[᭔ 4B]
᭔
ᬩᬓᬢᬂ᭞ᬤᬶᬓᬯᬳᬾᬫᬫᬸᬧᭀᬦᬶᬦ᭄᭞ᬮᬯᬸᬢ᭄ᬓᬢᬶᬢᬄ᭞ᬓᬫᬺᬘ᭄ᬘᬧᬤᬦᬸᬫᬶᬢᬶᬲ᭄᭚ᬫᬦᬸᬫᬶᬢᬶᬲ᭄ᬫᬗᬯᬭᬶᬲ᭄ᬫᬦᬤᬶᬢᬶᬃᬬ᭄ᬬᬓ᭄᭞ᬲᬂᬳᬬᬸᬳᬸᬘᬧᬂᬫᬮᬶᬄ᭞ᬫᬜᬸᬚᬸᬃᬰ᭄ᬯᬃᬕ᭄ᬕᬦ᭄᭞ᬯ᭄ᬓᬲ᭄ᬓᬢᬸᬤᬸᬄᬫ᭠
ᬜᬦ᭄ᬫᬵ᭞ᬤᬤᬶᬭᬢᬸᬤᬳᬢ᭄ᬲᬸᬕᬶᬄ᭞ᬩᬸᬤ᭄ᬥᬶᬉᬢ᭄ᬢᬫ᭞ᬲᬶᬤ᭄ᬥᬜᬮᬦᬂᬧᬗᬲᬶᬄ᭚ᬧᬗᬸᬘᬧᬾᬲᬂᬲᬶᬤ᭄ᬥᬫᬗ᭄ᬕᬸᬳᬂᬲᬸᬓᬵ᭞ᬲᬓᬶᬂᬲ᭄ᬯᬾᬘ᭄ᬘᬦ᭄ᬲᬗ᭄ᬳ᭄ᬬᬂᬯᬶᬥᬶ᭞ᬓ᭄ᬭᬡᬫᬗ᭄ᬕᬶᬄᬲᬸᬓᬵ᭞ᬤᬤᬶᬓᬾᬢᭀᬩᬦᬸᬢᬸᬭᬂ᭞ᬫᬭᬫᬗ᭄ᬕᬶᬄ
ᬯᬶᬃᬬ᭄ᬬᬲᬸᬕᬶᬄ᭞ᬢ᭄ᬯᬭᬓᬢᬯᬂ᭞ᬳᬶᬯᬰᬡᬫ᭄ᬭᬕᬵᬯᬶᬥᬶ᭚ᬲᬂᬫᬜᬦ᭄ᬫᬵᬲᬶᬦᬕ᭄ᬦᬫ᭄ᬧᬶᬲᬸᬓᬤᬸᬄᬓᬵ᭞ᬫᬶᬯᬄᬳᬮᬧᬦᬲ᭄ᬢᬶᬲ᭄᭞ᬫᬸᬯᬄᬧᬵᬧᬓ᭄ᬮᬾᬱ᭞ᬤᬶᬢᬸᬳᬶᬫᬦᬹᬱᬗᬸᬘᬧ᭄᭞ᬳᬧᬲᬚᬵᬫᬦᬸᬫᬤᬶ᭞ᬢ᭄ᬯᬭ
ᬫᬩᬳᬦ᭄᭞ᬳᬶᬤᬾᬯᬾᬓ᭄ᬫᬜᬦ᭄ᬫᬵᬫᬳᬶ᭚ᬳᬶᬫᬦᬸᬱᬢᬦ᭄ᬲᬄᬫᬲᭂᬮ᭄ᬲᭂᬮᬦ᭄ᬤᬶᬚᬸ᭠ᬫᬄ᭞ᬭᬶᬓᬵᬮᬮᬘᬸᬃᬧᬗ᭄ᬕᬶᬄ᭞ᬲᬶᬦᬄᬫᬦᬸᬦᬲᬂ᭞ᬢ᭄ᬦᬸᬂᬭᬶᬂᬮᬶᬗ᭄ᬕᬶᬄᬲᬂᬧᬡ᭄ᬥᬶᬢ᭞ᬭᬭᬶᬲ᭄ᬢ᭄ᬭᬂᬓᬦ᭄ᬤᬶᬓᬳᬶᬦ᭄᭞ᬳᬶᬦ᭄ᬤᬶᬓ᭄
[᭕ 5A]
