[᭑᭙ 19B]
᭑᭙
ᬗ᭄ᬩᬓᬢ᭄᭞ᬫᬲᬶᬄᬳᬬᬸᬓᬯ᭄ᬭᬲ᭄ᬧᬢᬶ᭞ᬓᬸᬮᬦ᭄ᬢᬶᬭᬾᬦᬸᬚᬸᬩᬸᬤ᭄ᬥ᭞ᬳᬗ᭄ᬕᬭᬓᬯ᭄ᬭᬲ᭄ᬧᬢᬶ᭞ᬓᬸᬮᬦ᭄ᬢᬶᬭᬾᬩᬸᬤ᭄ᬥᬦᭂᬫᭀᬦᬶᬦ᭄᭞ᬫᬲᬶᬄᬳᬗ᭄ᬕᬭᬓᬢᬸᬚᬸ᭞ᬫᬢᬮ᭄ᬫᬤᬗ᭄ᬓᬸᬗᬦ᭄ᬧᬳᬂ᭞ᬫᬶᬮᬸᬫᬲᬶᬄᬳᬸᬓᬸᬫ᭄ᬦᬳᬶᬮ᭄᭞ᬰᬦᬶ
ᬲ᭄ᬘᬭᬫᬸᬗ᭄ᬕᬸᬄ᭞ᬢᬶᬢᬶᬩᬸᬯᬸᬓ᭄ᬤᬶᬢᬸᬗᭀᬤᬕ᭄᭟ᬯᬢᬸᬕᬸᬦᬸᬂᬫᬶᬯᬄᬯᬬᬂ᭞ᬓᬮᬯᬸᬫᬶᬯᬄᬫ᭄ᬭᬓᬶᬄ᭞ᬋᬤᬶᬢᬾᬦᬾᬬᬓᬳᭀᬚᭀᬕ᭄᭞ᬢᬶᬢᬶᬩᬸᬯᬸᬓ᭄ᬤᬶᬢᬸᬧᬲ᭄ᬢᬶ᭞ᬳᬶᬗᭂᬢᬂᬳᭂᬦ᭄ᬢᭀᬲᬲᬳᬶ᭞ᬳᬫ᭄ᬧᬳᬾ
ᬫᬓ᭄ᬭᬡᬮᬘᬸᬃ᭞ᬗᬯᬕᬾᬗᬸᬯᬸᬕᬂᬮᬫ᭄ᬧᬄ᭞ᬳᬲᬶᬂᬕᬯᬾᬭᬸᬲᬓ᭄ᬧᬗ᭄ᬕᬶᬄ᭞ᬢᬶᬢᬶᬩᬸᬯᬸᬓ᭄ᬓᬾᬢᭀᬲᬢ᭄ᬯᬦ᭄ᬜᬦᬾᬮᬸᬫ᭄ᬩ᭄ᬭᬄ᭟ᬧᬯᬶᬮᬗᬦ᭄ᬢᬳᬸᬦ᭄ᬓᭀᬘᬧ᭄᭞ᬳᬾᬮᬶᬗᬂᬳᬧᬗᬳᬸᬦᬶᬂ᭞ᬢᬳᬸᬦ᭄ᬕᬚᬄ
ᬧᬤᬶᬭᬸᬲᬓ᭄᭞ᬢᬳᬸᬦ᭄ᬩᬶᬓᬸᬮ᭄ᬧᬤᬶᬢᬦ᭄ᬩᭂᬘᬶᬓ᭄᭞ᬢᬳᬸᬦ᭄ᬓᬫ᭄ᬩᬶᬂᬧᬤᬶᬕ᭄ᬭᬶᬂ᭞ᬢᬳᬸᬦ᭄ᬫᬘᬦ᭄ᬲᬫ᭄ᬧᬶᬮᬸᬫ᭄ᬧᬸᬄ᭞ᬫᬶᬯᬄᬓᭂᬩᭀᬓᬲᬓᬶᬢᬦ᭄᭞ᬢᬳᬸᬦ᭄ᬳᬲᬸᬲᬶᬬᬢ᭄ᬤᬤᬶ᭞ᬢᬳᬸᬦ᭄ᬦᬕ᭞ᬲᬳᬦ
[᭒᭐ 20A]
