[᭒᭑ 21B]
᭒᭑
ᬧ᭄ᬭᬶᬬᬢᬶᬦ᭄᭚ᬤᬤᬶᬯ᭄ᬢᬸᬩ᭄ᬤᬓ᭄ᬮᬬᬄ᭞ᬧᬦᬲ᭄ᬳ᭄ᬢᬶᬲ᭄᭞ᬚᬵᬦ᭄ᬢᬓᬦ᭄ᬓᬲᬶᬳᬲᬶᬄ᭞ᬳᬸᬬᬂᬧᬮᬶᬂᬲᬳᬶᬳᬶᬩᬸᬓ᭄᭞ᬢ᭄ᬯᬭᬲᬸᬳᬸᬤ᭄ᬓᬲᬓᬶᬢᬦ᭄᭞ᬧᬶᬓᬦ᭄ᬢᭂᬦᬦ᭄᭞ᬲᬂᬫᬜᬦ᭄ᬫᬵᬫᬗ᭄ᬕᬶᬄᬓᬾᬯᬸᬄ᭞ᬓᬕᭂᬩᬸᬕ᭄ᬩᬦ᭄ᬤᬰᬾᬦ᭄ᬤ᭄ᬭᬶᬬ᭞ᬳᭂ
ᬦ᭄ᬢᭀᬲᬗᭂᬢ᭄ᬫᬜᬓᬶᬢᬶᬦ᭄᭚ᬲᬗ᭄ᬳ᭄ᬬᬂᬗᬵᬢ᭄ᬫᬧᬮᬶᬂᬳᬸᬬᬂ᭞ᬜᬸᬗ᭄ᬲᬸᬂᬜᬸᬫ᭄ᬧ᭄ᬭᬶᬢ᭄᭞ᬤᬤᬶᬧᬜ᭄ᬚᬓ᭄ᬲᬳᬶᬲᬳᬶ᭞ᬇᬦ᭄ᬤ᭄ᬭᬶᬬᬦᬾᬤᬤᬶᬧ᭄ᬭᬪᬸ᭞ᬳᬶᬧᬜ᭄ᬚᬓ᭄ᬤᬤᬶᬫᬜ᭄ᬚᬓᬂ᭞ᬤᬤᬶᬮᬘᬸᬃ᭞ᬲᬗ᭄ᬳ᭄ᬬᬂᬗᬵᬢ᭄ᬫᬗᬫᬸᬳᬸᬫᬸ᭞ᬤᬾᬦᬶᬂᬇᬦ᭄ᬤᬶᬬ
ᬦᬾᬢᬦ᭄ᬧ᭄ᬕᬢ᭄᭞ᬳᬶᬫᬵᬦᬹᬱᬫᬓᬲᬫᬶ᭚ᬳᬶᬫᬦᬹᬱᬢ᭄ᬯᬄᬓᬢᬶᬢᬄ᭞ᬩᬳᬦ᭄ᬧᬗᬦ᭄᭞ᬫᬶᬯᬄᬢᬸᬭᬸᬲᬳᬶᬲᬳᬶᬫ᭄ᬩᬲ᭄ᬓᬲᬸᬯᬾᬦ᭄ᬫᬗ᭄ᬕᬸᬄᬲᬸᬗ᭄ᬲᬸᬢ᭄᭞ᬓᬢᬶᬢᬄᬩᬳᬦ᭄ᬳᬶᬢᬫᬄ᭞ᬲᬂᬘᬾᬢᬦ᭞ᬓᬳᬸᬭᬸᬕᬦ᭄ᬧᬗ᭠
ᬦ᭄ᬳᬶᬦᬸᬫ᭄᭞ᬲᬗ᭄ᬳ᭄ᬬᬂᬗᬵᬢ᭄ᬫᬓᬍᬢᭂᬳᬦ᭄᭞ᬧᬗᬦ᭄ᬢᬸᬭᬹᬫᬗᬼᬕᬦᬶᬦ᭄᭚ᬬᬦᬶᬂᬲᬸᬩᬲᬗ᭄ᬳ᭄ᬬᬂᬗᬵᬢ᭄ᬫ᭞ᬓᬢᭂᬢᭂᬳᬦ᭄᭞ᬩᬳᬦ᭄ᬳᬶᬢᬫᬄᬫᬦᬶᬡ᭄ᬥᬶᬄ᭞ᬤᬤᬶᬓᬳᬸᬩᬸᬗᬦ᭄ᬢᬸᬭᬹ᭞ᬳᬶᬢᬸᬭᬹᬢ᭄ᬯᬭᬫᬗ᭄ᬭᬡᬬᬂ᭞ᬲᬗ᭄ᬳ᭄ᬬᬂᬗᬵᬢ᭄ᬫ᭞ᬮᬸᬧ
[᭒᭒ 22A]
