[᭓᭖ 36B]
᭓᭖
᭞ᬢᬦ᭄ᬓᭂᬦᬭᬵᬚᬧᬶᬦᬸᬮᬄ᭞ᬬᬦ᭄ᬢᬸᬢᬸᬭᬂᬲᬶᬦᬄᬮᬸᬧᬸᬢ᭄᭞ᬫᬤᬲᬃᬧ᭄ᬭᬫᬡᬢᬶᬕ᭞ᬫᬓᬢᬶᬕ᭞ᬳᭂᬦ᭄ᬢᭀᬯᬶᬮᬂᬦᬾᬦᬾᬚᬦᬶ᭞ᬫᬗ᭄ᬤᬲᬶᬦᬄᬲᭀᬯᬂᬲᭀᬯᬂ᭚ᬕᬸᬭᬸᬓ᭄ᬢᬄᬲᬓᬶᬂᬲᬂᬕᬸᬭᬸᬗᬶᬘᬾᬦᬶᬦ᭄᭞ᬓ᭄ᬭᬡ᭠
ᬩᬶᬱ᭞ᬦᬾᬫᬤᬦ᭄ᬰᬲ᭄ᬢ᭄ᬭᬓ᭄ᬢᬄ᭞ᬓᬩᬶᬱᬦ᭄ᬲᬓᬾᬂᬰᬵᬲ᭄ᬢ᭄ᬭᬦᬾ᭞ᬫᬶᬯᬄᬲ᭄ᬯᬢᬄᬯᬱ᭄ᬝᬦᬶᬧᬸᬦ᭄᭞ᬲᬓᬶᬂᬇᬥᭂᬧ᭄ᬓ᭄ᬭᬡᬭᬶᬭᬶᬄ᭞ᬲᬓᬶᬂᬧᬗᬶᬗᭂᬭᬾᬘ᭄ᬮᬂ᭞ᬦᬄᬓᬾᬢᭀᬧ᭄ᬭᬫᬡᬢ᭄ᬮᬸ᭞ᬤᬺᬯᬾᬦ᭄ᬲᬂᬬᭀᬕᬶᬰ᭄ᬯᬭ᭞ᬧᬸᬲᭂᬃᬧᭂ᭠
ᬜ᭄ᬘᬃ᭞ᬩᬸᬓᬢᬸᬢᬸᬃᬩᬧᬗᬹᬦᬶ᭞ᬫᬗᭂᬤᭂᬂᬧᬸᬲᭂᬃᬚᬶᬱᭂᬫ᭄ᬘᬃ᭚ᬳᬤᬩ᭄ᬯᬶᬦ᭄ᬬᭀᬕᬦᭂᬫ᭄ᬦᭂᬫ᭄ᬓᬤᬦᬶᬦ᭄᭞ᬫᬉᬢ᭄ᬢᬫ᭞ᬮ᭄ᬯᬶᬃᬜᬦᬾᬘᬘᬓ᭄᭞ᬲᬤᬕᬶᬂᬬᭀᬕ᭄ᬕᬦᬾ᭞ᬓ᭄ᬭᬡᬫᬯᬶᬰᬾᬱᬢ᭄ᬧᬸᬓ᭄᭞ᬫ᭄ᬥᬲᬃᬳᬶᬕᬮᬂᬩᬸᬤ᭄ᬥᬶ᭞᭠
ᬳ᭄ᬤᬗᬦ᭄ᬢᬶᬓᬲᬾᬯᭂᬭᬦ᭄᭞ᬲᬗ᭄ᬳ᭄ᬬᬂᬗᬵᬚᬶᬫᬸᬮᬧᬸᬢᬸᬲ᭄᭞ᬳᬶᬧᬗᬺᬱᭂᬧ᭄ᬫᬗ᭄ᬤᬢᬢᬲ᭄᭞ᬳ᭄ᬤᬳᬶᬫ᭞ᬮᬯᬸᬢ᭄ᬳᬶᬭᬶᬂᬲᬗ᭄ᬳ᭄ᬬᬂᬗᬵᬚᬶ᭞ᬦᬄᬓᬾᬢᭀᬤᬕᬶᬂᬬᭀᬕ᭄ᬕ᭚ᬓᬧᬶᬂᬢᬸᬗ᭄ᬕᬮ᭄᭞ᬧᬺᬢ᭄ᬬᬵᬭᬵᬬᭀᬕᬍᬯᬶᬄ᭞ᬲᬂᬇᬦ᭄ᬤ᭄ᬭᬶᬬ᭞
[᭓᭗ 37A]
