[᭒᭐ 20B]
᭒᭐
ᬇᬦ᭄ᬤ᭄ᬭᬶᬬᬦᬾᬲᬫᬶ᭞ᬬᬦ᭄ᬳᬶᬫᬦᬄᬲᬚᬓᬸᬓᬸᬄ᭞ᬇᬦ᭄ᬤ᭄ᬭᬶᬬᬦᬾᬲᬶᬦᬄᬓᬮᬄ᭞ᬓᬲᭂᬗ᭄ᬓᬮᬦ᭄᭞᭠ᬳᬶᬫᬦᬄᬜᭂᬗ᭄ᬓᬮᬾᬦ᭄ᬤᬶᬢᬸ᭞ᬓ᭄ᬭᬡᬇᬦ᭄ᬤ᭄ᬭᬶᬬᬦᬾᬫᬚᬮᬦ᭄᭞ᬳᬶᬫᬦᬄᬮᬕ᭄ᬬᬦᬸᬢᬸᬢᬶᬦ᭄᭚ᬪᬕᬯᬵᬦ᭄ᬯᬺᬳᬲ᭄ᬧ
ᬢᬶᬳᬶᬤ᭞ᬫᬮᬶᬄᬫᬢᬸᬃ᭞ᬫᬗᬸᬦᬶᬗᬂᬓᬦ᭄ᬢᬸᬦ᭄ᬧᬮᬶᬂ᭞ᬲᬧᬸᬦᬧᬶᬲᬫ᭄ᬗ᭄ᬧᬸᬓᬸᬮᬸᬦ᭄᭞ᬓᬓᬵᬮᬶᬄᬧᬗᭂᬤᭂᬂᬳᬢ᭄ᬫᬵ᭞ᬳᬶᬕᭀᬮᬓ᭞ᬢᬍᬃᬢᬮᬶᬫᬦ᭄ᬕᬸᬮ᭄᭞ᬦᭂᬕᬸᬮ᭄ᬳᬶᬤᬲᬗ᭄ᬳ᭄ᬬᬂᬗᬵᬢ᭄ᬫ᭞ᬇᬦ᭄ᬤ᭄ᬭᬶᬬᬦᬾᬢᬍᬃᬦᬮᬶᬦᬶᬦ᭄᭚ᬇᬦ᭄ᬤ᭄ᬭᬶᬬ
ᬦᬾᬲᬶᬦᬄᬕᬯᬂ᭞ᬬᬦ᭄ᬢᬦ᭄ᬲᬓᬶᬂ᭞ᬲᬂᬕᭀᬮᬓᬫᬓᬦ᭄ᬢᬶ᭞ᬫ᭄ᬭᬱᬲᬫᬶᬧᬶᬢᬸᬳᬸ᭞ᬧᬥᬗᬶᬲᬶᬲᬗ᭄ᬳ᭄ᬬᬂᬗᬵᬢ᭄ᬫ᭞ᬓᬤᬶᬲᬫ᭞ᬳᬸᬗ᭄ᬕ᭄ᬯᬦ᭄ᬫᬶᬯᬄᬲᬂᬳᬸᬫᬸᬗ᭄ᬕᬸᬄ᭞ᬫᬓᬓᬮᬶᬄᬲᬫᬶᬓ᭄ᬯᬱ᭞ᬮᬶᬗ᭄ᬕᬶᬄᬭᬶᬂᬲᬂᬗ᭄ᬮᬶᬗ᭄ᬕᬶᬳᬶᬦ᭄᭚ᬪᬝᬵᬭᬭᬭᬶᬲ᭄ᬗ
ᬦ᭄ᬤᬶᬓᬵ᭞ᬦᬄᬢᭀᬩ᭄ᬦᭂᬄ᭞ᬳᬶᬦᬦᬓ᭄ᬦᬓᭀᬦᬂᬚᬦᬶ᭞ᬇᬦ᭄ᬤ᭄ᬭᬶᬬᬕᭀᬮᬓᬓᬸᬫ᭄ᬧᬸᬮ᭄᭞ᬧ᭄ᬭᬥᬦᬮᬯᬦ᭄ᬧᬸᬭᬸᬱ᭞ᬤᬤᬶᬢᬸᬗ᭄ᬕᬮ᭄᭞ᬬᬢᬸᬗ᭄ᬕᬮ᭄ᬤᬤᬶᬫᬦᬸᬤᬸᬄ᭞ᬦᬸᬤᬸᬄᬳᬬᬸᬮᬯᬦ᭄ᬳᬮᬵ᭞ᬦᬾᬤᬤ᭄ᬯᬵᬜᬦ᭄ᬤᬂᬳᬧᬶᬓᬶ᭠
[᭒᭑ 21B]
