[᭓᭕ 35B]
᭓᭕
ᬧᬫ᭄ᬭᬶᬳᬾ᭞ᬢ᭄ᬓᬾᬦ᭄ᬫᬢᬶᬤᬳᬢᬓᬸᬢ᭄᭞ᬤᬸᬄᬓᬶᬢᬫᬲᬶᬄᬢᬓᬸᬢᬶᬦ᭄᭞ᬫᬩᬸᬤ᭄ᬥᬶᬲᬸᬓᬓᬾᬯᬮ᭞ᬫᬶᬯᬄᬢ᭄ᬓᬾᬦ᭄ᬧᬗᬦ᭄ᬓᬶᬦᬸᬫ᭄᭞ᬓᬾᬢᭀᬚᬢᬶᬦ᭄ᬳᬶᬫᬵᬦᬸᬱ᭞ᬫᭀᬫᭀᬫ᭄ᬦᬳᬄ᭞ᬧᬫ᭄ᬭᬶᬳᬾᬲᬸᬓᬲᬸᬕᬶᬄ᭞ᬢ᭄ᬓᬾᬦ᭄ᬢᬸᬬᬸᬄ
ᬓᬾᬯᭂᬄᬧᬶᬲ᭄ᬦ᭄᭚ᬧ᭄ᬦᬧ᭄ᬢᬶᬦᬾ᭞ᬳᭂᬦ᭄ᬢᭀᬫᬓ᭄ᬚᬂᬧ᭄ᬮᬶᬄ᭞ᬯᬶᬭᬾᬄᬲᬸᬩ᭞ᬫᬩ᭄ᬓᭂᬮ᭄ᬯᬰᬡ᭞ᬲᬸᬩᬫᬢᬸᬮᬶᬲ᭄ᬳᬢ᭄ᬫᬵᬦᬾ᭞ᬤᬾᬦᬶᬂᬲᬸᬩᬳᬮᬳᬬᬸ᭞ᬲᬭᬧᬕᬯᬾᬦᬾᬗᬹᬦᬶ᭞ᬳᬶᬤᬲᬂᬯᬶᬓᬸᬫᭀᬢ᭄ᬢᬫ᭞ᬲᬂᬬᭀᬕᬶᬰ᭄ᬯᬭ
ᬧᬫᬸᬧᬸᬢ᭄᭞ᬲᬶᬤ᭄ᬥᬦᬶᬗ᭄ᬕᬮᬂᬯᬶᬱᬬ᭞ᬓᭀᬦ᭄ᬤᬾᬦ᭄ᬓᬃᬬ᭄ᬬ᭞ᬧᬘᬂᬫᬫᬗ᭄ᬕᬶᬳᬂᬩ᭄ᬘᬶᬓ᭄᭞ᬳᬤᭀᬄᬲᬳᬓᬶᬂᬓᬫᭀᬓ᭄ᬱᬡᬦ᭄᭚ᬯᬶᬭᬾᬄᬢᬦ᭄ᬲᬄ᭞ᬳᬶᬧᬜ᭄ᬘᬢᬦ᭄ᬫᬢ᭄ᬭᬓᬭᬶ᭞ᬲᬗ᭄ᬳ᭄ᬬᬂᬗᬵᬢ᭄ᬫᬭᬸᬫᬓᭂᬢ᭄ᬭᬶᬂᬳᬗ᭄ᬕᬵ᭞ᬭᬶᬗᬵᬢ᭄ᬫᬧ
ᬢᬸᬗ᭄ᬕᬮᬦᬾ᭞ᬲᬹᬓ᭄ᬱ᭄ᬫᬯᬶᬰᬾᬱᬢᬸᬳᬸ᭞ᬮᬶᬗ᭄ᬕᬦ᭄ᬲᬦ᭄ᬳ᭄ᬬᬂᬗᬵᬢ᭄ᬫᬚᬢᬶ᭞ᬬᬦ᭄ᬳᬮᬢᬶᬩᬵᬭᬶᬂᬓᬯᬄ᭞ᬬᬦᬶᬂᬫ᭄ᬮᬓ᭄ᬱᬡᬳᬬᬸ᭞ᬲᬶᬦᬄᬓᬢᬶᬩᬵᬭᬶᬂᬲ᭄ᬯᬃᬕ᭄ᬕᬦ᭄᭞ᬫᬗ᭄ᬕᬶᬄᬲᬸᬓᬵ᭞ᬨᬮᬫᭀᬓ᭄ᬱᬲᭂᬗ᭄ᬓᬗᬮᬶᬄ᭞ᬯᬶᬭᬾᬄ᭠
[᭓᭖ 36A]