ᬫᬓ᭄ᬚᬂᬫ᭄ᬯᬄᬲᬓᬜ᭄ᬘᬦ᭄ᬯᬶᬰᬬᬦᬾ᭞ᬩᬸᬤ᭄ᬥᬶᬫᬦᬄᬫᬗ᭄ᬤᬳᬤᬸᬂ᭞ᬢ᭄ᬯᬭᬤᬤᬶᬓ᭄ᬫᬵᬫᬳᬶ᭞ᬓ᭄ᬫᬶᬢ᭄ᬇᬥᭂᬧᬾᬕᬶᬲ᭄ᬬᬂ᭞ᬳᬧᬳ᭄ᬤᬲᬳᬶᬲᬳᬶᬗᬗ᭄ᬕᬸᬃ᭞ᬢᬸᬲᬶᬂᬤᬤᬶᬫᬫ᭄ᬩᭂᬓ᭄ᬩᭀᬜ᭄ᬘᬄ᭞ᬦᬗᬸᬦ᭄ᬬᭀᬕ᭄ᬕ᭞ᬲᬸᬘᬶᬫᬦᬄᬲᬳᬶᬢᬶᬮᬶᬂ᭞ᬫ
ᬢᬶᬢᬶᬲᬂᬧ᭄ᬭᬢ᭄ᬬᬅᬭ᭚ᬓᬧᬶᬂᬧᬶᬦ᭄ᬤᭀ᭞ᬥ᭄ᬬᬦᬬᭀᬕ᭄ᬕᬓᬯᬱ᭄ᬝᬦᬶᬦ,ᬫᬲᬶᬄᬫ᭄ᬮᬄ᭞ᬢ᭄ᬯᬭᬤᬤᬶᬳᭀᬩᬄ᭞ᬳᬧᬂᬫᬦᬸᬗ᭄ᬕᬮ᭄ᬚ᭄ᬜᬵᬡᬦᬾ᭞ᬢᬦ᭄ᬲᭂᬗ᭄ᬓᬮᬚ᭄ᬜᬵᬡᬢᬸᬮᬸᬲ᭄᭞ᬢᬦ᭄ᬲᬄᬍᬕᬵᬲᬳᬶᬳ᭄ᬦᬶᬂ᭞ᬦᬶᬃᬫ᭄ᬫᬮᬵᬩᬸᬤ᭄ᬥᬶ᭠
ᬫᬮᬶᬮᬂ᭞ᬋᬕᭂᬤ᭄ᬍᬢᬸᬄᬲᬸᬩᬳᬜᬸᬤ᭄᭞ᬳᬸᬫ᭄ᬩᬄᬩᬳᬦ᭄ᬓᬩ᭄ᬬᬱᬦ᭄᭞ᬲᬶᬦᬄᬲᬶᬤ᭄ᬥ᭞ᬦᬗᬸ᭠ᬦᬂᬥ᭄ᬬᬦᬲ᭄ᬫᬤ᭄ᬥᬶ᭞ᬫᬮᬭᬧᬦ᭄ᬲᬓᬾᬂᬚ᭄ᬜᬵᬡ᭚ᬓᬧᬶᬂᬢᬶᬕ᭞ᬧ᭄ᬭᬡᬬᬫᬓᬯᬱ᭄ᬝᬦᬶᬦ᭄᭞ᬧᬧᬶᬗᬶᬢᬦ᭄᭞ᬬᭀᬕ᭄ᬕᬧ᭄ᬭᬡ᭠
ᬬᬫ᭞ᬲᬃᬯ᭄ᬯᬤ᭄ᬯᬵᬭᬫᬶᬦᭂᬩ᭄ᬓᬩᬾᬄ᭞ᬤᬶᬲᬸᬩᬤ᭄ᬯᬭᬫᬢᬸᬢᬸᬧ᭄᭞ᬳᬶᬩᬬᬸᬫᬳᬶᬲᭂᬧ᭄ᬲᬫᬶ᭞ᬮᬯᬸᬢ᭄ᬳᬸᬫᬤ᭄ᬗᬫ᭄ᬦᬾᬓᬂ᭞ᬓᬯᬸᬦ᭄ᬯᬸᬦᬦ᭄ᬫᬫ᭄ᬲᬸ᭞ᬬᬦ᭄ᬢᬦ᭄ᬩ᭄ᬬᬱᬓᬯᬸᬦ᭄ᬯᬸᬦᬦ᭄᭞ᬮᬯᬸᬢ᭄ᬚᬗ᭄ᬓᬵ᭞ᬓᬘᬸᬗᬸᬄᬲᬓᬲ
Kaca:Bali-lontar-gaguritan-wrespati-tatwa-300ppi.pdf/37
Kaca puniki sampun kauji-wacén