ᬧᬜᬤ᭄ᬫᬵ᭞ᬓ᭄ᬭᬡᬦ᭄ᬳᬮᬵᬢ᭄ᬓᬾᬦ᭄ᬩ᭄ᬘᬶᬓ᭄᭚ᬫᬘᬘᬭᭀᬦ᭄ᬢ᭄ᬓᬾᬂᬫᬦᬯᬸᬃᬪᬬ᭞ᬫᬯᬢᭂᬓ᭄ᬯ᭄ᬢᭀᬦ᭄ᬫᬮᬶᬄ᭞ᬫᬗᬶᬮᬗᬂᬪᬬ᭞ᬫᬲᬶᬄᬢ᭄ᬯᬭᬫᬜᬶᬤ᭄ᬥᬬᬂ᭞ᬫᬗ᭄ᬤᬵᬭᬳᬬᬸᬦᬾᬧᬗ᭄ᬕᬶᬄ᭞ᬢᭀᬂᬧᬕᭂᬄᬲᬸᬓᬵ᭞ᬳᬶ
ᬯᬶᬰᬾᬱᬢ᭄ᬯᬭᬚᬢᬶ᭚ᬳᭂᬦ᭄ᬢᭀᬓ᭄ᬭᬡᬓᬯᬗᬸᬦᬂᬰᬵᬲ᭄ᬢ᭄ᬭᬓᬢᬄ᭞ᬳᬦ᭄ᬢᬸᬓ᭄ᬳᬶᬤᬲᬂᬓᬯᬷ᭞ᬗᬯᬶᬲᭀᬦ᭄ᬢᭀᬳᬶᬫ᭄ᬩ᭞ᬤᬳᬢ᭄ᬓᬢᬄᬧ᭄ᬭᬢᬶᬯᬶᬫ᭄ᬩᬵ᭞ᬳᬗ᭄ᬕᬾᬦ᭄ᬜᬸᬚᬸᬃᬧᬗᬸᬪᬓ᭄ᬢᬶ᭞ᬭᬶᬂᬳᬶᬤᬲᬂᬗ᭄ᬳ᭄ᬬᬂ᭞ᬰᬵᬲ᭄ᬢ᭄ᬭᬦᬾᬳᬗ᭄ᬕᬾᬦ᭄ᬗ
ᬲ᭄ᬢᬶᬢᬶ᭚ᬳᬲᬶᬂᬲᬶᬤ᭄ᬥᬳᬗ᭄ᬕᬾᬦ᭄ᬫᬗᬲ᭄ᬢᬵᬯᬤᬾᬯ᭞ᬧᬸᬦᬶᬓᬳᬗ᭄ᬕᬾᬦ᭄ᬢᬢᬶᬮᬶᬂ᭞ᬳᬗ᭄ᬕᬾᬦ᭄ᬧ᭠ᬗᬥᭂᬧᬦ᭄᭞ᬲᬚ᭄ᬭᭀᬦᬶᬂᬩᬸᬤ᭄ᬥᬶᬳᬚ᭄ᬜᬵᬡ᭞ᬲᬮᬗᬸᬘᬧ᭄ᬲᬗ᭄ᬳ᭄ᬬᬂᬗᬵᬚᬶ᭞ᬲᬶᬦᬮᬶᬄᬢᬸᬗ᭄ᬕᬮ᭄᭞ᬲᬂᬳ᭄ᬬᬂᬰᬵᬲ᭄ᬢ᭄ᬭᬯ᭄ᬦᬂᬳ
ᬫ᭄ᬩᬶᬮ᭄᭚ᬲᬧᬸᬦᬶᬓᬯᬥᬡᬦ᭄ᬪᬝᬵᬭᬰᬶᬯ᭞ᬪᬕᬯᬵᬦ᭄ᬯᬺᬳᬵᬲᭀᬯᬢᬶ᭞ᬫᬢᬹᬃᬫᬦᬯᭂᬕᬂ᭞ᬲᬶᬗ᭄ᬕᬶᬄᬧᬸᬓᬸᬮᬸᬦ᭄ᬪᬝᬵᬭ᭞ᬳᭂᬜ᭄ᬘᬾᬦ᭄ᬧᬳᬸᬗ᭄ᬕ᭄ᬯᬦᬶᬂᬰᬓ᭄ᬢᬶ᭞ᬲᬦᬾᬢᬢᬶᬕ᭞ᬳᭂᬜ᭄ᬘᬾᬦ᭄ᬫᬥ᭄ᬬᬮᬸᬳᬸᬃᬚᬵᬢᬶ᭚
Kaca:Bali-lontar-gaguritan-wrespati-tatwa-300ppi.pdf/5
Kaca puniki sampun kauji-wacén
