[᭓᭐ 30B]
ᬲ᭄᭞ᬫᬶᬯᬄᬲᬤ᭄ᬥᬰᬶᬯᬢᬢ᭄ᬯᬵ᭞ᬫᬓᬫᬶᬯᬄ᭞ᬰᬶᬯᬵᬳ᭄ᬫᬦᬾᬫᬮᬶᬄ᭞ᬘᬸᬓᬸᬧ᭄ᬢᬢᬶᬕᬳᬶᬦᬹᬘᬧ᭄᭚ᬰᬶᬯᬢᬢ᭄ᬯᬵᬲᬸᬓᬢᬦ᭄ᬧᬩᬮᬶᬓ᭄ᬫᬮᬶᬄ᭞ᬢᬦ᭄ᬧᬓ᭄ᬭᬡᬲᬤ᭄ᬥᬰᬶᬯᬢᬢ᭄ᬯᬵ᭞ᬭᬶᬂᬦᬶᬲ᭄ᬓᬵᬮᬓᬲᬸᬓᬦᬾ᭞ᬫᬵᬲᬶᬳ᭄ᬢ᭄ᬯᬭᬓ᭄ᬦᬾᬂ᭠
ᬢᬸᬤᬸᬄ᭞ᬧ᭄ᬭᬫᬰᬶᬯᬢᬢ᭄ᬯᬵᬫᬮᬶᬄ᭞ᬍᬯᬶᬄᬉᬢ᭄ᬢᬫᬳᬶᬦᬸᬘᬧ᭄᭞ᬳᬶᬤᬢ᭄ᬯᬭᬤᬤᬶᬢᬸᬤᬸᬄ᭞ᬳᬾᬭᬂᬤᬶ᭠ᬦᬶᬬᬦ᭄ᬢᬸᬢᬸᬭᬂ᭞ᬢ᭄ᬯᬭᬜᬦ᭄ᬤᬂ᭞ᬓᭀᬚᬭᬂᬤᬶᬫᬵᬃᬕ᭄ᬕᬶᬫᬃᬕ᭄ᬕᬶ᭞ᬤᬾᬦᬶᬂᬤᬳᬢ᭄ᬫᬉᬢ᭄ᬢᬫ᭚ᬤᬾᬦᬶᬂᬓᬶᬤᬶᬓ᭄᭞ᬩᬶᬱᬦ᭄ᬳᬶᬫᬵᬦᬹᬱ
ᬤᬶᬦᬶ᭞ᬯᬶᬭᬾᬄᬢᬸᬦ᭞ᬲᬂᬚ᭄ᬜᬵᬡᬲ᭄ᬯᬪᬯ᭞ᬓᬸᬭᬂᬇᬥᭂᬧ᭄ᬓᬪᬶᬱᬦᬾ᭞ᬮᬮ᭄ᬬᬢᬾᬓᬸᬭᬂᬫᬸᬧᬸᬢ᭄᭞ᬅᬮ᭄ᬧᬵᬬᬸᬱᬢᬸᬦᬉᬭᬶᬧ᭄᭞ᬯᬶᬭᬾᬄᬓᬳᬕᬸᬗᬦ᭄ᬅᬗ᭄ᬓᬭᬵ᭞ᬢᬦ᭄ᬯᬶᬦᬶᬮᬂᬲᬃᬯ᭄ᬯᬍᬢᬸᬄ᭞ᬢᬦ᭄ᬲᬄᬫᭀᬓᬓ᭄ᬗᬓᬸᬩᬶᬱ᭞
ᬲᬶᬕᬸᬕ᭄ᬗᬦ᭄ᬤᬂ᭞ᬲᬃᬯ᭄ᬯᬵᬢᬢ᭄ᬯᬵᬓᬘᬘᬤᬶᬦ᭄᭞ᬳᬶᬗᬦ᭄ᬳᬶᬥᭂᬧ᭄ᬓᬢᬸᬳᬸᬢᬂ᭚ᬓᬩᬶᬱᬦᬾ᭞ᬳᭂᬦ᭄ᬢᭀᬲᬳᬶᬓᬕᬸᬕᭀᬦᬶᬦ᭄᭞ᬫᬗ᭄ᬕᭀᬦ᭄ᬕᬤᬵ᭞ᬳᬶᬢᬢ᭄ᬯᬵᬳᬚ᭄ᬜᬡ᭞ᬢᬦ᭄ᬲᬄᬫᬳᬗ᭄ᬕᭀᬦ᭄ᬳᬶᬓᬸᬳᬾ᭞ᬇᬥᭂᬧ᭄ᬫᭀᬫᭀᬫᬗ᭄ᬕᭀ
[᭓᭑ 31A]