ᬢᬦ᭄ᬧᬚᬦ᭄ᬫᬵᬫ᭄ᬯᬄ᭚ᬫᬗ᭄ᬤᬲᬶᬤ᭄ᬥᬗᬫ᭄ᬩᭂᬓᬂᬩ᭄ᬭᬢᬲ᭄ᬫᬤ᭄ᬥᬶ᭞ᬭᬶᬂᬪᬝᬵᬭ᭞ᬬᬤᭀᬦ᭄ᬢᬦ᭄ᬧᬡ᭄ᬥᬶᬢ᭞ᬯ᭄ᬓᬲ᭄ᬧᬡ᭄ᬥᬶᬢᬤᬤᬶᬯᬶᬰᬾᬱᬦᬶᬂᬯᬶᬓᬸ᭞ᬓᬾᬦᬾᬫᬤᬦ᭄ᬯᬶᬓᬸᬚᬵᬢᬶ᭞ᬫᬘᬘᬓ᭄ᬤᬤᬶᬢᬢᬶᬕ᭞ᬓᬵᬃᬫ᭄ᬫᬚ᭄ᬜ
ᬡᬬᭀᬕᬶᬧᬸᬢᬸᬲ᭄᭞ᬯᬶᬓᬸᬓᬵᬃᬫ᭄ᬫᬦᬾᬳᬃᬢ᭄ᬣᬶᬬᬂ᭞ᬩ᭄ᬭᬢᬋᬚᬵ᭞ᬳᬾᬫᬚᬧᬓᬫᬃᬕ᭄ᬕᬶᬦ᭄᭞ᬢᬦ᭄ᬲᬄᬳᬶᬤᬭᬶᬂᬧᬰ᭄ᬭᬫᬦ᭄᭚ᬯᬶᬓᬸᬳᬚ᭄ᬜᬡ᭞ᬓᬾᬦᬾᬳᬃᬢᬶᬦ᭄ᬜᬦᬾᬚᬵᬢᬶ᭞ᬳᬸᬦᬶᬂᬢᬢᬲ᭄᭞ᬭᬶᬂᬉᬗ᭄ᬕ᭄ᬯᬦ᭄ᬤᬾᬯ
ᬢᬵ᭞ᬲᬫᬶᬭᬶᬂᬭᬵᬕᬮᬶᬗ᭄ᬕᬶᬳᬾ᭞ᬫ᭄ᬯᬄᬢᬢ᭄ᬯᬦ᭄ᬪ᭄ᬯᬦᬳᬕᬸᬂ᭞ᬲᬦᬮᬯᬦ᭄ᬪ᭄ᬯᬦᬳᬮᬶᬢ᭄᭞ᬫᬶᬯᬄᬳᬚ᭄ᬜᬡᬫᬮᬶᬮᬂ᭞ᬭᬕᬲᬓ᭄ᬱᬢ᭄ᬩᬮᬾᬳᬕᬸᬂ᭞ᬧᬗ᭄ᬳ᭄ᬬᬂᬯᬢᭂᬓ᭄ᬤᬾᬯᬢ᭞ᬓ᭄ᬭᬡᬳᬶᬤ᭞ᬬᭀᬕ᭄ᬕᬫ᭄ᬦᭂᬂᬓᬓᬵᬃᬬ᭄ᬬ
ᬦᬶᬦ᭄᭞ᬳᬶᬤᬫᬭᬕᬘᬾᬢᬦ᭚ᬬᭀᬕ᭄ᬕᬶᬰ᭄ᬯᬭ᭞ᬳᭂᬦ᭄ᬢᭀᬯᬶᬓᬸᬦᬾᬢ᭄ᬕᭂᬲᬶᬦ᭄᭞ᬫᬉᬢ᭄ᬢᬫ᭞ᬦᬸᬳᬸᬢᬂᬧᬯᬶᬮᬗᬦ᭄᭞ᬗᬶᬢᬸᬂᬧ᭄ᬭᬬᭀᬕᬲᬦ᭄ᬤᬶᬦᬾ᭞ᬮᬓ᭄ᬱᬡᬢᬦ᭄ᬓᭂᬦᬾᬂᬢᬸᬤᬸᬄ᭞ᬫᬸᬮᬢ᭄ᬯᬄᬯᬶᬰᬾᬱᬚᬵᬢᬶ
Kaca:Bali-lontar-gaguritan-wrespati-tatwa-300ppi.pdf/36
Kaca puniki sampun kauji-wacén
