[᭒ 2B]
᭒
ᬦ᭄ᬤᭀᬦᬫ᭄ᬧᬶ᭞ᬳᬧᬶᬲᬦ᭄ᬦᬸᬚᬸᬯ᭄ᬭᬲ᭄ᬧᬢᬶ᭞ᬲᭀᬫᬩᬸᬤ᭄ᬥᬦᬾᬧᬶᬂᬧᬶᬢᬸ᭞ᬦᬸᬚᬸᬅᬗ᭄ᬕᬭᬧᬶᬂᬤᬰᬬᬦ᭄ᬫᬕᬯᬾᬤᬗᬫ᭄ᬩᬳᬶᬦ᭄᭞ᬫᬸᬮᬢᭂᬩᬸ᭞ᬫᬦᬸᬕᭂᬮᬂᬤᬶᬢᬸᬫᭂᬮᬄ᭟ᬓᬍᬩᬸᬃᬭᬯᬸᬳᬶᬗᭂᬢᬂ᭞ᬦᭂᬫ
ᬓᬸᬳᭂᬦ᭄ᬢᭀᬳᬶᬫ᭄ᬧᬲᬶᬦ᭄᭞ᬩᬸᬤ᭄ᬥᬦᬸᬚᬸᬩ᭄ᬭᬳ᭄ᬫᬓᬯᭀᬦ᭄᭞ᬋᬥᬶᬢᬾᬦᬾᬇᬦ᭄ᬤ᭄ᬭᬦᭂᬫᭀᬦᬶᬦ᭄᭞ᬰᬸᬓᬺᬫᬦᭂᬫᬸᬰ᭄ᬭᬶ᭞ᬕᬸᬭᬸᬯ᭄ᬭᬲ᭄ᬧᬢᬶᬓᬢᭂᬫᬸ᭞ᬰᬦᬶᬰ᭄ᬘᬭᬦᭂᬫᬸᬬᬫ᭞ᬲᭀᬫᬦᬶᬲ᭄ᬫᬦᬸᬚᭀ
ᬦᬶᬦ᭄᭞ᬅᬗ᭄ᬕᬭᬮᬸᬤᬺ᭞ᬤᬾᬯᬰᬫᬗᬯᬾᬢᬸᬓᬤ᭄᭟ᬓᬮᬘᬓ᭄ᬭᬦᬾᬬᬶᬗᭂᬢᬂ᭞ᬯ᭄ᬭᬲ᭄ᬧᬢᬶᬫᬦᬶᬲ᭄ᬤᬓᬗᬶᬦ᭄᭞ᬯ᭄ᬭᬲ᭄ᬧᬢᬶᬧᬳᬶᬂᬤᬦ᭄ᬮᭀᬤ᭄᭞ᬯ᭄ᬭᬲ᭄ᬧᬢᬶᬧᭀᬦ᭄ᬓᬯᬸᬄᬦᬫ᭄ᬧᬶ᭞ᬯ᭄ᬭᬲ᭄ᬧᬢᬶᬯ
ᬕᬾᬓᬚᬧᬶᬮᬶᬳᬶᬦ᭄᭞ᬯ᭄ᬭᬲ᭄ᬧᬢᬶᬓ᭄ᬮᬶᬯᭀᬦ᭄ᬜᬢᬹᬃ᭞ᬬᬦ᭄ᬳᭂᬦ᭄ᬢᭀᬩᬓᬢ᭄ᬧᬧᬲ᭄᭞ᬩ᭄ᬯᬢ᭄ᬲᬗ᭄ᬓᬮᬦᬾᬓᬧᬗ᭄ᬕᬶᬄ᭞ᬤᬤᬶᬩᬶᬗᬸᬂ᭞ᬧᬚᬮᬦᬾᬫᬓᬸᬬᭂᬗᬦ᭄᭟ᬬᬦ᭄ᬓᬧᬩ᭄ᬤᬾᬫᬫᬲᬸᬳᬂ᭞ᬱᬤ᭄ᬯᬭᬦᬾ
[᭓ 3A]
