[᭓᭙ 39B]
᭓᭙
ᬇᬥᭂᬧᬦ᭄᭞ᬫ᭄ᬯᬄᬧᬦᬺᬗᬵᭂ᭞ᬫᬶᬓᬮ᭄ᬨᬫ᭄ᬯᬄᬧᬗᬯ᭄ᬭᬸᬳᬶ᭞ᬲᬸᬩᬧᬧᬶᬢᬸᬫᬯᬶᬮᬂ᭚ᬦᬄᬳᬫᭀᬦ᭄ᬢᭀ᭞ᬢᬢ᭄ᬯᬵᬦᬾᬜᬦ᭄ᬤᬂᬧᬶᬦᬶᬗᬶᬢ᭄᭞ᬳᬦ᭄ᬢᬸᬓ᭄ᬳᬶᬤ᭞ᬳᬶᬤᬲᬂᬫᭀᬢ᭄ᬢᬫ᭞ᬉᬢ᭄ᬢᬫᬦ᭄ᬬᭀᬕᬶᬰ᭄ᬯᬭᬦᬾ᭞ᬓ᭄ᬭᬡᬳᬶᬤ᭠
ᬲᬶᬤ᭄ᬥᬦᬸᬤᬸᬄ᭞ᬲᬫᬮᬦ᭄ᬳᬗ᭄ᬕᬦᬾᬲᬫᬶ᭞ᬲᬶᬤ᭄ᬥᬫᬫᬗ᭄ᬕᬶᬄᬓᬫᭀᬓ᭄ᬱᬦ᭄᭞ᬲᬲᬶᬂᬢᬸᬤᬸᬄᬲᬸᬩᬳᬬᬸ᭞ᬧᬶᬢ᭄ᬯᬶᬗᬮᬶᬳᬶᬫᬺᬢ᭄ᬣ᭞ᬢ᭄ᬓᬵᬳᬶᬗᬦ᭄᭞ᬲᬧ᭄ᬢᬫᬺᬢ᭄ᬢᬦᬾᬓᬧᬗ᭄ᬕᬶᬄ᭞ᬲᬵᬭᬶᬲᬭᬶᬦᬾᬫᬓᭂᬚᬂ᭚ᬲᬧ᭄ᬢᬵᬫᬺᬢ᭄ᬣ᭞ᬓᬾ
ᬦᬾᬧᬶᬢ᭄ᬕᭂᬲ᭄ᬜᬦᬾᬚᬵᬢᬶ᭞ᬲᭀᬯᬂᬲᭀᬯᬂ᭞ᬬᬦᬶᬂᬳᬤᬰᬩ᭄ᬤ᭞ᬢᬢᬲ᭄ᬲᬶᬦᬄᬧᬗᬺᬗᬵᭂᬦᬾ᭞ᬳᬶᬓᬸᬮᬶᬢ᭄ᬩᬶᬱᬫᬜᬶᬬᬸᬧ᭄᭞ᬫᬩ᭄ᬭᬱᬬᬂᬧᬦᬲ᭄ᬢᬶᬲ᭄᭞ᬳᬶᬱᬦᭀᬦ᭄ᬩᬶᬱᬢᬸᬫᬶᬗ᭄ᬳᬮ᭄᭞ᬲᬭᭀᬦ᭄ᬢᬶᬗ᭄ᬳᬮᬾᬓᬭᬗ᭄ᬲᬸᬓ᭄᭞ᬳᬶᬲ᭠
ᬤ᭄ᬭᬱᬮᬭᬱᬬᬂ᭞ᬳᬫ᭄ᬩᬸᬲᬶᬦᬄ᭞ᬳᬲᬶᬂᬯᬶᬱ᭄ᬬᬗᬯᬶᬱ᭄ᬬᬦᬶᬦ᭄᭞ᬦᬯᬂᬢ᭄ᬓᬾᬦ᭄ᬧᬦᬯᬗᬦ᭄᭚ᬲᬧ᭄ᬢᬵᬫᬺᬢ᭄ᬣ᭞ᬳᭂᬦ᭄ᬢᭀᬜᬦ᭄ᬤᬂᬓᬓᬵᬃᬤ᭄ᬥᬶᬦᬶᬦ᭄᭞ᬳᬧᬂᬬᭀᬕᬶᬰ᭄ᬯᬭ᭞ᬫᬶᬯᬄᬓᬵᬃᬫ᭄ᬫᬯᬰᬡᬦᬾ᭞ᬲᬶᬦᬄᬳᬲᬶᬂᬮᬯ
[᭔᭐ 40A]
