[᭓᭘ 38B]
᭓᭘
ᬢᬶᬫᬢᬶ᭞ᬲᬂᬧᬡ᭄ᬥᬶᬢ᭞ᬧᬢᬹᬢ᭄ᬩ᭄ᬭᬳ᭄ᬫᬵᬘᬃᬬ᭄ᬬ᭞ᬫᬶᬯᬄᬲᬢ᭄ᬬᬯᬘᬦᬦᬾ᭞ᬢᬦ᭄ᬓᬯ᭄ᬦᬂᬜᬤ᭄ᬘ᭠ᬤ᭄ᬳᬚᬸᬫ᭄᭞ᬳᬶᬮᬂᬬᬦ᭄ᬗᬤᭀᬮ᭄ᬳᬯ᭄ᬮᬶ᭞ᬲᭀᬮᬄᬫᬫᬮᬶᬂᬢᬦ᭄ᬓᬯ᭄ᬦᬂ᭞ᬳ᭄ᬤᬓ᭄ᬭᭀᬥᬲᬮᬄᬲᭂᬗ᭄ᬕᬸᬄ᭞ᬢᬦ᭄ᬯ᭄ᬦᬂᬜ᭄ᬯᬂᬕ᭄ᬮᬄᬳᬦ᭠
ᬓ᭄᭞ᬬᬦᬶᬂᬢ᭄ᬯᬭ᭞ᬲᬸᬩᬧᬲ᭄ᬢᬶᬫᬳᬸᬪᬬᬚᬵᬢᬶ᭞ᬢᬦ᭄ᬯᭂᬦᬂᬭᬸᬗᬸᬭᬸᬗ᭄ᬯᬂ᭚ᬢ᭄ᬯᬭᬯ᭄ᬦᬂᬫᬲᭂᬩᭂᬂᬫᬺᬗᬸᬲ᭠ᬳᬶ᭞ᬭᬶᬂᬧᬕᬸᬭ᭄ᬯᬦ᭄᭞ᬫᬕᬸᬭᬸᬢᬼᬩᬂ᭞ᬲᬸᬰ᭄ᬭᬸᬱᬳᬸᬕᬶᬪᬓ᭄ᬢᬶᬦᬾ᭞ᬚᬧᬬᭀᬕ᭄ᬕᬦᬾᬧᬶᬓᬸᬓᬸᬄ᭞ᬫᬩᬺᬰᬶᬄᬫᬳ᭄ᬦᬶᬂᬳ᭄ᬦᬶᬂ᭞ᬢᬦ᭄ᬳᬩ᭄ᬯ
ᬢ᭄ᬭᬶᬧᬶᬦᬗᬦ᭄᭞ᬧᬗᬦ᭄ᬓᬢ᭄ᬓᬦᬶᬂᬳᬶᬦᬸᬫ᭄᭞ᬢ᭄ᬯᬭᬳᬫ᭄ᬧᬄᬫ᭄ᬯᬂᬫᬺᬫᬤᬵ᭞ᬳᭂᬦ᭄ᬢᭀᬰ᭄ᬭᬡ᭞ᬫᬸᬂᬧᬸᬂᬓ᭠ᬢᬸᬗ᭄ᬕᬸᬦ᭄ᬩᬦ᭄ᬳᬸᬭᬶᬧ᭄᭞ᬳᬧᬂᬳ᭄ᬤᬓᬦ᭄ᬢᬶᬕᬯᬂ᭚ᬧᬓᬵᬃᬤ᭄ᬬᬂ᭞ᬰ᭄ᬭᬡᬦ᭄ᬳᬶᬤᬲᬗ᭄ᬳ᭄ᬬᬂᬉᬭᬶᬱ᭄᭞ᬬᭀᬕ᭄ᬕᬳᬶᬫᬵᬃᬕ᭄ᬕ᭞ᬳᭂᬦ᭄ᬢᭀᬫᬮᬭ
ᬧᬦ᭄᭞ᬮᬭᬧᬦ᭄ᬤᬰᬲᬶᬮᬵᬦᬾ᭞ᬫᬤᬦ᭄ᬳᬸᬗ᭄ᬕᬸᬄᬓᬳᬸᬗ᭄ᬕᬸᬄ᭞ᬦᬾᬤᬤ᭄ᬯᬵᬜᬦ᭄ᬤᬂᬢᬗᬭᬶᬦ᭄᭞ᬰᬶᬮᬫᬶᬯᬄᬳᬚ᭄ᬜᬵᬡ᭞ᬳ᭄ᬤᬳᬫ᭄ᬧᬄᬗᬫᭀᬂᬤᬶᬢᬸ᭞ᬚᬵᬢᬶᬦᬾᬳᬶᬤᬰᬰᬶᬮ᭞ᬳᭂᬦ᭄ᬢᭀᬗ᭄ᬩᬕ᭄᭞ᬲᬂᬬᭀᬕᬶᬰ᭄ᬯᬭᬫᬮᬶ
[᭓᭙ 39A]