ᬧᬶᬮᬶᬳᬶᬦ᭄᭞ᬬᬦ᭄ᬢᬸᬗ᭄ᬮᬾᬄᬧᬸᬦ᭄ᬢᬸᬮ᭄ᬫᬜᭀᬗ᭄ᬮᭀᬂ᭞ᬤᬶᬅᬃᬬ᭄ᬬᬗᬾᬫᬗᬦ᭄ᬤᬤᬶ,ᬧᬦᬶᬭᭀᬦ᭄ᬧᬸᬗᬓ᭄ᬧᭂᬮᬶᬢ᭄᭞ᬫᬢᬶᬯᬚᬉᬭᬸᬓᬸᬂ᭞ᬤᬶᬯᬵᬲᬾᬤᭀᬬᬦ᭄ᬳᬶᬮᬂ᭞ᬬᬦ᭄ᬫᬉᬮᬸᬓᬧᬲᬶᬮᬳᬶᬄ᭞
ᬢᭂᬓᬧᬸᬦ᭄ᬢᬸᬮ᭄᭞ᬢᭀᬳᬶᬗᭂᬢᬂᬬᬦ᭄ᬫᬲᬸᬳᬂ᭟ᬓᬮᬚᬩᬸᬗᬾᬤᬫᬧᬲ᭄᭞ᬤᬯᬸᬄᬧᬶᬲᬦ᭄ᬓᬮᬓᬗᬶᬦ᭄᭞ᬤᬯᬸᬄᬧᬶᬢᬸᬓᬮᬓᭂᬮᭀᬤ᭄᭞ᬤᬯᬸᬄᬦᭂᬫᬾᬓᬮᬓᬗᬶᬦ᭄᭞ᬤᬯᬸᬄᬧᬶᬢᬸ
ᬓᬚᬓᬗᬶᬦ᭄᭞ᬤᬯᬸᬄᬭᭀᬦᬾᬓ᭄ᬮᭀᬤ᭄ᬓᬯᬸᬄ᭞ᬤᬯᬸᬄᬢᭂᬮᬸᬦᬾᬗᬚᬦᬂ᭞ᬤᬯᬸᬄᬮᬶᬫᬓ᭄ᬮᭀᬤ᭄ᬦᬫ᭄ᬧᬶ᭞ᬤᬯᬸᬄᬓᬸᬢᬸᬲ᭄᭞ᬓᬚᬓᬯᬸᬳᬾᬫᬦᬗ᭄ᬕᬧ᭄᭟ᬲᭂᬥᬦᬬᭀᬕᬦᬾᬫᭂᬮᬄ᭞᭠
ᬬᬦ᭄ᬫᬕᬯᬾᬢᭀᬳᬫ᭄ᬩᬳᬶᬦ᭄᭞ᬬᬦ᭄ᬜᬩᬸᬤ᭄ᬥᬢᬗ᭄ᬕᬮ᭄ᬧᬶᬦ᭄ᬤᭀ᭞ᬢᬗ᭄ᬕᬮ᭄ᬧᬶᬂᬧᬢ᭄ᬯ᭄ᬭᬲ᭄ᬧᬢᬶ᭞ᬧᬢᭂᬮᬸᬲᭀᬫᬫᬦᬫ᭄ᬧᬶ᭞ᬬᬦ᭄ᬤᬶᬢᬾᬢᬗ᭄ᬕᬮ᭄ᬧᬂᬓᬸᬢᬸᬲ᭄᭞ᬧᬶᬂᬮᬶᬫᬰᬦᬶᬰ᭄ᬘᬭ᭞ᬧᬶᬂᬧᬶᬢᬸᬅᬗ᭄ᬕ
Kaca:Bali-lontar-gaguritan-wariga-03-300ppi.pdf/3
Kaca puniki sampun kauji-wacén
