[᭓᭓ 33B]
᭓᭓
ᬡᬦ᭄ᬉᬭᬶᬧᬾᬮᬦᬸᬲ᭄᭞ᬲᬶᬦᬄᬲᬂᬫᬸᬭᬶᬬᭀᬲᬗ᭄ᬲᬭ᭞ᬤᬸᬤᬸᬓ᭄ᬫᬮᬵ᭞ᬲᬂᬫᬢᬶᬫᭀᬓ᭄ᬱᬓ᭠ᬧᬗ᭄ᬕᬶᬄ᭞ᬫᬮᬦ᭄ᬭᬕᬲᬸᬩᬫᬢᬶᬗ᭄ᬕᬮ᭄᭚ᬲᬤᬕᬢᬶᬪᬝᬵᬭᬳᬶᬤᬜᬯᬸᬭᬶᬦ᭄᭞ᬳᬤᬸᬄᬦᬦᬓ᭄᭞ᬳ᭄ᬤᬮᬚᬸᬗᬹᬘᬧ᭄᭞
ᬳᭂᬦ᭄ᬢᭀᬲᭂᬗ᭄ᬓᬵᬧᬗ᭄ᬭᬯᭀᬲᬾ᭞ᬤᬶᬦᬶᬫᬤᬦ᭄ᬲᬪᬳᬕᬸᬂ᭞ᬬᬦ᭄ᬳᬸᬘᬧᬂᬳᬾᬭᬂᬤᬶᬦᬶ᭞ᬳᬓᬸᬤᬗ᭄ᬮᬄᬮᬮ᭄ᬬᬢ᭄᭞ᬳᬓᬸᬤᬲᬸᬩᬓᬢ᭄ᬧᬸᬓ᭄᭞ᬩᬳᬦ᭄ᬮᬮ᭄ᬬᬢᬾᬩᬯᬓ᭄᭞ᬓ᭄ᬭᬡᬗᬹᬘᬧ᭄ᬦᬾᬦᬾᬫᬢᬶᬧ᭄ᬭᬕᬢ᭄ᬫ᭠
ᬢᬶ᭞ᬳᬤᭀᬄᬦᬸᬫᬶᬢᬶᬲ᭄ᬫᬢᬸᬮᬓ᭄᭚ᬬᬦ᭄ᬳᬶᬦᬦᬓ᭄ᬫᬜᭂᬗ᭄ᬕᬸᬄᬢ᭄ᬯᬭᬦᬸᬫᬶᬢᬶᬲ᭄᭞ᬳᬶᬫᬵᬦᬹᬱ᭞ᬫᬶᬯᬄᬢᬦ᭄ᬧᬕᬸᬡ᭞ᬦᬾᬳᬬᬸᬮᬯᬳᬦ᭄ᬳᬮᬦᬾ᭞ᬓᬳᬤᬶᬲᬗ᭄ᬳ᭄ᬬᬂᬲᬹᬃᬬ᭄ᬬᬫ᭄ᬢᬸ᭞ᬳᭂᬦ᭄ᬤᬕ᭄ᬳᬶᬤᬳᬸᬮᬶᬓᬗᬶᬦ᭄᭞ᬳᭂᬗ᭄ᬲᭂ᭠
ᬩ᭄ᬓᬯᬸᬄᬲᬸᬩᬲᬶᬦᬄ᭞ᬳᭂᬦ᭄ᬢᭀᬦᬦᬓ᭄ᬲ᭄ᬯᬢᬄᬫᬮᬸ᭞ᬬᬦ᭄ᬳᬓᬸᬤᬳᬤᬲᬹᬃᬬ᭄ᬬ᭞ᬩᬸᬓᬫᭂᬫ᭄ᬩᬄ᭞ᬫ᭄ᬥᬮ᭄ᬳᭂᬦ᭄ᬤᬕ᭄ᬳᬸᬮᬶᬓᬗᬶᬦ᭄᭞ᬫᬶᬭᬶᬩ᭄ᬫᬦᭂᬩᭂᬓᬶᬦ᭄ᬚᬕᬢ᭄᭚ᬳ᭄ᬜᬾᬦ᭄ᬲᬶᬦᬄᬢᬳᬾᬦ᭄ᬳᬸᬕᬶᬫᬦᬶᬂᬳᬮᬶᬦ᭄᭞ᬲᬹᬃᬬ᭄ᬬ
[᭓᭔ 34A]
