[᭒᭒ 22B]
᭒᭒
ᬲᬭᬶᬦᬶᬂᬢᬸᬢᬸᬃ᭞ᬭᬶᬂᬚ᭄ᬭᭀᬳᬶᬤᬫᬦᬶᬢᬄ᭞ᬯᬲ᭄ᬢᬸᬲᬶᬦᬄ᭞ᬲᬂᬘᬾᬢᬦᬤᬶᬢᬸᬫᬸᬭᬸᬩ᭄᭞ᬳᬾᬮᬶᬂᬲᬶᬦᬄᬢ᭄ᬓᬾᬦ᭄ᬭᬵᬕ᭞ᬧᬶᬢ᭄ᬯᬶᬓᬳᬮᬲ᭄ᬳᬤ᭄ᬭᬶ᭚᭜᭚ᬳᬤ᭄ᬭᬶ᭚᭜᭚ᬲᬗᬵᬢ᭄ᬫᬤᬶᬢᬸᬳᬶᬦᬸᬧᬫᬧ᭄ᬭᬪᬸ᭞ᬳᬕᬸᬂᬧᬗ᭄ᬯᬗ᭄ᬓᬸᬦᬾ
᭞ᬰᬭᬶᬭᬳᬸᬧᬫᬧᬸᬭᬶ᭞ᬢ᭄ᬭᬶᬬᬦ᭄ᬢᬄᬓᬭᬡᬢᬸᬳᬸ᭞ᬩᬸᬤ᭄ᬥᬶᬫᬦᬄᬰᬃᬫ᭄ᬫᬲᬥᬸ᭞ᬲᬾᬦᬧᬢᬶᬬᬦ᭄ᬳᬸᬧᬫ᭞ᬯᬢᭂᬓ᭄ᬱᬂᬇᬦ᭄ᬤ᭄ᬭᬶᬬᬓᬸᬫ᭄ᬧᬸᬮ᭄᭞ᬳᭂᬦ᭄ᬢᭀᬚᬚᬳᬦ᭄ᬳᬸᬧᬫ᭞ᬚᬚᬳᬦ᭄ᬕᬸᬫᬶᬯᬯᭂᬗ᭄ᬓᬦ᭄᭚ᬰᬩ᭄ᬥᬭᬱᬕᬦ᭄ᬥᬚᬢᬶᬢᬸ᭠
ᬳᬸ᭞ᬫᬶᬯᬄᬲᬧᬃᬱᬦᬾ᭞ᬉᬧᬫᬪᭀᬕᬓᬪᬸᬓ᭄ᬢᬶ᭞ᬳᭂᬦ᭄ᬢᭀᬓᬧᬗᬦ᭄ᬓᬳᬶᬦᬸᬫ᭄᭞ᬲᬤᬶᬦᬫᬳ᭠ᬗ᭄ᬕᬾᬦ᭄ᬲᬗᬸ᭞ᬲᬂᬧ᭄ᬭᬪᬸᬫᬗ᭄ᬕᬶᬄᬓᬯᬶᬃᬬ᭄ᬬᬦ᭄᭞ᬇᬦᬸᬘᬧᬂᬧ᭄ᬭᬪᬸᬯᬶᬪᬸᬄ᭞ᬓᬾᬢᭀᬳᬸᬧᬫᬲᬗᬵᬢ᭄ᬫ᭞ᬫᬫᬗ᭄ᬕᬸᬄᬲᬸᬓᬯᬶᬪ
ᬯ᭚ᬚ᭄ᬜᭂᬓ᭄ᬲᬗᬵᬢ᭄ᬫᬫᬮᬸᬗ᭄ᬕᬸᬄᬤᬶᬢᬸ᭞ᬫᬸᬧᭀᬦᬶᬦ᭄ᬪᭀᬕᬦᬾ᭞ᬪᭀᬕᬪᭀᬕᬢᬦ᭄ᬓᬶᬦᬸᬢᭀ᭞ᬭᬶᬥᬍᬫ᭄ᬰᬭᬶᬭᬢᬸᬳᬸ᭞ᬓ᭄ᬭᬡᬲᬗ᭄ᬳ᭄ᬬᬂᬗᬵᬢ᭄ᬫᬢᬳᬸ᭞ᬢ᭄ᬓᬾᬦᬶᬂᬳᬗ᭄ᬕᬰᬭᬶᬭ᭞ᬤᬾᬦᬶᬂᬲᬗ᭄ᬳ᭄ᬬᬂᬗᬵᬢ᭄ᬫᬯ᭄ᬭᬸᬄ᭞ᬯ᭄ᬭᬸᬄᬢ᭄ᬓᬾ
[᭒᭓ 23A]
