[᭒᭙ 29B]
᭒᭙
ᬧᬢᬸᬫᬮᬶᬄᬫᬢᬹᬃ᭞ᬢᬦ᭄ᬫᬭᬶᬲᭂᬫ᭄ᬩᬳᬾ᭞ᬧᬢᬹᬢ᭄ᬯᬘᬦᬦᬾᬫᬗ᭄ᬓᬶᬦ᭄᭞ᬧᬶᬓᬸᬓᬸᬄᬳᬶᬧᬜ᭄ᬘᬩᬬᬸ᭞ᬧᬸᬦᬶᬓᬳᬸᬕᬶᬫᬦ᭄ᬕᬸᬮ᭄᭞ᬤᬶᬚᬫᬘᬦ᭄ᬢᬾᬮ᭄ᬭᬶᬗᬯᬓ᭄᭞ᬫᬗ᭄ᬤᬤᬤᭀᬲ᭄ᬧᬕᭂᬄᬧᬸᬕᬸᬄ᭞ᬓ᭄ᬭᬡᬓᬸᬓᬸᬄᬗᬫᭂᬳᬢ᭄ᬫᬵ
᭞ᬫᬶᬯᬄᬇᬥᭂᬧᬾᬲᬶᬦᬫ᭄ᬬᬦ᭄᭚ᬲᬂᬗ᭄ᬳ᭄ᬬᬂᬰᬶᬯᬕ᭄ᬮᬶᬲ᭄ᬢ᭄ᬯᬶᬲᬸᬫᬯᬸᬃ᭞ᬚᬢᬶᬦ᭄ᬜᬦᬾᬓᬾᬦᬾ᭞ᬯᬶᬭᬾᬄᬦᬦᬓ᭄ᬦᬾᬚᬦᬶ᭞ᬤᬶᬲ᭄ᬯᬃᬕ᭄ᬕᬦ᭄ᬤᬤᬶᬕᬸᬭᬸ᭞ᬯᬶᬘᬓ᭄ᬱᬡᬦᬦᬓ᭄ᬧᬢᬹᬢ᭄᭞ᬭᬶᬂᬰᬭᬶᬭᬦ᭄ᬢᬢ᭄ᬯᬄᬫᬓ᭄ᬚᬂ᭞ᬲᬕᬶᬂᬯᬶᬭᬱ
ᬦᬾᬧᬢᬹᬢ᭄᭞ᬳᬶᬦᬦᬓ᭄ᬳᬸᬕᬶᬗᭀᬜ᭄ᬘᭂᬧᬂ᭞ᬳᬲᬶᬂᬳᬶᬦᬸᬘᬧ᭄ᬭᬳᬵᬲ᭄ᬬ᭚ᬦᬗ᭄ᬳᬶᬂᬚᬦᬶᬩᬧᬦᬸᬕᭂᬮ᭄ᬫᬮᬸ᭞ᬦᬸᬦᬳᬶᬦ᭄ᬯᬭᬳᬾ᭞ᬳᬾᬭᬂᬫᬦᬸᬢᬸᬭᬂᬤᬶᬦᬶ᭞ᬯᬶᬭᬾᬄᬧᬲᬫ᭄ᬯᬦᬶᬂᬳᬸᬕᬶ᭞ᬧᬓᬸᬫ᭄ᬧᬸᬮᬦ᭄ᬳᬦᬓ᭄ᬮ᭄ᬬᬸ᭞ᬩᬸᬘᬾᬘᬾᬃᬤ᭠
ᬤᬶᬳᬶᬦᬸᬘᬧ᭄᭞ᬤᬶᬲᬹᬦ᭄ᬬᬯᬭᬳᬾᬧᬢᬹᬢ᭄᭞ᬭᬳᬲ᭄ᬬᬦ᭄ᬲᬂᬬᭀᬕᬶᬰ᭄ᬯᬭ᭞ᬧ᭄ᬭᬬᭀᬕᬲᬡ᭄ᬥᬶᬳᬶ᭠ᬦᬹᬘᬧ᭄᭚ᬧᬯᬘᬦᬦ᭄ᬪᬝᬵᬭᬦᬾᬧᬸᬧᬸᬢ᭄᭞ᬦᬦᭂᬂᬧᬦᬕ᭄ᬓᬶᬮᬾ᭞ᬪᬕᬯᬵᬦ᭄ᬦᬸᬦᬲᬂᬫᬮᬶᬄ᭞ᬳᬶᬗ᭄ᬕᬶᬄᬪᬝᬵᬭᬧᬸᬓᬸᬮᬸᬦ᭄᭞᭠
[᭓᭐ 30A]
