[᭑᭙ 19B]
᭑᭙
ᬦ᭄ᬳᬤᬕ᭄ᬭᬡᬾᬦ᭄ᬤ᭄ᬭᬶᬬ᭞ᬭᬶᬂᬘᬸᬗᬸᬄᬧᬕᭂᬄᬫᬮᬶᬗ᭄ᬕᬶᬄ᭚ᬯ᭄ᬯᬵᬓᬶᬦ᭄ᬤ᭄ᬭᬶᬬᬦᬾᬓᭀᬘᬧ᭄᭞ᬢ᭄ᬯᬄᬤᬶᬩᬸᬗᬸᬢ᭄᭞ᬫᬓ᭄ᬭᬡᬩᬶᬱᬫᬫᬸᬜᬶ᭞ᬧᬦᬶᬦ᭄ᬤ᭄ᬭᬶᬬᬦᬾᬳᬸᬫᬸᬗ᭄ᬕᬸᬄ᭞ᬭᬶᬂᬢᬗᬦ᭄ᬫᬓᬤᬤ᭄ᬯᬵ᭞ᬲᬗ᭄ᬳ᭄ᬬᬂᬗᬵᬢ᭄ᬫ᭞ᬓ᭄ᬭᬡᬩᬶᬱᬜ᭄ᬫᬓ᭄
ᬜᬸᬚᬸᬓ᭄᭞ᬭᬶᬂᬲᬸᬓᬸᬳᬸᬧᬤᬾᬦ᭄ᬤ᭄ᬭᬶᬬ᭞ᬓ᭄ᬭᬡᬫᬢᬶᬦ᭄ᬤᬓ᭄ᬳᬶᬩᬢᬶᬲ᭄᭚ᬳ᭄ᬦᬾᬩ᭄ᬯᬶᬦ᭄ᬫᬤᬦ᭄ᬢᬯᬄ᭞ᬧᬬᬸᬦ᭄ᬤ᭄ᬭᬶᬬ᭞ᬧᬕᭂᬄᬫᬕ᭄ᬦᬄᬭᬶᬂᬲᬶᬮᬶᬢ᭄᭞ᬓ᭄ᬭᬡᬳᬾᬮᬄᬫᭂᬚᬸᬗᭂᬦ᭄ᬢᬸᬢ᭄᭞ᬉᬧᬱ᭄ᬝᬾᬦ᭄ᬤ᭄ᬭᬶᬬᬫᬾᬓᭀᬘᬧ᭄᭞ᬫᬸᬗ᭄ᬕ᭄ᬯᬶᬂᬪᬕ᭞ᬫᬶᬯᬄ
ᬫᬦᭀᬗᭀᬲ᭄ᬤᬶᬧᬸᬭᬸᬲ᭄᭞ᬕᬸᬡᬦ᭄ᬲᬗᬵᬢ᭄ᬫᬫᭂᬲ᭄ᬯᬂ᭞ᬲᬸᬓ᭄ᬮᬲ᭄ᬯᬦᬶᬢᬫ᭄ᬯᬄᬯᬭᬶᬄ᭚ᬪᬕᬯᬵᬦ᭄ᬯ᭄ᬭᬲ᭄ᬧᬢᬸᬗᬹᬘᬧ᭄᭞ᬫᬦᬯᭂᬕᬂ᭞ᬭᬶᬂᬳᬶᬤᬪᬝᬵᬭᬫᬗ᭄ᬓᬶᬦ᭄᭞ᬲᬶᬗ᭄ᬕᬶᬄᬧᬤᬸᬓᬧᬓᬸᬮᬸᬦ᭄᭞ᬳᬾᬫᭂᬂᬧᬶᬲᬦ᭄ᬭ
ᬢᬸᬢᬶᬢ᭄ᬬᬂᬭᬶᬂᬳᬶᬦ᭄ᬤ᭄ᬭᬶᬬ᭞ᬕᭀᬮᬓᬲᬋᬂᬫᬓᬸᬫ᭄ᬧᬸᬮ᭄᭞ᬓᬓᬮᬶᬄᬳᬶᬦ᭄ᬤ᭄ᬭᬶᬬᬦᬾᬓᭀᬘ᭠ᬧ᭄ᬕᭀᬮᬓᬳᬶᬦ᭄ᬤ᭄ᬭᬶᬬᬫᬮᬶᬄ᭞ᬳᭂᬜ᭄ᬘᬾᬦ᭄ᬫᬯᬱ᭄ᬝᬕᭀᬮᬓ᭞ᬫ᭄ᬯᬄᬳᬶᬦ᭄ᬤ᭄ᬭᬶᬬ᭞ᬫᬓᬓᬮᬶᬄᬢᬶᬢ᭄ᬬᬂᬧᬮᬶᬂ᭞ᬬᬦᬶᬂ
[᭑᭐ 20A]
