[᭒᭔ 24B]
᭒᭔᭞
ᬲᬓᬜ᭄ᬘᬦ᭄ᬩᬬᬸᬓᬾᬢᭀᬳᬶᬩᬬᬸᬧ᭄ᬭᬫᬡ᭞ᬫᬦᬶᬢᬩᬬᬸᬫᬓ᭄ᬚᬂ᭚ᬫᬶᬯᬄᬳᭂᬦ᭄ᬢᭀᬲᬶᬳᬧᬡᬩᬬᬸ᭞ᬭᬶᬂᬲᬶᬮᬶᬢ᭄ᬕ᭄ᬦᬳᬾ᭞ᬓᬧᬲ᭄ᬢᬵᬧᬸᬭᬸᬲ᭄ᬫᬗ᭄ᬭᬭᬶᬲ᭄᭞ᬫᬓ᭄ᬭᬡᬫᬗᬶᬲᬶᬂᬗᬸᬬᬄ᭞ᬲᬸᬓ᭄ᬮᬵᬲ᭄ᬯᬦᬶᬢᬓᬳᬸᬭᬸᬲ᭄᭞ᬫᬗ᭄ᬤᬾᬦᬾᬤᬤᬶᬫ᭠
ᬚᬮᬦ᭄᭞ᬦᬾᬢᬢ᭄ᬮᬸᬫᬗ᭄ᬤᬳᬬᬸ᭞ᬩᬬᬸᬳᬧᬡᬫᬦᬶᬢᬄ᭞ᬜᬮᬦᬂᬲᬓᬫᬓᬫ᭚ᬳᭂᬦ᭄ᬢᭀᬓᬡ᭄ᬥᬦ᭄ᬲᬶᬲᬫᬡᬩᬬᬸ᭞ᬭᬶᬂᬳᬢᬶᬕ᭄ᬦᬳᬾ᭞ᬲᬭᬶᬦ᭄ᬧᬗᬦ᭄ᬓᬓᭂᬜ᭄ᬘᬦᬶᬦ᭄᭞ᬳᭂᬦ᭄ᬢᭀᬓᬤᬤ᭄ᬬᬂᬳᬫ᭄ᬧ᭄ᬭᬸ᭞ᬫᬶᬯᬄᬲᬵᬭᬶᬦᬾᬓᬳᬶᬦᬸᬫ᭄᭞
ᬳᭂᬦ᭄ᬢᭀᬲᬶᬦᬄᬤᬤᬶᬭᬄ᭞ᬫᬶᬯᬄᬲᬵᬭᬶᬲᬭᬶᬦ᭄ᬳᬫ᭄ᬩᬸ᭞ᬳᭂᬦ᭄ᬢᭀᬫᬦᬤᬶᬢᭂᬗ᭄ᬓᬳᬓ᭄᭞ᬗᬾᬗᬾᬲ᭄ᬧᭂᬳᭂ᭠ᬲ᭄ᬢ᭄ᬯᬭᬓᬸᬭᬂ᭚ᬫᬶᬯᬄᬳᭂᬦ᭄ᬢᭀᬲᬶᬉᬥᬡᬩᬬᬸ᭞ᬫᬭᬶᬂᬯᬸᬦ᭄ᬯᬸᬦᬦᬾ᭞ᬤᬶᬢᬸᬫᬕᬯᬾᬲᬶᬲᬳᬶ᭞ᬓᬶᬚᭂᬧᬦ᭄ᬫᬢᬓᬢᬸᬤᬸᬄ᭞ᬫᬶ᭠
ᬯᬄᬭᬳᬶᬦᬾᬓᬸᬫ᭄ᬭᬸᬢ᭄᭞ᬓᬢ᭄ᬓᬾᬂᬫᬗ᭄ᬕᬯᬾᬭᭀᬫ᭞ᬳᭂᬦ᭄ᬢᭀᬲᬂᬉᬥᬦᬩᬬᬸ᭞ᬫᬦᬶᬢᬄᬗ᭄ᬕᬯᬾᬫᬓ᭄ᬚᬂ᭞ᬢᬦ᭄ᬲᬄᬳᬯᬾᬄᬲᬵᬭᬶᬫᬺᬢ᭄ᬢ᭚ᬢ᭄ᬕᭂᬲᬶᬂᬲᬶᬩ᭄ᬬᬡᬩᬬᬸᬢᬸᬳᬸ᭞ᬤᬶᬲᬦ᭄ᬥᬶᬦ᭄ᬳᬗ᭄ᬕᬦᬾ᭞ᬩᬶᬮᬂᬩᬸᬓᬸᬓᬕ᭄ᬦᬳᬶᬦ᭄᭞ᬓ᭄ᬭᬡᬤᬤᬶ᭠
[᭒᭕ 25A]
