[᭙ 9B]
ᬤ᭄ᬫᬵᬱᬡ᭄ᬦ᭞ᬳᬶᬭᬶᬓᬳᬶᬤᬫᬮᬶᬗ᭄ᬕᬶᬄ᭞ᬧᬤ᭄ᬫᬵᬱᬡ᭄ᬦᬦᬾᬫᬮᬶᬄ᭞ᬧᬶᬢ᭄ᬕᭂᬲᬶᬂᬫᬗ᭄ᬤᬵᬧᬸᬧᬸᬢ᭄᭞ᬧᬸᬦᬶᬓᬯᬶᬰᬾᬱᬦ᭄ᬳᬶᬤᬵ᭞ᬯᬶᬪᬸᬄᬰᬓ᭄ᬢᬶᬚ᭄ᬜᬵᬡᬰᬓ᭄ᬢᬶ᭞ᬓ᭄ᬭᬶᬬᬮᬸᬳᬸᬃ᭞ᬘᬥᬸᬰᬓ᭄ᬢᬶᬓᬳᬸᬘᬧᬂ᭚ᬯᬶᬪᬹᬰᬓ᭄ᬢᬶ
ᬦᬾᬳᬃᬣᬶᬬᬂ᭞ᬲᬓᬶᬂᬳᬦᬹᬢᬦ᭄ᬳᬶᬢᬸᬗᬶᬦ᭄᭞ᬦᬾᬦᬾᬫᬳᬤᬦ᭄ᬳᬶᬦᬹᬢᬦ᭄᭞ᬓᬤᬶᬫᬶᬜ᭠ᬓ᭄ᬬᬦ᭄ᬳᬸᬧᬫᬶ᭞ᬭᬶᬂᬢ᭄ᬗᬄᬲᬦ᭄ᬢᭂᬦᬾᬗᬶᬮᬶᬤ᭄᭞ᬳᬶᬍᬗᬶᬲ᭄ᬢ᭄ᬯᬄᬳᬶᬮᬶᬤ᭄ᬤᬶᬢᬸ᭞ᬳᭂᬦ᭄ᬢᭀᬦᬾᬫᬤᬦ᭄ᬳᬶᬦᬹᬢ᭠
ᬦ᭄᭞ᬉᬢ᭄ᬢᬵᬧ᭄ᬭᭀᬓ᭄ᬝᬩ᭄ᬯᬶᬦ᭄ᬫᬶᬲᬶ᭞ᬫᬡᬶᬓ᭄ᬫᬸᬭᬸᬩ᭄᭞ᬉᬢᬵᬧ᭄ᬭᭀᬓ᭄ᬝᬢᬦ᭄ᬧᬤᬾᬰ᭚ᬯᬶᬪᬹᬰᬓ᭄ᬢᬶ᭠ᬢ᭄ᬯᬄᬳᬶᬦᬹᬘᬧ᭄᭞ᬫᬦ᭄ᬩᭂᬓᬶᬦ᭄ᬚᬕᬢ᭄ᬲᬫᬶ᭞ᬧ᭄ᬭᬪᬸᬯᬶᬪᬹᬄᬫᬉᬢ᭄ᬢᬫ᭞ᬭᬶᬂᬧᬤ᭄ᬫᬵᬓᬭᬵᬫᬮᬶᬗ᭄ᬕᬶᬄ᭞ᬫᬶᬯᬄᬗᬕᭂᬫ᭄
ᬘᬤᬸᬰᬓ᭄ᬢᬶ᭞ᬳ᭄ᬬᬂᬭᬸᬤ᭄ᬭᬫᬭᬕᬤᬶᬢᬸ᭞ᬢᬸᬯᬶᬢ᭄ᬯᬭᬳᬤᬧᬤᬵ᭞ᬳᬦᬕᬸᬡᬵᬲᬃᬯ᭄ᬯᬍᬯᬶᬄ᭞ᬫᬸᬗ᭄ᬕᬸᬄᬤᬶᬢᬸ᭞ᬭᬶᬂᬳᬗ᭄ᬕᬦ᭄ᬳᬶᬤᬪᬝᬵᬭ᭚ᬳᬶᬤᬩᬶᬱᬫᬫ᭄ᬬᬃᬱ᭞ᬳᬤᭀᬄᬢᬫ᭄ᬧᭂᬓ᭄ᬧᬢᬸᬄᬲᬫᬶ᭞ᬬᬤᬶᬦ᭄ᬧᬫ᭄ᬩᭂᬓᬶ
[᭑᭐ 10A]
