[᭒᭓ 23B]
᭒᭓
ᬗ᭄ᬓᬳᬾᬲᬫᬶ᭞ᬲᬓᬶᬂᬧᬸᬲᭂᬃᬗᬸᬗ᭄ᬲᬶᬮᬸᬳᬸᬃ᭞ᬫᬘᬭᬂᬘᬭᬂᬩᬤᬸᬯᬸᬃ᭞ᬳᭂᬦ᭄ᬢᭀᬯᬶᬢ᭄ᬦᬶᬂᬕᬸᬭᬸᬗᬦ᭄᭞ᬧ᭄ᬭ᭠ᬓᬵᬭᬦ᭄ᬜᬦᬾᬢᬢ᭄ᬮᬸ᭞ᬦᬾᬢᬢ᭄ᬮᬸᬢᬸᬓᬤ᭄ᬮᬶᬗ᭄ᬕᬳ᭄᭞ᬦᬄᬓᬾᬢᭀᬢᬸᬢᬸᬃᬉᬢ᭄ᬢᬫ᭚ᬳᬤᬰᬢᬸᬓᬤᬾᬬᬦᬶᬂᬳᬶᬢᬸᬂ᭞ᬚᬵ᭠
ᬢᬶᬦ᭄ᬜᬦᬾᬳᭂᬦᬾ᭞ᬳᬶᬤᬧᬶᬗ᭄ᬕᬮᬕᬦ᭄ᬥᬭᬶ᭞ᬲᬸᬲᬸᬫ᭄ᬦᬵᬳᬧ᭄ᬢᬸᬓᬸᬳᬸ᭞ᬧᬰᬰᬮᬫᬱᬢᬸᬳᬸ᭞ᬲᬗ᭄ᬓᬶ᭠ᬦᬶᬧᬶᬦᬶᬄᬧᬗᬸᬦ᭄ᬢᬢ᭄᭞ᬳᭂᬦ᭄ᬢᭀᬫᬵᬃᬕ᭄ᬕᬍᬯᬶᬄᬢᬸᬳᬸ᭞ᬦᬥᬶᬧᬤᬫᬉᬢ᭄ᬢᬫ᭞ᬫᬭᬕᬢᬶᬃᬢ᭄ᬣᬧᬗᭂᬢᬲ᭄᭚ᬦᬥᬶᬳᬶᬤᬧᬶᬢ᭄ᬕᭂ
ᬲᬶᬂᬫᬮᬸ᭞ᬕᬸᬭᬸᬂᬕᬸᬭᬸᬗᬦᬾ᭞ᬦᬾᬭᬶᬂᬢ᭄ᬗᭂᬦ᭄ᬓᬕ᭄ᬦᬳᬶᬦ᭄᭞ᬦᬥᬶᬧᬶᬗ᭄ᬕᬮᬧᬶᬢᬸᬳᬸ᭞ᬕᬸᬭᬸᬂᬕᬸᬭᬸᬂᬓᬶᬯᬮᬯᬸ᭠ᬢ᭄᭞ᬫᬶᬯᬄᬦᬥᬶᬲᬸᬲᬸᬫ᭄ᬦᬵ᭞ᬭᬶᬂᬕᬸᬭᬸᬂᬢ᭄ᬗᬄᬫᬮᬸᬗ᭄ᬕᬸᬄ᭞ᬳᬤᬩ᭄ᬯᬶᬦ᭄ᬗᬫ᭄ᬦᬾᬓᬂ᭞ᬗᬸᬗ᭄ᬲᬶᬘᬸᬗᬸᬄᬢᬸᬃᬫᬕ᭄ᬦᬄ᭚ᬦᬾᬤᭀᬢ᭄ᬗᬄᬲᬶᬦᬄᬬ
ᬫᬢᬸᬢᬸᬧ᭄᭞ᬫᬓ᭄ᬭᬡᬦ᭄ᬘᬸᬗᬸᬳᬾ᭞ᬫᬳᭂᬲᭀᬂᬤᬤ᭄ᬯᬵᬲᬸᬚᬵᬢᬶ᭞ᬳᬤᬘᬭᬂᬩ᭄ᬯᬶᬦ᭄ᬗᬮᬯᬸᬢ᭄᭞ᬓᬯᬸᬦ᭄ᬯᬸᬦᬦ᭄ᬢ᭄ᬭᬸᬲ᭄ᬢᬸᬫᬸᬲ᭄᭞ᬓ᭄ᬭᬡᬫᬤᬦ᭄ᬰᬶᬯᬤ᭄ᬯᬭ᭞ᬫᬶᬯᬄᬗᬸᬗ᭄ᬲᬶᬢᬗᬦ᭄ᬲᬸᬓᬸ᭞ᬓᬚ᭄ᬭᬶᬚᬶᬮᬯᬸᬢ᭄ᬫᬘᬭᬂ᭞ᬫᬢᬜ᭄ᬘᭂᬩ᭄ᬫᬢᬸᬫ᭄ᬧᬂ᭠
[᭒᭔ 24A]
