[᭕ 5B]
᭕
ᬬᬦᬾᬂᬰᬾᬯᬧᬰᬸᬧᬢᬳᬮᬾᬧᬓᬓᬵ᭞ᬳᭂᬜ᭄ᬘᬾᬦᬶᬱ᭄ᬝᬫᬥ᭄ᬬᬍᬯᬶᬄ᭞ᬓᬤᬶᬓᬲᬭᬸᬗ᭠ᬦ᭄᭞ᬧᬝᬶᬓ᭄ᬪᬝᬵᬭᬫᬫᬦᬄ᭞ᬪᬝᬵᬭᬕ᭄ᬮᬶᬲ᭄ᬜᬯᬸᬭᬶᬦ᭄᭞ᬳᬶᬘᬫᬯᬭᬄ᭞ᬫᬶᬢᬼᬲᬂᬲᬮᬄᬢᬸᬗ᭄ᬕᬶᬮ᭄᭚ᬢ᭄ᬯᬭᬳᬤ᭠
ᬳᬦ᭄ᬤᬧ᭄ᬮᬸᬳᬸᬃᬰ᭄ᬯᬃᬕ᭄ᬕᬤᬗ᭄ᬲᬄ᭞ᬬᬦ᭄ᬧᬢᬸᬄᬩᬦ᭄ᬫᬫᬃᬕ᭄ᬕᬶ᭞ᬫᬦᬸᬗ᭄ᬕᬮᬂᬫᬦᬄ᭞ᬤᬾᬦᬶᬂᬩᬧᬲᬸᬩᬦᬩ᭄ᬤᬩ᭄᭞ᬭᬳᬬᬸᬩᬦ᭄ᬩᬧᬲᬫᬶ᭞ᬚ᭄ᬜ᭄ᬲᬵᬡᬕᬸᬫ᭄ᬮᬃ᭞ᬫᬕ᭄ᬮᬃᬳᬚ᭄ᬜᬵᬡᬲᬶᬤ᭄ᬥᬶ᭚ᬫᬲᬶᬄᬓᬾᬢᭀᬦᬾᬢᬢ᭄ᬮᬸᬢ᭄ᬯᬭ᭠
ᬩᬾᬤ᭄ᬥ᭞ᬬᬾᬦᬶᬂᬫᬮᬓ᭄ᬱᬡᬧ᭄ᬮᬶᬄ᭞ᬲᬶᬦᬄᬫᬩᬾᬤ᭄ᬥᬬᬦ᭄᭞ᬳᬤᬮᬸᬳᬸᬃᬳᬤᬳᬦ᭄ᬤᬧ᭄᭞᭠ᬰ᭄ᬯᬃᬕ᭄ᬕᬦᬾᬫᬧᬮᬶᬄᬧᬮᬶᬄ᭞ᬳᬶᬩᬸᬤ᭄ᬥᬶᬩ᭄ᬭᬦ᭄ᬢᬵ᭞ᬓ᭄ᬭᭀᬥᬳᬲᬶᬄᬓ᭄ᬭᬡᬧᬮᬶᬂ᭚ᬫᬮᬶᬄᬫᬵᬢᬹᬃᬪᬕᬯᬵᬦ᭄ᬯ᭄ᬭᬲ᭄ᬧᬢᬶ
ᬩᬦ᭄ᬩᬦ᭄᭞ᬧᬸᬓᬸᬮᬸᬦ᭄ᬪᬝᬵᬭᬍᬯᬶᬄ᭞ᬳᬾᬫᭂᬂᬭᬢᬸᬢᬶᬢ᭄ᬬᬕ᭄᭞ᬳᭂᬜ᭄ᬘᬾᬦ᭄ᬚᬵᬢᬶᬫᬗ᭄ᬭᬡᬬᬂ᭞ᬓᬩᬯᭀᬲ᭄ᬫᬳᬶᬥᭂᬧ᭄ᬧᬮᬶᬂ᭞ᬭᬾᬄᬲᬗ᭄ᬳ᭄ᬬᬂᬰᬵᬲ᭄ᬢ᭄ᬭ᭞ᬲᬵᬫ᭄ᬧᬸᬦ᭄ᬲᬫᬶᬓᬢᬶᬦᬹᬢᬶᬦ᭄᭚ᬲᬂᬧᬡ᭄ᬥᬶᬢᬲᬫ᭄ᬧᬸᬦ᭄ᬲ
[᭖ 6A]