ᬓᬂᬯ᭄ᬯᬂ᭞ᬳᬶᬤᬢᬢᬲ᭄ᬲᬫᬶᬳᬸᬦᬶᬂ᭞ᬦᬾᬦᬾᬳᬤᭀᬄᬦᬾᬦᬾᬤᬶᬦᬶ᭞ᬘᬓ᭄ᬱᬸᬲᬦ᭄ᬥᬶᬤᬧᬶᬢᬸᬳᬸ᭞ᬩᬾᬢᬾᬮ᭄ᬧᬦᭀᬦ᭄ᬫ᭄ᬯᬂᬧᬗᬺᬗᬵᭂ᭞ᬢ᭄ᬯᬭᬢᬳᬾᬦ᭄ᬳᬶᬤᬮᬮᬶ᭞ᬍᬯᬶᬄᬫᬸᬭᬸᬩ᭄᭞ᬳᬓ᭄ᬯᬾᬄᬬᬦ᭄ᬫᬮᬶᬄᬢᬸᬢᬸᬭᬂ᭚
ᬰᬶᬯᬢᬢ᭄ᬯᬵᬦᬾᬢᬸᬢᬸᬭᬂ᭞ᬧᬮᬶᬂᬲᭀᬃᬳᬶᬤᬫᬮᬶᬗ᭄ᬕᬶᬄ᭞ᬰᬶᬯᬵᬢ᭄ᬫᬳᬶᬤᬳᬶᬦᬸᬘᬧ᭄᭞ᬲᬗ᭄ᬳ᭄ᬬᬂᬗᬵᬢ᭄ᬫᬮᬶᬦ᭄ᬢᬂᬍᬯᬶᬄ᭞ᬳᬗ᭄ᬳᬶᬂᬓᬓᬮᬶᬄᬓᬧᬗ᭄ᬕᬶᬄ᭞ᬰ᭄ᬯᬃᬕ᭄ᬕᬦᬭᬓᬦᬾᬤᬶᬢᬸ᭞ᬓᬧᬗ᭄ᬕᬸᬄᬢ᭄ᬯᬄᬲᬸᬓᬤᬸᬓᬵ᭞ᬲᬸᬓᬤᬸᬄᬓᬵ᭠
ᬲᬮᬕᭂᬦ᭄ᬢᬶ᭞ᬳᬮᬳᬬᬸ᭞ᬳᭂᬦ᭄ᬢᭀᬳᬸᬕᬶᬧᬘᬂᬩᬓᬢ᭄᭚ᬤᬾᬦᬶᬂᬓᬮᬶᬧᬸᬢ᭄ᬩᬦ᭄ᬫᬮᬵ᭞ᬳᬘᬾᬢᬦᬫᬗᬸᬭᬸᬕᬶᬦ᭄᭞ᬳᭂᬦ᭄ᬢᭀᬓ᭄ᬭᬡᬓᬲᬗ᭄ᬲᬭᬦ᭄᭞ᬰᬶᬯᬢᬢ᭄ᬯᬵᬓᬤᬶᬫᬡᬶᬓ᭄᭞ᬓᬮᬶᬧᬸᬢ᭄ᬩᬦ᭄ᬮᬢᭂᬓ᭄ᬥᬓᬶ᭞ᬳᬶᬫᬡᬶ᭠
ᬓ᭄ᬤᬤᬶᬓᬓᬧᬸᬢ᭄᭞ᬩᬦ᭄ᬲᬃᬯ᭄ᬯᬫᬮᬫᬮᬵ᭞ᬅᬢ᭄ᬫᬵᬦᬾᬫᬧᬬᬲ᭄ᬤᬓᬶ᭞ᬲᬃᬯ᭄ᬯᬍᬢᬸᬄ᭞ᬳᬘᬾᬢᬦᬦᬾᬓᬳᬸᬘᬧ᭄᭚ᬯᬶᬚᬶᬮ᭄ᬲᬓᬾᬂᬫᬬᬢᬢ᭄ᬯᬵ᭞ᬮ᭄ᬬᬸᬮᬯᬢ᭄ᬫᬗ᭄ᬭᬜ᭄ᬚᬶᬗᬶᬦ᭄᭞ᬳᬸᬮᬶᬓᭀᬧᬶᬂᬘᬸᬗᬸᬄᬫᬢ᭞ᬘᬗ᭄ᬓᭂᬫ᭄ᬧᬸᬭᬸᬲ᭄
Kaca:Bali-lontar-gaguritan-wrespati-tatwa-300ppi.pdf/10
Kaca puniki sampun kauji-wacén
