[᭕ 5B]
᭕
ᬢᭀᬳᬤᬦ᭄ᬜ᭞ᬗᬤᬓᬂᬢᬢᬚᬾᬦ᭄ᬩᭂᬘᬶᬓ᭄᭞ᬚᬢ᭄ᬓᬮᬄᬲᬶᬂᬗᭂᬦ᭄ᬤᭀᬦᬶᬦ᭄᭞ᬧᭂᬧᭂᬓᬂᬩᬦ᭄ᬢᭂᬦᬾᬫᬮᬸ᭞ᬢᭀᬦᬾᬧᭂᬧᭂᬓᬂᬓᬲᬗ᭄ᬕᬄ᭞ᬲᬃᬯ᭄ᬯᬩᬭᬓ᭄ᬢᭂᬓᬾᬦ᭄ᬓᬸᬦᬶᬂ᭞ᬩᬦ᭄ᬢᭂᬦ᭄ᬜᬢᬹᬃ᭞
ᬤᬶᬢᭂᬗᬄᬤᬶᬧᬳᬾᬫ᭄ᬩᭀᬦᬦ᭄᭟ᬬᬾᬦᬫᬓᬸᬄᬚᭂᬮᬾᬧᬶᬲᬦ᭄᭞ᬤ᭄ᬬᬾᬱ᭄ᬝᬲᬤ᭄ᬥᬤᬗᬫ᭄ᬩ᭠ᬳᬶᬦ᭄᭞ᬓᬢᬶᬕᬓᬧᬶᬢᬸᬓᬯᭀᬦ᭄᭞ᬩᬸᬯᬶᬦ᭄ᬓᬯᬸᬮᬸᬧᬶᬮᬶᬳᬶᬦ᭄᭞ᬓᬲᬗ᭄ᬳᬤᬗᬫ᭄ᬩᬳᬶᬦ᭄᭞ᬓᬱᬓ
ᬭᭀᬓᬧᬢ᭄ᬳᬬᬸ᭞ᬓᭂᬦᭂᬫ᭄ᬓᬮᬶᬫᬫᭂᬮᬄ᭞ᬓᬤᬰᬦᬾᬢᭀᬳᬫ᭄ᬩᬳᬶᬦ᭄᭞ᬮᬶᬯᬢ᭄ᬳᬬᬸ᭞ᬬᬦ᭄ᬦᬸ᭠ᬚᬸᬦᭂᬫᬓᬸᬄᬉᬫᬄ᭟ᬤᬾᬯᬰᬗᬸᬮᬶᬳᬶᬦ᭄ᬳᬸᬫᬄ᭞ᬓᬱᬳᬬᬸᬫᬶᬢᬺᬳᬲᬶᬄ᭞ᬓᬭᭀᬦᬾᬓᬮᬶᬯᬢ᭄ᬓ᭠
ᬯᭀᬦ᭄᭞ᬬᬦ᭄ᬓᬢᬶᬕᬩᬩᬫᬮᬶᬂ᭞ᬓᬧᬢᬾᬳᬾᬗ᭄ᬕᬮ᭄ᬲᬸᬕᬶᬄ᭞ᬬᬦ᭄ᬓᬮᬶᬫᬤᬤᬶᬫᬫ᭄ᬧᬸᬄ᭞ᬓᭂᬦᭂᬫᬾᬲᬸᬕᬶᬄᬋᬦ᭄ᬤᬄ᭞ᬓᬧᬶᬢᬸᬦᬾᬤᬤᬶᬲᬓᬶᬢ᭄᭞ᬬᬦ᭄ᬓᬯᬸᬮᬸ᭞ᬳᭂᬦ᭄ᬢᭂᬕ᭄ᬲᬓᬬᬦ᭄ᬲᭂᬧᭂᬮᬦ᭄᭟ᬓᬲ᭠
[᭖ 6A]