ᬢ᭄ᬮᬸᬯᬸᬂ᭞ᬲᬳᬦᬦ᭄ᬳᬤᬤᬶᬕᬸᬫᬶ᭞ᬢ᭄ᬯᬭᬩᬶᬱᬓᬲᬾᬯᭂᬭᬦ᭄᭞ᬢ᭄ᬯᬭᬩᬶᬰᬜᬭᬸᬜᬭᬸ᭞ᬧᬳᬸᬦᬶᬗᬾᬚᬵᬢᬶᬢᬢᬲ᭄᭞ᬗ᭄ᬕᬯᬾᬮᬾᬤᬂ᭞ᬘᬵᬬᬕᬮᬂᬭᬱᬚᬵᬢᬶ᭞ᬧᬗᬹᬘᬧᬾᬫᬸᬂᬓᬲᬶᬤ᭄ᬥᬦ᭄᭚᭜᭚ᬤ᭄ᬫᬸᬂ᭚᭜᭚᭠
ᬦᬦᬓ᭄ᬪᬕᬯᬵᬦ᭄ᬯ᭄ᬭᬲ᭄ᬧᬢᬶ᭞ᬫᬢᬸᬗ᭄ᬕᬮᬦ᭄᭞ᬲᬬᭀᬕᬶᬰ᭄ᬯᬭᬳᬶᬢᬸᬳᬸ᭞ᬭᬶᬂᬪᬝᬵᬭᬫᬳᬸ᭠ᬮᬸᬦ᭄᭞ᬢᬦ᭄ᬲᬄᬲᬫᬳᬶᬢᬵᬧᬲ᭄ᬢᬶ᭞ᬤᬶᬲᬸᬩᬦᬾᬲᬫᬇᬢ᭞ᬲᬸᬩᬲᬶᬦᬄᬲᬮᬶᬂᬢᬸᬗ᭄ᬕᬸ᭞ᬳᬶᬦᬦᬓ᭄ᬮᬯᬦ᭄ᬪᬝᬵᬭ᭞ᬢ
ᬮᬳᬬᬸᬩᬋᬂᬤᬶᬦᬶ᭞ᬢ᭄ᬯᬭᬧ᭄ᬕᬢ᭄ᬲᬫᬇᬢ᭞ᬓ᭄ᬭᬡᬲᬸᬪᬧᬥᬧᬢᬸᬄ᭚ᬲᬧᬵᬧᬫᬮᬦᬾᬲ᭠ᬫᭀ᭞ᬫ᭄ᬯᬄᬯᬰᬡ᭞ᬳᭂᬦ᭄ᬢᭀᬲᬶᬦᬄᬲᬸᬩᬧᬸᬳᬸᬦ᭄᭞ᬲᬗ᭄ᬳ᭄ᬬᬂᬰᬶᬯᬵᬕ᭄ᬦᬶᬗᭂᬜ᭄ᬚᬸᬢ᭄᭞ᬲᬫᬮᬵᬦᬾᬳᬜᬸᬤ᭄ᬤᬤᬶ᭞ᬲᬂᬗᬕ᭄ᬫᬂᬬᭀᬕᬶ
ᬰ᭄ᬯᬭ᭞ᬬᬦ᭄ᬳᬶᬫᬮᬵᬲᬸᬩᬳᬜᬸᬤ᭄ᬫ᭄᭞ᬫᬭᬧᬕᭂᬄᬢ᭄ᬓᬾᬦ᭄ᬬᭀᬕ᭄ᬕ᭞ᬲᭀᬮᬄᬢ᭄ᬯᬭᬫᬸᬜᬃᬫᬜᬶᬃ᭞ᬪᬝᬵᬭᬦᬾᬢ᭄ᬯᬭᬕᬶᬜ᭄ᬚᬮ᭄᭞ᬤᬶᬭᬕᬫᬮᬶᬗ᭄ᬕᬶᬄᬢ᭄ᬭᬸᬲ᭄᭚ᬓ᭄ᬭᬡᬦᬶᬂᬯᬓ᭄ᬪᬚ᭄ᬭᬵᬲᬶᬤ᭄ᬥᬶ᭞ᬳᬲᬶᬂᬳᬸᬘᬧ᭄᭞ᬳᬲᬶᬂᬧᬗᭂᬜᭂᬢᬾᬤᬶ᭠
Kaca:Bali-lontar-gaguritan-wrespati-tatwa-300ppi.pdf/40
Kaca puniki sampun kauji-wacén
