Kaca:Bali-lontar-gaguritan-wariga-300ppi.pdf/19

[᭑᭘ 18B]
᭑᭘
ᬓ᭄ᬭᬧᬶᬲᬦ᭄‌‌ᬲᬦᬶᬲ᭄ᬘᬭᬮᬶᬫ᭟ᬰ᭄ᬭᬶᬕᬢᬶᬚᬦᬶᬦᬶᬫ᭄ᬩᬮ᭄᭞ᬤᬾᬯᬲᬗᬸᬗ᭄ᬕᬳᬂᬧᬤᬶ᭞ᬤᬶᬦᬦᬾᬯᬶᬮᬂᬧᬂᬢᭂᬭᬂ᭞ᬳᬸᬭᬸᬓᬸᬂᬓᬚᭂᬂᬳᬸᬫᬦᬶᬲ᭄᭞ᬧᬶᬮᬶᬳᬶᬦ᭄‌‌ᬭᬳᬶᬦᬲᬸᬘᬶ᭞ᬓᬚᭂᬂᬳᬸᬫᬦᬶᬲ᭄ᬫᬳᬸᬮᬸ᭞ᬫᬸᬮᬤᬶᬦᬫᬳᬸᬢᬫ᭞
ᬬᬾᬦ᭄ᬗᬸᬧᬓᬭᬧᬤᬶ᭞ᬳᬬᬸᬫᬸᬮᬸᬲ᭄᭞ᬜᬦ᭄ᬤᬂᬳᬗ᭄ᬕᭀᬦ᭄ᬧᬤᬾᬯᬲᬦ᭄᭟ᬤᬾᬯᬗ᭄ᬮᬬᬂᬢᭀᬧᭂᬤᬲᬂ᭞ᬫᬳᬸᬭᬸᬓ᭄ᬓᬥᬃᬫ᭄ᬫᬦ᭄ᬗᬯᬶᬢ᭄᭞ᬗᬯᬾᬚᬸᬓᬸᬂᬫᬲᬶᬄᬫᭂᬮᬄ᭞ᬤᬶᬢᬾᬢᬗ᭄ᬕᬮ᭄ᬧᬶᬂᬦᭂᬫ᭄ᬩᭂᬘᬶᬓ᭄᭞ᬲᭀᬫᬦᬾᬧᬶᬂᬦᭂ᭠
ᬫ᭄ᬮᭂᬯᬶᬄ᭞ᬳᬗ᭄ᬕᬭᬧᬶᬂᬢ᭄ᬮᬸᬫᬸᬗ᭄ᬕᬸᬄ᭞ᬩᬸᬤᬦᬾᬧᬶᬂᬢ᭄ᬮᬸᬦᬗ᭄ᬕᬧ᭄᭞ᬯ᭄ᬭᬲ᭄ᬧᬢᬶᬧᬶᬂᬮᬶᬫᬩ᭄ᬘᬶᬓ᭄᭞ᬰᬸᬓ᭄ᬭᬦ᭄ᬫᬸ᭞ᬧᬶᬲᬦ᭄ᬲᬦᬶᬲ᭄ᬘᬭᬮᬶᬫ᭟ᬓᬮᬳᬸᬳᬸᬲᬾᬳᬸᬢᬫ᭞ᬬᬦ᭄ᬫᬓᬃᬬ᭄ᬬᬕᬯᬸᬮᬫ᭄ᬧᬶᬢ᭄᭞ᬩᬸᬤᬯᬕᬾᬓ᭄ᬮᬯᬸᬫᭂᬮᬄ
᭞ᬓᬮᬳᭂᬫ᭄ᬧᬲ᭄‌‌ᬚᬦᬶᬧᭂᬤᬲᬶᬦ᭄᭞ᬦᬲᬭᬶᬦ᭄ᬳᬸᬫᬄᬩᭂᬘᬶᬓ᭄᭞ᬰᬸᬓ᭄ᬭᬯᬕᬾᬳᬸᬬᬾᬓᬲᬸᬩ᭄᭞ᬳᬲᬶᬂᬤᬲᬃᬯᬯᬗᬸᬦᬦ᭄᭞ᬳᭂᬦ᭄ᬢᭀᬢᬸᬳᬸᬢ᭄‌‌ᬢᬸᬳᬸᬬᬸᬓ᭄ᬢᬶ᭞ᬦ᭄ᬫᬸᬳᬬᬸᬧᬓᬃᬬ᭄ᬬᬦᬾᬤᬤᬶᬳᬦ᭄ᬢᬃ᭟᭠