ᬦ᭄ᬳᬸᬮᬸ᭞ᬓ᭄ᬭᬡᬓᬢᭂᬧ᭄ᬢᭂᬧᬶᬦ᭄ᬲᬳᬶ᭞ᬳᬸᬘᬧᬶᬂᬢᬢ᭄ᬯᬵᬚ᭄ᬜᬡ᭞ᬓ᭄ᬭᬡᬧᬮᬶᬂᬧᬢᬸᬮᬸᬧ᭄ᬮᬸᬧ᭄᭞ᬓᬾᬢᭀᬚᬢᬶᬦ᭄ᬳᬶᬫᬦᬸᬱ᭞ᬫᬸᬮᬓᬲᭀᬃ᭞ᬭᬶᬂᬧᬭᬤᬾᬯᬲᬫᬶ᭞ᬓᬾᬯᬮᬧᬗ᭄ᬓᬄᬫᬫᬤᬵ᭚ᬬᬦ᭄ᬳᬶᬦᬦᬓ᭄ᬰ᭄ᬭᬶᬪᬕ
ᬯᬵᬦ᭄ᬯᬺᬳᬵᬲ᭄ᬧᬢᬶ᭞ᬲᬸᬩᬲᬶᬦᬄ᭞ᬯᬶᬓᬸᬭᬶᬂᬲ᭄ᬯᬃᬕ᭄ᬕᬦ᭄᭞ᬳ᭄ᬤᬵᬫᬦᬫ᭄ᬩᬭᬂᬇᬥᭂᬧᬾ᭞ᬧᬕᭂᬳᬂᬲᬂᬚ᭄ᬜᬡᬧᬸᬢᬸᬲ᭄᭞ᬤᬾᬦᬶᬂᬳᬘᬶᬦ᭄ᬢ᭄ᬬᬦᬾᬍᬯᬶᬄ᭞ᬳᬘᬶᬦ᭄ᬢ᭄ᬬᬗᬾᬩ᭄ᬓᬶᬜ᭄ᬚᬕᬢ᭄᭞ᬤᬳᬢ᭄ᬲᭂᬗ᭄ᬓ᭄ᬤᬤᬶᬯᬶᬓᬸ᭞ᬫᬗᬫᭀ
ᬗᬶᬦ᭄ᬢᬢ᭄ᬯᬵᬚ᭄ᬜᬡᬫ᭄ᬫᬤᬹᬃᬕ᭄ᬕᬫ᭞ᬫᬢᬶᬢᬶᬲᬂᬢᬢ᭄ᬯᬚᬵᬢᬶ᭞ᬦᬸᬗ᭄ᬕᬮᬂᬢᬢ᭄ᬯᬵᬚ᭄ᬜᬡ᭚ᬅᬢ᭄ᬫᬢ᭠ᬢ᭄ᬯᬵᬲᬂᬘᬾᬢᬦᬓᬯᬱ᭄ᬝᬦᬶᬦ᭄᭞ᬫᬬᬢᬢ᭄ᬯᬵ᭞ᬓ᭄ᬭᬡᬫᬬᬢᬢ᭄ᬯᬵ᭞ᬳᬯᬗᬸᬯᬸᬂᬧᬭᬕᬦᬾ᭞ᬢ᭄ᬯᬭᬳᬤᬗᬫᭂᬮ᭄ᬤᬶᬢᬸ᭞
ᬫᬦ᭄ᬭᬯᬂᬢ᭄ᬯᬭᬚᬵᬢᬶ᭞ᬳᭂᬦ᭄ᬢᭀᬫᬤᬦ᭄ᬫᬬᬢᬢ᭄ᬯᬵ᭞ᬯᬶᬰᬾᬱᬦᬦᬓ᭄ᬫᬜᭂᬗ᭄ᬕᬸᬄ᭞ᬓᬾᬢᭀᬚᬢᬶ᭠ᬦᬶᬂᬳᬶᬫᬦᬄ᭞ᬫᬸᬮᬲᬭᬢ᭄᭞ᬗᭂᬦᬄᬳᬶᬮᬂᬲᬳᬶᬲᬳᬶ᭞ᬓᭂᬭᬳᬩᬦ᭄ᬢᬢ᭄ᬯᬵᬢᬢ᭄ᬯᬵ᭚ᬦᬋᬧ᭄ᬚᬢᬶᬲᬂᬧᬸᬭᬸᬱᬰᬓ᭄ᬢᬶᬍᬯᬶᬄ
Kaca:Bali-lontar-gaguritan-wrespati-tatwa-300ppi.pdf/31
Kaca puniki sampun kauji-wacén