᭒᭐
ᬦ᭄ᬩᬶᬓᬸᬮᬾᬭᬸᬲᬓ᭄᭟ᬢᬳᬸᬦ᭄ᬩ᭄ᬯᬬᬲᬃᬯ᭄ᬯᬕᬕ᭞ᬲᬃᬯ᭄ᬯᬧᬤᬶᬢᬸᬫ᭄ᬩᬸᬄᬩᭂᬘᬶᬓ᭄᭞ᬢᬳᬸᬦ᭄ᬚᬭᬦ᭄ᬧᬤᬶᬭᬸᬲᬓ᭄᭞ᬓᬸᬭᬂᬳᬸᬚᬦ᭄ᬢᬳᬸᬦ᭄ᬓᬫ᭄ᬩᬶᬂ᭞ᬢᬳᬸᬦ᭄ᬯᭂᬭᬾᬯᭀᬄᬯᭀᬳᬦ᭄ᬮᬶᬲᬶᬕ᭄᭞ᬓᬾᬢᭀᬓᬢᬢ᭄ᬯᬦᬾᬫᬸᬗ᭄ᬕᬸᬄ᭞ᬧᭂᬤᬲᬂᬳ
ᬧᬗᬢᬯᬂ᭞ᬧᬢᬸᬢ᭄ᬭᬫ᭄ᬩᬂᬳᬗ᭄ᬕᭀᬦ᭄ᬕᭂᬦ᭄ᬤᬶᬂ᭞ᬤᬢᭂᬗ᭄ᬓᭂᬚᬸᬢ᭄᭞ᬲᬯᬾᬶᬸᬕ᭄ᬓᬢᬶᬩᬾᬦ᭄ᬢᬦ᭄ᬲᬤ᭄ᬬ᭟ᬮᬦᬂᬯ᭠ᬤᭀᬦ᭄ᬧᬤᬾᬯᬲᬦ᭄᭞ᬤᬶᬧᬜ᭄ᬘᬯᬭᬦᬾᬳᬮᬶᬄ᭞ᬧᭂᬢᬾᬓᬶᬦᬧᬗᬢᭂᬭᬂ᭞ᬯᬤᭀᬦ᭄ᬓᬳᬸᬘᬧ᭄ᬳᬸᬫᬦᬶᬲ᭄᭞ᬧᬳᬶ
ᬗᬾᬓᬳᬸᬘᬧ᭄ᬩᬜ᭄ᬘᬶᬄ᭞ᬧᭀᬦᬾᬬᬩᬜ᭄ᬘᬶᬄᬫᬸᬗ᭄ᬕᬸᬄ᭞ᬫᬳᬸᬮᬸᬦᬾᬮᬦᬂᬓᭀᬘᬧ᭄᭞ᬳᭂᬦ᭄ᬢᭀ᭠ᬳᬶᬗᭂᬢᬂᬤᬮᬮᬶ᭞ᬳᬗ᭄ᬕᭀᬦ᭄ᬲᬸᬮᬸᬄ᭞ᬫ᭄ᬮᬶᬕ᭄ᬩᬕᬂᬤᬾᬯᬲᬫᭂᬮᬄ᭟ᬮᬦᬂᬯᬤᭀᬦ᭄ᬲᬧ᭄ᬢᬯᬭ᭞ᬋᬤᬶᬢᬾᬦᬾ
ᬮᬦᬂᬧᬲ᭄ᬢᬶ᭞ᬲᭀᬫᬦᬾᬓᬲᭂᬗ᭄ᬕᬸᬄᬯᬤᭀᬦ᭄᭞ᬳᬗ᭄ᬕᬭᬓᬳᬸᬘᬧ᭄ᬓᭂᬤᬶ᭞ᬩᬸᬤᬦᬾᬧᬯᬓᬦ᭄ᬩᬜ᭄ᬘᬶᬄ᭞ᬯ᭄ᬭᬲ᭄ᬧᬢᬶᬮᬦᬂᬓᬲᭂᬗ᭄ᬕᬸᬄ᭞ᬰᬸᬓ᭄ᬭᬦᬾᬯᬤᭀᬦ᭄ᬓᬮᬸᬫ᭄ᬭᬄ᭞ᬰᬦᬶᬲ᭄ᬘᬭᬯᬤᭀᬦ᭄ᬫᬮᬶᬄ᭞
