[᭑᭓ 13B]
᭑᭓
ᬦ᭄ᬲᬃᬯ᭄ᬯᬦᬾᬫᭂᬦ᭄ᬢᬶᬓ᭄᭞ᬓᬬᬸᬳ᭄ᬩᬸᬦ᭄ᬢ᭄ᬫᬸᬧᬤᬂ᭞ᬧ᭄ᬢᬂᬯᬃᬡ᭄ᬦᬫᬓᬲᬫᬶ᭞ᬲᬳᬦᬦ᭄ᬯᬢᭂᬓᬂᬫᭂ᭠ᬦ᭄ᬢᬶᬓ᭄᭞ᬲ᭄ᬣᬵᬯᬭᬯᬱ᭄ᬝᬦ᭄ᬳᬶᬧᬸᬦ᭄᭞ᬚᬗ᭄ᬕᬫᬦᬾᬫᭂᬧᬄᬳᭂᬫ᭄ᬧᬢ᭄᭞ᬩᬸᬭᭀᬦ᭄ᬳᬸᬮᬫ᭄ᬫᬶᬯᬄᬧᬓ᭄ᬱᬶ᭞ᬧᬮᬶᬂᬧᬸᬗ᭄ᬓᬸᬃ
᭞ᬫᬯᬱ᭄ᬝᬲ᭄ᬫᬭᬶᬲᬺᬧ᭚ᬦᬄᬓᬾᬢᭀᬤᬤᬶᬦ᭄ᬲᬂᬗᬵᬢ᭄ᬫ᭞ᬬᬦ᭄ᬳᬕᬸᬂᬢᬫᬄᬫᬫᬹᬃᬢ᭄ᬢᬶ᭞ᬦᬸᬫᬶᬢᬶᬲ᭄ᬭᬶᬂᬲ᭄ᬣᬯᬭ᭞ᬬᬦ᭄ᬲᬸᬧᬢ᭄ᬩ᭄ᬯᬶᬦᬸᬫᬶᬢᬶᬲ᭄᭞ᬓᬚᬗ᭄ᬕᬫᬢ᭄ᬯᬄᬫᬯᬮᬶ᭞ᬬᬦ᭄ᬚᬗ᭄ᬕᬫᬗ᭄ᬕᬯᬾᬳᬬᬸ᭞ᬦᬸᬫᬶᬢᬶᬲ᭄ᬤᬤᬶᬫᬵ
ᬦᬸᬱ᭞ᬬᬦᬶᬂᬳᬶᬫᬦᬸᬱᬰᬓ᭄ᬢᬶ᭞ᬗᭂᬢᬹᬢ᭄ᬳᬬᬸ᭞ᬢᬦᬸᬭᬸᬂᬫᬦᬤᬶᬤᬾᬯᬵ᭚ᬳᬶᬢ᭄ᬭᬶᬕᬸᬡᬗᬯᬶᬚᬶᬮᬂ᭞ᬗᬯᬶᬚᬶᬮᬂᬢᬢ᭄ᬯᬵᬩᬸᬤ᭄ᬥᬶ᭞ᬩᬸᬤ᭄ᬥᬶᬳᬓ᭄ᬯᬾᬄᬬᬦᬶᬂᬘᬘᬓ᭄᭞ᬘᬘᬓᬦ᭄ᬧᬢ᭄ᬧᬢ᭄ᬳᬶᬩᬸᬤ᭄ᬥᬶ᭞ᬥᬃᬫ᭄ᬫᬫᬶᬯᬄ
ᬚ᭄ᬜᬵᬡᬚᬵᬢᬶ᭞ᬯᬾᬭᬵᬕ᭄ᬬᬲᬋᬂᬫᬤᬸᬮᬸᬃ᭞ᬳᬾᬰ᭄ᬯᬃᬬ᭄ᬬᬧᬮᬶᬂᬧᬗᬸᬦ᭄ᬢᬢ᭄᭞ᬳᭂᬦ᭄ᬢᭀᬉᬢ᭄ᬢᬫᬦᬶᬂᬩᬸᬤ᭄ᬥᬶ᭞ᬧᬥᬳᬬᬸ᭞ᬧᬗᬸᬭᬶᬧ᭄ᬳᬗ᭄ᬕᬰᬭᬶᬭ᭚ᬦᬾᬦᬾᬫᬤᬦ᭄ᬚᬢᬶᬥᬃᬫ᭄ᬫ᭞ᬰᬶᬮᬦᬾᬫᬭᬓ᭄ᬱᬵᬲᬳᬶ᭞
[᭑᭔ 14A]
