢᬶ᭞ᬩᭂᬭᬢ᭄ᬧᬶᬲᬦ᭄ᬓᬲᬸᬗ᭄ᬲᬭᬦ᭄᭞ᬲᭀᬮᬳᬾᬬᬍᬫᬄᬍᬫ᭄ᬩᬸᬢ᭄᭞ᬢᬺᬱ᭄ᬡᬦ᭄ᬳᬦᬓ᭄ᬫᬫᬸᬗ᭄ᬕᭂᬮᬂ᭞ᬗᬢᬶᬳᬢᬶ᭞ᬤᬸᬫᬤᬓ᭄ᬢᬶᬢᬶᬬᬂᬓᬮᬫᬃ᭟ᬫᬗ᭄ᬤᬯᬾᬦ᭄ᬢᭂᬦ᭄ᬳᬾᬮᬶᬗᬂᬢᬶᬢᬶᬬᬂ᭞ᬬᬤᬶ
ᬦ᭄ᬳᬩᬸᬓᬸᬫᬫᬸᬜᬶ᭞ᬫᬗ᭄ᬓᬶᬦ᭄ᬯᬮᬶᬦᬶᬦ᭄ᬘᬭᬶᬢ᭞ᬲᭂᬥᭂᬓ᭄ᬲᬜ᭄ᬚᬧᬘᬂᬫᬜ᭄ᬚᬸᬲ᭄᭞ᬮᬦᬂᬳᬃᬣᬫᬗᬦ᭄ᬢᭀᬲᬂ᭞ᬢᭂᬗᬄᬫᬃᬕ᭄ᬕ᭞ᬲᬫ᭄ᬩᬶᬮ᭄ᬫᬗᭂᬜ᭄ᬚᬸᬳᬂᬲᬸᬭᬢ᭄᭟ᬳᬗ᭄ᬕ᭄ᬭᬾᬡᬶᬦᬭᬶᬫᬲᬸᬭᬢ᭄᭞ᬗᭂᬢᭀᬃᬢᬗᬦᬾᬫ
Kaca:Bali-lontar-geguritan-anggreni-300ppi.pdf/22
Kaca puniki sampun kauji-wacén
