[᭑᭘ 18B]
᭑᭘
᭞ᬬᬦ᭄ᬭᬶᬂᬫ᭄ᬯᬦᬶᬫᬤᬦ᭄ᬰᬸᬓ᭄ᬮ᭞ᬫᬓᬤᬤ᭄ᬯᬵ᭞ᬭᬶᬂᬧᬤ᭄ᬫᬵᬦᬥᬶᬳᬸᬫᬸᬗ᭄ᬕᬸᬄ᭞ᬭᬶᬂᬫᬵᬥ᭄ᬬᬦᬶᬂᬳᬶᬱᬤ᭄ᬓᭀᬱ᭞ᬤᬶᬢᬸᬢᭀᬗᭀᬲᬂᬳ᭄ᬬᬂᬉᬭᬶᬧ᭄᭚ᬳᬶᬲᬸᬓ᭄ᬮᬫᬶᬯᬄᬳᬶᬲ᭄ᬯᬵᬦᬶᬢ᭞ᬫᬦᬸᬫᬤᬶ᭞ᬓᬯᬶᬢᬦᬾᬓᬢᬸᬭᬲᬶ᭠
ᬦ᭄᭞ᬚᬦ᭄ᬫᬵᬢᬶᬃᬬ᭄ᬬᬓᬢᬸᬳᬸᬢ᭄᭞ᬳᭂᬦ᭄ᬢᭀᬢ᭄ᬯᬭᬤᬤᬶᬳᬶᬯᬂ᭞ᬬᬦ᭄ᬭᬶᬂᬭᬹᬧ᭞ᬲᬶᬦᬄᬧᬘᬂᬤᬤᬶᬳᬤᬸᬂ᭞ᬢᬸᬗ᭄ᬕᬧᬶᬸᬮ᭄ᬭᬸᬧᬭᬶᬂᬓᬯᬶᬢᬦ᭄᭞ᬓᬾᬢᭀᬓᬢᬸᬢᬸᬭᬦ᭄ᬚᬵᬢᬶ᭚ᬬᬦᬶᬂᬓᬕᬸᬗᬦᬶᬂᬲᬸᬓ᭄ᬮᬵ᭞ᬲᬶᬦᬄ
ᬤᬶ᭞ᬫᭂᬦ᭄ᬢᬶᬓ᭄ᬫᬜᬦ᭄ᬫᬵᬫ᭄ᬯᬦᬶ᭞ᬳᬶᬲ᭄ᬯᬦᬶᬢᬬᬦᬶᬂᬳᬕᬸᬂ᭞ᬲᬶᬦᬄᬧᬘᬂᬳᬜᬦ᭄ᬫᬵ᭞ᬬᬦᬶᬂᬧᬥ᭞ᬲ᭄ᬯᬦᬶᬢᬲᬸᬓ᭄ᬮᬦᬾᬧᬢᬸᬄ᭞ᬤᬤᬶᬩᬜ᭄ᬘᬶᬄᬓᬲᬶᬦᬬᬂ᭞ᬦᬄᬓᬾᬢᭀᬩᬦᬶᬫᬶᬢᬸᬯᬶ᭚ᬲᬸᬓ᭄ᬮᬦᬾᬫ᭠
ᬦᬤᬶᬢᬸᬮᬂ᭞ᬲᬸᬫ᭄ᬲᬸᬫ᭄ᬯ᭄ᬯᬢ᭄᭞ᬧᬥᬓᬸᬓᬸᬄᬫᬓᬲᬫᬶ᭞ᬳᬶᬲ᭄ᬯᬦᬶᬢᬢ᭄ᬯᬭᬩᬸᬳᬸᬂ᭞ᬤᬤᬶᬤᬕᬶᬂᬫᬶᬯᬄᬘᬃᬫ᭄ᬫ᭞ᬫ᭄ᬯᬄᬭᬸᬤᬶᬭ᭞ᬫᬦᬤᬶᬧᬥᬫᬢ᭄ᬮᬸ᭞ᬳᭂᬦ᭄ᬢᭀᬫᬳᬤᬦ᭄ᬲᬤ᭄ᬓᭀᬱ᭞ᬦᭂᬫᭂᬫ᭄ᬓᬳᬸᬘᬧ᭄ᬫ᭠
[᭑᭙ 19A]
