[᭓᭒ 32B]
᭓᭒
ᬢᬶᬯᬦ᭄ᬢᬄᬢᬢᬶᬕᬵ᭞ᬫᬓᬓ᭄ᬭᬡᬦ᭄ᬜᬦᬾᬧᬢᬹᬢ᭄᭞ᬳᭂᬦ᭄ᬢᭀᬦᬾᬚᬦᬶᬧ᭄ᬭᬶᬳᬂ᭞ᬳᬧᬂᬲᬶᬤ᭄ᬥ᭞ᬩᬓᬢ᭄ᬯᬶᬰᬾᬱᬦᬾᬚᬢᬶ᭞ᬦᬄᬓᬾᬦᬾᬦᬦᬓ᭄ᬓᬦ᭄ᬤᬦ᭄ᬜᬵ᭚ᬦᬾᬢᬢ᭄ᬮᬸᬓᬾᬦᬾᬢᬸᬢᬸᬃᬜᬦᬾᬚᬢᬶ᭞ᬦᬾ
ᬦᬾᬦᬯᬂ᭞ᬭᬶᬂᬢᬢ᭄ᬯᬵᬫᬓ᭄ᬚᬂ᭞ᬳᭂᬦ᭄ᬢᭀᬢ᭄ᬯᬄᬫᬓᬤᬲᬭᬾ᭞ᬫᬶᬯᬄᬢ᭄ᬯᬭᬚ᭄ᬜᭂᬓ᭄ᬳᬚᬸᬫ᭄᭞ᬭᬶᬂᬇᬦ᭄ᬤ᭄ᬭᬶ᭠ᬬᬦᬾᬫᬓᬲᬫᬶ᭞ᬫᬮᬶᬄᬧᬕᭂᬄᬫᬗᬯᬶᬮᬂ᭞ᬧᬕᬯᬾᬦᬾᬳᬮᬳᬬᬸ᭞ᬦᬄᬢᬢ᭄ᬮᬸᬲᬸᬩᬧ᭄ᬭᬕᬢ᭄᭞ᬳ᭄ᬤᬵᬳᬶᬫ᭞ᬩ᭄ᬯ᭠
ᬢᬂᬳᭂᬦ᭄ᬢᭀᬭᬸᬭᬸᬄᬳᬮᬶᬄ᭞ᬲᬶᬦᬄᬯᬶᬰᬾᬱᬦᬾᬩᬓᬢ᭄᭚ᬓᬤᬶᬧᭂᬜ᭄ᬘᬃᬳᭂᬦ᭄ᬢᭀᬩᬸᬢᬸᬲ᭄ᬜᬦᬾᬕᬶᬲᬶ᭞ᬧᬶᬢ᭄ᬫᭂᬲᬂ᭞ᬭᬶᬂᬩᬸᬢᬸᬲ᭄ᬓᭂᬤᭂᬗᬂ᭞ᬲᬶᬦᬄᬫᬦᬸᬢᬸᬕ᭄ᬢᬶᬫᬳᬾ᭞ᬤᬶᬚᬵᬢᭀᬗᭀᬲ᭄ᬜᬦᬾᬲᬸᬲᬸᬢ᭄᭞ᬳ᭄ᬩᬾᬤᬶᬢ᭄ᬗᬄᬫᬧᬶᬮ᭄ᬧᬶ
ᬮ᭄᭞ᬲᬶᬦᬄᬳᬶᬗᬦ᭄ᬩᬦ᭄ᬫᬜ᭄ᬫᬓ᭄᭞ᬳ᭄ᬩᬾᬩᬓᬢ᭄ᬧᭂᬜ᭄ᬘᬃᬳᬬᬸ᭞ᬦᬄᬓᬾᬢᭀᬳᬸᬕᬶᬳᬸᬧᬫ᭞ᬲᬂᬯᬸᬰᬾᬱ᭞ᬳᬚ᭄ᬜᬵᬡᬫᬲᬶᬫ᭄ᬧᭂᬦ᭄ᬧᬶᬗᬶᬢ᭄᭞ᬦᬾᬢᬢ᭄ᬮᬸᬩᬸᬢᬸᬲ᭄ᬧᭂᬜ᭄ᬘᬃ᭚ᬲᬦᬾᬳᭂᬜ᭄ᬘᬾᬦ᭄ᬚ᭄ᬜᬵᬡᬫᬲᬶᬫ᭄ᬧᭂᬦᬾ
[᭓᭓ 33A]