ᬫᬶᬗᬕᭂᬫ᭄ᬰᬵᬲ᭄ᬢ᭄ᬭᬳᬲᬶᬂᬳᬸᬘᬧ᭄ᬲᬗ᭄ᬳ᭄ᬬᬂᬅᬚᬶ᭞ᬲᬫ᭄ᬧᬸᬦ᭄ᬓᬫᬵᬃᬕ᭄ᬬᬂ᭞ᬪᬝᬵᬭᬫᬮᬶᬂᬫᬯᭀᬲᬂ᭞ᬯᬾᬦ᭄ᬢᭂᬦ᭄ᬧᬳᬶᬥᭂᬧᬦ᭄ᬧᬮᬶᬂ᭞ᬢᬶᬢ᭄ᬬᬂᬦᬯᭂᬕᬂ᭞ᬳᬶᬘ᭄ᬘᬗᬮᬸᬕ᭄ᬭᬳᬶᬦ᭄ᬫᬮᬶᬄ᭚ᬓᬾᬦᬾᬦᬦᬓ᭄ᬩᬧᬚᬦᬶᬗ᭠
ᬯᬾᬳᬶᬫ᭄ᬩ᭞ᬳᬤᬲ᭄ᬓᬵᬪᬸᬢ᭄ᬣᬲᬫᬶ᭞ᬫᬧᬸᬦ᭄ᬤᬸᬄᬫᬓ᭄ᬚᬂ᭞ᬫᬩᬸᬤ᭄ᬥᬶᬫᬦᬯᬂᬕᬚᬄ᭞ᬗᬶᬤᬶᬄᬢᬸᬮᬂᬗ᭠ᬲᬶᬳᬲᬶᬄ᭞ᬭᬶᬂᬲᬂᬫᬗᭂᬤᬢ᭄᭞ᬲᬂᬗᭂᬤᬢ᭄ᬳᭀᬮᬲ᭄ᬗᭀᬭᬳᬶᬦ᭄᭚ᬲᬓᬶᬂᬲᬭᬢ᭄ᬳᬶᬪᬸᬢ᭄ᬣᬫᬩᬸᬤ᭄ᬥᬶᬦᬯᬂ᭞ᬤᬶᬢᬸ
ᬮᬯᬸᬢ᭄ᬓᬤᬦ᭄ᬤᬦᬶᬦ᭄᭞ᬮᬶᬫᬦᬾᬫᬗᬩᬕ᭄᭞ᬲᭀᬯᬂᬲᭀᬯᬂᬜ᭄ᬫᬓ᭄ᬕᬚᬄ᭞ᬲᬯᬢ᭄ᬭᬧᬥᬫᬗᬶᬲᬶ᭞ᬧᬥᬜᭂᬓᭂᬦᬂ᭞ᬧᬦᬯᬗᬾᬲᬮᬄᬲᬶᬓᬶ᭚ᬜ᭄ᬫᬓ᭄ᬢᭂᬡ᭄ᬥᬲ᭄ᬳᬶᬪᬸᬢ᭄ᬣᬮᬯᬸᬢ᭄ᬫᬗᬸᬘᬧ᭄᭞ᬢᬢᬲ᭄ᬫᬭᬦᬯᬂᬚ
ᬦᬶ᭞ᬢ᭄ᬓᬾᬦ᭄ᬭᬸᬧᬦ᭄ᬕᬚᬄ᭞ᬘᬭᬧᬬᬸᬓ᭄ᬢ᭄ᬯᬄᬳᬶᬕᬚᬄ᭞ᬫᬭᬚᬦᬶᬩᬦᬶᬦᬶᬦ᭄ᬤᬶᬄ᭞ᬦᬶᬦ᭄ᬤᬶᬄᬦᬸ᭠ᬢᬸᬭᬂ᭞ᬢ᭄ᬓᬾᬦ᭄ᬳᬶᬤᬤᬦᬾᬲᬫᬶ᭚ᬩ᭄ᬯᬶᬦ᭄ᬳᬶᬪᬸᬢ᭄ᬣᬓᬸᬧᬶᬂᬕᬚᬄᬩᬓᬢ᭄ᬚ᭄ᬫᬓ᭄᭞ᬳᬶᬪᬸᬢ᭄ᬣᬮᬯᬸᬢ᭄ᬫᬫᬸᬜᬶ᭞ᬚᬦᬶᬫᬭ
Kaca:Bali-lontar-gaguritan-wrespati-tatwa-300ppi.pdf/6
Kaca puniki sampun kauji-wacén
