[᭑᭗ 17B]
᭑᭗
ᬬᬚ᭄ᬜᬓᬃᬤ᭄ᬤᬶᬦᬶᬦ᭄᭞ᬩᬸᬤᬧᭀᬦ᭄ᬢᬗ᭄ᬕᬮ᭄ᬧᬶᬂᬤᬰ᭞ᬤᬾᬯᬲᬫᭂᬮᬄᬢᬦ᭄ᬲᬶᬧᬶ᭞ᬳᬤᬩ᭄ᬯᬶᬦ᭄ᬫᭂᬃ᭠ᬢ᭄ᬢᬫᬹᬃᬢ᭄ᬢᬶ᭞ᬫᬳᬬᬸᬭᬕᬓᬲᬸᬫ᭄ᬩᬸᬂ᭞ᬧᭂᬤᬲᬂᬳᬧᬗᬢᬢᬲ᭄᭞ᬩᬸᬤᬓ᭄ᬮᬶᬯᭀᬦ᭄ᬧᬶᬂᬭᭀᬭᬲ᭄ᬳᬮᬶᬄ᭞ᬲᬸᬩᬓᬲᬸ
ᬩ᭄᭞ᬫᭂᬃᬢ᭄ᬢᬫᬸᬃᬢ᭄ᬢᬶᬗᭀᬜᬂᬫᭂᬮᬄ᭟ᬤᬰᬫᭂᬃᬢ᭄ᬢᬦᬾᬳᬶᬗᭂᬢᬂ᭞ᬫᬭᬶᬲᬸᬤᬭᬕᬲᬸᬘᬶ᭞ᬰᬸᬓ᭄ᬭᬧ᭠ᬳᬶᬂᬢᬗ᭄ᬕᬮ᭄ᬤᬰ᭞ᬲ᭄ᬯᬃᬕ᭄ᬕᬫᭂᬗᬢᭀᬧᭂᬤᬲᬶᬦ᭄᭞ᬦᬗᬸᬦ᭄ᬧᬶᬢ᭄ᬭᬬᬚ᭄ᬜᬍᬯᬶᬄ᭞ᬲᭀᬫᬯᬕᬾᬤᬸᬓᬸᬢ᭄ᬓᬲᬸᬩ᭄᭞ᬧᬶ᭠
ᬦ᭄ᬤᭀᬲᭀᬫᬧᬳᬶᬂᬯᬭᬶᬕᬤ᭄ᬬᬦ᭄᭞ᬰᬸᬓ᭄ᬭᬯᬕᬾᬓᬸᬦᬶᬗᬦ᭄ᬢ᭄ᬮᬸᬮᬲ᭄᭞ᬳᬧᬂᬭᬸᬗᬸ᭞ᬲᭀᬮᬲ᭄ᬰᬸᬓ᭄ᬭᬧᬳᬶᬂᬫᬢᬮ᭄᭟ᬳᬗ᭄ᬕᬭᬧᭀᬦ᭄ᬳᬸᬓᬶᬃᬲᭀᬮᬲ᭄᭞ᬯᬺᬲ᭄ᬧᬢᬶᬧᬳᬶᬂᬓᬸᬮᬦ᭄ᬢᬶᬃ᭞ᬲᬸᬓ᭄ᬭᬧᬳᬶᬗᬾᬓᬕᬸᬫ᭄ᬩᬺ
ᬕ᭄᭞ᬓᬸᬢᬸᬲ᭄ᬳᬸᬫᬦᬶᬲ᭄ᬫᭂᬭᬓᬶᬄ᭞ᬦᭂᬫ᭄ᬯᬺᬲ᭄ᬧᬢᬶᬧᬳᬶᬂᬫ᭄ᬭᬓᬶᬄ᭞ᬧᬶᬲᬦ᭄ᬯ᭄ᬭᬲ᭄ᬧᬢᬶᬧᭀᬦ᭄ᬜᬮᬸᬓ᭄᭞ᬲᭀᬫᬳᬸᬫᬦᬶᬲ᭄ᬩᬮ᭞ᬓ᭄ᬮᬶᬯᭀᬦ᭄ᬓ᭄ᬮᬯᬸᬯ᭄ᬭᬲ᭄ᬧᬢᬶ᭞ᬫᬲᬶᬄᬫᬶᬫ᭄ᬩᬸᬄ᭞ᬯᬶᬮᬗᬦ᭄ᬢᬗ᭄ᬕᬮ᭄ᬧᬶᬂᬤᬰ᭟ᬳᬬᬸ
