[᭘ 8B]
᭘
ᬢᬶᬫ᭄ᬧᬮ᭄᭞ᬘᬾᬢᬦᬢᬦ᭄ᬓᭂᬦᬾᬂᬮᬮᬶ᭞ᬫᬦᬄᬕᬮᬂᬢᬸᬃᬳ᭄ᬦᬶᬂ᭞ᬢᬦ᭄ᬓᬢᬫᬦ᭄ᬲᬃᬯ᭄ᬯᬍ᭠ᬢᬸᬄ᭞ᬳᬘᬾᬢᬦᬦᬾᬢᬸᬢᬸᬭᬂ᭞ᬳᭂᬦ᭄ᬢᭀᬳᭂᬧ᭄ᬲᬧ᭄ᬓᬳᬤᬦᬶᬦ᭄᭞ᬓᬤᬶᬩᬢᬸ᭞ᬢ᭄ᬯᬭᬗ᭄ᬮᬄᬳᬳᬶᬥᭂᬧᬦ᭄᭚ᬘᬾ
ᬢᬦᬫ᭄ᬯᬂᬳᬘᬾᬢᬦ᭞ᬫᬢ᭄ᬫᬸᬳᭂᬦ᭄ᬢᭀᬫᬓᬓᬮᬶᬄ᭞ᬳᭂᬦ᭄ᬢᭀᬤᬤᬶᬲᬃᬯ᭄ᬯᬢᬢ᭄ᬯᬵ᭞ᬓᬢᬄᬳᬶᬦ᭄ᬤᬶᬓ᭄ᬢᬢ᭄ᬯᬵᬫᬶᬚᬶᬮ᭄᭞ᬧ᭄ᬭᬥᬦᬢᬢ᭄ᬯᬵᬫᬓᬤᬶ᭞ᬢ᭄ᬭᬶᬕᬸᬡᬢᬢ᭄ᬯᬵᬫᬗ᭄ᬮᬯᬸᬢ᭄᭞ᬧᬶᬂᬢᬶᬕᬅᬗ᭄ᬓᬭᬢᬢ᭄ᬯᬵ᭞ᬫᬳᬾᬦ᭄ᬤ᭄ᬭᬬ
ᬢᬢ᭄ᬯᬫᬮᬶᬄ᭞ᬧᬶᬦᬶᬄᬧᬸᬗ᭄ᬓᬸᬃ᭞ᬧᬜ᭄ᬘᬫᬳᬪᬸᬢ᭄ᬣᬢᬢ᭄ᬯᬵ᭚ᬢᬢ᭄ᬯᬵᬢᬢ᭄ᬯᬦᬾᬮᬮᬶᬫ᭞ᬳᭂᬦ᭄ᬢᭀᬧᬶᬢᭂᬢᭂᬲᬂᬚᬦᬶ᭞ᬳ᭄ᬥᬧᬶᬲᬦ᭄ᬳᬶᬫᬳᬶᬫᬵ᭞ᬳᬧᬂᬢᬯᬂᬦᬾᬦᬾᬚᬢᬶ᭞ᬘᬾᬢᬦᬦᬾᬯᬦ᭄ᬢᬸᬦᬶᬦ᭄᭞ᬳᬤᬘᬾᬢᬦᬢ᭠
ᬢ᭄ᬮᬸ᭞ᬮ᭄ᬯᬶᬃᬜᬦᬾᬚᬦᬶᬳᬾᬢᬂ᭞ᬧ᭄ᬭᬫᬰᬶᬯᬵᬢᬢ᭄ᬯᬍᬯᬶᬄ᭞ᬰᬶᬯᬵᬢ᭄ᬫᬵ᭞ᬳᬸᬖᬶᬲᬤ᭄ᬥᬰᬶᬯ᭠ᬢᬢ᭄ᬯᬵ᭚ᬲᬂᬧᬭᬫᬰᬶᬯᬢᬢ᭄ᬯᬵ᭞ᬓᬾᬦᬾᬤᬕᬶᬂᬜᬦᬾᬚᬵᬢᬶ᭞ᬳᭂᬦ᭄ᬢᭀᬢᬦ᭄ᬓᭂᬦᬾᬂᬯᬶᬦᬶᬮᬂ᭞ᬪᬝᬵᬭᬗᭂᬩᭂᬓᬶ᭠
[᭙ 9A]