ᬕᬶᬲᬶ᭞ᬓᬾᬢᭀᬦᬦᬓ᭄᭞ᬧ᭄ᬭᬬᬫᬦᬓᭀᬦᬂ᭞ᬓᬾᬦᬾᬧᬲᬯᬸᬢ᭄ᬩᬧᬦᬾ᭞ᬲᬂᬘᬾᬢᬦᬳᬧᬂᬫᬸᬭᬸᬩ᭄᭞ᬧ᭄ᬭᬓᬵᬰᬲᬶᬲᬳᬶᬗᭂᬦ᭄ᬤᬶᬄᬫ᭄ᬦᬗ᭄ᬤᬓᬾᬯᭂᬄᬓᬫᬢ᭄ᬬᬂ᭞ᬳᬶᬧ᭄ᬢᭂᬂᬢᬦ᭄ᬩᬶᬱᬦᬸᬢᬸᬧ᭄᭞ᬧ᭄ᬭᬫᬡᬢᬦ᭄ᬓ᭠
ᬧᬸᬢᭂᬓᬦ᭄᭞ᬳᬶᬂᬕᬮᬂ᭞ᬢᬦ᭄ᬮᬫᬤᬦ᭄ᬲᬳᬶᬲᬳᬶ᭞ᬤᬾᬦᬶᬂᬫᬭᬕᬪᬝᬵᬭ᭚ᬲᬗ᭄ᬳ᭄ᬬᬂᬯᬶ᭠ᬥᬶᬭᬶᬂᬭᬵᬕᬫ᭄ᬭᬾᬓ᭄ᬱᬲᬳᬶ᭞ᬓᬾᬢᭀᬦᬦᬓ᭄᭞ᬲᬢᬢᬧᬕᭂᬳᬂ᭞ᬉᬢ᭄ᬢᬫᬯᬦ᭄ᬢᬄᬩ᭄ᬬᬱᬦᬾ᭞ᬳᬶᬩ᭄ᬬᬱᬲᬢ᭄ᬲ
ᬢ᭄ᬕᬸᬭᬸ᭞ᬲᬂᬘᬾᬢᬦᬢᬦ᭄ᬲᬄᬗᬶᬭᬶᬂ᭞ᬢ᭄ᬓᬾᬦ᭄ᬲᬂᬫ᭄ᬭᬕ᭄ᬕᬵᬩ᭄ᬬᬱ᭞ᬲᬶᬦᬄᬫᬨᬮᬓᬢ᭄ᬧᬸ᭠ᬓ᭄᭞ᬳᬶᬤᬲᬗ᭄ᬳ᭄ᬬᬂᬰᬶᬯᬢᬢ᭄ᬯᬵ᭞ᬫᬉᬢ᭄ᬢᬫ᭞ᬰ᭄ᬭᬶᬪᬕᬯᬵᬦ᭄ᬯᬺᬳᬵᬲ᭄ᬧᬢᬶ᭞ᬫᬮᬶᬄᬳᬶᬤᬫᬦᬸᬦᬲᬂ᭚ᬫᬧᬶᬤᬯᭂ
ᬕ᭄᭞ᬢᬶᬢ᭄ᬬᬂᬪᬝᬵᬭᬦᬾᬫᬗ᭄ᬓᬶᬦ᭄᭞ᬫᬦᬸᬦᬲᬂ᭞ᬲᬾᬬᭀᬲ᭄ᬯᬾᬦ᭄ᬢᭂᬦ᭄ᬳᬸᬘᬧ᭄᭞ᬓᬗᬵᬦᬓ᭄ᬧᭀᬮᬶᬄᬳᭀᬃᬣᬶᬦᬾ᭞ᬓ᭄ᬭᬡᬯᬾᬦ᭄ᬢᭂᬦ᭄ᬳᬸᬭᬶᬧ᭄ᬳᬬᬸ᭞ᬲᬓᬶᬦ᭄ᬰᬭᬶᬭᬫᬓᬵᬤᬶ᭞ᬧᬓᬸᬫ᭄ᬧᬸᬮᬦᬶᬂᬰᬭᬶᬭ᭞ᬫᬓ᭄ᬭ᭠
Kaca:Bali-lontar-gaguritan-wrespati-tatwa-300ppi.pdf/33
Kaca puniki sampun kauji-wacén