ᬳᬶᬤᬫᬗᬍᬲᬸ᭞ᬤᬶᬲᬸᬩᬦᬾᬓᬲᬸᬲᬸᬧᬦ᭄᭞ᬤᬤᬶᬬᬫᬯ᭄ᬢᬸᬮᬮᬶ᭚ᬮᬮᬶᬢ᭄ᬓᬾᬦᬶᬂᬧᬜᬦ᭄ᬫᬵ᭞ᬫᬦᬸᬫᬶᬢᬶᬲ᭄᭞ᬤᬤᬶᬧᬓᬸᬓ᭄ᬩᭀᬲᬫ᭄ᬧᬶ᭞ᬤᬤᬶᬘᬾᬮᬾᬂᬩᬸᬭᭀᬦ᭄ᬳᭂᬢᬸᬄ᭞ᬩᬸᬯᬶᬦ᭄ᬳᬶᬢᬫᬄᬗ᭄ᬥᬾᬦᬂᬤᬤᬶᬓ
ᬬᬸ᭞ᬧᬤᬂᬳ᭄ᬥᭀᬦ᭄ᬫᬶᬯᬄᬳ᭄ᬩᬸᬦ᭄᭞ᬫᬶᬯᬄᬲᬮ᭄ᬯᬶᬭᬶᬂᬢᭀᬢᭀᬦᬦ᭄᭞ᬧᬶᬦᬗ᭄ᬓᬦ᭄ᬤ᭄ᬫᭂᬦᬾᬗᬹ᭠ᬦᬶ᭚ᬪᬕᬯᬵᬦ᭄ᬯᬺᬳᬲ᭄ᬧᬢᬶᬳᬶᬤ᭞ᬫᬢᬸᬃᬫᬮᬶᬄ᭞ᬲᬶᬗ᭄ᬕᬶᬄᬪᬝᬵᬭᬲᬂᬍᬯᬶᬄ᭞ᬤᬳᬢ᭄ᬲᬬᬂᬢᬶᬢ᭄ᬬᬂᬭᬢᬸ᭞ᬭᬶᬂᬳᬶᬤ
ᬲᬂᬫ᭄ᬭᬳᬅᬢ᭄ᬫᬵ᭞ᬓᬲᬶᬳᬲᬶᬄ᭞ᬢᬦ᭄ᬲᬄᬫᬫᬗ᭄ᬕᬶᬄᬧᬓᬾᬯᬸᬄ᭞ᬲᬧᬸᬦᬧᬶᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬫᬗ᭄ᬤᬵᬓᬯᬳᬾᬫᬜᬫ᭄ᬧᬶᬂ᭚ᬫᬲᬯᬸᬃᬫᬮᬶᬄᬪᬝᬵᬳᬭ᭞ᬬᬦᬶᬂᬲᬚᬵ᭞ᬲᬗ᭄ᬳ᭄ᬬᬂᬗᬵᬢ᭄ᬫᬳᬾᬮᬶᬂᬚᬵᬢᬶ᭞ᬤᬤᬶᬕᬮᬂᬢᬦ᭄ᬧᬮᬸᬢᬸᬄ
᭞ᬧᬧᬶᬦᭂᬄᬅᬢ᭄ᬫᬦᬾᬕᬮᬂ᭞ᬫᬗ᭄ᬭᬱᬬᬂ᭞ᬲᬸᬓᬤᬸᬄᬓᬳᬶᬯᬂᬧᬢᬹᬢ᭄᭞ᬢᬦ᭄ᬲᬄᬭᬶᬂᬚ᭄ᬭᭀᬫᬶ᭠ᬤᬩ᭄ᬤᬩ᭄᭞ᬜᬸᬦ᭄ᬤᬭᬶᬦ᭄ᬭᬵᬕᬦᬾᬲᬫᬶ᭚ᬅᬢ᭄ᬫᬫᬭᬕᬯᬶᬰᬾᬱ᭞ᬦᬶᬢᬄᬲᬫᬶ᭞ᬢᬢ᭄ᬯᬵᬧᬥᬓᬯᬶᬮᬗᬶᬦ᭄᭞ᬳᬫᬸᬓ᭄ᬢᬶ᭠
Kaca:Bali-lontar-gaguritan-wrespati-tatwa-300ppi.pdf/22
Kaca puniki sampun kauji-wacén