ᬗ᭄ᬕᬶᬄ᭞ᬭᬶᬓᬵᬮᬦᬗᬸᬦ᭄ᬬᭀᬕ᭄ᬕ᭚ᬬᬦᬶᬂᬲᬶᬤ᭄ᬥᬲᬂᬳᬚ᭄ᬜᬡᬫᬮᬶᬗ᭄ᬕᬶᬄ᭞ᬢ᭄ᬯᬭᬳᭀᬩᬄ᭞ᬫᬤᬦ᭄ᬢᬹᬃᬬ᭄ᬬᬧᬥ᭞ᬫᬶᬯᬚ᭄ᬬᬦᬶᬂᬓᬲᬶᬤ᭄ᬥᬦᬾ᭞ᬲᬂᬳᬚ᭄ᬜᬡᬲᬸᬩᬮᬸᬧᬸᬢ᭄᭞ᬲᬓᬶᬂᬰᬭᬶᬭᬦᬾᬤᬶᬦᬶ᭞ᬫᬳᬤᬦ᭄ᬢᬸᬃᬬ᭄ᬬᬦ᭄ᬳᬧᬥ᭞
ᬚᬶᬯᬫᭀᬓ᭄ᬢᬳᬶᬗᬦ᭄ᬤᬶᬢᬸ᭞ᬤᬾᬦᬶᬂᬫᬭᬕᬦᬶᬲ᭄ᬓᬵᬮ᭞ᬳᬦ᭄ᬢᬸᬓ᭄ᬳᬶᬤ᭞ᬭᬶᬓᬵᬮᬦᬗᬸᬦ᭄ᬲ᭄ᬫᬥᬶ᭞ᬲᬶᬤ᭄ᬥᬫᬗᬸᬢᬂᬰᬭᬶᬭ᭚ᬤᬤᬶᬕ᭄ᬲᭂᬂ᭞ᬓᬵᬃᬫ᭄ᬫᬯᬰᬡᬦᬾᬗᬹᬦᬶ᭞ᬦᬾᬦᬾᬫᬮ᭞ᬲᬶᬦᬄᬓᬧᬸᬳᬸᬦᬂ᭞ᬩᬳᬦ᭄ᬧᬬᭀᬕ᭠
ᬦ᭄ᬕ᭄ᬦᬶᬦᬾ᭞ᬓᬾᬦᬾᬓᬦ᭄ᬤᬦ᭄ᬜᬦᬾᬧᬢᬹᬢ᭄᭞ᬗᬶᬮᬗᬂᬫᬵᬮᬦᬾᬲᬫᬶ᭞ᬳᬚᬕ᭄ᬭᬧᬤᬢ᭄ᬫᬸᬯᬂ᭞ᬢ᭄ᬓᬾᬦ᭄ᬢᬸᬃᬬ᭄ᬬᬧᬥᬤᬶᬢᬸ᭞ᬬᬫᬶᬂᬮᬲ᭄ᬬᬧᬥᬲᬶᬤ᭄ᬥ᭞ᬫᬓᬤᬤ᭄ᬯᬵ᭞ᬫᬢ᭄ᬫᬸᬫᬓᬸᬫ᭄ᬧᬸᬮ᭄ᬤᬤᬶ᭞ᬧᬶᬂᬧᬶᬢᬸᬧᬶᬢᬸᬫᬦᬸᬗ᭄ᬕᬮ᭄
᭚ᬲᬧ᭄ᬢᬳᬗ᭄ᬕ᭞ᬲᬧ᭄ᬢᬫᬺᬢ᭄ᬢᬲᬧ᭄ᬢᬕ᭄ᬦᬶ᭞ᬤᬤᭀᬢᬸᬗ᭄ᬕᬮ᭄᭞ᬲᬧ᭄ᬢᬳᬗ᭄ᬕᬗᬭᬦ᭄᭞ᬧ᭄ᬭᬢᬶᬯᬶᬳᬧᬄᬢᬾᬚᬵᬦᬾ᭞ᬮᬗᬶᬢ᭄ᬩᬸᬤ᭄ᬥᬶᬫᬦᬄᬩᬬᬸ᭞ᬦᬄᬧᬧᬶᬢᬸᬲᬸᬩᬧᬲ᭄ᬢᬶ᭞ᬲᬧ᭄ᬢᬕ᭄ᬦᬶᬫᬮᬶᬄᬯᬶᬮᬂ᭞ᬲᬤ᭄ᬭᬱᬫᬶᬯᬄᬧᬗᬫ᭄ᬩᬸᬂ᭞ᬫᬦᭀᬦ᭄ᬫᬶᬯᬄᬧ᭠
Kaca:Bali-lontar-gaguritan-wrespati-tatwa-300ppi.pdf/39
Kaca puniki sampun kauji-wacén
