[᭓ 3B]
᭓
ᬭᬦᬫ᭄ᬧᬶ᭞ᬧᬶᬂᬦᭂᬫ᭄ᬤᬶᬢᬸ᭞ᬰᬸᬓ᭄ᬭᬦᬾᬲᬥᬦᬬᭀᬕ᭟ᬓᬮᬳᬾᬜ᭄ᬚᬾᬭᬾᬤᬫᬧᬲ᭄᭞ᬬᬦ᭄ᬜᬦᬸᬚᬸᬫᭂᬮᬶᬲᬫ᭄ᬧᬶ᭞ᬚᬯᬢ᭄ᬫᬚᬮᬦ᭄ᬫᬩᭀᬭᭀᬲ᭄᭞ᬅᬗ᭄ᬕᬭᬧᭀᬦ᭄ᬓᬮᬓᬗᬶᬦ᭄ᬦᬾ
ᬓᬚᬅᬗ᭄ᬕᬭᬧᬳᬶᬂ᭞ᬅᬗ᭄ᬕᬭᬫᬦᬶᬲᬾᬓᬯᬸᬄ᭞ᬅᬗ᭄ᬕᬭᬯᬕᬾᬦᬾᬓᭂᬮᭀᬤ᭄᭞ᬓᬮᬶᬯᭀᬦ᭄ᬓᬢᭂᬗᬄᬦᬫ᭄ᬧᬶ᭞ᬓ᭄ᬭᬩᬮᬘᬸᬃ᭞ᬫᬫᬧᬲ᭄ᬓᬮᬳᬾᬯᬾᬭᬦ᭄᭟ᬫᬺᬢ᭄ᬢᬤᬾᬯᬦᬾᬢᭀᬫᭂ᭠
ᬮᬄ᭞ᬢᬗ᭄ᬕᬮ᭄ᬧᬶᬂᬮᬶᬫᬯ᭄ᬭᬲ᭄ᬧᬢᬶ᭞ᬩᬸᬤ᭄ᬥᬦᬸᬚᬸᬢᬗ᭄ᬕᬮ᭄ᬧᬶᬦ᭄ᬤᭀ᭞ᬢᬗ᭄ᬕᬮ᭄ᬧᬶᬂᬦᭂᬫ᭄ᬥᬶᬢᬾᬦᬫ᭄ᬧᬶ᭞ᬳᬧᬶᬲᬦ᭄ᬰᬸᬓ᭄ᬭᬦᬫ᭄ᬧᬶ᭞ᬘᭀᬫᬦᬾᬢᬗ᭄ᬕᬮ᭄ᬧᬶᬂᬧᬶᬢᬸ᭞ᬧᬶᬂᬧᬢᬾᬰᬦᬶᬰ᭄ᬘᬭ᭞ᬧᬶᬂᬢᭂᬮᬸ
ᬮᬲ᭄᭞ᬅᬗ᭄ᬕᬭᬦᬫ᭄ᬧᬶ᭞ᬜᬦ᭄ᬤᬂᬢᬸᬚᬸ᭞ᬲᭀᬭᭀᬄᬫᬕᬯᬾᬤᬶᬲᬗ᭄ᬕᬄ᭟ᬓᬮᬭᬯᬸᬦᬾᬤᬫᬧᬲ᭄᭞ᬓᬵᬱᬲᬤ᭄ᬥᬓᬚᬓᬗᬶᬦ᭄᭞ᬓᬮᬶᬫᬦᬾᬓᬚᬓᬮᭀᬤ᭄᭞ᬓᬢᬶᬕᬓᬧᬢ᭄ᬓᭂᬮᭀ
[᭔ 4A]
ᬤ᭄ᬓᬗᬶᬦ᭄᭞ᬓᬭᭀᬦᬾᬩᭂᬦᭂᬄᬓᬗᬶᬦ᭄᭞ᬘᭀᬫᬦᬾᬮᬶᬯᬢᬶᬂᬮᬸᬯᬸᬂ᭞ᬯ᭄ᬭᬲ᭄ᬧᬢᬶᬫᬢᬶᬯᬮ᭞ᬰᬸᬓ᭄ᬭᬦᬾᬕᬯᬾᬜᬲᭂᬮᬶᬄ᭞ᬓ᭄ᬭᬡᬮᬘᬸᬃ᭞ᬰᬦᬶᬰ᭄ᬘᬭᬚᭂᬮᬾᬧᬶᬲᬦ᭄᭟ᬓᬮᬫᬦᬧ᭄
ᬢᭀᬤᬫᬧᬲ᭄᭞ᬩᬸᬤ᭄ᬥᬧᭀᬦᬾᬓᬮᬓᬗᬶᬦ᭄᭞ᬯ᭄ᬭᬲ᭄ᬧᬢᬶᬯᬕᬾᬦᬾᬓᭂᬮᭀᬤ᭄᭞ᬦᬸᬚᬸᬰᬦᬶᬰ᭄ᬘᬭᬫᬦᬶᬲ᭄᭞ᬬᬦ᭄ᬰᬸᬓᬺᬓ᭄ᬮᬶᬯᭀᬦᭂᬫᭀᬦᬶᬦ᭄᭞ᬓᬯᬸᬄᬓᬮᬦ᭄ᬜᬦᬾᬤᬶᬢᬸ᭞ᬓᬮᬭ
ᬳᬸᬦᬾᬫᬦᬗ᭄ᬕᬧ᭄᭞ᬰᬦᬶᬰ᭄ᬘᬭᬓᬳᬦ᭄ᬢᬸᬧᬳᬶᬂ᭞ᬉᬓᬶᬃᬧᬢᬸᬄ᭞ᬰᬸᬓᬺᬕᬸᬫ᭄ᬩᬺᬕ᭄ᬥᬶᬢᬾ᭠ᬲᬶᬦ᭄ᬢ᭟ᬉᬭᬸᬓᬸᬂᬓᬚᭂᬂᬬᬦ᭄ᬓᬮ᭞ᬚᭂᬮᬾᬳᭂᬦ᭄ᬢᭀᬤᬗᬫ᭄ᬩᬳᬶᬦ᭄᭞ᬚᬯᬢ᭄ᬫᬚᬮᬦ᭄ᬗᬭᭀᬭᭀᬤ᭄᭞
ᬤᬶᬬᬧᬶᬦ᭄ᬫᬕᬯᬾᬫᬩᬸᬜ᭄ᬘᬶᬂ᭞ᬢᭀᬫᬤᬦ᭄ᬓᬮᬚᭂᬗ᭄ᬓᬶᬂ᭞ᬤᬾᬯᬰᬜᬸᬫᬸᬯᬶᬦ᭄ᬗᬤᬸ᭞ᬫᬕᬯᬾᬢᬚᬶᬫᭂᬮᬄ᭞ᬚᬯᬢ᭄ᬫᬲᬗᬂᬮᬢᬶᬄ᭞ᬤᬶᬢᬸᬢᬸᬚᬸ᭞ᬤᬾᬯᬰᬗᬯᬾᬓᬤᬸᬢᬦ᭄᭟ᬬᬦ᭄ᬫᬫᬸ᭠
Kaca:Bali-lontar-gaguritan-wariga-03-300ppi.pdf/4
Kaca puniki sampun kauji-wacén
