[᭔᭐ 40B]
᭔᭐
ᬢᬸ᭞ᬳᬧᬦᬾᬦᬾᬳᬮᬶᬄᬭᬸᬭᬸᬄ᭞ᬳᭂᬦ᭄ᬢᭀᬲᬶᬤ᭄ᬥᬫᬓᬲᬫᬶ᭞ᬯᬶᬭᬾᬄᬲᬗ᭄ᬳ᭄ᬬᬂᬯᬶᬥᬶᬯᬰ᭞ᬮᬸᬕ᭄ᬭᬯᬭᬄᬫᬢᬸᬢᬸᬮᬸᬂ᭞ᬯᬶᬭᬾᬄᬲᬸᬩᬫ᭄ᬭᬕᬢᬸᬗ᭄ᬕᬮ᭄᭞ᬭᬶᬂᬳᬶᬤᬳ᭄ᬬᬂᬧ᭄ᬭᬫᬓᬯᬶ᭞ᬲᬸᬓᬢᬦ᭄ᬧᬩᬮᬶᬓ᭄ᬤᬸᬄᬓᬵ᭞ᬳᬶᬤᬢ᭄ᬯᬄᬫ
ᬭᬕᬢᬸᬤᬸᬄ᭚ᬤᬾᬦᬶᬂᬧᬕᭂᬳᬶᬂᬲ᭄ᬫᬤ᭄ᬥᬶ᭞ᬩ᭄ᬭᬢᬬᭀᬕ᭄ᬕ᭞ᬫᬓ᭄ᬭᬡᬲᬶᬦᬄᬓᬧᬗ᭄ᬕᬶᬄ᭞ᬉᬢ᭄ᬢᬫᬭᬶᬂᬚᬕ᭠ᬢ᭄ᬢ᭄ᬮᬸ᭞ᬳᬶᬤᬫ᭄ᬭᬕᬘᬶᬦ᭄ᬢᬵᬫᬡᬶ᭞ᬳᬲᬶᬂᬓᬩ᭄ᬯᬢᬂᬢ᭄ᬯᬶᬲᬶᬤ᭄ᬥ᭞ᬓᬲᬶᬤ᭄ᬥᬦ᭄ᬳᬲᬶᬂᬲᬓᬬᬸᬦ᭄᭞ᬓᬧᬗ᭄ᬕᬶᬄᬳᬶᬓᬱ᭄ᬝᬾᬰ᭄ᬯᬃᬬ᭄ᬬ᭞ᬲᬶᬤ᭄ᬥᬶᬦᬶᬂ
ᬧ᭄ᬭᬫᬲᬶᬤ᭄ᬥᬶ᭞ᬮᬸᬳᬸᬃᬢᬦ᭄ᬓᬮᬸᬳᬸᬭᬦ᭄᭞ᬲᬥᬸᬉᬢ᭄ᬢᬫᬦᬶᬂᬲᬥᬸ᭚ᬧᬗᬸᬘᬧ᭄ᬩᬱᬲᬦ᭄ᬱ᭄ᬭᬶᬢ᭄᭞ᬮᬶᬦ᭄ᬢᬂᬢᬯᬄ᭞ᬳᬦᬶᬫᬮᬕᬶᬫᬧᬸᬢᬸᬲ᭄᭞ᬳᬦᬧ᭄ᬭᬵᬧ᭄ᬢᬶᬓᬯᬸᬯᬸᬲ᭄᭞ᬯᬲᬶᬢ᭄ᬯᬵᬯᬲᬶᬬᬶᬢ᭄ᬯᬵᬥᬶ᭞ᬬᬢ᭄ᬭᬓᬫᬯᬲᬶᬬᬶᬢ᭄ᬯᬵ᭞ᬉᬢ᭄ᬢᬫ
ᬦᭂᬫ᭄ᬦᭂᬫᬓᬸᬫ᭄ᬧᬸᬮ᭄᭞ᬓᬱ᭄ᬝᬾᬰ᭄ᬯᬃᬬ᭄ᬬᬇᬦᬸᬘᬧ᭄᭞ᬫᬓᬉᬢ᭄ᬢᬫᬦᬶᬂᬯᬶᬤ᭄ᬥᬶ᭞ᬢᬦᬦᬉᬢ᭄ᬢᬫᬫ᭄ᬯᬄ᭞᭠ᬧ᭄ᬭᬲᬶᬤ᭄ᬥᬲᬂᬰ᭄ᬭᬶᬦᬶᬂᬳᬬᬸ᭚ᬳᬶᬕᬦᬮ᭄ᬫᬢ᭄ᬫᬳᬦ᭄ᬳᬮᬶᬢ᭄᭞ᬳᬮᬶᬢ᭄ᬗᬭᬦ᭄ᬲᬶᬤ᭄ᬥᬳᬚ᭄ᬜᬵᬡᬢᬸᬤᬸᬄ᭞ᬓᬤᬶᬭᬭᬾᬫᬜ᭄ᬚᬶᬂᬫ᭄ᬢᬸ᭞ᬲᬸ᭠
[᭔᭑ 41A]
