[᭑ 1B]
᭑
᭚᭜᭚ᬧᬸᬧᬸᬄᬲᬶᬦᭀᬫ᭄᭚᭜᭚ᬳᬤᬓᬶᬤᬸᬂᬕᬕᬸᬭᬶᬢᬦ᭄᭞ᬢᭂᬫ᭄ᬩᬂᬲᬶᬦᭀᬫ᭄ᬜᬦᬾᬭᬶᬫ᭄ᬩᬶᬢ᭄᭞ᬳᬯᬓ᭄ᬩᭂᬮᭀᬕ᭄ᬫᬧᬶᬩᬶᬱ᭞ᬫᬢᬸᬳᬸᬢᬶᬦ᭄ᬳᬦᬓ᭄ᬭᬶᬭᬶᬄ᭞ᬫᬲᬶᬄᬫᬶᬮᬸᬗᬸᬭᬶᬕᬦᬶᬦ᭄᭞ᬳ
ᬗ᭄ᬕᭀᬦ᭄ᬕᭂᬡ᭄ᬥᬂᬲᬫ᭄ᬩᬶᬮ᭄ᬗᬗ᭄ᬕᬸᬃ᭞ᬫᬗᬶᬢᬸᬗᬂᬧᬜ᭄ᬘᬯᬭ᭞ᬅᬱ᭄ᬝᬯᬭᬦᬾᬧᬶᬮᬶᬳᬶᬦ᭄᭞ᬫᬶᬯᬄᬉᬓᬸ᭞ᬦᬾᬦᬾᬫᭂᬮᬄᬯᭀᬢᬸᬚᬸᬳᬂ᭟ᬫᬦᬸᬚᬸᬦᬶᬦ᭄ᬓᬵᬮᬧᬓ᭄ᬱ᭞ᬤᬗᬸᬧᭂᬧᭂᬢ᭄ᬘᭀᬫᬧᬳᬶᬂ᭞ᬰ᭄ᬭᬷᬢᬸᬗ᭄ᬮᬾᬄ᭠
ᬧᬗ᭄ᬮᭀᬂᬧᬶᬂᬧᬢ᭄᭞ᬤᭀᬭᬤ᭄ᬬᬾᬱ᭄ᬝᬬᬾᬦ᭄ᬫᬭᬶᬓᬶᬄ᭞ᬚᬦᬶᬮᬾᬦ᭄ᬩᬸᬯᬶᬦ᭄ᬦᭂᬓᬳᬶᬦ᭄᭞ᬗᬮᬶᬄ᭠ᬤᬶᬦᬵᬮᬸᬯᬲ᭄ᬳᬬᬸ᭞ᬤᬫᬧᬲ᭄ᬲᬧ᭄ᬢᬓᬪᬬ᭞ᬢᬦᬸᬭᬸᬂᬩᬓᬮ᭄ᬗᭂᬫᬲᬶᬦ᭄᭞ᬤᬤᬶᬮᬪᬸᬃ᭞ᬧᭂᬚᬮᬦᬾ
ᬗᬸᬢᬗᬸᬢᬂ᭟ᬅᬗ᭄ᬕᬭᬩᬸᬤ᭄ᬥᬓᬚ᭞ᬲᭀᬫᬰᬦᬶᬰ᭄ᬘᬭᬓᬗᬶᬦ᭄᭞ᬯ᭄ᬭᬲ᭄ᬧᬢᬶᬤᬓᭂᬮᭀᬤ᭄᭞ᬥᬶᬢᬾᬰᬸᬓᬺᬓᬯᬸᬄᬦᬫ᭄ᬧᬶ᭞ᬢᭀᬳᬶᬗᭂᬢᬂᬳᬧᬂᬚᬢᬶ᭞ᬬᬤᬶᬬᬧᬶᬦ᭄ᬮᬸᬯᬲ᭄ᬫᬗᬤᬸ᭞ᬲᬧ᭄ᬢᬯᬭ
[᭒ 2A]