ᬩ᭄ᬦᭂᬂᬫᬗᬸᬗ᭄ᬲᬶᬓᬲᬥᭀᬦ᭄᭞ᬫᬗᬶᬢᬸᬗᬶᬦ᭄ᬩᭂᬦᭂᬄᬧ᭄ᬮᬶᬄ᭞ᬢ᭄ᬯᬭᬕ᭄ᬢᬧ᭄ᬢ᭄ᬯᬭᬩᬦᬶ᭞ᬬᬦ᭄ᬲᬸᬩᬫᬢᬦ᭄ᬤᬂᬧᬢᬹᬢ᭄᭞ᬢ᭄ᬯᬭᬲᬶᬭᬶᬕ᭄ᬫᬢᬶᬡ᭄ᬥᬶᬳᬂ᭞ᬓᬦᬶᬫᬫᬾᬮᬦᬶᬦ᭄ᬫᬢᬶ᭞ᬥᬃᬫ᭄ᬫᬧᬢᬹᬢ᭄᭞ᬳᭂᬦ᭄ᬢᭀᬦᬾᬫᬗ᭄ᬮᭀᬦ᭄ᬢ
ᬢᬓᬦ᭄᭚ᬦᬾᬦᬾᬫᬤᬦ᭄ᬚᬢᬶᬜ᭄ᬚᬵᬡ᭞ᬩᬸᬤ᭄ᬥᬶᬕᬮᬂᬳ᭄ᬦᬶᬂᬚᬵᬢᬶ᭞ᬢ᭄ᬯᬭᬩᬶᬱᬫᬫ᭄ᬩᭂᬓ᭄ᬘᭀᬭᬄ᭞ᬲᬗ᭄ᬰᬬᬲᬸᬩᬫᬕ᭄ᬥᬶ᭞ᬢᭀᬂᬓᬢᬫᬦ᭄ᬩᬶᬜ᭄ᬚᬸᬮ᭄ᬳᬶᬭᬶ᭞ᬭᬶᬂᬰᬹᬦ᭄ᬬᬳᬸᬕᬶᬓᬚᬸᬚᬸᬃ᭞ᬢᬦ᭄ᬲᬄᬮᭀᬓᬶᬓᬲᬗ᭄ᬕ᭄ᬭᬳ᭞ᬲᬗ᭄ᬭᬳ
ᬗᬲ᭄ᬢᬶᬢᬶᬯᬶᬥᬶ᭞ᬢᬦ᭄ᬲᬄᬗᬸᬕᬶ᭞ᬨᬮᬓ᭄ᬲᬵᬃᬫ᭄ᬫᬦᬾᬢᬶᬦ᭄ᬤᬶᬳᬂ᭚ᬯᬾᬭᬵᬕ᭄ᬬᬚᬦᬶᬢᬸᬢᬸᬭᬂ᭞ᬮ᭄ᬯᬶᬃᬳᬶᬤᬲᬂᬳ᭄ᬬᬂᬯᬶᬥᬶ᭞ᬩᬶᬱᬫᬗ᭄ᬯᬵᬋᬕᬂᬧᬦᭀᬦ᭄᭞ᬫᬶᬯᬄᬧᬗᬺᬗᬦᬾᬍᬯᬶᬄ᭞ᬢ᭄ᬯᬄᬲᬫᬶᬗᬫᬺᬢ᭄ᬢᬦᬶᬦ᭄᭞ᬳᬲᬶᬂᬓᬳᬶ᭠
ᬜ᭄ᬘᭂᬧ᭄ᬭᬶᬂᬓᬬᬸᬦ᭄᭞ᬧᬸᬦᬶᬓᬫᬦᬤᬶᬫᬺᬢ᭄ᬢ᭞ᬓ᭄ᬭᬡᬦᬸᬗ᭄ᬓᬧ᭄ᬲ᭄ᬯᬃᬕ᭄ᬕᬍᬯᬶᬄ᭞ᬢ᭄ᬯᬄᬭᬶᬂᬓᬬᬸᬦ᭄᭞ᬲᬗᬸᬦᬾᬲᬫᬶᬫᬮᬶᬗ᭄ᬕᬵ᭚ᬫᬮᬶᬄᬚᬢᬶᬦ᭄ᬲᬂᬳᬾᬰ᭄ᬯᬃᬬ᭄ᬬ᭞ᬯᬶᬪᬸᬄᬳᬶᬤᬫᬓᬲᬫᬶ᭞ᬳᬓ᭄ᬯᬾᬄᬧᬜ᭄ᬚᬓᬤᬂᬩ᭄ᬭᬬ᭞
Kaca:Bali-lontar-gaguritan-wrespati-tatwa-300ppi.pdf/14
Kaca puniki sampun kauji-wacén
