[᭓᭔ 34B]
᭓᭔
ᬤᬲᬗ᭄ᬳ᭄ᬬᬗᬵᬳᬶ᭞ᬫᬭᬕᬚᬓ᭄ᬱᬧᬓᭂᬃᬣᬦ᭄᭚ᬲᬗᬵᬚ᭄ᬜᬡᬳᬧᬂᬳ᭄ᬤᬗᬦ᭄ᬢᬶᬫᬢᬶ᭞ᬓᬭᬸᬲᬓᬂ᭞ᬩᬳᬦ᭄ᬳᬶᬧ᭄ᬭᬓᬵᬭ᭞ᬧᬕᭂᬳᬦ᭄ᬳᬶᬥᭂᬧ᭄ᬳᬶᬦᬦᬓᬾ᭞ᬢᬗᬭᬶᬦ᭄ᬫᬗᬶᬲᬶᬤᬶᬢᬸ᭞ᬳᬶᬓᬵᬃᬡ᭄ᬦᬫᬶᬯᬄᬧᬗᬓ᭄ᬱᬶ᭞ᬳ᭄ᬤᬧᬶ
ᬲᬦ᭄ᬗᬾᬮᬄᬫᬦᬄ᭞ᬳ᭄ᬤᬧᬢᬶᬭᬸᬦᬸᬭᬸᬗᬸ᭞ᬢ᭄ᬓᬾᬦ᭄ᬭᬯᭀᬲ᭄ᬤᬶᬲᬫ᭄ᬧᬸᬦᬦ᭄᭞ᬯᬶᬭᬾᬄᬲᬶᬦᬄ᭞ᬲᬗ᭄ᬳ᭄ᬬᬗᬵᬚᬶᬳᭀᬩᬄᬤᬤᬶ᭞ᬩᬳᬦ᭄ᬳᬶᬢᬸᬦᬦ᭄ᬳᬶᬚᬕᬢ᭄᭚ᬲᬗ᭄ᬳ᭄ᬬᬗᬵᬚᬶᬲᬮᬶᬦ᭄ᬧᬳᬶᬤ᭄᭞ᬭᬶᬂᬯᬶᬮᬗᬦ᭄᭞ᬲᬭᬶᬮᬯᬦ᭄ᬳᬫ᭄ᬧᬲ᭄᭞
ᬳᬯᭀᬃᬫᬳᬤᬸᬓᬦ᭄ᬤᬤᬶᬦᬾ᭞ᬓᬾᬢᭀᬳᬶᬫᬦᬸᬱᬳᬶᬤᬸᬧ᭄᭞ᬦᬗ᭄ᬳᬶᬂᬬᬦ᭄ᬲᬸᬩᬦᬶᬂᬫᬢᬶ᭞ᬳᭂᬦ᭄ᬢᭀᬫᬓ᭄ᬚᬂᬤᬤᬶᬩ᭄ᬮᬲ᭄᭞ᬧᬜ᭄ᬘᬫᬳᬪᬹᬢ᭄ᬣᬮᬯᬸᬢ᭄᭞ᬩ᭄ᬮᬲ᭄ᬢ᭄ᬓᬾᬦ᭄ᬳᬶᬰᬭᬶᬭ᭞ᬲᬗ᭄ᬳ᭄ᬬᬂᬗᬵᬢ᭄ᬫ᭞ᬳᬶᬰᬭᬶᬭᬓᬩ᭄ᬮᬲᬶᬦ᭄᭞ᬳᭂ᭠
ᬦ᭄ᬢᭀᬓᬤᬾᬦ᭄ᬳᭂᬢᭂᬄᬳᬶᬬᬂ᭚ᬲᬦ᭄ᬳ᭄ᬬᬳᬂᬗᬵᬢ᭄ᬫᬵᬳ᭄ᬦᬸᬮᬗ᭄ᬕᭂᬂᬢ᭄ᬯᬭᬕᬶᬗ᭄ᬲᬶᬃ᭞ᬗᬫᭀᬂᬭᬕ᭞ᬫᬓ᭄ᬭᬡ᭞ᬤᬶᬚᬕᬢ᭄᭞ᬳᬾᬩᭂᬓᬦ᭄ᬩᬳᬦ᭄ᬳᬢ᭄ᬫᬵᬦᬾ᭞ᬳᬶᬧᬜ᭄ᬘᬢᬦ᭄ᬫᬢ᭄ᬭᬳ᭄ᬦᬸ᭞ᬲᬦ᭄ᬳ᭄ᬬᬂᬗᬵᬢ᭄ᬫᬓᬳᬯᭀᬭᬶᬦ᭄᭞ᬳᭂᬦ᭄ᬢᭀᬤᬤᬶᬭᬵ
[᭓᭕ 35A]
