Kaca:Bali-lontar-gaguritan-wariga-03-300ppi.pdf/5

[᭔ 4B]
᭔
ᬮᬢᭀᬤᬫᬧᬲ᭄᭞ᬓᬮᬕᬸᬫᬭᬂᬜᬓᬶᬢᬶᬦ᭄᭞ᬩᬸᬯᬶᬦ᭄ᬫᬓᬭᬡᬩᭀᬭᭀᬲ᭄᭞ᬩᬸᬤ᭄ᬥᬧᬸᬚᬸᬢ᭄ᬤᬗᬫ᭄ᬩᬳᬶᬦ᭄᭞ᬤᬫᬧᬲ᭄ᬰᬸᬓᬺᬢᬫ᭄ᬩᬶᬃ᭞ᬚᬯᬢ᭄ᬡᬸᬤ᭄ᬥᬯᬢᬸᬕᬸᬦᬸᬂ᭞ᬬᬾᬦ᭄ᬋᬥᬶ᭠
ᬢᬾᬧ᭄ᬭᬂᬩᬓᬢ᭄᭞ᬯ᭄ᬭᬲ᭄ᬧᬢᬶᬮᬡ᭄ᬥᭂᬧ᭄ᬧᬶᬮᬶᬳᬶᬦ᭄᭞ᬚᬯᬢ᭄ᬓ᭄ᬭᬸᬮᬸᬢ᭄᭞ᬓᬸᬮᬦ᭄ᬢᬶᬃᬰᬸᬓ᭄ᬭᬦᬾᬫᬧᬲ᭄᭟ᬬᬦ᭄ᬜᬫᬫᬸᬮᬢᬸᬚᬸᬯᬂ᭞ᬲᬧ᭄ᬢᬯᬭᬦᬾᬧᬶᬮᬶᬳᬶᬦ᭄᭞ᬅᬗ᭄ᬕᬭᬲᭀᬭᭀᬄᬫᬸᬧᬸ
ᬤᭀᬦ᭄᭞ᬲᬃᬯ᭄ᬯᬯᬶᬚᬤᬶᬯ᭄ᬭᬲ᭄ᬧᬢᬶ᭞ᬩᬸᬤ᭄ᬥᬲᭀᬢᭀᬄᬫᬲᬭᬶ᭞ᬰᬦᬶᬰ᭄ᬘᬭᬫᬸᬮᬢᬸᬭᬸᬲ᭄᭞ᬋᬥᬶᬢᬾᬲᬃᬯ᭄ᬯᬫᬲᭀᬘ᭞ᬲᭀᬫᬦᬾᬲᭀᬭᭀᬄᬫᬳᬸᬫ᭄ᬩᬶ᭞ᬰᬸᬓᬺᬤᬶᬢᬸ᭞ᬨᬮ
ᬕᬦ᭄ᬢᬸᬂᬧᬸᬮᬫᭂᬮᬄ᭟ᬲᬭᬭᬢ᭄ᬯᬦᬾᬫᭂᬮᬄ᭞ᬫᬦᬸᬚᬸᬯ᭄ᬭᬲ᭄ᬧᬢᬶᬉᬓᬶᬃ᭞ᬨᬮᬩᬸᬗ᭄ᬓᬄᬧᬸᬮᬫᭂᬮᬄ᭞ᬰᬸᬓᬺᬫᬤᬗ᭄ᬓᬸᬗᬦ᭄ᬦᬫ᭄ᬧᬶ᭞ᬫᬫᬸᬮᬨᬮᬗᬮᬦ᭄ᬢᬶᬂ᭞ᬯ᭄ᬭᬲ᭄ᬧᬢᬶᬉᬬᬾᬫᬸᬮᬜᬸᬄ᭞᭠
[᭕ 5A]
ᬰᬸᬓᬺᬫᬦᬳᬶᬮᬾᬯᬶᬚ᭞ᬧᬥᬶᬢᬾᬩᬮᬩᬶᬬᬸᬦᬫ᭄ᬧᬶ᭞ᬘᭀᬫᬢᭂᬮᬸ᭞ᬲᬃᬯ᭄ᬯᬫᬯᭀᬄᬧᬸᬮᬫᭂᬮᬄ᭟ᬯ᭄ᬭᬲ᭄ᬧᬢᬶᬦᬸᬚᬸᬓᬸᬦᬶᬗᬦ᭄᭞ᬤᬶᬢᬸᬫᬫᬸᬮᬫᬲᬭᬶ᭞ᬩᬸᬤ᭄ᬥᬲᬸᬗ᭄ᬲᬂᬲᬦᬾ᭠
ᬫᬯᭀᬄ᭞ᬢᭀᬳᬶᬗᭂᬢᬂᬳᬧᬂᬧᬲ᭄ᬢᬶ᭞ᬇᬗ᭄ᬓᭂᬮ᭄ᬢᬭᬸᬡᬳᬶᬫ᭄ᬧᬲᬶᬦ᭄᭞ᬤᬫᬫᬸᬮᬬᬦ᭄ᬉᬭᬸᬓᬸᬂ᭞ᬚᬯᬢ᭄ᬓᬮᬕᬸᬫᬭᬂ᭞ᬧᭂᬧᭂᬤᬜ᭄ᬚᬦᬶᬧᬶᬮᬶᬳᬶᬦ᭄᭞ᬇᬗ᭄ᬓᭂᬮ᭄ᬩᬸᬓᬸ᭞ᬧᬥᬬᬢᭀᬂᬤᬤᬶ᭠
ᬳᬫ᭄ᬩᬄ᭟ᬓᬮᬢᬗ᭄ᬕᬸᬂᬚᭂᬮᬾᬧᭂᬲᬦ᭄᭞ᬜᬸᬯᬂᬘᬾᬮᬾᬂᬜᬸᬯᬂᬲᬫ᭄ᬧᬶ᭞ᬜᭂᬫᬓ᭄ᬚᬭ᭠ᬦ᭄ᬫᬶᬯᬄᬓᭂᬩᭀ᭞ᬲᭀᬭᭀᬄᬲᬢᭀᬤᬗᬫ᭄ᬩᬳᬶᬦ᭄᭞ᬧᬥᬶᬢᬾᬧᭀᬦ᭄ᬩᬸᬤ᭄ᬥᬫᬦᬶᬲ᭄᭞ᬰᬦᬶᬰ᭄ᬘ
ᬭᬯᬕᬾᬧᬢᬸᬄ᭞ᬲᭀᬫᬧᬳᬶᬂᬬᬢᬸᬗ᭄ᬕᬮ᭄᭞ᬳᭂᬦ᭄ᬢᭀᬧᬥᬧᬶᬮᬶᬳᬶᬦ᭄᭞ᬫᭂᬮᬄᬤᬶᬢᬸ᭞ᬤᬾᬯᬰᬗᬯᬾᬧᬶᬰᬸᬦ᭟ᬬᬦ᭄ᬳᬸᬭᬸᬓᬸᬂᬓᬚᭂᬂᬓ᭄ᬮᬶᬯᭀᬦ᭄᭞ᬫᬦᬸᬚᬸᬤᬶᬦᬵᬯ᭄ᬭᬲ᭄ᬧᬢᬶ᭞ᬓᬮᬚᭂᬗ᭄ᬓᬂ