[᭑᭑ 11B]
᭑᭑
ᬢᬶᬧᬸᬯᭂᬓ᭄ᬧ᭄ᬢᭂᬂᬮᬶᬜᬸᬢ᭄᭞ᬩ᭄ᬭᬢ᭄ᬳᬸᬮᬢᬾᬓᬸᬘᬶᬯᬵ᭞ᬓ᭄ᬱᭂᬮ᭄ᬳᬲᬶᬂᬓ᭄ᬮᬓ᭄ᬱᬡᬳᬶᬦ᭄᭞ᬢᬦ᭄ᬲᬄ᭠ᬗᬫᬸᬦ᭄᭞ᬢ᭄ᬯᬭᬵᬗᬶᬢᬸᬗᬂᬭᬶᬯ᭄ᬓᬲ᭄᭚ᬇᬥᭂᬧ᭄ᬲᬢ᭄ᬯᬭᬚᬄᬢᬫᬄ᭞ᬳᭂᬦ᭄ᬢᭀᬲᬸᬩᬫᬯᬓ᭄ᬢᬮᬶ᭞ᬢᬮᬶᬦ᭄ᬳᬶᬤᬲᬗ᭄ᬳ᭄ᬬᬂᬗᬵ᭠
ᬢ᭄ᬫ᭞ᬧᬦᭂᬕᬶᬮᬾᬫᬍᬕᭂᬦ᭄ᬢᬶ᭞ᬧᬦᬯᬶᬭᬥᬶᬭᬲᬫᬶ᭞ᬳᬗᬶᬓᭂᬢᬾᬲᬮᬶᬂᬢᬸᬳᬸᬓ᭄᭞ᬢᬶᬗ᭄ᬓ᭠ᬳᬾᬫᬗᬥᬸᬬᬸᬤ᭄ᬥ᭞ᬧᬤᬢᬸᬗ᭄ᬓᬲ᭄ᬲᭀᬮᬄᬩᬸᬤ᭄ᬥᬶ᭞ᬳᬚᬓ᭄ᬢ᭄ᬮᬸ᭞ᬫᬕᭂᬚ᭄ᬕᬦ᭄ᬫᬢᬸᬗ᭄ᬓᬲᬦ᭄᭚ᬬᬦ᭄ᬳᬶᬲᬯ᭄ᬯᬵᬲᬵ
ᬤ᭄ᬬᬫ᭄ᬦᬂ᭞ᬲᬗ᭄ᬳ᭄ᬬᬂᬗᬵᬢ᭄ᬫᬫᬗ᭄ᬕᬶᬄᬩ᭄ᬘᬶᬓ᭄᭞ᬫᬦᬸᬗ᭄ᬓᬧ᭄ᬲ᭄ᬯᬃᬕ᭄ᬕᬫᭀᬓ᭄ᬱ᭞ᬥᬃᬫ᭄ᬫᬫᭀᬓ᭄ᬱᬦᬾᬓᬧ᭠ᬗ᭄ᬕᬶᬄ᭞ᬯᬶᬭᬾᬄᬲᬂᬲᬢ᭄ᬯᬵᬳ᭄ᬦᬶᬂ᭞ᬩᬶᬱᬫᬗ᭄ᬭᬱᬬᬂᬧᬢᬹᬢ᭄᭞ᬧᬢᬹᬢ᭄ᬧᬗ᭄ᬭᬱᬦ᭄ᬅᬕᬫ᭞ᬕᬸᬭᬸᬯᬘᬦᬓᬕᬶᬲᬶ᭞ᬗᬕᭂᬫ᭄ᬳᬬᬸ
᭞ᬩᬸᬤ᭄ᬥᬶᬲᬢ᭄ᬯᬫᬾᬉᬢ᭄ᬢᬫ᭚ᬬᬦ᭄ᬳᬶᬲᬢ᭄ᬯᬵᬮᬯᬦ᭄ᬢᬚᬄ᭞ᬧᬥᬳᬕᬸᬗᬾᬫᬦᬶᬡ᭄ᬥᬶᬄ᭞ᬲᬶᬦᬄᬳᭂᬜᬓ᭄ᬗᬯᬾᬥᬃᬫ᭄ᬫᬵ᭞ᬓᬲᬶᬤ᭄ᬥᬦ᭄ᬢ᭄ᬯᬄᬲᬋᬂᬓᬮᬶᬄ᭞ᬫᬗᬯᬾᬦᬶᬦ᭄ᬓᬵᬃᬫ᭄ᬫᬩ᭄ᬘᬶᬓ᭄᭞ᬓ᭄ᬭᬡᬦᬸᬗ᭄ᬓᬧ᭄ᬲ᭄ᬯᬃᬕ᭄ᬕᬳᬬᬸ᭞ᬲᬂᬲᬢ᭄ᬯᬵ
[᭑᭒ 12A]