ᬫᬸᬭᬸᬧ᭄ᬫᬭᬶᬂᬢᭀᬬᬳ᭄ᬦᬶᬂ᭞ᬳᬓᬾᬢᭀᬲᬂᬬᭀᬕᬶᬰ᭄ᬯᬭ᭞ᬭᬶᬂᬧ᭄ᬭᬢᬶᬯᬶᬫᬜ᭄ᬚᬶᬂᬫ᭄ᬢᬸ᭞ᬢᬦ᭄ᬲᭂᬗ᭄ᬓᬮ᭠ᬮᬓᬸᬦᬶᬭ᭞ᬫᬗ᭄ᬕᬸᬄᬕᬸᬦᬸᬂᬢ᭄ᬭᬸᬲ᭄ᬫᬫᬃᬕ᭄ᬕᬶ᭞ᬢ᭄ᬯᬭᬓᬳ᭄ᬬᬸᬦ᭄ᬫᬮᬶᬧᭂᬢᬦ᭄᭞ᬧᬗ᭄ᬮᬶᬦ᭄ᬢᬂᬭᬕᬦᬾᬧᬬᬸ᭚ᬭᬕᬳᬶᬗᬦ᭄ᬭᬶᬂᬧᬫᬃᬕ᭄ᬕᬶ᭞
ᬤᬗᬦ᭄ᬳᬫ᭄ᬧᬂ᭞ᬬᬦ᭄ᬳᬸᬧᬫᬶᬮ᭄ᬯᬶᬃᬓᬧᬸᬓ᭄᭞ᬫᬓ᭄ᬭᬡᬲᬸᬓᬓᬧᬗ᭄ᬕᬸᬄ᭞ᬲᬂᬬᭀᬕᬶᬰ᭄ᬯᬭᬫᬓᬵᬤᬶ᭞ᬳ᭠ᬲᬶᬂᬲᬧᬭᬦ᭄ᬓᬲᬶᬤ᭄ᬥᬦ᭄᭞ᬧᬶᬢ᭄ᬯᬶᬭᬶᬂᬰ᭄ᬯᬃᬕ᭄ᬕᬳᬕᬸᬂ᭞ᬬᬤᬶᬦ᭄ᬓᬾᬓᬲᬧ᭄ᬢᬵᬥ᭄ᬯᬶᬧ᭞ᬓᬲᬧ᭄ᬢᬧᬢᬵᬮᬭᬭᬶᬲ᭄᭞ᬫᬗᬶᬤᭂᬭᬶᬂᬅᬡ᭄ᬥᬪᬸ
ᬯᬦ᭞ᬅᬦᬶᬫᬢᭀᬯᬱ᭄ᬝᬦᬶᬧᬸᬦ᭄᭚ᬲᬂᬮᬳᬶᬫᬦᬾᬫᬮᬶᬄ᭞ᬧᬶᬢ᭄ᬕᭂᬲᬂ᭞ᬓᬲᬶᬤ᭄ᬥᬦ᭄ᬳᬲᬶᬂᬲᬓᬳ᭄ᬬᬸᬦ᭄᭞ᬤᬶᬦᬶᬤᬶᬲᬃᬯ᭄ᬯᬦᬶᬂᬯᬲ᭄ᬢᬸ᭞ᬲᬶᬦᬄᬭᬯᬸᬄᬢᬦ᭄ᬓᬳᬮᬶᬄ᭞ᬬᬤᬶᬦ᭄ᬢ᭄ᬯᬭᬓᬓᬵᬃᬱᬬᬂ᭞ᬢᭀᬲᬶᬦᬄᬧᬥᬫᬦᬸᬢᬸᬕ᭄᭞ᬫ
ᬭᬕᬚᬦᬦᬹᬭᬕ᭞ᬓᬤᭂᬫᭂᬦᬶᬦ᭄ᬲᬋᬂᬲᬫᬶ᭞ᬭᬶᬂᬳᬶᬤᬢ᭄ᬯᬄᬪᬓ᭄ᬢᬶᬢᬺᬱ᭄ᬡᬵ᭞ᬭᬶᬂᬯᬰᬡᬲᬸᬓᬧᬗ᭄ᬕᬸᬄ᭚ᬳᬶᬭᬶᬓᬲᬸᬓᬓᬪᬸᬓ᭄ᬢᬶ᭞ᬳᬦ᭄ᬢᬸᬓ᭄ᬳᬶᬤ᭞ᬳᬕᬾᬨᬮᬦᬾᬓᬧᬸᬧᬸ᭞ᬫᬓ᭄ᬭᬡᬲᬶᬤ᭄ᬥᬓᬧᬗ᭄ᬕᬸᬄ᭞ᬕ᭄ᬮᬶᬲ᭄ᬳᬶᬤᬫ
Kaca:Bali-lontar-gaguritan-wrespati-tatwa-300ppi.pdf/41
Kaca puniki sampun kauji-wacén
