[᭒᭕ 25B]
᭒᭕
ᬦᬸᬭᬸᬗᬦ᭄ᬧᬬᬸᬦᬸᬢᬸᬕ᭄᭞ᬧᬦᬸᬢᬸᬕ᭄ᬩᬬᬸᬲᬦᬸᬗ᭄ᬕᬮ᭄᭞ᬩᬬᬸᬥᬦᬦᬬᬓᭀᬘᬧ᭄᭚ᬬᬦ᭄ᬫᬢᬶᬢᬶᬗ᭄ᬕᬮ᭄ᬲᬓᬜ᭄ᬘᬦ᭄ᬩᬬᬸ᭞ᬓᬓᬸᬢᬂᬩᬗ᭄ᬓᬾᬦᬾ᭞ᬅᬢ᭄ᬫᬦᬾᬫᬲᬶᬫᬕ᭄ᬥᬶ᭞ᬬᬦᬶᬂᬳᬶᬤᬸ᭠
ᬧ᭄ᬮᬸᬦᬲ᭄ᬮᬦᬸᬲ᭄᭞ᬩᬬᬸᬦᬾᬳ᭄ᬦᬸᬫᬓᬸᬫ᭄ᬧᬸᬮ᭄᭞ᬓ᭄ᬫᬶᬢ᭄ᬳᬶᬤᬲᬗ᭄ᬳ᭄ᬬᬂᬗᬵᬢ᭄ᬫ᭞ᬧᬥᬫᬗᬶᬮᬶᬗᬶ᭠ᬦ᭄ᬮᬸᬗ᭄ᬕᬸᬄ᭞ᬕᬯᬾᬩᬾᬤ᭄ᬥᬲᭀᬯᬂᬲᭀᬯᬂ᭞ᬧᬥᬳᬶᬗᭂᬢ᭄ᬢ᭄ᬓᬾᬦ᭄ᬕᬸᬡ᭚ᬩᬬᬸᬦᬾᬧᬕᭂᬄᬫᬗ᭄ᬫᬶᬢ᭄ᬤᬶᬢᬸ᭞ᬮᬶᬯᬢ᭄
ᬧᬶᬢᬺᬱ᭄ᬡᬦᬾ᭞ᬫᬗᭂᬘᬦᬶᬦ᭄ᬲᬳᬶᬲᬳᬶ᭞ᬲᬗ᭄ᬳ᭄ᬬᬂᬗᬵᬢ᭄ᬫᬲᬸᬓᬤᬶᬢᬸ᭞ᬳᬶᬰᬭᬸᬭᬫᬲᬶᬄᬳᬬᬸ᭞ᬅᬢ᭄ᬫᬮᬾᬤᬂᬫᬮᬮᬸᬗᬦ᭄᭞ᬫᬗᬸᬜᬓᬚᬕᬢ᭄ᬳᬕᬸᬂ᭞ᬚᬕᬢ᭄ᬮᬶᬫᬓᬮᬶᬘᬓᬦ᭄᭞ᬲᬶᬮᬃᬲᬶᬮᬸᬃ
ᬫᬳᬶᬍᬳᬦ᭄᭚ᬕᬸᬫᬶᬮᬶᬫᬦᬾᬦᬾᬚᬦᬶᬳᬶᬢᬸᬂ᭞ᬧᬓ᭄ᬮᬶᬜ᭄ᬘᬓ᭄ᬳᬢ᭄ᬫᬵᬦᬾ᭞ᬮᬶᬗ᭄ᬕᬶᬳᬶ᭠ᬤᬫᬍᬕᭂᬦ᭄ᬢᬶ᭞ᬭᬶᬂᬰᬭᬶᬭᬫᬸᬗ᭄ᬕᬸᬄ᭞ᬫᬓᬮᬶᬫᬳᬬᬸᬳᬬᬸ᭞ᬕᬸᬫᬶᬲᬸᬧ᭄ᬢᬵᬫᬶᬯᬄᬚᬕ᭄ᬭ᭞ᬲ᭄ᬯᬵᬧ᭄ᬦᬭᬶᬂᬢ᭄ᬗᬄᬫᬸ
[᭒᭖ 26A]
