[᭖᭘ 68B]
᭖᭘
ᬓ᭄ᬜᭂᬫ᭄ᬜᬶᬗᬓ᭄᭟ᬓᬢᬶᬫ᭄ᬩᬮᬂᬳᬬᬫᬾᬤᬶᬕ᭄ᬮᬶᬲ᭄᭞ᬫᬗᬦ᭄ᬤᬶᬓᬵ᭞ᬫᬳᬶᬩ᭄ᬮᬫ᭄ᬦᬾᬓᬦ᭄᭞ᬳᬶᬤ᭄ᬯᬕᬸᬂᬗ᭄ᬭᬶᬳᬶᬦᬂᬫᬸᬗ᭄ᬕᬳᬾ᭞ᬦᬓᬕᬸᬂᬩᬕᬸᬲ᭄ᬧᬸᬢᬸ᭞ᬓ᭄ᬜᭂᬫ᭄ᬗᬦ᭄ᬤᬶᬓᬵ
ᬫᬗᬫ᭄ᬩᬶᬮ᭄᭞ᬫᬃᬕ᭄ᬕᬶᬩ᭄ᬮᬶᬩᬋᬂᬫ᭄ᬦᬾᬓᬦ᭄᭞ᬤᬩᬕᬸᬲ᭄ᬓᬢᬸᬦ᭄ᬢᬸᬦ᭄᭞ᬧᬳᬸᬢ᭄ᬲᬧᬭᬶᬧᭀᬮᬳᬦ᭄᭞ᬭᬭᬶᬲ᭄ᬫᬸᬗ᭄ᬕᬄ᭞ᬓᬕᬸᬂᬩᬕᬸᬲ᭄ᬳᭀᬓᬓ᭄ᬜᬶᬂ᭞ᬗᬦ᭄ᬤᬶᬓᬵᬩ᭄ᬮᬶᬢ᭄ᬬᬂ
ᬜᬶᬗ᭄ᬕᬳᬂ᭟ᬫᬸᬮᬶᬄᬓ᭄ᬭᬸᬫ᭄ᬫᬗ᭄ᬳᬾᬩ᭄ᬮᬶᬳᬸᬦᬶᬂᬳᬸᬫᬄᬢ᭄ᬬᬂ᭞ᬤᬩᬕᬸᬲᬳᬸᬭᬵ᭞ᬳᬶᬗ᭄ᬕᬶᬄᬲᬳᬸᬲᬦ᭄ᬓᬃᬬ᭄ᬬᬦᬾ᭞ᬤ᭄ᬯᬕᬸᬂᬫᬗᬓ᭄ᬱᬶᬓ᭄ᬜᬶᬂ᭞ᬳᬶᬤᬩᬕᬸᬲ᭄ᬫᬧᬲ᭄ᬩ
ᬦ᭄ᬓᭂᬜᬶᬂ᭞ᬤᬤᬶᬩᬸᬍᬦ᭄ᬫᬩᬚᬄ᭞ᬜᬭᬸᬯᬂᬫᬳᬢᬸᬃ᭞ᬧᬢᬗᬦᬦ᭄ᬫᭂᬧᭂᬲᬗ᭄ᬕᬵ᭞ᬭᬢᬸᬢᬶᬢ᭄ᬬᬂ᭞ᬫᬫᬶᬢᬂᬕ᭄ᬦᬄᬦᬾᬫᬗ᭄ᬓᬶᬦ᭄᭞ᬗ᭄ᬯᬗᬸᬦ᭄ᬩᬮᬾᬧᬧᬦ᭄ᬤᭂᬲ
[᭖᭙ 69A]
᭖᭙
ᬦ᭄᭟ᬫᬸᬗ᭄ᬕ᭄ᬯᬶᬂᬩᬮᬾᬤᬦ᭄ᬢᬵᬫᬉᬓᬶᬃᬲᬧᬸᬧᬸᬢᬵ᭞ᬲᬓᬶᬂᬉᬓᬶᬃᬓᬯ᭄ᬬ᭞ᬢᬶᬢ᭄ᬬᬂᬫᬫᬶᬢᬂᬕ᭄ᬦᬳᬾ᭞ᬳᬶᬤ᭄ᬯᬕᬸᬂᬫᬶᬗᬶᬲᬳᬸᬃ᭞ᬩ᭄ᬮᬶᬦᬸᬦᬲᬂᬭᬶᬂᬩᬧᬳᬚᬶ᭞ᬬᬦ᭄ᬤᬶ
ᬚᬧᬓᬳ᭄ᬬᬸᬦᬦ᭄᭞ᬳᬶᬤᬩᬕᬸᬲ᭄ᬓ᭄ᬜᬸᬂ᭞ᬗᬮᬶᬬᬩᬦᬶᬂᬘᬘᬶᬗᬓ᭄᭞ᬫᭂᬫ᭄ᬩᬄᬕᬸᬮᬵ᭞ᬦᬓᬕᬸᬂᬓᬮᬶᬄᬫᬗᬓ᭄ᬱᬶ᭞ᬓ᭄ᬜᭂᬫ᭄ᬢᬦ᭄ᬧ᭄ᬕᬢ᭄ᬫᬜᬶᬗᬓ᭄᭟ᬤᬤᬶᬢ᭄ᬓ
ᬳᬸᬢᬸᬲᬦᬺᬧᬢᬶ᭞ᬜᭀᬗ᭄ᬓᭀᬓ᭄ᬜᬸᬫ᭄ᬩᬄ᭞ᬳᬢᬸᬃᬭᬢᬸᬢᬶᬢ᭄ᬬᬂ᭞ᬗᬢᬸᬭᬶᬦ᭄ᬓᬧᬸᬭᬶᬫᬗ᭄ᬓᬾ᭞ᬭᬶᬂᬧ᭄ᬮᬸᬗ᭄ᬕᬸᬄᬚᭃᬂᬲᬂᬧ᭄ᬭᬪᬸ᭞ᬳᬶᬤ᭄ᬯᬕᬸᬂᬗᬦ᭄ᬤᬶᬓᬵᬓ᭄ᬜᬶᬂ᭞ᬳ
ᬚᬧ᭄ᬭᬚᬫ᭄ᬤᬫᬓᬳᬤ᭄᭞ᬦᭂᬫᬶᬦ᭄ᬩᭂᬮᬶᬩᬕᬸᬲ᭄᭞ᬳᬦᬓᬕᬸᬂᬩᬕᬸᬲ᭄ᬦᬶᬫ᭄ᬩᬮ᭄᭞ᬧᬗᬦ᭄ᬤᬶᬓᬵ᭞ᬲᬮᬾᬤᬂᬢᬶᬢ᭄ᬬᬂᬲᬳᬶᬭᬶᬂ᭞ᬓ᭄ᬜᭂᬫ᭄ᬤᬩᬕᬸᬲ᭄ᬫᬶ
Kaca:Bali-lontar-gaguritan-ukir-kawi-450ppi.pdf/69
Kaca puniki sampun kauji-wacén
