[᭒᭘ 28B]
᭒᭘
ᬦᬶᬧᬸᬦ᭄᭞ᬦᬄᬓᬾᬢᭀᬲᬗ᭄ᬳ᭄ᬬᬂᬯᬶᬰᬾᬱ᭞ᬲᬶᬗᬶᬤ᭄ᬢ᭄ᬯᬭᬢᬳᬾᬦ᭄ᬢᭂᬧᬸᬓ᭄᭞ᬬᬦ᭄ᬢᬦ᭄ᬲᬓᬶᬂᬢᬧᬬᭀᬕ᭞ᬧᬸᬭᬸᬱᬢᬦ᭄ᬗᬾᬢᬂᬪᬬ᭚ᬬᬦᬶᬂᬦᬦᬓ᭄ᬫᬜᭂᬗ᭄ᬕᬸᬄᬳᬶᬓᬬᬸ᭞ᬩᬲ᭄ᬮᬶᬯᬢ᭄ᬢᬯᬳᬾ᭞ᬳᬶᬓᬬᬸᬫᬶᬲᬶ
ᬳᬧᬶ᭞ᬧᬢᬹᬢ᭄ᬕ᭄ᬲᭂᬂᬫᬢᬶᬧᬸᬳᬸᬦ᭄᭞ᬳᬧᬓ᭄ᬭᬡᬓᬬᬸᬳᬶᬤᬸᬧ᭄᭞ᬓᬾᬢᭀᬧᬦᬵᬃᬓᬦ᭄ᬳᬶ᭠ᬦᬦᬓ᭄᭞ᬫᬶᬯᬄᬲᬦ᭄ᬢᭂᬦ᭄ᬮ᭄ᬯᬶᬃᬩᬜᬸ᭞ᬫᬶᬲᬶᬍᬗᬶᬲ᭄ᬓᬳᬸᬘᬧᬂ᭞ᬳᭂᬦ᭄ᬢᭀᬫᬲᬶᬄᬮᬶᬦ᭄ᬢᬂᬢᬯᬄ᭚ᬮᬶᬦ᭄ᬢᬂᬲᭂᬗ᭄ᬓᬵᬦᬦ᭠
ᬓ᭄ᬗᬮᬶᬄᬧᬢᬹᬢ᭄᭞ᬦᬾᬮᬶᬯᬢ᭄ᬧᬸᬬᬸᬗᬾ᭞ᬳᭂᬦ᭄ᬢᭀᬤᬤᬶᬬᬫᬶᬲᬶ᭞ᬦᬾᬦᬾᬫᬶᬲᬶᬤᬤᬶᬧᬸ᭠ᬬᬸᬂ᭞ᬤᬶᬓᬼᬢᬾᬤᬤᬶᬲᬸᬳᬸᬂ᭞ᬤᬶᬲᬸᬳᬸᬗᬾᬓᬼᬢ᭄ᬧᬶᬲᬦ᭄᭞ᬳᬶᬲᬸᬕᬶᬄᬫᬯᬓ᭄ᬮᬘᬸᬃ᭞ᬳᬶᬢᬶᬯᬲ᭄ᬬᬲᬸᬕᬶᬄᬧᬶᬲᬦ᭄᭞᭠
ᬳᬶᬩ᭄ᬮᭀᬕ᭄ᬫᬯᬓ᭄ᬧ᭄ᬭᬚ᭄ᬜᬵᬦ᭄᭚ᬳᬶᬤᬲᬂᬫᬭᬕᬚᬵᬢᬶᬳᬬᬸ᭞ᬳᬾᬯᭂᬄᬧᬗ᭄ᬭᬸᬭᬸᬳᬾ᭞ᬬᬧ᭠ᬳᭂᬓ᭄ᬩᬓᬢ᭄ᬓᬮᬳᬶᬦ᭄᭞ᬦᬾᬦᬾᬲᬯᬢ᭄ᬲᬯᬢ᭄ᬭᬸᬭᬸᬄ᭞ᬓᭂᬦ᭄ᬤᭂᬮ᭄ᬗᬤᬸᬢ᭄ᬩᬢᬸᬓᭂᬫ᭄ᬩᬸᬂ᭞ᬩᬦᬾᬮ᭄ᬬᬸᬦᬯᬂᬰᬵᬲ᭄ᬢ᭄ᬭ᭞ᬓᬤᬾ
[᭒᭙ 29A]
