[᭖ 6B]
᭖
ᬦᬯᬂ᭞ᬢ᭄ᬓᬾᬦ᭄ᬭᬹᬧᬦᬶᬂᬕᬚᬄ᭞ᬚᬢᬶᬢ᭄ᬯᬄᬘᬭᬳᬶᬮᬶᬄ᭞ᬩᬦᬶᬜ᭄ᬓᭂᬦᬂ᭞ᬫᬦᬸᬢᬸᬭᬂᬓ᭄ᬫᬫᬳᬶ᭚ᬜ᭄ᬫᬓ᭄ᬘᬮᬶᬂᬳᬶᬪᬸᬢ᭄ᬣᬮᬯᬸᬢ᭄ᬫᬗᬸᬘᬧ᭄᭞ᬫᬭᬚᬦᬶᬢᬢᬲ᭄ᬚᬢᬶ᭞ᬦᬯᬂᬭᬹᬧᬦ᭄ᬕᬚᬄ᭞ᬘᬭᬓᬬᬸᬦᬾᬫᬩᬩ᭠
ᬓ᭄᭞ᬢᬸᬫ᭄ᬮᬾᬮᬾᬳᬤᬫᬗᬶᬲᬶ᭞ᬳᬶᬪᬸᬢ᭄ᬣᬗᬹᬘᬧ᭄᭞ᬕᬚᬳᬾᬘᬭᬍᬮᬶᬧᬶ᭚ᬩ᭄ᬯᬶᬦ᭄ᬳᬤᬫᬜ᭄ᬫᬓ᭄ᬩᬲᬂᬜᬳᬶᬕᬚᬄ᭞ᬳᬶᬪᬸᬢ᭄ᬣᬕᬗ᭄ᬲᬃᬫᬫᬸᬜᬶ᭞ᬘᬭᬮᬸᬫ᭄ᬩᬸᬂᬲᬶᬦᬄ᭞ᬭᬹᬧᬦ᭄ᬳᬶᬕᬚᬄᬧᬶᬲᬚᬵ᭞ᬳᬶᬓᬸᬄᬕᬚᬄᬳᬤ
ᬗᬫ᭄ᬩᬶ᭞ᬳᬶᬪᬸᬢ᭄ᬣᬗᬹᬘᬧ᭄᭞ᬮ᭄ᬯᬶᬃᬮᬶᬦ᭄ᬤᬸᬂᬳᬶᬕᬚᬄᬚᬵᬢᬶ᭚ᬩ᭄ᬯᬶᬦ᭄ᬳᬤᬜ᭄ᬫᬓ᭄ᬩᬢᬶᬲ᭄ᬜᬳᬶᬕᬚᬄ᭞ᬳᬶᬪᬸᬢ᭄ᬣᬮᬦ᭄ᬢᬲ᭄ᬫᬫᬸᬜᬶ᭞ᬮ᭄ᬯᬶᬃᬢᬸᬤᬸᬂᬳᬶᬕᬚᬄ᭞ᬩᬦᬶᬫᬶᬢᬸᬯ᭄ᬬᬂᬧᬶᬲᬦ᭄᭞ᬳᬲᬶᬂᬩᬓᬢ᭄ᬓᬳᬸᬲᬸᬤᬶᬦ᭄᭞ᬳᭂᬦ᭄ᬢᭀᬢᬶᬦ᭄ᬤᬶᬳᬂ
᭞ᬢᬸᬭᬶᬂᬩᬦᬶᬫᬗᭂᬢᭀᬳᬶᬦ᭄᭚ᬳᬲᬶᬂᬩᬓᬢ᭄ᬚ᭄ᬫᬓ᭄ᬓᬤᭂᬦ᭄ᬲᬚᬵᬬ᭞ᬓ᭄ᬭᬡᬫᬩᬾᬤ᭄ᬥᬬᬦ᭄ᬲᬫᬶ᭞ᬧᬗᬹᬘᬧ᭄ᬧᬗ᭄ᬭᬱ᭞ᬤᬾᬦᬶᬂᬢ᭄ᬯᬭᬚᬢᬶᬦᬯᬂ᭞ᬧᬗᬤᭂᬕ᭄ᬧᬗ᭄ᬭᬱᬦ᭄ᬳᬱ᭄ᬝᬶ᭞ᬫᬶᬯᬄᬩᬸᬤ᭄ᬥᬶᬦ᭄ᬜ᭞ᬤᬾᬦᬶᬂᬳ
[᭗ 7A]
