[᭓᭗ 37B]
᭓᭗
ᬤᬶᬤᬶᬓ᭄᭞ᬩᬬᬸᬦᬾᬗᬫ᭄ᬩᬄᬧᬢ᭄ᬮᬦ᭄᭚ᬓᬧᬶᬂᬧᬢ᭄ᬤᬭᬡᬬᭀᬕ᭄ᬕᬫᬓᬵᬤᬶ᭟ᬳᬤᬓᭀᬘᬧ᭄᭞ᬑᬁᬓᬭᬵᬫᬰᬩ᭄ᬤ᭞ᬤᬶᬳᬢᬶᬚᬵᬢᬶᬮᬶᬗ᭄ᬕᬶᬳᬾ᭞ᬤᬶᬢᬸᬧᬶᬤᬩ᭄ᬤᬩᬂᬫᬮᬸ᭞ᬰ᭄ᬯᬭᬦᬾᬭᬶᬗ᭄ᬓᭂᬲᬂᬲᬫᬶ᭞ᬰ᭄ᬯᬭᬳᬶᬮᬂ
ᬢᬦ᭄ᬓᬋᬗᭂ᭞ᬭᬶᬓᬵᬮᬬᭀᬕ᭄ᬕᬫᬢ᭄ᬫᬸ᭞ᬦᬄᬳᭂᬦ᭄ᬢᭀᬲᬸᬩᬰᬶᬯᬵᬢ᭄ᬫ᭞ᬫ᭄ᬭᬕᬲᬹᬦ᭄ᬬ᭞ᬳᬶᬤᬲᬗ᭄ᬳ᭄ᬬᬂᬰᬶᬯᬚᬵᬢᬶ᭞ᬓᬾᬢᭀᬲᬂᬥᬭᬡᬬᭀᬕ᭄ᬕ᭚ᬓᬧᬶᬂᬮᬶᬫᬢᬃᬓ᭄ᬓᬬᭀᬕ᭄ᬕᬓᬳᬳᬦᬶᬦ᭄᭞ᬮ᭄ᬯᬶᬃᬅᬓ᭄ᬱᬭ᭞ᬕᬮᬂ
ᬢᬦ᭄ᬮᬫᬤᬦ᭄᭞ᬢᭀᬂᬳᬤᬫᬢ᭄ᬭᬰᬩ᭄ᬤᬦᬾ᭞ᬳᬶᬓᬵᬃᬡ᭄ᬦᬢ᭄ᬯᬄᬢ᭄ᬯᬭᬗ᭄ᬭᬸᬗᬹ᭞ᬤᬾᬦᬶᬂᬲᬸᬩᬫ᭄ᬭᬕᬚᬵᬢᬶ᭞ᬓᬤᬶᬮᬗᬶᬢ᭄ᬢᬦ᭄ᬧᬢᬾᬚᬵ᭞ᬕᬮᬂᬳ᭄ᬦᬶᬂᬲᬸᬯᬸᬂᬤᬫ᭄ᬧ᭄ᬮᬸᬂ᭞ᬳᬲᬶᬂᬍᬥᭂᬧ᭄ᬲᬸᬩᬲᬚᬵ᭞ᬳᬧᬲ᭄ᬯᬢᬄ᭞ᬧ
ᬜ᭄ᬯᬭᬳᬾᬧᬤ᭄ᬫᬵᬚᬵᬢᬶ᭞ᬦᬄᬓᬾᬢᭀᬳᬶᬢᬃᬓ᭄ᬓᬬᭀᬕ᭄ᬕ᭚ᬓᬧᬶᬂᬳ᭄ᬦᭂᬫ᭄ᬲ᭄ᬫᬥᬶᬬᭀᬕ᭄ᬕ᭠ᬢᬸᬯᬶᬍᬯᬶᬄ᭞ᬓᬧᬶᬂᬳᬸᬦ᭄ᬢᬢ᭄᭞ᬚ᭄ᬜᬵᬡᬢᬦ᭄ᬧᭀᬧᬾᬓ᭄ᬱ᭞ᬢ᭄ᬯᬭᬜᬮᬦᬂᬳᬶᬮᬾ᭞ᬢ᭄ᬯᬭᬳᬤᬧ᭄ᬭᬶᬄᬭᬸᬭᬸᬄ᭞ᬓ᭄ᬮ
[᭓᭘ 38A]