ᬲᬂᬲᬬᬦ᭄ᬢᬶᬢ᭄ᬬᬗᬾᬮᬗ᭄ᬓᬸᬂ᭞ᬭᬶᬂᬲᬂᬫᬯᬱ᭄ᬝᬘᬾᬢᬦ᭞ᬳᬚ᭄ᬜᬵᬡᬦᬾᬲᬦᬾᬧᬸᬢᬸᬲ᭄᭞ᬓᬤᬶᬓᬓᬵᬮᬶᬄᬧᬸᬦᬶᬓ᭞ᬯ᭄ᬭᬸᬄᬫᬶᬯᬄᬓᬯ᭄ᬭᬸᬳᬦ᭄᭚ᬳᬲᬶᬂᬳᬾᬮᬶᬂᬫᬶᬯᬄᬳᬲᬶᬂᬯ᭄ᬭᬸᬄ᭞ᬯᬾᬦ᭄ᬢᭂᬦ᭄ᬧᬲᬶᬦᬳᬾ᭞ᬲᬦᬾᬧᬢᬹᬢ᭄ᬓᬳᬸᬦᬶᬗᬶᬦ᭄
᭞ᬬᬦᬶᬂᬳᬾᬮᬶᬂᬚ᭄ᬭᭀᬦᬶᬂᬓᬬᬸᬦ᭄᭞ᬧᭂᬘᬓ᭄ᬯᬾᬦ᭄ᬢᭂᬦ᭄ᬩᬭᬂᬳᬶᬧᬸᬦ᭄᭞ᬲᬦᬾᬫᬸᬮᬓᬳᬾᬮᬶᬗᬂ᭞ᬲᬧᬸ᭠ᬦᬶᬓᬫᬶᬦᬩ᭄ᬳᬶᬧᬸ᭞ᬓᬂᬗᬵᬦᬓ᭄ᬮᬶᬦ᭄ᬢᬂᬲᬗ᭄ᬲᬬ᭞ᬓᬤᬶᬩᬶᬗᬸᬂᬭᬶᬂᬯᬶᬰᬾᬱ᭚ᬮᬓ᭄ᬱᬡᬦᬾᬫᬗᬵᬃᬤ᭄ᬥᬶᬦᬶᬦ᭄ᬧᬢᬹᬢ᭄᭞ᬲᬶᬦᬄ
ᬲᬗᬶᬯᬗᬾᬲᬦᬾᬧᬘᬂᬧᬓᬵᬃᬤ᭄ᬥᬶᬦᬶᬦ᭄᭞ᬫᬯᬶᬦᬦ᭄ᬓᬓᬮᬶᬄᬧᬢᬹᬢ᭄᭞ᬲᬦᬾᬜᬦ᭄ᬤᬂᬓᬶᬦᬯ᭄ᬭᬸᬄ᭞ᬮᬾᬤᬗᬂᬳᬸᬕᬶᬫᭂᬕᬢᬂ᭞ᬲᬗ᭄ᬲᬬᬦ᭄ᬫᬦᬳᬾᬮᬗ᭄ᬓᬸᬂ᭞ᬪᬝᬵᬭᬭᬭᬶᬲ᭄ᬗᬦ᭄ᬤᬶᬓᬵ᭞ᬫᬦᬳᬾᬢ᭄ᬯᬄᬗᬦ᭄ᬤᬂᬗᬦ᭄ᬤᬂ᭚᭜᭚ᬥᬂᬥᬂ᭚᭜᭚
ᬲᬂᬘᬾᬢᬦᬫᬸᬮᬧᬕᭂᬄᬫᬮᬶᬗ᭄ᬕᬶᬄ᭞ᬢ᭄ᬯᬭᬳᬾᬩᬄ᭞ᬢᬢᬶᬕᬳᬶᬦᬸᬘᬧ᭄᭞ᬪᬾᬤ᭄ᬥᬘᬾ᭠ᬢᬦᬦᬾ᭞ᬭᬶᬂᬳᬋᬧ᭄ᬲᬸᬩᬓᬯᬸᬯᬸᬲ᭄᭞ᬚᬵᬢᬶᬧᬗᬹᬘᬧ᭄ᬭᬵᬗᬹᬦᬶ᭞ᬲᬦᬾᬗᬯᬶᬚᬶᬮᬂᬢᬢ᭄ᬯᬵ᭞ᬧ᭄ᬭᬫᬰᬶᬯᬢᬢ᭄ᬯᬵᬧᬸᬢᬸ᭠
Kaca:Bali-lontar-gaguritan-wrespati-tatwa-300ppi.pdf/30
Kaca puniki sampun kauji-wacén