ᬢᬓᬶᬮ᭄᭚ᬳᭂᬦ᭄ᬢᭀᬳᬶᬰᬩ᭄ᬤᬢᬦ᭄ᬫᬢ᭄ᬭ᭞ᬤᬤᬶᬓᬸᬧᬶᬂ᭞ᬳᬲᬶᬂᬫᬸᬜᬶᬦᬾᬓᬢᬫ᭄ᬧᬶ᭞ᬲᬧᬃᬱᬢᬦ᭄ᬫᬢ᭄ᬭᬢᬸᬳᬸ᭞ᬤᬤᬶᬓᬸᬮᬶᬢ᭄ᬫᬗ᭄ᬭᬱᬬᬂ᭞ᬧᬦᭂᬲ᭄ᬢᬶᬲ᭄᭞ᬳᬶᬕᬦ᭄ᬥᬵᬫᬦᬤᬶᬳᬶᬭᬸᬂ᭞ᬳᬶᬭᬹᬧᬫᬦᬤᬶᬫᬢ᭞ᬳᬶᬭᬱᬮᬶ
ᬤᬄᬫᬦᬤᬶ᭚ᬳᭂᬦ᭄ᬢᭀᬢ᭄ᬯᬄᬫᬓᬮᬮᬶᬫ᭞ᬓᬳᬤᬦᬶᬦ᭄᭞ᬧᬜ᭄ᬘᬾᬦ᭄ᬤ᭄ᬭᬶᬬᬮᬶᬯᬢ᭄ᬰᬓ᭄ᬢᬶ᭞ᬫᬓᬤᬲᬃᬜᬦᬾᬤᬶᬢᬸ᭞ᬳᬤᬫᬳᬤᬦ᭄ᬕᭀᬮᬓᬵ᭞ᬫᬗᬶᬲᬶᬬᬂ᭞ᬳᬶᬦ᭄ᬤ᭄ᬭᬶᬬᬦᬾᬢ᭄ᬓᭂᬓ᭄ᬤᬶᬢᬸ᭞ᬫᬓ᭄ᬭᬡᬦᬾᬲᬗ᭄ᬳ᭄ᬬᬂᬗᬵᬢ᭄ᬫ᭞ᬩᬶᬱᬗ᭄ᬭ
ᬱᬕᬮᬩ᭄ᬘᬶᬓ᭄᭚ᬲᬓᬶᬂᬲᬓᬜ᭄ᬘᬦ᭄ᬲᬂᬳᬶᬦ᭄ᬤ᭄ᬭᬶᬬ᭞ᬫᬢᬸᬢᬸᬭᬶᬦ᭄᭞ᬲᬂᬗᬵᬢ᭄ᬫ᭄ᬫᬫᬓ᭄ᬭᬡᬳᬾᬮᬶᬂ᭞ᬲ᭄ᬭᭀᬢᬾᬦ᭄ᬤ᭄ᬭᬶᬬᬦᬾᬲᬸᬫᬸᬲᬸᬧ᭄᭞ᬭᬶᬂᬓᬵᬃᬡ᭄ᬦᬢ᭄ᬯᬄᬫᬮᬶᬗ᭄ᬕᬵ᭞ᬫᬗ᭄ᬭᬦᬬᬂ᭞ᬲᬗᬵᬢ᭄ᬫᬩᬶᬱᬫᬗ᭄ᬭᬸᬗᬹ᭞ᬳᬤᬩ᭄ᬯᬶᬦ᭄ᬢ᭄ᬯᬓ᭄ᬳᬶᬦ᭄ᬤ᭄ᬭᬶᬬ᭠
ᬳᭂᬦ᭄ᬢᭀᬫᬦᭀᬗᭀᬲ᭄ᬤᬶᬓᬸᬮᬶᬢ᭄᭚ᬳᬤᬩ᭄ᬯᬶᬦ᭄ᬘᬓ᭄ᬱᬸᬳᬶᬦ᭄ᬤ᭄ᬭᬶᬬ᭞ᬫᬸᬗ᭄ᬕ᭄ᬯᬶᬂᬫᬢ᭞ᬫᬓ᭄ᬭᬡᬅᬢ᭄ᬫᬵᬦᬾᬗᬓ᭄ᬱᬶ᭞ᬚᬶᬢᬾᬦ᭄ᬤ᭄ᬭᬶᬬᬦᬾᬫᬸᬗ᭄ᬕᬸᬄᬭᬶᬂᬮᬶᬤᬄᬢ᭄ᬯᬄᬫᬗ᭄ᬭᬩᬬᬂ᭞ᬳᬲᬶᬂᬧᬗᬦ᭄᭞ᬓᬢ᭄ᬓᬦᬶᬂᬳᬲᬶᬂᬳᬶᬦᬸᬫ᭄ᬩ᭄ᬯᬶ
Kaca:Bali-lontar-gaguritan-wrespati-tatwa-300ppi.pdf/19
Kaca puniki sampun kauji-wacén