ᬲᬧᬸᬦᬶᬓᬭᬢᬸ᭞ᬲᬶᬦᬄᬓᬓᬮᬶᬄᬫᬮᬯᬢ᭄᭞ᬳᬲᬶᬂᬓᬲᬸᬓᬦᬾᬭᬯᬸᬄ᭞ᬤᬸᬭᬸᬲᬂᬫᬮᬸᬄᬲ᭄ᬯᬾᬘ᭄ᬘᬬᬂ᭞ᬪᬝᬵᬭᬳᬕᬾᬜᬯᬸᬭᬶᬦ᭄᭚ᬦᬦᬓ᭄ᬦᬾᬬᬦᬶᬢᬢᬲᬂ᭞ᬕᭀᬮᬓᬦᬾ᭞ᬢᬢᬓᬦ᭄ᬫᬕᭀᬩᬚᬢᬶ᭞ᬢᭀᬗᭀᬲ᭄ᬳᬶ
ᬦ᭄ᬤ᭄ᬭᬶᬬᬦᬾᬤᬶᬢᬸ᭞ᬭᬹᬧᬢ᭄ᬕᬓᬦ᭄ᬳᬶᬦ᭄ᬤ᭄ᬭᬶᬬ᭞ᬳᬶᬕᭀᬮᬓ᭞ᬢ᭄ᬯᬭᬗᬶᬥᭂᬨᬮᬳᬬᬸ᭞ᬬᬦ᭄ᬢᬦ᭄ᬲᬓᬶᬂᬲᬂᬇᬦ᭄ᬤ᭄ᬭᬶᬬ᭞ᬲ᭄ᬯᬾᬘ᭄ᬙᬤᬶᬢᬸᬫᬗ᭄ᬮᬶᬗ᭄ᬕᬦᬶᬦ᭄᭚ᬕᭀᬮᬓᬦᬾᬫᬓᬤᬲᬃ᭞ᬫᬦᬲᬭᬶᬦ᭄᭞ᬲᬯᬢᭂᬓ᭄ᬇᬦ᭄ᬤ᭄ᬭᬶᬬᬲᬫᬶ᭞ᬲᬂ
ᬕᭀᬮᬓᬦᬫ᭄ᬧᬶᬤᬶᬢᬸ᭞ᬳᬲᬶᬂᬧᬯᬾᬯᬾᬄᬇᬦ᭄ᬤ᭄ᬭᬬ᭞ᬳᬶᬕᭀᬮᬓ᭞ᬫᬦᬫ᭄ᬧᭂᬤᬂᬲᬲᬶᬂᬭᬯᬸᬄ᭞ᬲᬂᬕᭀᬮᬓᬫᬗ᭄ᬭᬯᬸᬳᬂ᭞ᬭᬶᬂᬲᬗᬵᬢ᭄ᬫᬲᬤᬕᬢᬶ᭚ᬕᭀᬮᬓᬫᬶᬯᬄᬇᬦ᭄ᬤ᭄ᬭᬬ᭞ᬪᬾᬤᬚᬵᬢᬶ᭞ᬓᬾᬯᬮᬦᭀᬗᭀ
ᬲ᭄ᬫᬲᬦ᭄ᬤᬶᬂ᭞ᬳ᭄ᬤᬦᬦᬓ᭄ᬗᬦ᭄ᬢᬶᬩᬶᬗᬸᬂ᭞ᬫᬗᬺᬲᭂᬧᬂᬤᬕᬶᬂᬢᬢ᭄ᬯᬵ᭞ᬓᬤᬶᬩᬸᬗ᭄ᬳᬵ᭞ᬮᬯᬦ᭄ᬲᬭᬶᬧᬥᬤᬶ᭠ᬢᬸ᭞ᬮᬯᬦᬾᬧᬩᬸᬗᬄᬩᬸᬗ᭄ᬳᬵ᭞ᬰᬭᬶᬦᬾᬫᬺᬢ᭄ᬢᬦᬾᬚᬵᬢᬶ᭚ᬳᬶᬫᬦᬄᬭᬢᬸᬦ᭄ᬇᬦ᭄ᬤ᭄ᬭᬶᬬ᭞ᬲᬓᬶᬂᬫᬦᬄ᭞ᬩᭀᬗ᭄ᬓᭀᬮ᭄
Kaca:Bali-lontar-gaguritan-wrespati-tatwa-300ppi.pdf/20
Kaca puniki sampun kauji-wacén