ᬦ᭄᭚ᬓ᭄ᬭᬡᬚ᭄ᬜᭂᬓ᭄ᬲᬗ᭄ᬳ᭄ᬬᬂᬗᬵᬢ᭄ᬫ᭞ᬲᬂᬰᬭᬶᬭ᭞ᬳᬶᬤᬲ᭄ᬯᬾᬘ᭄ᬙᬚ᭄ᬯᬫᬮᬶᬗ᭄ᬕᬶᬄ᭞ᬫᬫᬸᬓ᭄ᬢᬶᬳᬶᬤᬫᬗ᭄ᬮᬯᬸᬢ᭄᭞ᬲᬭᬶᬦ᭄ᬇᬦ᭄ᬤ᭄ᬭᬶᬬᬳᬤᬰ᭞ᬳᬮᬳᬬᬸ᭞ᬲᬭᬶᬦᬾᬳᭂᬦ᭄ᬢᭀᬓᬢ᭄ᬧᬸᬓ᭄᭞ᬫᬦ᭄ᬓᭂᬢ᭄ᬭᬶᬂᬲᬗ᭄ᬬᬂᬗᬵᬢ᭄ᬫ᭞ᬤᬤᬶᬩ᭄ᬓᭂᬮ᭄ᬓᭂ
ᬫᬫᬳᬶ᭚ᬳ᭄ᬦᬾᬢᬾᬳᬶᬭᬕᬰᬭᬶᬭ᭞ᬬᬦ᭄ᬳᬸᬧᬫ᭞ᬲᬓ᭄ᬱᬢ᭄ᬋᬗ᭄ᬕᬦᬶᬂᬧᬤᬢᬶ᭞ᬲᬗ᭄ᬳ᭄ᬬᬂᬗᬵᬢ᭄ᬫᬲ᭠ᬓ᭄ᬱᬢ᭄ᬍᬫ᭄ᬩᬸ᭞ᬧᬕᬯᬾᬦᬾᬲᬦᬾᬤᬤ᭄ᬯᬵ᭞ᬳᬮᬳᬬᬸ᭞ᬭᬶᬲᬓ᭄ᬱᬢᬂᬚᬕᬢ᭄ᬳᬕᬸᬂ᭞ᬧᬮᬕᭂᬦ᭄ᬢᬶᬲ᭄ᬯᬃᬕ᭄ᬕᬦ᭄ᬭᬓ᭞ᬳᭂᬦ᭄ᬢᭀᬘ
ᬓ᭄ᬭᬦᬶᬂᬧᬤᬢᬶ᭚ᬢᬢ᭄ᬯᬶᬬᬦ᭄ᬢ᭄ᬯᬭᬩᬶᬦ᭞ᬲᬗ᭄ᬳ᭄ᬬᬂᬗᬵᬢ᭄ᬢ᭄ᬫ᭞ᬳᬸᬧᬫᬶᬗᭂᬤᭂᬂᬧᬤᬢᬶ᭞ᬪᬝᬵᬭᬇᬰ᭄ᬯᬭᬤᬶᬢᬸ᭞ᬲᬓ᭄ᬱᬢ᭄ᬲᬵᬭᬣᬶᬉᬢ᭄ᬢᬫ᭞ᬫᬜᬮᬦᬂ᭞ᬓ᭄ᬭᬡᬳᬶᬧᬤᬢᬶᬫᬚᬸ᭞ᬳᬶᬧᬤᬢᬶᬢ᭄ᬯᬭᬓᭀᬤᬕ᭄᭞ᬬᬦᬶᬂᬢ᭄ᬯᬭᬫᬧᬶ
ᬓᭀᬮᬶᬄ᭚ᬳᬓᬾᬢᬶᬳᬸᬕᬶᬳᬸᬧᬫ᭞ᬲᬗ᭄ᬳ᭄ᬬᬂᬗᬵᬢ᭄ᬫ᭞ᬚ᭄ᬜᭂᬓ᭄ᬗᬮᬶᬄᬪᭀᬕᬲᬳᬶ᭞ᬇᬦ᭄ᬤ᭄ᬭᬶᬬᬦᬾᬳᬯᬾᬄᬲᬗᬶ᭞ᬓᬾᬯᭂᬄᬗᬮᬶᬄᬲᬗᬸᬫ᭄ᬮᬄ᭞ᬓ᭄ᬭᬡᬫ᭄ᬢᬸᬓᬲ᭄ᬫᬭᬦ᭄ᬫᭀᬫᭀᬲᬶᬕᬸᬕ᭄᭞ᬤᬺᬫ᭄ᬩᬮᭀᬪᬫᬢ᭄ᬲᬃᬬ᭄ᬬ᭞ᬧᬦᬲ᭄ᬪᬭᬓ
Kaca:Bali-lontar-gaguritan-wrespati-tatwa-300ppi.pdf/21
Kaca puniki sampun kauji-wacén