ᬫᬕᬯᬾᬫ᭄ᬮᬄ᭞ᬲᬂᬭᬚᬄᬧ᭄ᬭᬬᬜᬮᬦᬶᬦ᭄᭞ᬮᬶᬯᬢ᭄ᬮᬚᬸ᭞ᬥᬃᬫ᭄ᬫᬳᬬᬸᬦᬾᬫᬚᬮᬦ᭄᭚ᬬᬦᬶᬂᬲᬢ᭄ᬯᬵᬭᬚᬄᬢᬫᬄ᭞ᬳᬕᬸᬂᬜᬦᬾᬧᬢᬸᬄᬲᬫᬶ᭞ᬳᭂᬦ᭄ᬢᭀᬦᬸᬫᬶᬢᬶᬲ᭄ᬫᬦᬸᬱᬵ᭞ᬤᬾᬦᬶᬂᬧᬥᬫᬜᬮᬦᬶᬦ᭄᭞ᬇ᭠
ᬥᭂᬧ᭄ᬜᬦᬾᬧᬥᬫᬶᬲᬶ᭞ᬲᬢ᭄ᬯᬭᬚᬄᬢᬫᬄᬧᬢᬸᬄ᭞ᬳᬶᬭᬚᬄᬢ᭄ᬯᬄᬗ᭄ᬕᬯᬾᬳᭂᬗ᭄ᬲᬧ᭄᭞ᬳᬶᬲᬢ᭄ᬯᬳᬕᬾᬦᬸᬢᬸᬭᬶᬦ᭄᭞ᬢᬫᬄᬍᬲᬸ᭞ᬳᬶᬭᬚᬄᬕᬢᬶᬜᬮᬦᬂ᭚ᬳᭂᬦ᭄ᬢᭀᬫᬤᬦ᭄ᬢ᭄ᬭᬶᬕᬸᬡ᭞ᬢᬦ᭄ᬲᬄᬲᬂᬗᬵᬢ᭄ᬫᬓᬮᬶ᭠
ᬮᬶᬢ᭄᭞ᬫᬢ᭄ᬕᬸᬮ᭄ᬢᭀᬂᬤᬤᬶᬧᬲᬄ᭞ᬓ᭄ᬭᬡᬫᬕᬯᬾᬓᬓᬮᬶᬄ᭞ᬳᬮᬳᬬᬸᬢᬦ᭄ᬫᬭᬶ᭞ᬳᭂᬦ᭄ᬢᭀᬲᬶᬦᬄᬧᬘᬂᬢ᭄ᬧᬸᬓ᭄᭞ᬓᬓ᭄ᬥᭂᬂᬩᬦ᭄ᬢᬢᬶᬕ᭞ᬳᬶᬢ᭄ᬭᬶᬕᬸᬡᬤᬳᬢ᭄ᬰᬓ᭄ᬢᬶ᭞ᬲᬶᬮᬃᬲᬶᬮᬸᬃ᭞ᬲᬮᬄᬢᬸᬗ᭄ᬕᬮ᭄ᬦᬗᬸ᭠
ᬦ᭄ᬬᬱᬵ᭚ᬬᬦᬶᬂᬲᬶᬤ᭄ᬥᬗ᭄ᬳᬯᬾᬫ᭄ᬮᬄ᭞ᬓᬫᬦᬸᬱᬦ᭄ᬩ᭄ᬯᬶᬦ᭄ᬫᭂᬦ᭄ᬢᬶᬓ᭄᭞ᬲᬗ᭄ᬳ᭄ᬬᬂᬯᬶᬥᬶᬫᬗᬾᬮᬶᬗᬂ᭞ᬤᬶ᭠ᬢ᭄ᬗᬄᬕᬸᬫᬶᬓᬳᬸᬗ᭄ᬲᬶ᭞ᬭᬶᬂᬳᬬᬲ᭄ᬣᬵᬦᬚᬵᬢᬶ᭞ᬧᬦ᭄ᬢᬭᬦᬶᬂᬲ᭄ᬯᬃᬕ᭄ᬕᬳᬕᬸᬂ᭞ᬢ᭄ᬓᬾᬦᬶᬂᬕ᭄ᬦᬄᬳᬶᬓᬯᬄ᭞ᬤᬶᬢᬸᬅᬢ᭄ᬫᬦᬾᬫᬢ
Kaca:Bali-lontar-gaguritan-wrespati-tatwa-300ppi.pdf/12
Kaca puniki sampun kauji-wacén