ᬢᬕᭂᬮ᭄ᬳ᭄ᬮᬸᬂ᭞ᬧᬕ᭄ᬫᭂᬮᬦ᭄ᬫ᭄ᬯᬄᬮᬸᬫᬓᬸ᭞ᬓᬶᬢᬓᬶᬢᬸᬓ᭄ᬫᬳᬸᬮᬧᬦ᭄᭞ᬲᬓᬜ᭄ᬘᬦ᭄ᬫᬗ᭄ᬕᬯᬾᬳᬬᬸ᭞ᬗ᭄ᬕᬯᬾᬯᬺᬤ᭄ᬥᬶᬦ᭄ᬲᬦ᭄ᬥᬶᬦ᭄ᬳᬯᬓ᭄᭞ᬩᬬᬸᬩ᭄ᬬᬡᬫᬉᬢ᭄ᬢᬫ᭚ᬘᬭᬶᬢᬬᬂᬲᬂᬦᬵᬕᬩᬬᬸ᭞ᬗ᭄ᬕᬯᬾᬧᬗᬼᬫᬸᬳᬾ᭞ᬓ᭄ᬭᬡᬫᬳᬶᬍᬳᬦ᭄ᬤ
ᬤᬶ᭞ᬫᬶᬯᬄᬲᬶᬓᬹᬃᬫ᭄ᬫᬩᬬᬸ᭞ᬓ᭄ᬭᬡᬗᭂᬢᭀᬃᬫᬓᬳᬸᬓᬸᬤ᭄᭞ᬧᬕᬯᬾᬦ᭄ᬳᬶᬩᬬᬸᬓᬹᬃᬫ᭄ᬫ᭞ᬫᬶᬯᬄᬲᬶᬓᬺᬓᬭᬩᬬᬸ᭞ᬗ᭄ᬕᬯᬾᬩᬗ᭄ᬓᭂᬲᬾᬲᬢᬢ᭞ᬘᬶᬓ᭄ᬭᬓᬭᬩᬬᬸᬓ᭄ᬭᬡ᭚ᬳᭂᬦ᭄ᬢᭀᬩ᭄ᬯᬶᬦ᭄ᬳᬶᬤᬾᬯᬤᬢ᭄ᬢᬩᬬᬸ᭞ᬗ᭄ᬕᬯᬾᬦᬶ᭠
ᬦ᭄ᬳᬸᬯᬩᬾ᭞ᬓ᭄ᬭᬡᬳᬸᬯᬩ᭄ᬳᬸᬯᬩ᭄ᬲᬳᬶ᭞ᬦᬾᬲᬶᬥᬦᬜ᭄ᬚᬬᬩᬬᬸ᭞ᬳᭂᬦ᭄ᬢᭀᬓ᭄ᬭᬡᬰᬩ᭄ᬤᬧᭂᬲᬸ᭞ᬲᬶᬥᬦᬜ᭄ᬚᬬᬫᬓ᭄ᬭᬡ᭞ᬢᬸᬢᬸᬕ᭄ᬲᬸᬩᬤᬰᬩᬬᬸ᭞ᬲᬸᬩᬫᬯᬶᬮᬂᬧᬶᬂᬤᬰ᭞ᬳᭂᬦ᭄ᬢᭀᬧᬶᬢ
ᬢᬲᬂᬲᬗ᭄ᬓᬶᬦ᭄᭚ᬬᬦ᭄ᬭᬶᬂᬓᬵᬮᬫᬢᬶᬦᬾᬓᬢ᭄ᬧᬸᬓ᭄᭞ᬳᬶᬮᬂᬧᬫᬸᬜᬶᬦᬾ᭞ᬲᬶᬥᬦᬜ᭄ᬚᬬᬫᬕ᭄ᬥᬶ᭞ᬬᬤᬶᬦ᭄ᬓᬢᬄᬩᬬᬸᬳ᭄ᬦᬸ᭞ᬲᬶᬦᬄᬓᬸᬭᬂᬕᬸᬡᬦ᭄ᬳᬶᬧᬸᬦ᭄᭞ᬲᭀᬯᬂᬲᭀᬯᬂᬧᬘᬂᬢᬶᬗ᭄ᬕᬮ᭄᭞ᬢ᭠
Kaca:Bali-lontar-gaguritan-wrespati-tatwa-300ppi.pdf/25
Kaca puniki sampun kauji-wacén