ᬦᬾᬳᬶᬗᭂᬢᬂ᭞ᬳᬗ᭄ᬕᭀᬦ᭄ᬢᬸᬗ᭄ᬕᬸᬮ᭄ᬲᬳᬶᬲᬳᬶ᭞ᬤᬫᬫᬸᬭᬸᬕ᭄᭞ᬉᬘᬧᬦ᭄ᬰᬵᬲ᭄ᬢ᭄ᬭᬯᬭᬶᬕ᭟ᬤ᭠ᬫᬧᬲ᭄ᬓᬵᬮᬢᬜ᭄ᬚᬬ᭞ᬥᬶᬢᬾᬫᬦᬶᬲ᭄ᬓᬮᬓᬗᬶᬦ᭄᭞ᬥᬶᬢᬾᬧᬳᬶᬂᬓᬮᬓᭂᬮᭀᬤ᭄᭞ᬋᬥᬶᬢᬾ
ᬧᭀᬦ᭄ᬓᬯᬸᬄᬦᬫ᭄ᬧᬶ᭞ᬥᬶᬢᬾᬯᬕᬾᬓᬚᬦᬫ᭄ᬧᬶ᭞ᬋᬥᬶᬢᬾᬓᬮᬶᬯᭀᬦ᭄ᬜᬢᬸᬃ᭞ᬓᬢᭂᬗᬄᬢᭀᬗᭀᬲᬶᬦ᭞ᬬᬦ᭄ᬫᬧᬲ᭄ᬢ᭄ᬯᬭᬗᬶᬫ᭄ᬧᬲᬶᬦ᭄᭞ᬤᬤᬶᬮᬘᬸᬃ᭞ᬗᭂᬩᬸᬕ᭄ᬕᬸᬫᬶᬤᬮᬭᬸᬲᬓ᭄᭟ᬕᬦᬶᬭᬵᬯ
ᬩᬯᬶᬮᬗᬂ᭞ᬤᬜᬮᬦᬂᬫᬗ᭄ᬭᬳᬩᬶᬦ᭄᭞ᬢᬗ᭄ᬕᬮ᭄ᬧᬧᬢ᭄ᬫᬶᬯᬄᬧᬶᬦ᭄ᬤᭀ᭞ᬧᬶᬂᬓᬸᬢᬸᬲ᭄ᬧᬶᬂᬲᭀᬮᬲ᭄ᬕᭂᬦᬶ᭞ᬧᬗ᭄ᬮᭀᬗᬾᬚᬦᬶᬫᬦᬫ᭄ᬧᬶ᭞ᬧᬶᬂᬲᬶᬬᬧᬶᬂᬢᭂᬮᬸᬫᬸᬗ᭄ᬕᬄ᭞ᬧᬶᬂᬢᭂᬮᬸᬮᬲ᭄ᬕᭂᬦᬶᬭᬵᬯᬩ᭞ᬤᬾᬯ᭠
ᬰᬫᬗᭂᬜ᭄ᬚᬸᬢ᭄ᬲᬸᬫᬶ᭞ᬦᬸᬜ᭄ᬚᭂᬮ᭄ᬕᬸᬦᬸᬂ᭞ᬗᭂᬜ᭄ᬚᬸᬢ᭄ᬧᭀᬦ᭄ᬤᭀᬓ᭄ᬫᬲᬶᬄᬫᭂᬮᬄ᭟ᬬᬦᬶᬤᬶᬦᬵᬤ᭠ᬕ᭄ᬥᬶᬓ᭄ᬭᬫ᭞ᬓᬮᬓᭂᬘᬶᬭᬦᬾᬢᬸᬗ᭄ᬕᬶᬮ᭄᭞ᬤᬶᬢᬗ᭄ᬕᬮ᭄ᬧᬗ᭄ᬮᭀᬗᬾᬓᭀᬘᬧ᭄᭞ᬥᬶᬢᬾᬰᬸᬓᬺᬧᬶ᭠
Kaca:Bali-lontar-gaguritan-wariga-03-300ppi.pdf/2
Kaca puniki sampun kauji-wacén
