[᭑᭐ 10B]
᭑᭐
ᬧᬲ᭄ᬢᬵᬓᬸᬮᬶᬢ᭄᭞ᬫᬶᬯᬄᬳᬤᬲᬓᬾᬂᬲᬶᬮᬶᬢ᭄᭞ᬳᭂᬦ᭄ᬢᭀᬓ᭄ᬭᬡᬧ᭄ᬢᭂᬂᬮᬶᬩᬸᬢ᭄᭞ᬫᬓᬸᬫ᭄ᬧᬸᬮ᭄ᬳᬶᬫᬬᬵᬢᬢ᭄ᬯᬵ᭞ᬧ᭄ᬭᬥᬦᬢᬢ᭄ᬯᬵᬫᬮᬶᬄ᭞ᬦᭂᬢᭂᬄᬤᬶᬢᬸ᭞ᬲᬗ᭄ᬳ᭄ᬬᬂᬗᬵᬢ᭄ᬫᬓᬲᬗ᭄ᬲᬭᬦ᭄᭚ᬧ᭄ᬭᬥᬦᬢᬢ᭄ᬯᬵᬢᬸᬢᬸᬭᬂ᭞ᬪᬝᬵᬭ
ᬭᬭᬶᬲ᭄ᬗᭂᬜ᭄ᬘᬦᬶᬦ᭄᭞ᬤᬤᬶᬫᬲᭂᬦ᭄ᬢᬦᬋᬦ᭄ᬤᬄ᭞ᬢ᭄ᬭᬶᬕᬸᬡᬢᬢ᭄ᬯᬵᬫᬶᬯᬄᬫᬶᬚᬶᬮ᭄᭞ᬲᬢ᭄ᬯᬭᬚᬄᬢᬫᬄᬰᬓ᭄ᬢᬶ᭞ᬫᬢᬶᬫ᭄ᬩᬂᬲᬋᬂᬢᬢ᭄ᬮᬸ᭞ᬳᬲᬶᬂᬕ᭄ᬥᬾᬤᬤᬶᬫ᭄ᬦᬂ᭞ᬫᬓᬵᬃᬤ᭄ᬥᬶᬲᬮᬶᬂᬮᬗ᭄ᬓᬸᬗᬶᬦ᭄᭞ᬳᬚᬓ᭄ᬢᭂᬮᬸ᭞ᬲᬮᬶᬂᬢᬸᬮᬸᬂᬲᬮᬶᬂᬳᬸᬫᬤ᭄
᭚ᬳᬶᬥᭂᬧ᭄ᬲᬢ᭄ᬯᬵᬦᬾᬢᬸᬢᬸᬭᬂ᭞ᬩᬸᬤ᭄ᬥᬶᬳᬶᬗᬦ᭄ᬫᬦᬄᬳ᭄ᬦᬶᬂ᭞ᬫᬶᬯᬳ᭄ᬬᬦ᭄ᬳᬶᬩᬸᬤ᭄ᬥᬶᬭᬚᬄ᭞ᬢᬭᬶᬓ᭄ᬳᭀᬩᬄᬓᬤᬶᬳᬗᬶᬦ᭄᭞ᬫᬮᬶᬄᬳᬶᬢᬫᬄᬢ᭄ᬕᭂᬲᬶᬦ᭄᭞ᬳᬦ᭄ᬢᭂᬩ᭄ᬲᬭᬢ᭄ᬧ᭄ᬢᭂᬂᬮᬶᬩᬸᬢ᭄᭞ᬲᬓᬶᬂᬳᬶᬥᭂᬧ᭄ᬫᬗ᭄ᬭᬡᬬᬂ᭞ᬰ᭄ᬯᬃᬕ᭄ᬕᬦᬾᬧ᭠
ᬘᬂᬓᬧᬗ᭄ᬕᬶᬄ᭞ᬇᬥᭂᬧ᭄ᬦᬸᬤᬸᬄ᭞ᬓᬭᬡᬓᬢᬶᬩᬵᬭᬶᬂᬓᬯᬄ᭚ᬲᬓᬶᬂᬇᬥᭂᬧ᭄ᬫᬗ᭄ᬭᬡᬬᬂ᭞ᬤᬤᬶᬢᬶᬃᬬ᭄ᬬ᭠ᬓ᭄ᬫᬦᬸᬫᬶᬢᬶᬲ᭄᭞ᬲᬓᬶᬂᬇᬥᭂᬧ᭄ᬫᬗ᭄ᬭᬡᬬᬂ᭞ᬓᬫᬦᬹᬱᬦ᭄ᬫᬜ᭄ᬭᬸᬯᬥᬶ᭞ᬲᬓᬶᬂᬇᬥᭂᬧ᭄ᬓ᭄ᬭᬡᬫᬗ᭄ᬕᬶᬄ᭞ᬓᬫᭀᬓ᭄ᬱᬦ᭄ᬓᬍᬧ
[᭑᭑ 11A]