ᬢᬸᬫ᭄ᬧᬂ᭚ᬳᬤᬲᬾᬦ᭄ᬤᬾᬄᬗᬦ᭄ᬤᬂᬫ᭄ᬯᬄᬫᬚᬸᬚᬸᬓ᭄᭞ᬓᬢ᭄ᬓᬾᬂᬲᬸᬓᬸᬦᬾ᭞ᬫᬘᬭᬂᬘᬭᬂᬳᬶᬦᬥᬶ᭞ᬍ᭠ᬯᬶᬄᬓᬤᬕᬶᬂᬫᬜᬸᬲᬸᬧ᭄᭞ᬓᬓᬸᬮᬶᬢ᭄ᬓᬸᬮᬶᬢ᭄ᬫᬗ᭄ᬮᬯᬸᬢ᭄᭞ᬫᬶᬤᭂᬃᬲᬭᬦ᭄ᬥᬸᬦᬶᬗᬯᬓ᭄᭞ᬫᬢ᭄ᬫᬳᬦ᭄ᬳᬸᬮᬸᬧᬸᬳᬸᬦ᭄᭞ᬦᬥᬶᬦᬥᬶᬦᬾ
ᬤᬶᬢ᭄ᬗᬄ᭞ᬦᬗᬸᬦ᭄ᬬᬰᬲᭀᬯᬂᬲᭀᬯᬂ᭚ᬦᬥᬶᬦᬾᬫᬓ᭄ᬚᬂᬫᬶᬲᬶᬩᬬᬸ᭞ᬳᬤᬰᬩᬬᬸᬦᬾ᭞ᬚᬦᬶᬘᬘᬓ᭄ᬩ᭄ᬲᬶᬓ᭄ᬩᭂᬲᬶᬓ᭄᭞ᬧ᭄ᬭᬡᬫ᭄ᬯᬄᬳᬧᬡᬢᬸᬳᬸ᭞ᬲᬫᬡᬉᬥᬦᬮᬯᬸᬢ᭄᭞ᬩ᭄ᬬᬦᬦᬵᬕᬫ᭄ᬯᬄᬓᬸᬫᬵᬭ᭞ᬓᬺᬓᬵᬭᬯᬱ᭄ᬝᬦ᭄ᬳᬶᬩᬬᬸ᭞ᬤᬾ
ᬯᬤᬢ᭄ᬢᬥᬦᬦ᭄ᬓᬬ᭞ᬳᬫᭀᬦ᭄ᬢᭀᬩᬬᬸᬫᬓ᭄ᬚᬂ᭚ᬓ᭄ᬭᬡᬮ᭄ᬬᬸᬳᬤᬯᬢᭂᬓᬶᬂᬩᬬᬸ᭞ᬪᬾᬤ᭄ᬥᬯᬃᬡ᭄ᬦᬦ᭄ᬜᬦᬾ᭞ᬲᭀᬮᬄᬩᬾᬤ᭄ᬥᬫᬓᬲᬫᬶ᭞ᬕᬸᬡᬮ᭄ᬬᬸᬬᬦᬶᬂᬳᬶᬢᬸᬂ᭞ᬢᬶᬗ᭄ᬓᬳᬶᬂᬫᬦᬸᬱᬳᬶᬤᬸᬧ᭄᭞ᬩᬶᬱᬫᬜ᭄ᬫᬓ᭄ᬫᬚᬮᬦ᭄᭞ᬫᬫᬸᬜᬶᬫᬓᬶᬢ᭠
ᬓᬶᬢᬸᬓ᭄᭞ᬓ᭄ᬚᬢ᭄ᬓᭂᬚᬶᬢ᭄ᬫᬓᬶᬧᭂᬓᬦ᭄᭞ᬮ᭄ᬬᬸᬳ᭄ᬦᬸᬬᬦ᭄ᬳ᭄ᬦᬸᬘᬧᬂ᭚ᬦᬾᬫᬳᬤᬦ᭄ᬳᬶᬧ᭄ᬭᬫᬡᬩᬬᬸ᭞ᬭᬶᬂᬘᬗ᭄ᬓᭂ᭠ᬫ᭄ᬕ᭄ᬦᬳᬾ᭞ᬫᬶᬯᬄᬭᬶᬂᬘᬸᬗᬸᬄᬫᬓᬤᬶ᭞ᬕᬯᬾᬦ᭄ᬳᬶᬧ᭄ᬭᬫᬡᬤᬶᬢᬸ᭞ᬫᬗ᭄ᬓᬶᬳᬦ᭄ᬳᬸᬫᬜ᭄ᬚᬶᬂᬫ᭄ᬢᬸ᭞ᬭᬶᬂᬲᭀᬃᬧᬳᬶᬗᬦᬦ᭄ᬥᬥ᭞ᬜᬮᬦᬂ
Kaca:Bali-lontar-gaguritan-wrespati-tatwa-300ppi.pdf/24
Kaca puniki sampun kauji-wacén