ᬦ᭄ᬕᬸᬫᬶ᭞ᬢᭀᬂᬓ᭄ᬦᬩᬳᬦ᭄ᬫᬶᬦᭂᬳᬶᬦ᭄᭞ᬭᬶᬂᬢ᭄ᬗᬄᬳᬶᬤᬫᬮᬸᬗ᭄ᬕᬸᬄ᭞ᬢᭀᬂᬲᬶᬤ᭄ᬥᬩᬳᬦᬸᬤᬸᬳᬂ᭞ᬮᬓ᭄ᬱᬡᬳᬶᬦ᭄ᬢ᭄ᬯᬭᬓ᭄ᬦᬶ᭞ᬤᬶᬚᬵᬭᬸᬭᬸᬄ᭞ᬢᬸᬯᬶᬢ᭄ᬯᬭᬲᬫᬲᬫᬵ᭚ᬳᬫᬾᬳᬫᬾᬢ᭄ᬯᬭᬲᬶᬤ᭄ᬥ᭞ᬢᬦ᭄
ᬓ᭄ᬦᬾᬂᬮᬭᬫᬜᬤᬶ᭞ᬳ᭄ᬦᬶᬂᬢ᭄ᬯᬭᬓᬧ᭄ᬢᭂᬗᬦ᭄᭞ᬲᬹᬓ᭄ᬱ᭄ᬫᬵᬤᬳᬢᬶᬂᬲᬶᬗᬶᬤ᭄᭞ᬢᬦ᭄ᬓᭂᬦᬾᬂᬤ᭠ᬡ᭄ᬥᬧᬗᬾᬱ᭄ᬝᬶ᭞ᬉᬢ᭄ᬢᬫᬦ᭄ᬲᭀᬮᬄᬓᬯᬸᬯᬸᬲ᭄᭞ᬳᬶᬤᬫᬗᭂᬩ᭄ᬓᬶᬦ᭄ᬚᬕᬢ᭄᭞ᬢᬦ᭄ᬓᬲᬗ᭄ᬓᬦ᭄ᬳᬶᬤᬍᬯᬶᬄ᭞ᬳ᭄ᬦᬶᬂ
ᬫᬸᬮᬸᬲ᭄᭞ᬫᬸᬜ᭄ᬘᬸᬓ᭄ᬮᬸᬗ᭄ᬲᬸᬃᬢ᭄ᬯᬭᬩᬶᬱ᭚ᬳᬶᬤᬫᬭᬕᬇᬰ᭄ᬯᬭᬵ᭞ᬓᬵᬮᬜ᭄ᬦᭂᬂᬭᬢᬸᬍ᭠ᬯᬶᬄ᭞ᬬᬦ᭄ᬯᬶᬮᬂᬢᬦ᭄ᬓᭂᬦᬯᬶᬮᬂ᭞ᬧ᭄ᬭᬫᬰᬶᬯᬵᬢᬢ᭄ᬯᬵᬍᬯᬶᬄ᭞ᬳᬓᬾᬢᭀᬦᬦᬓ᭄ᬧᬶᬦᭂᬳᬶᬦ᭄᭞ᬳᭂᬗ᭄ᬓᬾᬦ᭄
ᬧ᭄ᬭᬫᬦᬾᬓᬚᬸᬚᬸᬃ᭞ᬰᬶᬯᬤᬶᬚᬵᬧ᭄ᬭᬫᬳᬧ᭞ᬤᬶᬭᬵᬕᬧᬶᬦᭂᬳᬶᬦ᭄ᬚᬦᬶ᭞ᬳᬧᬂᬢ᭄ᬧᬸᬓ᭄᭞ᬧ᭄ᬭᬫᬰᬶᬯᬦᬾᬤᬶᬭᬵᬕ᭚ᬲᬗ᭄ᬳ᭄ᬬᬂᬲᬤ᭄ᬥᬰᬶᬯᬢᬢ᭄ᬯᬵ᭞ᬭᬶᬂᬲᭀᬃᬧ᭄ᬭᬫᬰᬶᬯᬵᬚᬢᬶ᭞ᬓᭀᬘᬧ᭄ᬯᬾᬦ᭄ᬢᭂᬦ᭄ᬧ
Kaca:Bali-lontar-gaguritan-wrespati-tatwa-300ppi.pdf/9
Kaca puniki sampun kauji-wacén