[᭑᭘ 18A]
᭑᭘
ᬫᬸᬮᬸᬲᬾᬳᬸᬢᬫ᭞ᬳᬲᬶᬂᬓᬃᬬ᭄ᬬᬩᭂᬘᬶᬓ᭄ᬧᬗ᭄ᬕᬶᬄ᭞ᬋᬤᬶᬢᬾᬢᬗ᭄ᬕᬮ᭄ᬧᬶᬂᬢᬶᬕ᭞ᬲᭀᬫᬦᬾᬧᬶᬂᬢ᭄ᬮᬸᬮᬲ᭄ᬫᬲᬶᬄ᭞ᬳᬗ᭄ᬕᬭᬧᬶᬂᬧᬶᬢᬸᬚᬢᬶ᭞ᬩᬸᬤᬦᬾᬧᬶᬂᬓᬸᬢᬸᬲ᭄ᬜᬮᬸᬓ᭄᭞ᬯᬺᬲ᭄ᬧᬢᬶᬦᬾᬧᬶᬂᬮᬶᬫ᭞ᬰᬸᬓ᭄ᬭᬳᬧᬶᬲᬦ᭄ᬦᬶ
ᬫ᭄ᬧᬮᬶᬦ᭄᭞ᬢᬸᬃᬓᬲᭂᬩᬸᬢ᭄᭞ᬲᬦᬶᬲ᭄ᬘᬭᬢᬗ᭄ᬕᬮ᭄ᬧᬶᬂᬮᬶᬫ᭟ᬤᬾᬯᬲᬢᬢᬦᬾᬯᬶᬮᬂ᭞ᬤᬾ᭠ᬯᬬᬚ᭄ᬜᬮᬓ᭄ᬱᬡᬳᬶᬦ᭄᭞ᬫᬸᬮᬓᬲᬸᬩ᭄ᬤᬶᬦᬫᬩ᭄ᬯᬢ᭄᭞ᬋᬤᬶᬢᬾᬧᬶᬂᬤᬰᬧᬲ᭄ᬢᬶ᭞ᬲᭀᬫᬦᬾᬧᬶᬂᬲ᭄ᬬᬫ᭠
ᬮᬶᬄ᭞ᬳᬗ᭄ᬕᬭᬧᬶᬂᬦᭂᬫ᭄ᬓᬢᭂᬫᬸ᭞ᬩᬸᬤᬦᬾᬧᬶᬂᬓᬸᬢᬸᬲ᭄ᬫᭂᬮᬄ᭞ᬧᬶᬂᬧᬶᬢᬸᬓᬯ᭄ᬭᬲ᭄ᬧᬶᬸᬧᬢᬶ᭞ᬳᭂᬦ᭄ᬢᭀᬭᬸᬭᬸᬄ᭞ᬲᬸᬓ᭄ᬭᬲ᭄ᬬᬲᬦᬶᬲ᭄ᬘᬭᬤᬰ᭟ᬫᭂᬃᬢ᭄ᬢᬤᬦ᭄ᬢᬦᬾᬲᬢ᭄ᬯᬬᬂ᭞ᬫᬳᬬᬸᬰᬭᬶᬭᬩᭂᬘᬶᬓ᭄᭞ᬗ᭄ᬮᬓ᭄ᬱᬡᬬᬂᬢ᭠
ᬧᬩ᭄ᬭᬢ᭞ᬫᬤᬸᬮᬸᬃᬬᭀᬕᬲᬫᬥᬶ᭞ᬋᬤᬶᬢᬾᬧᬶᬂᬦᭂᬫᬾᬍᬯᬶᬄ᭞ᬲᭀᬫᬧᬶᬂᬮᬶᬫᬓᬲᬸᬫ᭄ᬩᬸᬂ᭞ᬳᬗ᭄ᬕᬭᬦᬾᬢᬗ᭄ᬕᬮ᭄ᬧᬶᬂᬧᬢ᭄᭞ᬩᬸᬤᬢᬗ᭄ᬕᬮ᭄ᬧᬶᬂᬤᬶᬸᬢ᭄ᬮᬸᬩᭂᬘᬶᬓ᭄᭞ᬯ᭄ᬭᬲ᭄ᬧᬢᬶᬧᬶᬦ᭄ᬤᭀ᭞ᬰᬸ