ᬦ᭄ᬧᬳᬶᬗᭂᬢᬦ᭄᭞ᬳᬡ᭄ᬥᬶᬓ᭄ᬳᬕᬫᬧᬦᭂᬧᬲ᭄᭚ᬪᬲ᭄ᬓᬢᬄᬇᬦ᭄ᬤ᭄ᬭᬶᬬᬦᬾᬭᬸᬫᬓᬸᬢ᭄᭞ᬪᬾᬤ᭄ᬥᬮ᭠ᬓ᭄ᬱᬡᬦᬾ᭞ᬳᬤᬫᬕᬯᬾᬓᬘᬭᬶᬓ᭄᭞ᬳᬤᬓᬢ᭄ᬕᬮ᭄ᬫᬗᬸᬩᬸ᭞ᬫᬫᬸᬮᬓᬰᬾᬮᬚᬕᬸᬂ᭞ᬳᬤᬫᬫᬦ᭄ᬤᬾᬫᬕᭂᬳᬂ᭞᭠
ᬤᬤᬶᬳᬸᬦ᭄ᬥᬕᬶᬫᬗ᭄ᬮᬯᬸᬢ᭄᭞ᬫᬦᬫᬳᬓ᭄ᬳᬤᬰ᭞ᬫᬓ᭄ᬚᬂᬫᬲᭀᬮᬄᬪᬾᬤ᭚ᬫᬉᬫᬄᬩᬋᬂ᭠ᬤᬶᬢᬸᬫᬓᬸᬫ᭄ᬧᬸᬮ᭄᭞ᬳᬩ᭄ᬲᬶᬓ᭄ᬫᬾᬫᬾᬦᬾ᭞ᬳᬸᬮᬶᬤᬶᬢᬸᬫ᭄ᬥᬮ᭄ᬫᬜ᭄ᬚᬶᬂ᭞ᬧᬸᬜᬓᬢᬶᬓ᭄ᬢ᭄ᬯᬄᬳᬧᬸᬳᬸᬦ᭄᭞ᬳᬤᬰᬘᬭᬗᬾ᭠
ᬮᬸᬲᬸᬄ᭞ᬬᬦᬶᬂᬧᬸᬜᬦ᭄ᬜᬦᬾᬕᭂᬫ᭄ᬩ᭞ᬲᬶᬦᬧᬸᬜᬯ᭄ᬢᬸᬢᬸᬬᬸᬄ᭞ᬓᬲᬭᬢᬦ᭄ᬩᬳᬦ᭄ᬘᬭᬂ᭞ᬦᬄᬓᬾᬢᭀ᭞ᬳᬸᬕᬶᬳᬸᬧᬫ᭚ᬪᬕᬯᬵᬦ᭄ᬯ᭄ᬭᬲ᭄ᬧᬢᬶᬫᬮᬶᬄᬫᬢᬹᬃ᭞ᬗᬸᬦᬶᬗᬂᬳᬾᬫᭂᬗᬾ᭞ᬳᬶᬦ᭄ᬤᬶᬓ᭄ᬳᬢ᭄ᬫᬵᬮᬯᬦ᭄ᬩᬸᬤ᭄ᬥᬶ᭞ᬪᬝᬵᬭᬕ᭄ᬮᬶᬲᬸᬫ
ᬯᬸᬃ᭞ᬦᬄᬓᬾᬦᬾᬋᬲᭂᬧᬂᬫᬮᬸ᭞ᬭᬾᬄᬰᬓ᭄ᬢᬶᬓ᭄ᬭᬶᬬᬪᬝᬵᬭ᭞ᬅᬗ᭄ᬓᬭᬫᬯᬾᬱᬩᬬᬸ᭞ᬳᬶᬩᬬᬸᬫ᭠ᬮᬶᬄᬫᬗᭂᬫ᭄ᬩᬦ᭄᭞ᬗᭂᬫ᭄ᬩᬦ᭄ᬅᬢ᭄ᬫᬫ᭄ᬯᬄᬰᬭᬶᬭ᭟ᬫᬢᬢᬢᬸᬓᬤᬾᬤᬶᬳᬯᬓ᭄ᬮ᭄ᬬᬸ᭞ᬳᬸᬯᬢ᭄ᬘ᭄ᬦᬶᬓ᭄ᬕ᭄ᬥᬾ᭞ᬲᭀᬃᬧᬸᬲᭂᬃᬩᬸ
Kaca:Bali-lontar-gaguritan-wrespati-tatwa-300ppi.pdf/23
Kaca puniki sampun kauji-wacén