ᬢᬸᬮᬓ᭄᭞ᬤᬶᬓ᭄ᬮᬗᬗᬶᬦᬂ᭞ᬫᬶᬭᬶᬩ᭄ᬮᬾᬦ᭄ᬲᬳᬶᬲᬹᬃᬬ᭄ᬬᬦᬾ᭞ᬳ᭄ᬜᬾᬦᬯᬂᬲᬹᬃᬬ᭄ᬬᬮ᭄ᬬᬸ᭞ᬤᬾᬦᬾᬳ᭄ᬮᬾᬩ᭄ᬳᬸᬮᬶᬓᬦᬶᬦ᭄᭞ᬳ᭄ᬜᬾᬦ᭄ᬢᬳᬾᬦ᭄ᬫᬗᬯᬗᬂ᭞ᬫᬫᭂᬢᬾᬓᬶᬦ᭄ᬲᬹᬃᬬ᭄ᬬᬳᬸᬮᬸᬂ᭞ᬲᬶᬦᬄᬮ᭄ᬬᬸᬫᬓᬘᬓᬦ᭄᭞ᬢᬦ᭄ᬯᬶᬦᬶᬮᬂ᭞ᬩ
ᬗ᭄ᬓᬾᬦ᭄ᬲᬹᬃᬬ᭄ᬬᬦᬾᬧᬕᬸᬮᬶᬦ᭄ᬢᬶᬓ᭄᭞ᬭᬱᬫᬗᭂᬩᭂᬓᬶᬦ᭄ᬚᬕᬢ᭄᭚ᬳᬧᬓ᭄ᬭᬡᬮ᭄ᬬᬸᬩᬦᬶᬫᬗ᭠ᬤᬦᬶᬦ᭄᭞ᬫᬩᬶᬦᬬᬦ᭄᭞ᬦᬾᬦᬾᬫᬸᬮᬢᬸᬗ᭄ᬕᬮ᭄᭞ᬲᬓᬶᬂᬩᬾᬤ᭄ᬥᬧᬗᬶᬥᭂᬧᬾ᭞ᬢ᭄ᬓᬾᬦ᭄ᬫᬢᬢ᭄ᬯᬭᬳᬤᬸᬂ᭞ᬳᬾᬗ᭄ᬕᬮᬦ᭄
ᬲᬸᬩᬫᬫᬸᬜᬶ᭞ᬓᬾᬢᭀᬱᬓ᭄ᬱᬦ᭄ᬳᬶᬫᬦᬹᬱ᭞ᬫᬳᬫ᭄ᬩᭂᬓ᭄ᬧᬮᬶᬂᬳᬸᬮᬗᬸᬦ᭄᭞ᬓᬮᬶᬧᬸᬢ᭄ᬩ᭠ᬦ᭄ᬓᬯ᭄ᬬᬫᭀᬳ᭞ᬧᬧ᭄ᬢᭂᬗᬦ᭄᭞ᬢ᭄ᬯᬭᬳ᭄ᬜᬓ᭄ᬗᭂᬦ᭄ᬢᬶᬲᬸᬦ᭄ᬤᬶᬄ᭞ᬳᬧᬩ᭄ᬯᬶᬦ᭄ᬳ᭄ᬦᬸᬍᬫᬄ᭚ᬗᬸᬮᬄᬧ᭄ᬲᬸ᭞ᬗᬸᬮᬳᬮᬸᬄᬫᬫᬸᬜᬶ᭞ᬫ
ᬜᭀᬚᬭᬂ᭞ᬢ᭄ᬯᬭᬫᬗᬤᬸᬗᬂ᭞ᬇᬥᭂᬧ᭄ᬫᬸᬜᬶᬮᬓ᭄ᬱᬡ᭄ᬦᬦᬾ᭞ᬩ᭄ᬦᭂᬄᬧ᭄ᬮᬶᬄᬢ᭄ᬯᬭᬳᬶᬢᬸᬂ᭞ᬫᬓ᭄ᬭᬡᬦᬾᬲᬗ᭄ᬳ᭄ᬬᬂᬗᬵᬚᬶ᭞ᬮ᭄ᬬᬸᬳᬤᬧᬯᬶᬮᬗᬦ᭄᭞ᬤᬤᬶᬲᬶᬧᬢ᭄ᬲᬶᬓᬸᬲᬶᬓᬸ᭞ᬲᬶᬧᬢᬶᬂᬫᬢᬸᬗ᭄ᬓᬲᬦ᭄᭞ᬫᬸᬜᬶᬗᬦ᭄ᬤᬂ᭞ᬓ᭄ᬭᬡᬳᬶ
Kaca:Bali-lontar-gaguritan-wrespati-tatwa-300ppi.pdf/34
Kaca puniki sampun kauji-wacén
