[᭑᭗ 17B]
᭑᭗
ᬧᬃᬱᬢᬦ᭄ᬫᬢ᭄ᬭᬚᬵᬢᬶ᭚ᬓᬮᬲᬸᬫᬸᬭᬸᬧ᭄ᬳ᭄ᬬᬂᬲᬹᬃᬬ᭄ᬬ᭞ᬮᬶᬢ᭄ᬦᬶᬂᬢᬾᬚᬵ᭞ᬓᬢᭀᬦ᭄ᬲᬫᬢ᭄ᬭᬓᬵᬭᬶ᭞ᬭᬹᬧᬢᬦ᭄ᬫᬢ᭄ᬭᬓᬯᬸᬯᬸᬲ᭄᭞ᬫᬶᬯᬄᬲᬮ᭄ᬯᬶᬭᬶᬂᬧᬶᬦᬗᬦ᭄᭞ᬳᬤᬭᬱ᭞ᬭᬶᬂᬮᬶᬤᬄᬲᬫᬢ᭄ᬭᬓᬦ᭄ᬢᬸᬦ᭄᭞ᬳᭂᬦ᭄ᬢᭀᬢ᭄ᬯᬄ᭠
ᬓᬳᬤᬦᬦ᭄᭞ᬭᬱᬢᬦ᭄ᬫᬢ᭄ᬭᬚᬵᬢᬶ᭚ᬳᬲᭂᬧ᭄ᬫᭂᬜᬦ᭄ᬫ᭄ᬯᬄᬘᬦ᭄ᬤᬦ᭞ᬳᬲᬶᬂᬳᬫ᭄ᬩᬸ᭞ᬳᬶᬘᬸᬗᬸᬄᬳᬶᬗᬦ᭄ᬫᬗ᭄ᬭᬜ᭄ᬚᬶᬂ᭞ᬓᬲᬸᬯᬾᬦ᭄ᬳᬫ᭄ᬩᬸᬦᬾᬳ᭄ᬦᬸ᭞ᬫᬢ᭄ᬭᬫᬢ᭄ᬭᬫᬭᬯᬢ᭄᭞ᬳᭂᬦ᭄ᬢᭀᬫᬤᬦ᭄ᬕᬦ᭄ᬥᬵᬢᬦ᭄ᬫᬢ᭄ᬭᬧᬶᬢᬸᬳᬸ᭞ᬳ
ᬫᭀᬦ᭄ᬢᭀᬧᬜ᭄ᬘᬢᬦ᭄ᬫᬢ᭄ᬭ᭞ᬲᬓᬶᬂᬭᬚᬄᬢᬫᬄᬫᬶᬚᬶᬮ᭄᭚ᬲᬓᬶᬂᬳᬶᬧᬜ᭄ᬘᬢᬦ᭄ᬫᬢ᭄ᬭ᭞ᬗᬯᬶᬚᬶᬮᬂ᭞ᬧᬜ᭄ᬘᬫᬳᬵᬪᬸᬝᬵᬳᬰᬓ᭄ᬢᬶ᭞ᬲᬓᬶᬂᬲᬧᬃᬱᬳᬶᬩᬬᬸ᭞ᬅᬓᬱᬲᬓᬶᬂᬳᬶᬰᬩ᭄ᬥ?ᬓᬾᬂᬭᬹᬧ᭞ᬳᬶᬢᬾᬚᬵᬭ᭠
ᬭᬶᬰᬸᬫ᭄ᬢᬸ᭞ᬲᬓᬶᬂᬭᬱᬫ᭄ᬢᬸᬳᬧᬄ᭞ᬕᬦ᭄ᬥᬵᬧ᭄ᬭᬢᬶᬯᬶᬦᬾᬫᬶᬚᬶᬮ᭄᭚ᬬᬦᬶᬂᬲᬸᬩᬓᬢᭀᬦ᭄ᬢᬶᬗ᭄ᬕᬃ᭞ᬢᬸᬲᬶᬂᬤ᭄ᬥ᭞ᬩᬦ᭄ᬫᬗ᭄ᬕᬯᬾᬢᬸᬃᬫᬗᬶᬲᬶ᭞ᬢᬢ᭄ᬯᬵᬲᭀᬃᬯᬱ᭄ᬝᬦ᭄ᬦᬶᬧᬸᬦ᭄᭞ᬢᬢ᭄ᬯᬵᬳᬶᬲᭀᬃᬢ᭄ᬯᬄᬜᬶᬤ᭄ᬥᬬᬂ᭞ᬫᬗᬸᬗ᭄ᬲ᭄ᬬᬂ
[᭑᭘ 18A]