ᬗ᭄ᬳᬦᬾᬫᬗ᭄ᬤᬾᬮᬭ᭞ᬓᬤᬰᬲᬸᬕᬶᬄᬫᬵᬲ᭄ᬧᬶᬧᬶᬲ᭄᭞ᬤ᭄ᬬᬾᬱ᭄ᬝᬓᬮᬶᬯᬢ᭄ᬓᬯᭀᬦ᭄᭞ᬲᬤ᭄ᬥᬲᬓᬶᬢ᭄ᬳᬾᬗ᭄ᬕᬮ᭄ᬫᬢᬶ᭞ᬳᭂᬦ᭄ᬢᭀᬜᬡ᭄ᬥᬂᬧᬶᬮᬶᬳᬶᬦ᭄᭞ᬬᬦ᭄ᬫᬗᬮᬶᬄᬤᬶᬦᬵᬳᬬᬸ᭞ᬳᭂᬤᬫᬧᬲ᭄ᬓᬮᬮᬸᬯᬂ᭞
ᬋᬥᬶᬢᬾᬲᬤ᭄ᬥᬳᬫ᭄ᬩᬳᬶᬦ᭄᭞ᬩᬸᬤ᭄ᬥᬦᬸᬚᬸ᭞ᬓᬭᭀᬅᬗ᭄ᬕᬭᬓᬢᬶᬕ᭟ᬓᬧᬢ᭄ᬘᭀᬫᬦᬾᬫᬧᬲ᭄᭞ᬓᬮᬶᬫᬦᬸᬚᬸᬯ᭄ᬭᬲ᭄ᬧᬢᬶ᭞ᬬᬦ᭄ᬓᭂᬦᭂᬫᬾᬰᬸᬓᬺᬓᬯᭀᬦ᭄᭞ᬬᬦ᭄ᬓᬲᬗ᭄ᬳᬤᬶᬯ᭄ᬭᬲ᭄ᬧᬢᬶ᭞ᬓᬯᬸᬮᬸ
ᬦᬾᬫᬦᬫ᭄ᬧᬶ᭞ᬰᬦᬶᬰ᭄ᬘᬭᬬᬦ᭄ᬓᬧᬶᬢᬸ᭞ᬓᬤᬰᬦᬾᬤᬅᬗ᭄ᬕᬭ᭞ᬤ᭄ᬬᬾᬱ᭄ᬝᬩᬸᬤ᭄ᬥᬤᬗᬫ᭄ᬩᬳᬶᬦ᭄᭞ᬲᬤ᭄ᬥᬦᬸᬚᬸ᭞ᬅᬗ᭄ᬕᬭᬦᬾᬓᬮᬮᬸᬯᬂ᭟ᬫᭂᬃᬢ᭄ᬢᬫᬰᬗᭀᬜᬂᬫᭂᬮᬄ᭞ᬲᬮ᭄ᬯᬶᬭᬶᬂᬕᬯᬾᬳᬫ᭄ᬩᬳᬶ
ᬦ᭄᭞ᬬᬦ᭄ᬓᬯᬸᬮᬸᬢᬗ᭄ᬕᬮ᭄ᬧᬶᬦ᭄ᬤᭀ᭞ᬓᬧᬢ᭄ᬧᬹᬃᬡ᭄ᬦᬫᬳᬫ᭄ᬩᬳᬶᬦ᭄᭞ᬓᬮᬶᬫᬢᬶᬍᬫᬾᬤᬤᬶ᭞ᬬᬦ᭄ᬓᭂᬦᭂᬫ᭄ᬢᬗ᭄ᬕᬮ᭄ᬧᬶᬂᬓᬸᬢᬸᬲ᭄᭞ᬓᬱᬢᬗ᭄ᬕᬮ᭄ᬧᬶᬂᬤᬰ᭞ᬓᬭᭀᬧᬶᬧᬶᬢᬸᬳᬫ᭄ᬩᬳᬶᬦ᭄᭞ᬬᬦ᭄ᬧᬶᬂᬢᭂᬮᬸ᭞
Kaca:Bali-lontar-gaguritan-wariga-03-300ppi.pdf/6
Kaca puniki sampun kauji-wacén
