[᭑᭒ 12B]
᭑᭒
ᬫ᭄ᬧᬶ᭞ᬳᬮᬳᬬᬸ᭞ᬤᬶᬢᬸᬯᬶᬥᬶᬦᬾᬫᬦᬶᬢᬄ᭚ᬪᬝᬵᬭᬯᬶᬥᬶᬫᭀᬢ᭄ᬢᬫ᭞ᬳᬶᬤᬲᬫᬶᬫᬫᬶᬦᭂᬳᬶᬦ᭄᭞ᬤᬾᬦᬶᬂᬳᬶᬤᬓᬧ᭄ᬭᬘ᭄ᬘᬬᬦ᭄᭞ᬗᬶᬢᬸᬗᬶᬦ᭄ᬳᬶᬲᭀᬮᬄᬲᬫᬶ᭞ᬳᬮᬳᬬᬸᬓᬩᬯᭀᬲᬶᬦ᭄᭞ᬧᬓᬵᬃᬫ᭄ᬫᬦ᭄ᬲᭀ
ᬮᬳᬾᬫᬮᬸ᭞ᬬᬦᬶᬂᬳᬬᬸᬬᬦᬶᬂᬳᬮ᭞ᬳ᭄ᬬᬂᬯᬶᬥᬶᬫᬦᬸᬤᬸᬄᬲᬫᬶ᭞ᬗᬶᬘᬾᬦ᭄ᬲᬗᬸ᭞ᬲᬗ᭄ᬓᬦ᭄ᬳᬤᬨᬮᬓᬃᬫ᭄ᬫ᭚ᬬᬦ᭄ᬳᬕᬸᬂᬳᬶᬥᭂᬧᬶᬭᬚᬄ᭞ᬲᬥ᭄ᬬᬜᬶᬤ᭄ᬥᬬᬂᬫᬫᬹᬃᬢ᭄ᬢᬶ᭞ᬢᬦ᭄ᬲᬄᬫᬗᬸᬦ᭄ᬳᬶᬥᭂᬧ᭄ᬓ᭄ᬭᭀᬤ᭄ᬥ᭞ᬗᬯᬾᬳᬮᬵ
ᬤᬳᬢ᭄ᬰᬓ᭄ᬢᬶ᭞ᬫᬗᬯᬾᬲᬂᬗᬵᬢ᭄ᬫᬧᬮᬶᬂ᭞ᬤᬶᬓᬯᬳᬾᬬᬳᬸᬮᬸᬂ᭞ᬦᬫ᭄ᬧᬶᬲᬓᬶᬢ᭄ᬓᬲᬂᬲᬭᬦ᭄᭞᭠ᬧᬗ᭄ᬯᬍᬲ᭄ᬓ᭄ᬭᭀᬤ᭄ᬥᬦᬾᬗᬹᬦᬶ᭞ᬳᬩᬮᬯᬸᬢ᭄᭞ᬲᬓᬶᬢᬾᬗᬶᬸᬧᬬᬸᬩ᭄ᬓᭂᬮᬂ᭚ᬬᬦ᭄ᬳᬶᬥᭂᬧ᭄ᬢᬫᬳᬾᬲᬥ᭄ᬬ᭞ᬳᬕᬸᬂᬫᬗᬸᬗ᭄ᬕᬸᬮ᭄ᬫᬫᬹᬃ
ᬢ᭄ᬢᬶ᭞ᬲᬗᬵᬢ᭄ᬫᬢᬶᬩᬭᬶᬂᬓᬯᬄ᭞ᬭᬶᬯ᭄ᬓᬲ᭄ᬩ᭄ᬯᬶᬦᬸᬫᬶᬢᬶᬲ᭄᭞ᬫᬦᬤᬶᬢᬶᬃᬬᬓ᭄ᬲᬸᬚᬵᬢᬶ᭞ᬲᬃᬯ᭄ᬯᬲᬗ᭄ᬲᬭᬦᬾᬦᬸᬢᬸᬕ᭄᭞ᬳᭂᬦ᭄ᬢᭀᬤᬤᬶᬓᬸᬮᬶᬢ᭄ᬅᬢ᭄ᬫᬵ᭞ᬗᬾᬦ᭄ᬤᬄᬧᬕᭂᬦ᭄ᬢᭀᬲ᭄ᬳᬶᬓᬸᬮᬶᬢ᭄᭞ᬲᬃᬯ᭄ᬯᬍᬢᬸᬄ᭞ᬘᬘᬓᬦ᭄ᬯ᭠
[᭑᭓ 13A]