[᭑᭙ 19A]
᭑᭙
ᬤᬶᬦᬮᬸᬯᬗᬾᬳᬾᬮᬶᬗᬂ᭞ᬲᬧ᭄ᬢᬯᬭᬫᬦᬸᬢ᭄ᬰᬰᬶᬄ᭞ᬓᬰᬦᬾᬋᬤᬶᬢᬾᬮ᭄ᬯᬂ᭞ᬓᬭᭀᬦᬾᬓᬩᬸᬤ᭄ᬥᬗᬸᬗ᭄ᬲᬶ᭞ᬓᬢᬶᬕᬳᬗ᭄ᬕᬭᬦᬫ᭄ᬧᬶ᭞ᬓᬧᬢᬾᬲᭀᬫᬓᬢ᭄ᬫᬸ᭞ᬓᬮᬶᬫᬦᬾᬰᬸᬓ᭄ᬭᬮ᭄ᬯᬂ᭞ᬓᭂᬦᭂᬫᬾᬬᬓᬯ᭄ᬭᬲ᭄ᬧᬢᬶ᭞
ᬬᬦ᭄ᬓᬧᬶᬢᬸ᭞ᬰᬦᬶᬲ᭄ᬘᬭᬤᬶᬦᬮ᭄ᬯᬂ᭞ᬓᬯᬸᬮᬸᬰᬸᬓ᭄ᬭᬦᬾᬮ᭄ᬯᬂ᭞ᬓᬰᬗᬓᬯ᭄ᬭᬲ᭄ᬧᬢᬶ᭞ᬓᬤᬰᬦᬾᬲᭀᬫᬮ᭄ᬯᬂ᭞ᬚᬾᬱ᭄ᬝᬦᬾᬩᬸᬤ᭄ᬥᬫᬦᬫ᭄ᬧᬶ᭞ᬳᬰᬤᬳᬗ᭄ᬕᬭᬦᬫ᭄ᬧᬶ᭞ᬓᬾᬢᭀᬢᬢ᭄ᬯᬦ᭄ᬜᬦᬾᬫᬸᬗ᭄ᬕᬸᬄ᭞ᬢᬦ᭄ᬓᬯᭂᬦᬂᬦᭂᬫ᭄ᬯᬂ
ᬯᭀᬂ᭞ᬳᬮᬢᬦ᭄ᬧᬢᬸᬢ᭄ᬳᬫ᭄ᬩᬳᬶᬦ᭄᭞ᬤᬶᬦᬲᬸᬯᬸᬂ᭞ᬤᬶᬦᬮᬸᬯᬗᬾᬬᬢᬸᬗ᭄ᬕᬮ᭄᭟ᬢᬶᬢᬶᬩᬸᬯᬸᬓ᭄ᬚᬦᬶᬲᬫ᭄ᬩᬢ᭄᭞ᬤᬶᬦᬦᬾᬜᬦ᭄ᬤᬂᬳᬾᬮᬶᬗᬶᬦ᭄᭞ᬲᬧ᭄ᬢᬯᬭᬦᬾᬓᬯᬶᬮᬂ᭞ᬓ᭄ᬭᬫᬦ᭄ᬜᬦᬾᬫᬦᬸᬢ᭄‌‌ᬰᬰᬶᬄ᭞ᬲᬶᬦ᭄ᬢᬯ
ᬭᬶᬕᬳᬗ᭄ᬕᬭᬚᬢᬶ᭞ᬮᬦ᭄ᬤᭂᬧ᭄‌‌ᬢᭀᬮᬸᬲᬸᬗ᭄ᬲᬂᬧᬸᬚᬸᬢ᭄᭞ᬢᬫ᭄ᬩᬶᬃᬩᬮᬦᬾᬭᬶᬂᬩᬸᬤ᭄ᬥ᭞ᬰᬸᬓ᭄ᬭᬤᬸᬗᬸᬮᬦ᭄‌‌ᬓᬸᬦᬶᬗᬦ᭄ᬳᬸᬓᬶᬃ᭞ᬫ᭄ᬤᬗ᭄ᬲ᭄ᬬᬓ᭄ᬭᬸᬮᬸᬢ᭄᭞ᬯ᭄ᬭᬲ᭄ᬧᬢᬶᬜᬮᬸᬓ᭄ᬦᬶᬫ᭄ᬩᬮ᭄᭟ᬮᬗ᭄ᬓᬶᬃᬳᬸᬬᬾᬕᬸᬫ᭄ᬩᬺᬕ᭄ᬧ᭄ᬭ