ᬲ᭄ᬳᬬᬸ᭞ᬇᬥᭂᬧ᭄ᬢ᭄ᬮᬸᬦᬾᬫᬓ᭄ᬭᬡ᭞ᬫᬗ᭄ᬕᬶᬄᬳᬮᬮᬯᬦ᭄ᬩ᭄ᬘᬶᬓ᭄᭞ᬲᬓ᭄ᬱᬢ᭄ᬕᬸᬭᬸ᭞ᬇᬥᭂ᭠ᬧᬾᬢ᭄ᬯᬄᬤᬤᬶᬥᬲᬃ᭚ᬩ᭄ᬯᬶᬦ᭄ᬯᬦ᭄ᬢᬸᬦᬶᬦ᭄ᬘᬭᬶᬢ᭞ᬩᬸᬤ᭄ᬥᬶᬲᬢ᭄ᬯᬵᬦᬾᬢ᭄ᬕᭂᬲᬶᬦ᭄᭞ᬇᬥᭂᬧ᭄ᬧᬕᭂᬄᬢᬸᬭᬶᬂᬕᬮ᭞ᬩᬶ᭠
ᬱᬗᬶᬗᭂᬃᬳᬲᬶᬂᬫᭂᬦ᭄ᬢᬶᬓ᭄᭞ᬲᬃᬯ᭄ᬯᬫᬬᬓᬳᬸᬦᬶᬗᬶᬦ᭄᭞ᬇᬰ᭄ᬯᬭᬢᬢ᭄ᬯᬵᬧᬫᬸᬧᬸᬢ᭄᭞ᬢᬢᬲ᭄ᬧᬸᬦᬶᬓᬓᬢᬯᬂ᭞ᬳᬮᬸᬲ᭄ᬫᬫᭂᬲ᭄ᬯᬂᬫᬸᬜᬶ᭞ᬩᬶᬓᬲ᭄ᬧᬗᬸᬲ᭄᭞ᬢᬦ᭄ᬲᬄᬩᬶᬱᬗᬮᬧ᭄ᬢᬺᬱ᭄ᬡᬵ᭚ᬩᬸᬤ᭄ᬥᬶᬭᬚᬄᬳᬾᬳᬸ
ᬘᬧᬂ᭞ᬫᬵᬫ᭄ᬩᭂᬓ᭄ᬓ᭄ᬭᭀᬤ᭄ᬥᬲᬲᬳᬶ᭞ᬲᭀᬮᬄᬕᬗ᭄ᬲᬃᬢᬸᬃᬧ᭄ᬭᬶᬓᭀᬱ᭞ᬭᬦ᭄ᬲᬄᬗᬯᬾᬦᬶᬦ᭄ᬚᬚ᭄ᬭᬶᬄ᭞ᬮᭀᬪᬫᬹᬃᬓ᭄ᬓᬫᬫᬦᭂᬲᬶᬦ᭄᭞ᬘ᭄ᬨᬮᬳᬶᬢᬗᬦ᭄ᬲᬸᬓᬸ᭞ᬢ᭄ᬯᬭᬗ᭄ᬮᬄᬳᬶᬓᬧᬶᬢ᭄ᬮᬲᬦ᭄᭞ᬲᭀᬮᬄᬫᬸᬜᬶᬧᬥ
ᬕᬢᬶ᭞ᬮᬶᬬᬢ᭄ᬫ᭄ᬭᬸᬗᬸᬲ᭄᭞ᬓᬾᬢᭀᬧᬶᬓᬡ᭄ᬥᬦ᭄ᬳᬶᬭᬚᬄ᭚ᬩ᭄ᬯᬤ᭄ᬥᬶᬢᬫᬳᬾᬓᭀᬚᬭᬂ᭞ᬲᭀᬮᬄᬳᬶᬥᭂᬧ᭄ᬯ᭄ᬥᬶᬯ᭄ᬥᬶ᭞ᬲᭂᬫᬸᬦᬾᬢᬦ᭄ᬲᬄᬬᬗᭂᬓᭀᬄ᭞ᬲᬃᬯ᭄ᬯᬢᬸᬭᬸᬩᭀᬩᬤ᭄ᬲᬳᬶ᭞ᬧᬶᬢᬼᬩ᭄ᬗᬫᬢᬶᬫᬢᬶ᭞ᬳ
Kaca:Bali-lontar-gaguritan-wrespati-tatwa-300ppi.pdf/11
Kaca puniki sampun kauji-wacén