ᬢᭂᬓ᭄ᬢᬶᬃᬬ᭄ᬬᬓ᭄᭚ᬮᬮᬶᬫᬦᬾᬫᬤᬦ᭄ᬢᬶᬃᬬ᭄ᬬᬓ᭄᭞ᬧᬰᬸᬫᬺᬕᬫᬶᬡᬧᬓ᭄ᬱᬶ᭞ᬲ᭄ᬫᬭᬶᬲᬺᬧᬫ᭠ᬗᬸᬦ᭄ᬢᬢ᭄᭞ᬫᬯᬸᬯᬸᬄᬫᬮᬶᬄᬳᬲᬶᬓᬶ᭞ᬲ᭄ᬣᬵᬯᬳᭂᬳᬓᬯᬱ᭄ᬝᬦᬶᬦ᭄᭞ᬦᭂᬫ᭄ᬦᭂᬫ᭄ᬧᬫᬸᬧᬸᬢ᭄ᬳᬶᬧᬸᬦ᭄᭞ᬳᭂᬦ᭄ᬢᭀᬫᬤᬦ᭄ᬢᬶᬃᬬ᭄ᬬᬓ᭄
᭞ᬚᬦᬶᬧᬶᬢ᭄ᬕᭂᬲᬶᬦ᭄ᬩᬸᬯᬶᬦ᭄᭞ᬳᭂᬤᬩᬶᬗᬸᬂ᭞ᬤᬾᬦᬶᬂᬲᭂᬗ᭄ᬓᬵᬫᬗᬺᬱᭂᬧᬂ᭚ᬩᬱᬓᬯᬶᬫᬗᬸᬘᬧᬂ᭞ᬳᬦᬧᬰᬸᬓᬯᬱ᭄ᬝᬦᬶᬦ᭄᭞ᬯᬢᭂᬓ᭄ᬧᬕᬸᬦᬾᬢᬸᬢᬸᬭᬂ᭞ᬳᬲᬶᬂᬤᬤᬶᬓᬳᬸᬩᬸᬳᬶᬦ᭄᭞ᬩᬳᬦ᭄ᬳᬶᬫᬵᬦᬸᬱᬤᬶᬦᬶ᭞ᬳᭂᬦ᭄ᬢᭀ᭠
ᬲᬸᬩᬫᬤᬦ᭄ᬧᬰᬸ᭞ᬩ᭄ᬯᬶᬦ᭄ᬳᬤᬫᬤᬦ᭄ᬫᬺᬕ᭞ᬩᬩᬸᬭᭀᬦᬾᬕ᭄ᬥᬾᬘ᭄ᬦᬶᬓ᭄᭞ᬳᬲᬶᬂᬫᬸᬗ᭄ᬕᬸᬄ᭞ᬤᬶᬢ᭄ᬗᬄᬳ᭠ᬮᬲ᭄ᬫᬓ᭄ᬚᬂ᭚ᬲᭀᬭᬶᬂᬫᬺᬕᬓᬳᬸᬘᬧ᭄᭞ᬳᬤᬩ᭄ᬯᬶᬦ᭄ᬫᬤᬦ᭄ᬧᬓ᭄ᬱᬶ᭞ᬳᬲᬶᬂᬫᬓᬫ᭄ᬧᬶᬤᬶᬚᬕᬢ᭄᭞ᬳᭂᬦ᭄ᬢᭀᬦᬾ
ᬫᬤᬦ᭄ᬧᬓ᭄ᬱᬶ᭞ᬫᬶᬡᬳᬸᬮᬫ᭄ᬓᬯᬱ᭄ᬝᬦᬶᬦ᭄᭞ᬧᬢ᭄ᬯᬶᬦᬾᬳᬮᬶᬢ᭄ᬳᬕᬸᬂ᭞ᬬᬦ᭄ᬲᬸᬩᬳᬶᬤᬸᬧ᭄ᬤᬶᬢᭀᬬ᭞ᬲ᭄ᬫᬭᬶᬲᬺᬧᬦᬾᬫᬮᬶᬄ᭞ᬓᬤᬶᬮᬶᬦ᭄ᬫᬸᬂ᭞ᬳᬲᬶᬂᬫᬜᬮᬦᬂᬢᬗ᭄ᬓᬄ᭚ᬲ᭄ᬣᬯᬭᬦᬾᬢ᭄ᬕᭂᬄᬲᬂ᭞ᬲᬓᬜ᭄ᬘ᭠
Kaca:Bali-lontar-gaguritan-wrespati-tatwa-300ppi.pdf/13
Kaca puniki sampun kauji-wacén