ᬗ᭄ᬕᬸᬄ᭞ᬕᬸᬫᬶᬢᬹᬃᬬ᭄ᬬᬧ᭄ᬯᬄᬢᬹᬃᬬ᭄ᬬᬦ᭄ᬢ᭞ᬧᬜ᭄ᬘᬧᬥᬓᬳᬸᬘᬧᬂ᭟ᬭᭀᬂᬚᬕ᭄ᬭᬲᬗ᭄ᬳ᭄ᬬᬂᬗᬵᬢ᭄ᬫᬬᬫᬸᬗ᭄ᬕᬸᬳ᭄᭞ᬢᬢᬢᬲ᭄ᬧᬢᬗᬶᬦᬾ᭞ᬲᬗ᭄ᬳ᭄ᬬᬂᬗᬵᬢ᭄ᬫᬳᬸᬦᬶᬂᬚᬢᬶ᭞ᬗᬫᭂᬮ᭄ᬜᬶᬗᬓ᭄ᬳᬲᬶᬂᬮᬓᬸ᭞ᬩᬶᬱᬗ᭄ᬭᬱᬬᬂᬳᬮᬳᬬᬸ᭞ᬲᬦᭂᬲ᭄ᬳ᭄ᬢᬶ᭠
ᬲ᭄ᬓᬢᬳᭂᬦᬂ᭞ᬳᬲᬶᬂᬕᬯᬾᬲᬶᬬᬄᬢᬳᬸ᭞ᬲᬸᬓᬤᬸᬄᬓᬦᬾᬫᬚᬮᬦ᭄᭞ᬲᬂᬯᬶᬰ᭄ᬯᬳᬤᬦ᭄ᬲᬂᬗᬵᬢ᭄ᬫ᭚ᬬᬦ᭄ᬭᬶᬂᬕᬸᬫᬶᬲ᭄ᬯᬧ᭄ᬦᬳᬸᬫᬸᬗ᭄ᬕᬸᬄ᭞ᬳᬶᬤᬳ᭄ᬬᬂᬗᬵᬢ᭄ᬫᬦᬾ᭞ᬕᭀᬬᬂᬳᬶᬤᬩᬸᬮᬓ᭄ᬩᬮᬶᬓ᭄᭞ᬢ᭄ᬯᬭᬲ᭄ᬓᭂᬦ᭄ᬩ᭄ᬗᭀᬂᬗᬸᬦ᭄ᬗᬸᬦ᭄᭞᭠
ᬓᬤᬶᬮᬯᬢ᭄ᬚ᭄ᬭᭀᬦᬶᬂᬩᬜᬸ᭞ᬢᭀᬬᬕᭀᬬᬂᬮᬯᬢ᭄ᬕᭀᬬᬂ᭞ᬤᭂᬕ᭄ᬤᭂᬕ᭄ᬢᭀᬬᬮᬯᬢ᭄ᬳ᭄ᬦᬸ᭞ᬧ᭄ᬱᬾᬗᬦ᭄ᬤᬶᬢᬸᬲᬗᬵᬢ᭄ᬫ᭞ᬲᬂᬢᬾᬚᬱᬓᬳᬸᬘᬧᬂ᭚ᬬᬦ᭄ᬭᬶᬂᬲᬸᬧ᭄ᬢᬵᬧᬥᬫᬮᬸᬗ᭄ᬕᬸᬄ᭞ᬳᬶᬤᬳ᭄ᬬᬂᬗᬵᬢ᭄ᬫᬦᬾ᭞ᬭᬶᬓᬮᬦᬶᬂ
ᬧᬸᬍᬲ᭄ᬚᬢᬶ᭞ᬲᬓ᭄ᬱᬢ᭄ᬲᬸᬳᬸᬗᬾᬓᬢ᭄ᬧᬸᬓ᭄᭞ᬮᬮᬶᬢ᭄ᬓᬾᬦ᭄ᬳᬶᬯᬂᬧᬢᬹᬢ᭄᭞ᬦᬶᬃᬪᬡ᭄ᬦᬢᬦ᭄ᬓᬉᬢ᭄ᬢᬫᬦ᭄᭞ᬢ᭄ᬯᬭᬓᬢᭀᬦ᭄ᬳᬶᬥᭂᬧ᭄ᬲᬸᬯᬸᬂ᭞ᬤᬤᬶᬮᬸᬧᬵᬲᬗ᭄ᬳ᭄ᬬᬂᬗᬵᬢ᭄ᬫ᭞ᬤᬶᬢᬸᬗᬭᬦ᭄ᬲᬂᬰ᭄ᬭᬶᬧᬤ᭄ᬥᬵ᭚ᬢᬦ᭄ᬲᬄᬕᬸᬫᬶᬦᬾ᭠
Kaca:Bali-lontar-gaguritan-wrespati-tatwa-300ppi.pdf/26
Kaca puniki sampun kauji-wacén