ᬦ᭄ᬓᬾᬯᬮᬫᬗᬦ᭄ᬢᬶ᭞ᬢ᭄ᬓᬓᬗ᭄ᬕᭀᬳᬲᬶᬂᬢ᭄ᬓᬵ᭞ᬳ᭄ᬦᬶᬂᬳᬶᬤᬢᬦ᭄ᬧᬍᬢᬸᬄ᭞ᬳᬶᬤᬫ᭄ᬭᬕᬘᬾᬢ᭠ᬦ᭞ᬢᬦ᭄ᬗᬶᬢᬸᬗᬂ᭞ᬦᬾᬳᬤᬤᬶᬭᬵᬕᬲᬫᬶ᭞ᬮᬸᬧᬸᬢᬂᬘᬢᬸᬃᬓᬮ᭄ᬧᬵᬦ᭚ᬳᬧᬂᬳᬶᬘᬢᬸᬃᬓᬮ᭄ᬨᬡᬚᬦᬶ᭞ᬧᬶᬢ᭄ᬕᭂ
ᬲᬂ᭞ᬳ᭄ᬜᬾᬦ᭄ᬲᬂᬫᬦᬯᬂ᭞ᬳᬧᬦ᭄ᬦᬾᬓᬢᬯᬂᬋᬓᬾ᭞ᬳᬶᬓᬩᬶᬱᬦ᭄ᬩᬲ᭄ᬓᬮᬚᬸ᭞ᬳᬧᬚᬵ᭠ᬦᬾᬓᬩᬶᬱᬦᬶᬦ᭄᭞ᬦᬄᬓᬾᬢᭀᬘᬢᬸᬃᬓᬮ᭄ᬨᬡ᭞ᬲᬂᬬᭀᬕᬶᬰ᭄ᬯᬭᬧᬫᬸᬧᬸᬢ᭄᭞ᬲᬦᬾᬧᬢᬹᬢ᭄ᬫᬦ᭄ᬭᬸᬯᬾᬦᬂ᭞ᬳᬶ
ᬱᬤ᭄ᬳᬗ᭄ᬕᬵ᭞ᬳᬶᬤᬲᬂᬧᬡ᭄ᬥᬶᬢᬫᬦ᭄ᬭᬸᬯᬾᬦᬶᬦ᭄᭞ᬓᬭᬡᬓᬳᬚ᭄ᬜᬡᬦ᭄ᬳᬶᬤᬵ᭚ᬓ᭄ᬭᬡᬲᬶᬤ᭄ᬥᬲᬗ᭄ᬳ᭄ᬬᬂᬯᬶᬰᬾᬱᬓᬧᬗ᭄ᬕᬶᬄ᭞ᬳᬦ᭄ᬢᬸᬓ᭄ᬳᬶᬤ᭞ᬭᬶᬂᬲᬂᬬᭀᬕᬶᬰ᭄ᬯᬭ᭞ᬳᭂᬦ᭄ᬢᭀᬭᬓ᭄ᬱᬤᬶᬇᬥᭂᬧᬾ᭞ᬳᬶᬤᬰᬲᬶᬮᬦᬾᬧᬶᬓᬸᬓᬸᬄ᭞
ᬤᬲᬭᬶᬦ᭄ᬩᬦ᭄ᬩᬸᬤ᭄ᬥᬶᬳ᭄ᬦᬶᬂᬫ᭄ᬲᬥᬸᬥᬃᬫ᭄ᬫᬦᬾᬢ᭄ᬓᭂᬓᬂ᭞ᬤᬲᬭᬾᬗᬮᬶᬄᬭᬳᬬᬸ᭞ᬭᬳᬬᬸᬦᬶᬂᬓᬧᬡ᭄ᬥᬶᬢᬦ᭄᭞ᬚᬦᬶᬳᬸᬘᬧ᭄᭞ᬧᬫᬶᬢᭂᬢ᭄ᬮᬓ᭄ᬱᬡᬦᬾᬲᬫᬶ᭞ᬳᭂᬦ᭄ᬢᭀᬦᬾᬚᬦᬶᬲ᭄ᬓᭂᬦᬂ᭟ᬢ᭄ᬯᬭᬧᬶᬲᬦ᭄ᬓᬮᬸᬕ᭄ᬭᬗᬫ᭠
Kaca:Bali-lontar-gaguritan-wrespati-tatwa-300ppi.pdf/38
Kaca puniki sampun kauji-wacén