ᬦ᭄ᬫᬶᬲᬶᬧᬬᬸᬧᬸᬬᬸᬂ᭚ᬩᬸᬓᬲᬢ᭄ᬯᬦᬾᬳᬶᬪᬸᬢ᭄ᬣ᭞ᬫᬩᬸᬤᬶᬫᬦᬯᬂᬕᬳᬄ᭟ᬩᬸᬓᬧᬓ᭄ᬱᬦ᭄ᬳᬶᬦᬦᬓᬾᬯᬳᬸ᭞ᬯᬶᬰᬾᬱᬳᬸᬘᬧᬾ᭞ᬤᬶᬓᬵᬮᬧᬸᬍᬲ᭄ᬓᬧᬗ᭄ᬕᬶᬄ᭞ᬳᬧᬓ᭄ᬭᬡᬓᬵᬮᬤᬶᬢᬸ᭞ᬓ᭄ᬭᬡᬳᭂᬗ᭄ᬲᬧ᭄ᬬᬦᬶᬂᬢᬸᬭᬹ᭞᭠
ᬓᬢᭂᬢᭂᬄᬩᬳᬦ᭄ᬧ᭄ᬭᬥᬡ᭞ᬲᬶᬦᬄᬩᬸᬓᬫᬢᬶᬮᬯᬸᬢ᭄᭞ᬬᬦ᭄ᬢᬦ᭄ᬳᬶᬩᬬᬸᬳᬤᬰ᭞ᬢ᭄ᬓᭂᬓ᭄ᬫᬗᬶ᭠ᬲ᭄ᬬᬂᬗᬵᬢ᭄ᬫ᭚ᬦᬾᬫᬤᬦ᭄ᬯᬶᬰᬾᬱᬚᬵᬢᬶᬢᬸᬳᬸ᭞ᬓᬾᬯᭂᬄᬮᬓ᭄ᬱᬡᬦᬾ᭞ᬳᭂᬦ᭄ᬢᭀᬤᬶᬚᬭᬸᬭᬸᬄᬳᬮᬶᬄ᭞ᬳᬶᬤᬢᬦ᭄ᬓᭂᬦᬾᬂ
ᬯᬶᬦᬲ᭄ᬢᬸ᭞ᬦᬶᬂᬮᬓ᭄ᬱᬡᬚᬢᬸᬢᬸᬳᬸ᭞ᬳᭂᬦ᭄ᬢᭀᬮᬶᬯᬢ᭄ᬫᬤᬹᬃᬕ᭄ᬕᬫ᭞ᬤᬶᬚᬳᬮᬶᬩᬕ᭄ᬭᬸᬭᬸᬄ᭞ᬦᬾᬦᬾᬫᬳᬤᬦ᭄ᬯᬶᬰᬾᬱ᭞ᬬᬦ᭄ᬢᬦ᭄ᬳᬲᬸᬗᬶᬂᬪᬝᬵᬭ᭚ᬕᬸᬫᬶᬳᬶᬮᬂᬲᬶᬦᬄᬬᬢ᭄ᬯᬭᬳ᭄ᬦᬸ᭞ᬫᬶᬯᬄᬦᬾᬉᬭᬶᬧᬾ᭞ᬬᬦᬶᬂᬪ᭠
ᬝᬵᬭᬦᬶᬗ᭄ᬕᬮᬶᬦ᭄᭞ᬓᬾᬢᭀᬧᬓ᭄ᬱᬦᬦᬓ᭄ᬯᬯᬸ᭞ᬬᬦ᭄ᬅᬢ᭄ᬫᬦᬾᬢ᭄ᬯᬭᬳ᭄ᬦᬸ᭞ᬤᬶᬦᬶᬤᬶᬳᬗ᭄ᬕᬰᬭᬶᬭ᭞ᬬᬦ᭄ᬓᬮᬦᬶᬂᬍᬧᬼᬧ᭄ᬢᬸᬭᬸ᭞ᬓᬾᬯᬮᬧ᭄ᬭᬥᬡᬢᬢ᭄ᬯᬵ᭞ᬗ᭄ᬕᬯᬾᬮᬮᬶᬦ᭄ᬲᬗ᭄ᬳ᭄ᬬᬂᬗᬵᬢ᭄ᬫ᭚ᬪᬕᬯᬦ᭄ᬯ᭄ᬭᬲ᭄
Kaca:Bali-lontar-gaguritan-wrespati-tatwa-300ppi.pdf/29
Kaca puniki sampun kauji-wacén