ᬢᬢ᭄ᬯᬵᬦᬾᬦᭀᬗᭀᬲ᭄ᬤᬶᬤᬸᬯᬸᬃ᭞ᬢᬸᬭᬶᬂᬜᬶᬤ᭄ᬥᬬᬂᬫᬦᬶᬢᬄ᭞ᬲᬓᬶᬂᬲᭀᬃᬮᬸᬯᬸᬃᬓᬳᬸᬗ᭄ᬲᬶ᭚ᬧ᭄ᬭ᭠ᬢᬶᬯ᭄ᬯᬶᬢᬢ᭄ᬯᬵᬘᬭᬶᬢ᭞ᬧᬓᬸᬫ᭄ᬧᬸᬮᬦ᭄᭞ᬢᬢ᭄ᬯᬵᬢᬢ᭄ᬯᬫᬓᬲᬫᬶ᭞ᬲᬧᬃᬱᬵᬕᬸᬡᬦᬶᬂᬩᬬᬸ᭞ᬰᬩ᭄ᬥᬕᬸᬡᬦᬶᬗᬵᬓᬱ᭞
ᬬᬳᬶᬭᬹᬧ᭞ᬕᬸᬡᬦᬶᬂᬢᬾᬚᬧᬶᬢᬸᬳᬸ᭞ᬳᬶᬭᬱᬕᬸᬡᬦᬶᬂᬳᬧᬂ᭞ᬕᬦ᭄ᬥᬵᬦᬾᬲᬓᬶᬂᬧ᭄ᬭᬶᬢᬶᬯᬶ᭚ᬘᬘᬓᬦ᭄ᬭᬱᬦᬾᬯᬶᬮᬂ᭞ᬦᭂᬫ᭄ᬦᭂᬫ᭄ᬓᬸᬫ᭄ᬧᬸᬮ᭄᭞ᬲᬤ᭄ᬭᬱᬢ᭄ᬯᬄᬓᬳᬤᬦᬶᬦ᭄᭞ᬧᬓᭂᬄᬫᬲᭂᬫ᭄ᬲ᭄ᬧᭂᬢ᭄ᬢᬸᬳᬸ᭞ᬫᬦᬶᬲ᭄ᬧᬳᬶᬢ᭄ᬫᬶ
ᬯᬄᬮᬮᬄ᭞ᬲᬸᬩᬧ᭄ᬭᬕᬢ᭄᭞ᬳᬶᬲᬤ᭄ᬭᬱᬦᬾᬫᬓᬸᬫ᭄ᬧᬸᬮ᭄᭞ᬢᬢ᭄ᬯᬵᬲᭀᬃᬢᭀᬫᬓ᭄ᬚᬂ᭞ᬲᬫᬶᬕᬸᬡᬦᬶᬂᬧ᭄ᬭᬢᬶᬯᬶ᭚ᬲᬓᬶᬂᬳᬫ᭄ᬩᬸᬢ᭄ᬯᬄᬤᬤ᭄ᬯᬵ᭞ᬳᬮᬳᬬᬸ᭞ᬫᬶᬬᬶᬓ᭄ᬫᬓᬫᬶᬯᬄᬧ᭄ᬗᬶᬢ᭄᭞ᬳᬶᬲᬤ᭄ᬭᬱᬵᬩ᭄ᬯᬶᬦ᭄ᬳᬶᬢᬸᬂ᭞ᬳᭂᬦ᭄ᬢᭀᬓᬳᬶ᭠
ᬦᬸᬫ᭄ᬓᬧᬗᬦ᭄᭞ᬭᬶᬂᬳᬶᬚᬦ᭄ᬫᬵ᭞ᬮᬸᬄᬫ᭄ᬯᬦᬶᬫᬗᬦ᭄ᬳᬶᬦᬹᬫ᭄᭞ᬳᭂᬦ᭄ᬢᭀᬫᬦᬤᬶᬰᬭᬶᬭ᭞ᬫᬶᬯᬄᬫᬦᬤ᭄ᬬᬂᬉᬭᬶᬧ᭄᭚ᬲᬭᬶᬦ᭄ᬰᬭᬶᬭᬦᬾᬓᭀᬘᬧ᭄᭞ᬳᭂᬦ᭄ᬢᭀᬤᬤᬶ᭞ᬓᬵᬫ᭄ᬫᬮᬸᬄᬫᬶᬯᬄᬫ᭄ᬯᬦᬶ᭞ᬲ᭄ᬯᬵᬦᬶᬢᬬᬦ᭄ᬚᬦ᭄ᬫᬵᬳ᭄ᬮᬸᬄ
Kaca:Bali-lontar-gaguritan-wrespati-tatwa-300ppi.pdf/18
Kaca puniki sampun kauji-wacén