ᬯᬓ᭄ᬪᬸᬢ᭄ᬣᬧᬮᬶᬂ᭚ᬢ᭄ᬯᬭᬩᬶᬦᬳᬶᬦ᭄ᬤᬶᬓ᭄ᬢᬢ᭄ᬯᬵᬦᬾᬫᬓ᭄ᬚᬂ᭞ᬬᬦᬶᬂᬢ᭄ᬯᬭᬢᬢᬲ᭄ᬳᬸᬦᬶᬂ᭞ᬭᬶᬂᬳᬶᬦ᭄ᬤᬶᬓ᭄ᬳᬶᬕᬚᬄ᭞ᬳᭂᬦ᭄ᬢᭀᬫᬤᬦ᭄ᬩᬸᬤ᭄ᬥᬶᬩ᭄ᬭᬦ᭄ᬢᬵ᭞ᬧᬢᬶᬕᬩᬕ᭄ᬫᬦᬄᬧᬮᬶᬂ᭞ᬢᬦ᭄ᬲᬶᬤ᭄ᬥᬓᬵᬃᬬ᭄ᬬ᭞ᬓᬩᬶᬱᬦᬾᬗᬯᬕ᭄ᬲᬫᬶ᭚ᬦᬄᬳ
ᬓᬾᬢᭀᬲᬂᬫᭀᬫᭀᬫᬹᬃᬓ᭄ᬓᬫᬜᬦ᭄ᬫᬵ᭞ᬧᬸᬜᬄᬢ᭄ᬓᬾᬦ᭄ᬰᬲ᭄ᬢ᭄ᬭᬅᬚᬶ᭞ᬫᬶᬯᬄᬓᬡ᭄ᬥᬦ᭄ᬢᬢ᭄ᬯᬵ᭞᭠ᬤᬤᬶᬪᬸᬢ᭄ᬣᬓᬳᬸᬘᬧᬂ᭞ᬢ᭄ᬯᬭᬩᬶᬱᬫᬗᬶᬗᭂᬢᬶᬦ᭄᭞ᬢᬢ᭄ᬯᬵᬦᬾᬩᬸᬬᬃ᭞ᬫᬓ᭄ᬭᬡᬳᬸᬮᬗᬸᬦ᭄ᬧᬮᬶᬂ᭚ᬤᬳᬢ᭄ᬮ᭄ᬬᬸᬓᭀ
ᬢ᭄ᬢᬫᬦ᭄ᬲᬂᬗ᭄ᬳ᭄ᬬᬂᬯᬶᬰᬾᬱ᭞ᬳᭂᬦ᭄ᬢᭀᬓ᭄ᬭᬡᬯ᭄ᬢᬸᬧᬮᬶᬂ᭞ᬗᬤᬾᬦ᭄ᬳᬯᬓ᭄ᬩᬶᬱ᭞ᬫᬭᬩᬶᬱᬗᬹᬘᬧ᭄ᬰᬵᬲ᭄ᬢ᭄ᬭ᭞ᬧᭂᬲᬸᬭᬯᭀᬲ᭄ᬕᭂᬦ᭄ᬤᬂᬕᭂᬡ᭄ᬥᬶᬂ᭞ᬩᬶᬱᬫᬲᬦᬂ᭞ᬲᬸᬩᬗᬤᬾᬦ᭄ᬳᬯᬓ᭄ᬭᬶᬭᬶᬄ᭚ᬓᬮᬶᬗᬦᬾᬳᬯᬓ᭄ᬩ᭄ᬮᭀᬕ᭄ᬩᬦ᭄ᬓᬩᬶᬱᬦ᭄
᭞ᬗᬸᬮᬶᬓ᭄ᬢᬸᬢᬸᬃᬲᬳᬶᬧᬮᬶᬂ᭞ᬤᬾᬦᬶᬂᬢ᭄ᬯᬭᬦᬯᬂ᭞ᬭᬶᬂᬫᬸᬮᬦᬶᬂᬫᬸᬮᬢᬢ᭄ᬯᬵ᭞ᬪᬸᬢ᭄ᬣᬧᬶᬢᬸᬦᬾᬫᬗ᭄ᬭᬜ᭄ᬚᬶᬂ᭞ᬫᬶᬯᬄᬓᬇᬦ᭄ᬤ᭄ᬭᬶᬬᬦ᭄᭞ᬲ᭄ᬫᬵᬭᬰᬶᬦᭀᬫᬾᬫᬦᬫ᭄ᬧᬶ᭚᭜᭚ᬧᬸᬄᬰᬶᬦᭀᬫ᭄᭚᭜᭚ᬳᬶᬩ᭄ᬮᭀᬕ᭄ᬫᬳᬧᬶᬩᬶᬱ᭞
Kaca:Bali-lontar-gaguritan-wrespati-tatwa-300ppi.pdf/7
Kaca puniki sampun kauji-wacén