ᬳᬦ᭄ᬳᬢ᭄ᬫᬵ᭞ᬫᬶᬯᬄᬤᬰᬾᬦ᭄ᬤ᭄ᬭᬶᬬᬤᬶᬢᬸ᭞ᬩᬸᬤ᭄ᬥᬶᬫᬦᬄᬫ᭄ᬯᬄᬅᬗ᭄ᬓᬭ᭞ᬭᬚᬄᬢᬫᬄ᭞ᬲᬢ᭄ᬯᬃᬕᬤ᭄ᬯᬾᬰᬓᬭᬶ᭞ᬭᬸᬫᬓᭂᬢ᭄ᬭᬶᬂᬲᬗ᭄ᬳ᭄ᬬᬂᬗᬵᬢ᭄ᬫ᭚ᬫᬓᬫᬶᬯᬄᬳᬶᬯᬰᬡ᭞ᬳ᭄ᬦᬸᬲᬫᬶᬢᬦ᭄ᬧᬶᬲᬄ᭞ᬭᬸᬫᬓᭂᬢ᭄ᬭᬶᬂᬗᬵᬢ᭄ᬫ᭞ᬫ᭄ᬯᬄ
ᬧᬜ᭄ᬘᬫᬳᬪᬸᬢ᭄ᬣᬦᬾ᭞ᬫᬓ᭄ᬚᬂᬳ᭄ᬦᬸᬫᬓᬸᬫ᭄ᬧᬸᬮ᭄᭞ᬫᬓᬲᬸᬭᬢ᭄ᬳᬢ᭄ᬫᬵᬲᬫᬶ᭞ᬳᭂᬦ᭄ᬢᭀᬤᬤᬶᬳᬯᬓ᭄ᬳᬫᬵ᭞ᬭᬶᬓᬵᬮᬫᬢᬶᬧᬶᬢᬸᬳᬸ᭞ᬓᬾᬯᬮᬩᬗ᭄ᬓᬾᬫᬓᬸᬢᬂ᭞ᬢᬦ᭄ᬧᬕᬸᬡ᭞ᬫᬸᬮᬶᬄᬜᬦᬾᬓᬧ᭄ᬭᬢᬶᬯᬶ᭞ᬢᬾᬫ᭄ᬩᭀᬓ᭄ᬳᭂᬩᬄ
ᬤᬤᬶᬢᬦᬄ᭚ᬳᭂᬦ᭄ᬢᭀᬤᬶᬓᬧᬦ᭄ᬢ᭄ᬯᬭᬩ᭄ᬯᬶᬦᬸᬫᬶᬢᬶᬲ᭄᭞ᬩᬸᬓᬲᬸᬩ᭞ᬯᬶᬭᬾᬄᬲᬗ᭄ᬳ᭄ᬬᬂᬗᬵᬢ᭄ᬫ᭞ᬲᬶᬦᬄᬳ᭄ᬦᬸᬪᬹᬓ᭄ᬢᬶᬦ᭄ᬜᬦᬾ᭞ᬳᬾᬩᭂᬓ᭄ᬚᬕᬢᬾᬓᬲᬸᬲᬸᬧ᭄᭞ᬲᬸᬩᬳᬯᭀᬃᬫᬓᬲᬫᬶ᭞ᬭᬶᬂᬚᬕᬢ᭄ᬳᬶᬤᬳ᭄ᬬᬂᬗᬵᬢ᭄ᬫ᭞ᬓ᭄ᬭᬡᬳᬲᬶᬂᬚ
ᬦ᭄ᬫᬢᬸᬫ᭄ᬩᬸᬄ᭞ᬢ᭄ᬯᬭᬳᬤᬢᬦ᭄ᬇᬦ᭄ᬤ᭄ᬭᬶᬬ᭞ᬓᬭᬓᭂᬢᬦ᭄᭞ᬯᬶᬭᬾᬄᬳᬢ᭄ᬫᬵᬦᬾᬫᬢᬸᬮᬶᬲ᭄᭞ᬢᬸᬮᬶᬲᬾᬩᬋᬂᬫᬶᬦ᭄ᬤᭂᬗᬦ᭄᭚ᬲᬂᬫᬉᬭᬶᬧ᭄ᬮᬸᬄᬫ᭄ᬯᬦᬶᬫᬓᬲᬫᬶ᭞ᬓᬇᬦ᭄ᬤ᭄ᬭᬶᬬᬦ᭄᭞ᬇᬦ᭄ᬤ᭄ᬭᬶᬬᬦᬾᬫᬲᭀᬫᬄ᭞ᬤᬶᬲᬸᬓ᭄ᬯᬦ᭄ᬢᬄ
Kaca:Bali-lontar-gaguritan-wrespati-tatwa-300ppi.pdf/35
Kaca puniki sampun kauji-wacén
